ᐃᑲᔫᑎᒃᓴᑦ ᐋᕿᒃᑕᐅᒻᒪᕆᒃᐳᑦ ᓄᓇᕕᒃᒥᑦ ᒪᒥᓴᕐᕕᒃᒧᑦ

ᒐᕙᒪᑐᖃᒃᑯᑦ ᑭᖑᓪᓕᖅᐹᒥᑦ ᑐᓂᓯᕗᑦ $21 ᒥᓕᐊᓐ ᑖᓚᓂ ᓴᓇᓂᐊᕐᓂᕐᒥᒃ ᓄᑖᒥᑦ ᓴᓇᕝᕕᒃᓴᒥᑦ ᑰᔾᔪᐊᕐᒥᑦ

ᑎᑎᕋᐅᔭᖅᑎᐅᑉ ᐃᓱᒪᒋᔭᖓ ᓄᑖᖅ ᐃᓄᐊᕐᓯᕕᒃ ᒪᒥᓴᕐᕕᒃᓴᖅ ᑰᔾᔪᐊᕐᒥᑦ. ᑭᖑᓪᓕᐸᑦ $21 ᒥᓕᐊᓐ ᑖᓚᐅᐃᑦ ᓄᑖᒧ ᐃᒡᓗᒃᓴᒧᑦ ᑐᓴᕈᑎᒋᑎᑕᐅᓚᐅᕐᐳᑦ ᒐᕙᒪᒃᑯᓐᓂᑦ ᑎᓴᒻᒥᖅ, ᐋᒐᓯ 29-ᒥ. (ᐊᔾᔨᙳᐊᖁᑎᒋᔭᐅᔪᖅ)

By ᐃᓚᐃᓐ ᐋᓐᓱᒥ

For an English version of this story, see Funding secured for Nunavik healing centreFederal government kicks in last $21 million to build new facility in Kuujjuaq

ᑭᖑᓪᓕᖅᐹᖅ $21 ᒥᓕᐊᓐ ᑖᓚᐃᑦ ᐱᔭᐅᔭᕆᐊᖃᖅᑐᖅ ᓴᓇᓂᐊᕐᓂᕐᒧ ᐃᓱᐊᕐᓯᕕᒃ ᒪᒥᓴᕐᕕᒃᓴᓂ ᑰᔾᔪᐊᕐᒥ ᐋᕿᒃᑕᐅᓯᒪᓕᖅᐳᖅ.

ᐋᒐᓯ 29-ᒥ ᑐᓴᖅᑎᑦᑎᓂᖅ ᐅᕙᙵᑦ ᐃᕚᓐ ᔫᓐᔅᒥ, ᑲᓇᑕᒥ ᒪᓕᒐᓕᕆᕕᒡᔪᐊᒥ ᑎᑎᕋᖅᑎ ᒥᓂᔅᑕᒧᑦ ᒐᕙᒪᓕᕆᓂᕐᒧᑦ ᐊᒻᒪ ᐅᑭᐅᕐᑕᖅᑐᕐᒧ ᐊᒻᒪ ᑕᐅᕐᓰᖃᑦᑕᕐᓂᕐᒧᑦ, ᐊᑐᕐᖢᓂ ᖁᕕᐊᓲᑎᖃᕐᓂᕐᒥᒃ ᓄᑖᒥ ᐱᓕᕆᕝᕕᐅᓂᐊᕐᑐᒥ ᐅᕙᓂ ᓄᕘᒃ ᑲᖏᖅᖢᒥ ᓴᓂᑦᑎᐊᖓᓂ ᑯᓱᐊᒃ.

ᐅᓇ ᓄᑖᖅ ᐃᑲᔫᑎᒃᓴᖅ ᐅᑯᑎᒎᓈᖓᔪᖅ ᐃᒡᓗᓕᐅᕐᓂᖅ ᑲᓇᑕᒥ, ᐃᓚᖃᒋᔭᐅᓪᓗᓂ $6 ᒥᓕᐊᓐ ᑖᓚᓂ ᑐᓐᓂᖁᓯᐊᓂᒃ ᒐᕙᒪᑐᖃᒃᑯᑦ ᓄᓇᖃᖅᑳᖅᑐᓄᑦ ᐱᔨᑦᑎᕋᐅᑎᓂᒃ ᐊᕐᕌᓂᐅᒪᐅᕐᑐᖅ.

ᐊᓯᖏᑦ ᐃᑲᔫᑎᒃᓴᑦ ᐅᕙᙶᕐᓯᒪᔪᑦ ᐃᓱᐊᕐᓯᕕᐅᑉ ᓇᖕᒥᓂᖅ ᑮᓇᐅᔭᓕᐅᕋᓱᒍᑎᖏᓐᓂᒃ, ᐊᒻᒪᓗ ᑯᐸᐃᒃ ᒐᕙᒪᖓᓂᒃ, ᒪᑭᕕᒃᑯᓐᓂᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᒐᕙᒪᖓᓂᒃ.

ᐱᒋᐊᓕᓵᕐᓯᒪᔪᓄᑦ ᑲᑐᔾᔨᖃᑎᒌᓄᑦ. ᐱᓇᓱᒻᒪᕆᒐᓱᖕᓂᖅ ᑕᒪᐃᓐᓂ $40.5 ᒥᓕᐊᓐ ᑖᓚᓂᒃ ᓴᓇᓂᐊᕐᓂᕐᒧ ᓄᑖᒥ ᓴᓇᕝᕕᒃᓴᒥ ᐊᓱᕈᕈᓘᔭᕐᓇᖅᐳᖅ, ᐊᒻᒪᓗ ᐊᖏᔫᑎᓂᒃ ᐸᕐᓇᐅᑎᖃᖅᖢᑎᒃ ᑖᒃᑯᓄᖓ ᑮᓇᐅᔭᓄᑦ.

“ᒥᑭᓐᓇᑦᑕ ᓄᓇᓕᖕᓂᑦ ᐱᒋᐊᕐᓯᒪᓪᓗᑎ ᐊᒻᒪ ᐊᐅᓚᑕᐅᓪᓗᓂ ᐃᑲᔪᑎᒐᓚᖕᓂᒃ, ᑕᐃᒪᓕ ᖁᕕᐊᓱᒻᒪᕆᒃᐳᒍᑦ ᑕᒪᑐᒥᖓ,” ᐅᖃᖅᑐᖅ ᐊᖓᔪᖅᑳᖅ ᐊᒻᒪ ᐃᒃᓯᕙᐅᑕᖅ ᑕᐃᕝ ᕗᐊᕆᔅᑦ. “ᐱᑐᐃᓐᓇᕆᐊᖃᓯᕗᒍᑦ.”

ᐱᒋᐊᕈᑎᒻᒪᕆᒃ ᐅᕙᓂ ᐃᓱᐊᕐᓯᕕᒃ ᒪᒥᓴᕐᕕᐅᑉ ᐃᓂᒋᓕᖅᑕᖓᓂ ᓄᑖᒥᑦ ᑎᓴᒻᒥᕐᒥ, ᐋᒐᓯ 29. (ᐊᔾᔨᙳᐊᖅ ᐃᓱᐊᕐᓯᕕᒃᒥᑦ)

ᐃᓱᐊᕐᓯᕕᒃ ᐊᐅᓚᑕᐅᓯᒪᔪ ᑰᔾᔪᐊᕐᒥ ᑕᐃᒪᙵᓂ 1994-ᒥ, ᐊᑐᓗᐊᖃᑦᑕᕐᓂᕐᒧ ᒪᒥᓴᕐᕕᐅᕙᒃᖢᓂ ᐃᓄᖕᓄᑦ ᓄᓇᕕᒥᐅᑕᓄᑦ.

“ᐊᕐᕌᒍᓂ 25-ᓂ ᐱᓕᕆᐊᖃᕐᓂᑦᑎᓐᓂ, ᓯᕗᓪᓕᑦ ᐊᕐᕌᒍᑦ 15-ᓂᒃ 16-ᓄ, ᐱᓕᕆᐊᖃᖃᑦᑕᓚᐅᕐᐳᒍ 12-ᓂᒃ ᐊᑐᖅᐸᓪᓕᐊᓂᕐᒥᑦ ᐅᓪᓗᓂᒃ 28-ᓂᒃ,” ᐅᖃᖅᑐᖅ ᕗᐊᕆᔅᑦ.

ᐱᓕᕆᕝᕕᐅᔪᖅ ᒪᑐᓯᒪᑲᐃᓐᓇᓚᐅᕐᓯᒪᔪᖅ, ᐊᕐᕌᒍᑦ ᖁᓕᑦ ᓯᕗᓂᑦᑎᓐᓂᒃ, ᑖᒃᑯᐊ ᐱᓕᕆᔨᐅᔪᑦ ᓄᖅᑲᖓᑲᐃᓐᓇᖅᖢᑎᒃ ᐋᕿᒃᓱᐃᕙᓪᓕᐊᓂᐊᕐᒪᑕ ᐱᓕᕆᐊᒃᓴᓂᒃ ᐃᓅᖕᓅᖓᔪᓂᒃ, ᑐᕋᖓᓗᓂ ᖃᓄᐃᓕᐅᖅᑕᐅᓯᒪᓗᐊᕐᓂᕐᒧᑦ ᐊᒻᒪ ᐊᒃᑐᐃᓯᒪᓂᖓᓂᒃ ᐊᑐᓗᐊᔭᓐᓂᕐᒧᑦ ᐋᖓᔮᕐᓇᖅᑐᓂᒃ.

ᑖᓐᓇ ᐱᓕᕆᐊᒃᓴᖅ, ᐃᓚᓕᐅᔾᔭᐅᓚᐅᕐᑐᖅ ᐆᒧᖓ 12-ᓂᒃ ᐊᑐᖅᐸᓪᓕᐊᒋᐊᓕᖕᓄᑦ, ᒫᓐᓇ ᐱᕈᖅᐹᓪᓕᖅᐳᖅ, ᐱᓗᐊᕐᑐᒥ ᐱᓕᕆᕝᕕᒃ ᐱᓕᕆᐊᖃᕐᓂᕐᓴᐅᓂᖓ ᖃᓄᐃᓕᐅᖅᑕᐅᓯᒪᓗᐊᕐᓂᕐᒧᑦ, ᐊᒻᒪᓗ ᑕᒪᒃᑯᐊ ᐱᓕᕆᐊᖑᔪᑦ ᐃᓕᖁᓯᑎᒍᑦ ᐊᒻᒪ ᓄᓇᒥ ᐊᑐᖅᖢᑎᒃ ᐃᓕᕆᐊᖑᕙᒃᖢᑎᒃ.

ᒫᓐᓇ ᐱᓕᕆᕝᕕᒋᔭᖓᓂᒃ, ᐃᓱᐊᕐᓯᕕᒃ 9-ᓂ ᐃᓄᖕᓂᑦ ᐊᑕᐅᑦᑎᒃᑯᑦ ᑲᒪᒋᔭᖃᖃᑦᑕᖅᑐᑦ ᐱᓇᓱᐊᕈᓯᕐᓂ 6-ᓂ ᐊᒻᒪ ᐅᓪᓘᖕᓂ ᒪᕐᕉᖕᓂ ᐱᓇᓱᐊᕈᓯᑕᒫᑦ ᓄᓇᐃᓐᓇᕐᒧᐊᖅᑎᑕᐅᕙᒃᖢᑎᒃ, ᐅᖃᖅᑐᖅ ᐃᓱᐊᕐᓯᕕᐅᑉ ᐊᐅᓚᑦᑎᔨᖓ, ᐊᓖᓴ ᐊᕋᒍᑕᒃ.

ᓯᕗᒧᑦ ᐱᒋᐊᕐᓗᓂ, ᐊᕋᒍᑕᒃ ᐅᖃᓚᐅᕐᑐᖅ ᐱᓕᕆᐊᒃᓴᖅ ᐅᖓᕙᕆᐊᖅᑕᐅᓂᐊᕐᑐᖅ ᐱᓇᓱᐊᕈᓯᕐᓄᑦ 8-ᓄ, ᑕᕝᕙᙵᑦ ᐱᖓᓱᓂ ᐅᓪᓗᕐᓂ ᓄᓇᐃᓐᓇᕐᒦᑉᐸᒡᓗᑎᒃ.

ᐱᓕᕆᐊᖃᖃᑦᑕᕐᓂᐊᕐᒥᔪᑦ ᑲᒪᒋᓂᑯᖏᓐᓂᒃ ᖃᐅᔨᓴᖃᑦᑕᕐᓂᕐᒥᒃ, ᐊᒻᒪ ᑭᖑᓂᐊᒍᑦ, ᐊᕋᒍᑕᒃ ᐅᖃᖅᑐᖅ, ᑭᒡᒐᖅᑐᐃᔨᑖᓚᕈᒪᓪᓗᑎᒃ ᓄᓇᓕᖕᓂᙶᖅᑐᓂᒃ ᑕᒪᐃᓐᓂᒃ ᐱᓕᕆᐊᖃᕐᓗᑎᒃ ᐃᓱᐊᕐᓯᕕᒃᒧᑦ ᑲᒪᒋᔭᖃᕐᓂᐊᕐᓗᑎᒃ ᑲᒪᒋᔭᐅᖃᑦᑕᕐᓂᑯᓂᒃ ᑲᒪᒋᔭᖃᕐᓂᕐᒥᒃ.

ᐊᒻᒪ ᑖᔅᓱᒥᖓ ᓄᑖᒥ ᐱᓕᕆᐊᖃᕐᑎᐅᓂᐊᕋᓗᐊᕐᓗᑎᒃ, ᑖᓐᓇ ᓄᑖᖅ ᐃᒡᓗ ᐃᓄᖃᒃᑲᓐᓂᕈᓐᓇᕐᓂᐊᕐᑐᖅ ᐊᒻᒪ ᐊᕐᓇᓄᑦ ᐊᖑᑎᓄᓪᓗ ᑐᕌᖓᔪᓂ ᐱᓕᕆᐊᖃᖅᐸᒡᓗᑎᒃ, ᑖᒃᑯᐊᓗ ᐊᑐᓂ ᐃᓂᖃᕈᓐᓇᕐᓗᑎᒃ.

ᐊᕐᕌᓂᐅᓚᐅᕐᑐᖅ, ᓴᓇᕝᕕᒃ ᐊᖏᕈᓐᓇᓚᐅᙱᑦᑐᑦ 50 ᐅᖓᑖᓂ ᑕᕝᕗᙵᕈᒪᔪᓂᒃ ᐃᓂᖃᙱᓗᐊᕐᓂᖏᓐᓄᑦ, ᐅᖃᖅᑐᖅ ᐊᕋᒍᑕᒃ.

“ᐃᓱᒪᔪᒍᓪᓕ ᐊᖏᓂᕐᓴᐅᓂᐊᕐᒪᖔᑦ ᓇᐃᓴᐅᑏᑦ ᑕᑯᓚᐅᕐᑎᓪᓗᑎᒍ ᐅᑭᐅᖑᔪᖅ,” ᐅᖃᖅᑐᖅ.

“ᐅᕙᒍᑦ ᖃᐅᖁᔨᕙᙱᓐᓇᑦᑕ ᐊᒻᒪ ᐱᒋᐊᖅᑎᑦᑎᔨᐅᓪᓗᑕ ᐱᓕᕆᐊᒃᓴᑦᑎᓐᓂᒃ, ᑕᒪᒃᑯᐊᓕ ᐃᑲᔪᖅᑕᐅᔪᒪᔪᑦ ᑕᐃᒪᐃᑎᑦᑎᔪᑦ.”

ᑖᓐᓇ ᓄᑖᖅ ᓴᓇᕝᕕᒃᓴᖅ ᐊᖏᒡᓕᕚᓪᓕᕐᓂᐊᕐᑐᖅ ᐃᓄᖃᕈᓐᓇᕐᓯᓗᓂ 22-ᓂ ᐊᑕᐅᑦᑎᒃᑰᖅᑐᓂᒃ, ᐊᒻᒪᓗ ᐃᓚᒌᓄᑦ ᐃᓂᒃᓴᖃᕐᓗᓂ—ᐃᓚᒋᓪᓗᒍ ᐃᒡᓗᖃᖅᑎᑦᑎᓂᖅ, ᐸᐃᕆᕝᕕᖃᕐᓂᖅ ᐊᒻᒪ ᐃᓕᓐᓂᐊᕐᕕᖃᕐᓂᖅ, ᐅᖃᖅᑐᖅ ᒥᐊᓕ ᐊᐃᑦᓯᓴᓐ, ᐃᓱᐊᕐᓯᕕᐅᑉ ᐊᖓᔪᖅᑳᖓᑕ ᑐᒡᓕᖓ.

“ᑲᒪᒋᔭᐅᔪᑦ ᐊᒻᒪ ᖃᐃᖁᔭᐅᓯᒪᔪᑦ ᓇᓗᓇᐃᖃᑦᑕᕐᓯᒪᖕᒪᑕ ᑕᐃᒪᙵᑦ ᖃᐅᔨᓴᖅᑕᐅᓂᒃᑯᑦ ᐅᕝᕙᓘᓐᓃᑦ ᐃᓱᒪᒋᔭᖏᓐᓂᒃ ᐅᖃᐅᓯᖃᖅᑎᓪᓗᒋᑦ, ᐃᒪᓐᓇ ᐃᓚᖏᓐᓂᒃ ᐱᖃᑎᖃᑲᐃᓐᓇᖃᑦᑕᕈᒪᓂᕐᒥᒃ,” ᐅᖃᖅᑐᖅ ᐊᐃᑦᓯᓴᓐ.

ᐅᓇ ᐱᓕᕆᓂᖅ, ᑕᐅᑐᓗᐊᕐᓯᒪᓪᓗᓂ ᐃᓚᒌᓕᒫᓄᑦ ᐃᒡᓗᓂᒃ ᐃᒪᓐᓇᐅᙱᖔᖅᑐᖅ ᐊᑕᐅᓯᕐᓯᐅᑎᒧᑦ, ᐊᔾᔨᐅᓗᐊᔾᔮᖏᓚᖅ ᒪᒥᓴᕐᕕᖕᓂᑦ ᐊᓯᖏᓐᓂᒃ ᑯᐸᐃᒃᒥᑦ, ᕗᕆᐊᔅᑦ ᐅᖃᒃᑲᓐᓂᕐᒥᔪᖅ.

ᑭᓯᐊᓂᓕ ᐊᐃᑦᓯᓴᓐ ᑕᒪᑐᒥᖓ ᐊᒥᓱᐃᖅᖢᓂ ᑐᓴᕐᓯᒪᔪ ᐊᕐᕌᒍᒐᓴᖕᓂ ᓴᓇᓂᕐᒥᓂᒃ ᐃᓕᓐᓂᐊᖅᑐᓕᕆᓂᕐᒥᑦ.

“ᐃᓅᓱᒃᑐᐃ ᐅᖃᖃᑦᑕᕐᓯᒪᖕᒪᑕ ᐅᕙᓐᓂ ᐃᑲᔪᕈᒪᒍᕕᑦ, ᐃᑲᔪᓚᐅᒃᑭᑦ ᐊᖓᔪᖅᑳᒃᑲ,” ᐅᖃᖅᑐᖅ ᐊᐃᑦᓯᓴᓐ.

“ᐅᓇ ᐱᕕᖃᕈᑎᒋᔪᓐᓇᖅᑕᕗᑦ ᐃᓅᓪᓗᑕ ᐱᓕᕆᐊᖃᕐᓂᕐᒥᑦ ᐱᓕᕆᐊᒃᓴᒥ ᑐᙵᕕᖃᕋᓱᒋᔭᑦᑎᓐᓂᒃ ᐱᔭᕆᐊᖃᖅᑕᑦᑎᓐᓂᑦ. ᐃᒪᓐᓇᐅᓂᕐᓴᐅᕙᖕᒪᑦ, ᐃᓱᒪᖃᑦᑕᕋᑦᑕ ᑖᒃᑯᐊ ᓯᓚᑖᓂᙶᖅᑐᓂ ᐱᓕᕆᐊᒃᓴᓂ ᐊᑐᖃᑦᑕᕐᓂᑦᑎᓐᓂᒃ. ᐅᓇ ᐱᕕᖃᕈᑎᒋᔪ8ᓇᖅᑕᕗᑦ ᐋᕿᒃᓱᐃᕙᓪᓕᐊᓂᕐᒥᑦ ᑐᙵᕕᒋᔭᐅᔪᓂᒃ, ᑕᒫᙵᓪᓗ ᐱᔭᐅᔭᕆᐊᖃᕋᓱᒋᓪᓗᑎᒍᑦ.”

ᐅᓇ ᓄᑖᖅ ᐱᓕᕆᐊᒃᓴᖅ ᕿᒥᕐᕈᐊᖅᑕᐅᓇᔭᖅᑐᖅ ᐃᓱᐊᕐᓯᕕᐅᑉ ᑲᑎᒪᔨᖏᓐᓄᑦ ᐅᒃᑑᐱᕆᒥ, ᐊᒻᒪᓗ ᐊᑐᓕᖅᑎᑕᐅᑐᐃᓐᓇᕆᐊᖃᖅᖢᓂ ᑖᓐᓇ ᓄᑖᖅ ᐱᓕᕆᕝᕕᒃᓴᖅ ᒪᑐᐃᓚᐅᖅᑎᓐᓇᒍ, ᒫᓐᓇᓕ ᐊᖅᑯᑎᒃᓴᖅ ᐃᒡᓗᒧ ᓴᓇᔭᐅᕙᓪᓕᐊᓕᕐᑐᖅ, ᐊᒻᒪᓗ ᓴᓇᓕᖅᖢᑎᒃ ᑎᓴᒪᐅᓕᖓᔪᓂᒃ ᐃᖅᑲᓇᐃᔭᖅᑎᓄᑦ ᐃᒡᓗᒃᓴᓂᒃ.

ᑕᒪᒃᑯᐊᓕᒫᑦ ᖁᕕᐊᓲᑎᐅᓚᐅᕐᑐᑦ ᐅᓐᓄᓴᖓᓂᒃ ᑲᑕᔾᔭᖅᑐᖃᑲᑕᒃᖢᓂ ᐊᒻᒪ ᐅᖃᓪᓚᒃᑐᖃᑲᑕᒃᖢᓂ, ᖃᐅᔨᒪᑎᑦᑎᓂᕐᒥ ᑭᒃᑯᑦ ᑕᒪᑐᒥᖓ ᐊᔪᕐᓇᕈᓐᓃᖅᑎᑦᑎᓯᒪᓂᖏᓐᓂᒃ.

“ᑕᐃᒪᙵᑦ ᐱᒋᐊᓕᓵᕐᓂᖓᓂᒃ, ᐊᕐᕌᒎᓕᖅᑐᓂᒃ 25-ᓂ, ᐊᒥᓱᕈᓘᔭᕐᓂᒃ ᐃᑲᔪᖅᑎᑕᖃᕐᓯᒪᖕᒪᑦ ᐊᒻ ᐃᑲᔪᕐᓯᒪᓪᓗᑎᒃ ᐃᓱᐊᕐᓯᕕᒃᒥᑦ,” ᐅᖃᖅᑐᖅ ᐊᕋᒍᑕᒃ. “ᐅᓇ ᑐᑭᖃᓪᓚᕆᒃᑐᖅ ᓄᓇᓖᑦ ᐱᓇᓱᒻᒪᕆᖕᓂᖏᓐᓂᒃ.”

ᐊᒥᓲᓂᕐᓴᑦ ᐊᐅᓚᔾᔪᑎᒃᓴᐅᓂᐊᖅᑐᓂ ᐱᓕᕆᕝᕕᒃᒥᑦ ᐅᑯᓇᙶᕐᓂᐊᕐᑐᖅ ᓄᓇᕕᒃ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐃᓄᓕᕆᓂᕐᒧᑦ ᑲᑎᒪᔨᓂᒃ, ᑭᓯᐊᓂᓕ ᑖᓐᓇ ᓄᓇᓕᖕᓂᙶᕐᓯᒪᓪᓗᓂ ᑲᑐᔾᔨᖃᑎᒌᖑᓂᐊᕐᓗᓂ, ᒪᑯᓂᖓ ᐊᖏᓂᕐᓵᓗᖕᓂ ᐋᓐᓂᐊᕐᕕᓕᕆᓂᕐᒥᐅᙱᑦᑐᖅ, ᐅᖃᖅᑐᖅ ᕗᐊᕆᔅᑦ.

ᐊᒻᒪᓗ ᑮᓇᐅᔭᓂᒃ ᐱᕈᖅᑎᑦᑎᓇᓱᓂᖃᒻᒪᕆᖕᓂᐊᖅᖢᑎᒃ ᑖᓐᓇ ᐱᓕᕆᕝᕕᒃ ᐃᑲᔪᕈᓐᓇᑦᑎᐊᖁᓪᓗᒍ ᓄᓇᕕᒻᒥᐅᓂᒃ ᐊᒻᒪ ᐋᕿᒃᓱᐃᕙᓪᓕᐊᒍᓐᓇᕐᓗᑎᒃ ᖃᓄᐃᓕᐅᕈᑎᒃᓴᓂ ᐱᔭᐅᔭᕆᐊᖃᕐᓂᒃᑯᑦ.

“ᑕᒪᓐᓇ ᑕᐅᑐᒃᑲᑦᑎᒍᑦ ᐱᒋᐊᕐᓂᐅᓂᐊᕐᓗᓂ,” ᐅᖃᖅᑐᖅ ᕗᐊᕆᔅᑦ. “ᑕᐅᑐᒃᓯᒪᒐᑦᑕ ᐊᓯᐊᒍᑦ ᐊᖏᒡᓕᒋᐊᕈᑎᒃᓴᓂᒃ: ᐃᒡᓗᓕᐅᕐᓗᑕ ᓴᓂᑦᑎᐊᖓᓂ ᐱᓕᕆᕝᕕᐅᑉ, ᐃᓐᓇᑐᖃᕐᓄᑦ, ᐊᒻᒪᓗ ᐊᐅᓪᓛᕐᕕᒃᓴᓕᐅᕐᓗᑕ ᓄᓇᓖᑦ ᓯᓚᑖᓂ … ᒫᓐᓇᓗ ᖃᓄᐃᓕᐅᕋᓱᕈᓘᔭᖅᐳᒍ ᐊᒻᒪ ᐊᔪᕈᓐᓃᕈᑎᒋᒻᒪᕆᓕᖅᖢᑎᒍᑦ.”

Share This Story

(0) Comments