ᐃᓄᐃᑦ ᒪᒃᑯᒃᑐᑦ ᕿᒥᕐᕈᕗᑦ ᓯᕗᓂᒃᓴᖓᓂ ᓂᕿᓂᑦ ᓄᓇᕗᒻᒥ

ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐸᕇᓴᓐ ᓂᕆᖃᑎᒌᑦ ᓂᕿᓂᑦ ᐊᐅᓚᑦᑎᓂᕐᒥ ᑲᑎᒪᓂᐅᔪᒥ

ᐱᐊᕆ ᕗᕝ, ᐊᖑᓇᓱᒃᑎ ᐊᒻᒪ ᒥᑭᑦᑐᒥ ᓇᖕᒥᓂᖃᖅᑎᐅᔪᖅ, ᑕᑯᒃᓴᐅᑎᑦᑎᓂᖃᓚᐅᖅᐳᖅ ᐳᔫᖅᑎᑦᑎᓂᕐᒥ ᐃᖃᓗᖕᒥ ᐱᓇᓱᐊᕈᓯᐅᓚᐅᖅᑑᑉ ᓂᕆᖃᑎᒌᑦ ᑲᑎᒪᓂᐅᔪᒥ ᓂᕿᓂᑦ ᐊᐅᓚᑦᑎᓂᕐᒥ. ᓇᖕᒥᓂᕆᔭᖓ ᓂᕿᖃᖅᑎᑦᑎᕙᒃᐳᖅ, ᐊᒻᒪ ᐃᖃᓗᑦ ᑕᑯᒃᓴᐅᑎᑕᐅᓂᐅᔪᓂ ᐱᔭᐅᓚᐅᖅᐳᑦ ᕿᑐᕐᙵᖏᓐᓂ. (ᐊᔾᔨᓕᐅᖅᑕᐅᔪᖅ ᒪᓚᐃᔭ ᖃᐅᓐᓂᖅ ᓵᑉᒥᓐᒧᑦ)

By ᒥᐅᕈᓪ ᔭᒫᓪᒧᑦ

For English version, see Qikiqtani Inuit youth, organizations explore future of food in Nunavut

ᓄᓇᓕᖕᓂ ᒪᒃᑯᒃᑐᑦ, ᐊᖑᓇᓱᒃᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᑦ ᐊᒻᒪ ᒥᑭᑦᑐᓂ ᓇᖕᒥᓂᖃᖅᑎᐅᔪᑦ ᕿᑭᖅᑕᓂ ᐊᕕᒃᑐᖅᓯᒪᓂᐅᔪᒥ ᐅᖃᐅᓯᖃᓚᐅᖅᐳᑦ ᓯᕗᓂᒃᓴᖓᓂ ᓂᕿᓂᑦ ᓄᓇᕗᒻᒥ ᐱᓇᓱᐊᕈᓯᐅᓚᐅᖅᑐᒥ.

ᓄᓇᕗᒻᒥᐅᑦ 13−ᓂ ᓄᓇᓕᖕᓂ ᐃᓚᐅᖃᑕᐅᓚᐅᖅᐳᑦ ᓂᕆᖃᑎᒌᑦ ᓂᕿᓂᑦ ᐊᐅᓚᑦᑎᓂᕐᒥ ᑲᑎᒪᓂᐅᔪᒥ ᐃᖃᓗᖕᓂ, ᕿᒥᕐᕈᐊᖅᖢᑎᒃ ᐊᒃᓱᕈᕈᑕᐅᔪᓂ ᐃᓚᐅᔪᓂ ᐊᑐᐃᓐᓇᖃᕐᓂᕐᒥ ᓂᕿᓂᑦ ᖁᑦᑎᒃᑐᒥ ᐅᑭᐅᖅᑕᖅᑐᒥ, ᐊᒻᒪᓗᑦᑕᐅᖅ ᐋᖅᑭᒍᑎᒃᓴᐅᔪᓐᓇᖅᑐᓂ.

ᑕᐃᑲᓂᓕᒫᖅ ᓂᕆᖃᑎᒌᑦ ᓂᕿᓂᑦ ᐊᐅᓚᑦᑎᓂᕐᒥ ᑲᑎᒪᓂᐅᔪᒥ, ᐃᓚᐅᖃᑕᐅᔪᑦ ᐅᖃᐅᓯᖃᓚᐅᖅᐳᑦ ᐱᔭᕆᐊᖃᕐᓂᖓᓂ ᓄᓇᓕᖕᓂ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, ᓴᓇᓂᕐᒥ ᓄᓇᓕᖕᓂ ᐱᔪᓐᓇᕐᓂᐅᔪᒥ ᐱᓕᒻᒪᒃᓴᓂᒃᑯᑦ, ᐊᒻᒪ ᐊᑑᑎᖃᕐᓂᕐᒥ ᓄᑖᖑᔪᓂ ᓄᑖᙳᖅᐸᓪᓕᐊᓂᐅᔪᓂ ᓲᕐᓗ ᖁᐊᖃᐅᑎᓂ ᐊᒻᒪ ᐱᓕᕆᕝᕕᖕᓂ ᐃᒡᓄᕐᔪᐊᓂ. (ᐊᔾᔨᓕᐅᖅᑕᐅᔪᖅ ᒪᓚᐃᔭ ᖃᐅᓐᓂᖅ ᓵᑉᒥᓐᒧᑦ)

ᕿᑭᖅᑕᓂ ᐊᕕᒃᑐᖅᓯᒪᓂᖓ ᐅᖓᓯᒃᑎᒋᕗᖅ ᓄᓇᕘᑉ ᐅᐊᖕᓇᖓᓃᓛᖓᓂ ᐊᕕᒃᑐᖅᓯᒪᓂᐅᔪᓂ, ᐃᓚᖃᖅᑐᒥ ᓄᓇᓕᖕᓂ ᓲᕐᓗ ᖃᐅᓱᐃᑦᑐᖅ, ᐊᐅᓱᐃᑦᑐᖅ, ᒥᑦᑎᒪᑕᓕᒃ ᐊᒻᒪ ᐃᒃᐱᐊᕐᔪᒃ. ᖃᓄᐃᓐᓂᐅᔪᖅ ᐊᐅᓚᓚᐅᖅᐳᖅ ᐋᒍᔅᑎ 30−ᒥ ᓯᑎᐱᕆ 1−ᒧᑦ ᐊᒻᒪ ᑲᒪᒋᔭᐅᓚᐅᖅᐳᖅ ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐸᕇᓴᓐᑯᓐᓂ.

ᓯᐅᓪᑎᓐ ᓂᒻᓴᒃ, ᑐᑭᒧᐊᒃᑎᑦᑎᔨ ᐱᓕᕆᐊᖑᔪᒧᑦ ᐱᕙᓪᓕᐊᑎᑦᑎᓂᕐᒥ ᐊᒻᒪ ᐱᓕᕆᖃᑎᒌᒃᑐᓄᑦ ᑯᐊᐸᕇᓴᓐᒥ, ᐅᖃᓚᐅᖅᐳᖅ ᐃᓚᐅᔪᓂ ᐅᖃᐅᓯᖃᓚᐅᖅᐳᑦ ᐱᔭᕆᐊᖃᕐᓂᕐᒥ ᐅᓄᕐᓂᖅᓴᓂ ᐊᒻᒪ ᐱᐅᓂᖅᓴᐅᔪᓂ ᓄᓇᓕᖕᓂ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, ᓴᓇᓂᕐᒥ ᓄᓇᓕᖕᓂ ᐱᔪᓐᓇᕐᓂᐅᔪᒥ ᐱᓕᒻᒪᒃᓴᓂᒃᑯᑦ, ᐊᒻᒪ ᐊᑑᑎᖃᕐᓂᕐᒥ ᓄᑖᖑᔪᓂ ᓄᑖᙳᖅᐸᓪᓕᐊᓂᐅᔪᓂ ᓲᕐᓗ ᖁᐊᖃᐅᑎᓂ ᐊᒻᒪ ᐱᓕᕆᕝᕕᖕᓂ ᐃᒡᓄᕐᔪᐊᓂ.

“ᐃᓱᒪᒋᔭᐅᓂᐅᔪᒥ ᐱᖅᑯᓯᑐᖃᖅᑎᒍᑦ ᐊᖑᓇᓱᖕᓂᕐᒥ ᐊᒻᒪ ᑐᓂᐅᖅᑲᖅᖢᒍ ᓄᓇᓕᖕᓄᑦ, ᓇᓗᓇᕈᓐᓃᓚᐅᖅᐳᖅ ᐊᒻᒪᓗ ᖃᐅᔨᒪᔭᐅᐸᓗᒃᐳᖅ ᐱᑕᖃᙱᓗᐊᕐᓂᖓᓂ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᑲᔪᖅᓱᐃᓂᕐᒥ ᑐᖅᑯᖅᑕᐅᓂᖓᓂ ᐊᒻᒪ ᑐᓐᓂᖅᓴᐃᓂᖓᓂ ᓂᕿᑦᑎᐊᕙᖕᓂ,” ᓂᒻᓴᒃ ᐅᖃᓚᐅᖅᐳᖅ.

“ᐅᓇ ᐱᓗᐊᖅᑐᒥ ᐱᔾᔪᑎᖃᖅᐳᖅ ᓄᓇᓕᖕᓂ ᖁᐊᖃᐅᑎᓄᑦ ᐊᒻᒪ ᖃᓄᐃᓕᖓᓂᖓᓂ ᐊᒥᓱᑦ ᖁᐊᖃᐅᑏᑦ ᓄᓇᓕᖕᓂ ᐃᒻᒥᓂᒃ ᓇᓕᕙᒃᑕᖏᓐᓂ: ᐊᑑᑎᖃᑦᑎᐊᖅᑐᒥ ᐃᓅᓯᖃᙱᓐᓂᖓᓐᓂ ᓯᕗᒻᒧᐊᕆᓂᕐᒥ … ᐊᒻᒪ ᐊᑭᖓᓂ ᐋᖅᑭᐅᒪᑎᑦᑎᓇᓱᐊᕐᓂᕐᒧᑦ.”

ᑕᐃᒃᑯᐊ ᐃᓚᐅᔪᑦ ᐃᓱᒪᒃᓴᖅᓯᐅᓚᐅᖅᐳᑦ ᐋᖅᑭᒍᑎᒃᓴᐅᑐᐃᓐᓇᕆᐊᓕᖕᓂ ᐊᒻᒪ ᑐᓴᓚᐅᖅᐳᑦ ᓄᓇᓕᖕᓂ ᑲᑐᔾᔨᖃᑎᒌᖑᔪᓂ ᐊᒻᒪ ᒥᑭᑦᑐᓂ ᓇᖕᒥᓂᕆᔭᐅᔪᓂ ᑭᐅᕌᓂᓕᖅᑐᓂ ᓂᕿᓂᑦ ᐊᐅᓚᑦᑎᓂᕐᒥ. ᐊᑕᐅᓯᖅ ᐆᒃᑑᑎᐅᔪᖅ ᓴᖅᑭᔮᓚᐅᖅᑐᒥ ᓂᒻᓴᒃᒧᑦ ᓯᐊᑦᓇᐅᑉ ᓂᕿᖃᕐᕕᖓ, ᐃᖃᓗᖕᓂ−ᑐᙵᕕᓕᒃ ᓂᕿᓄᑦ ᓇᖕᒥᓂᕆᔭᐅᔪᖅ.

“[ᓯᐊᑦᓇᐅᑉ ᓂᕿᖃᕐᕕᖓ] ᓇᓂᓯᕙᒃᐳᑦ ᐱᕕᒃᓴᖃᕐᓂᐅᔪᓂ ᐊᑐᕐᓂᕐᒧᑦ ᓄᓇᓕᖕᓂ ᐊᖑᓇᓱᒃᑕᐅᓯᒪᔪᓂ ᐊᒻᒪ ᓴᖑᑎᑦᑎᓂᕐᒥ ᓈᒻᒪᒃᑐᓂ ᑮᓴᐅᔾᔭᒃᓴᓂᐅᔪᓂ ᐊᖑᓇᓱᒃᑎᓄᑦ ᐃᑲᔪᕐᓂᕐᒧᑦ ᐃᑲᔪᖅᓱᐃᓂᖓᓂ ᓇᖕᒥᓂᕆᔭᐅᔪᒥ, ᐊᒻᒪ ᐱᕕᒃᓴᖃᕐᓂᕐᒥ ᐃᓱᒪᔪᓐᓇᕐᓂᕐᒧᑦ ᐊᔾᔨᒋᙱᑕᖓᓂ ᐊᒻᒪᓗ ᕿᒥᕐᕈᓂᕐᒧᑦ ᓴᖅᑭᑎᑦᑎᓂᕐᒥ ᒥᑭᑦᑐᒥ ᖃᑦᑕᕐᓄᑦ ᐴᖅᑲᐃᓂᕐᒥ ᐊᒻᒪ ᐊᓗᒍᕐᒧᐊᖅᑕᐅᓗᑎᒃ ᓇᖕᒥᓂᖅ ᐱᓗᐊᖅᑐᒥ ᓂᕿᓕᐅᒐᒃᓴᖏᓐᓂ,” ᐅᖃᓚᐅᖅᐳᖅ.

“ᐃᓱᒪᕗᖓ ᑐᑭᓯᐅᒪᕐᔪᐊᖅᑐᒥ ᐃᓱᒪᓂᐅᕗᖅ ᐊᒻᒪ ᐊᑑᑎᖃᑦᑎᐊᖅᑐᒥ ᕿᒥᕐᕈᓂᐅᔪᒥ ᒥᑭᑦᑐᓂ ᓇᖕᒥᓂᖃᖅᑐᓂ ᐱᕕᒃᓴᖃᕐᓂᐅᔪᓂ, ᐊᒻᒪ ᐱᐅᓂᖓᓂ−ᐃᓚᔭᐅᔪᒥ ᐱᕕᒃᓴᖃᕐᓂᐅᔪᖅ ᑐᓂᓯᕙᒃᑐᒥ ᐆᒪᔪᓐᓇᕐᓂᕐᒧᑦ ᑮᓴᐅᔾᔭᒃᓴᓂᐅᔪᒥ ᐊᖑᓇᓱᒃᑎᓄᑦ.”

ᑲᑎᒪᓂᐅᔪᖅ ᒪᑐᓚᐅᖅᑎᓪᓗᒍ ᓯᑎᐱᕆ 1−ᒥ, ᓂᒻᓴᒃ ᐅᖃᓚᐅᖅᐳᖅ ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐸᕇᓴᓐ ᒫᓐᓇ ᐱᓕᕆᕙᓪᓕᐊᕗᑦ ᖃᐅᔨᓴᐃᓂᖏᓐᓂ ᐱᔭᕆᐊᖃᕐᓂᐅᔪᓂ ᐊᑐᓂ ᓄᓇᓕᐅᔪᒥ ᐊᕕᒃᑐᖅᓯᒪᓂᐅᔪᒥ ᐊᒻᒪ ᕿᓂᕐᓂᕐᒧᑦ ᑮᓇᐅᔭᖃᖅᑎᑦᑎᓂᕐᒥ ᒥᑭᑦᑑᔪᒥ ᖃᑦᑕᓕᐅᖅᑎᓂ ᐊᒻᒪ ᐊᓕᒍᓕᐅᖅᑎᓂ ᑲᒻᐸᓂᐅᔪᓂ ᐱᓕᕆᖃᑎᖃᕈᓐᓇᖅᑐᓂ ᓄᓇᓕᖕᓂ ᓇᖏᒥᓂᕆᔭᐅᔪᓂ ᐱᐅᓯᒋᐊᖅᑎᑦᑎᓂᕐᒥ ᑐᖅᑯᖅᑕᐅᓂᖓᓂ ᐊᒻᒪ ᐊᑐᖅᑕᐅᓂᖓᓂ ᓂᕿᓂ ᕿᑭᖅᑕᓂ ᓄᓇᓕᐅᔪᓂ.

Share This Story

(0) Comments

Join the Conversation

Your email address will not be published. Required fields are marked *

*