ᐃᓄᒃ ᑎᑎᕋᐅᔭᒐᖅᑎ ᓴᖅᑭᔮᖅᑎᑕᐅᔪᖅ ᐱᐅᕈᓖᑐᒃᑯᑦ ᖁᕕᐊᓱᖕᕕᒃᒥᒃ ᐴᒃᓴᓂᒃ

ᐊᐃᑕᓐ ᑰᕆᐅᑉ ᑎᑎᕋᐅᔭᒐᖓ ᓴᖅᑭᔮᖅᑎᑦᑎᔪᖅ ᐃᓄᐃᑦ ᐃᓕᖅᑯᓯᖏᓐᓂᒃ ᐊᐅᓪᓚᖅᑎᑦᑎᔨᓕᕆᔨᒃᑯᑦ ᐴᒃᓴᖁᑎᖏᓐᓂᒃ

ᑎᑎᕋᐅᔭᒐᖅᑕᐅᔪᖅ ᐃᖃᓗᒃᑑᑦᑎᐊᕐᒥᐅᑕᐅᑉ ᐊᐃᑕᓐ ᑰᕆᒧᑦ ᓴᖅᑭᔮᖅᑎᑕᐅᓂᐊᖅᑐᖅ ᐅᑯᐊ ᐱᐅᕈᓖᑐᒃᑯᑦ (Purolator) ᖁᕕᐊᓱᒡᕕᒃᒧᑦ ᐴᒃᓴᖁᑎᖏᓐᓂᒃ ᐅᑭᐅᖅ. ᐊᕐᕌᒍᒧᑦ ᑎᑎᕋᐅᔭᒐᕐᓂᒃ ᓴᖅᑭᔮᖅᑎᑦᑎᓂᖅ ᓴᖅᑭᑎᑦᑎᓯᒪᔾᔪᑎᐅᕙᒃᑐᖅ ᑲᓇᑕᒥ ᑎᑎᕋᐅᔭᖅᑎᙳᖅᐸᓪᓕᐊᔪᓂᒃ. (ᐊᔾᔨᙳᐊᖅ ᐅᕙᙵᑦ Purolator Inc./CNW Group; ᐊᔾᔨᓕᐅᕆᔨ ᒫᑕᓕᓐ ᕼᐊᐅᕕᑦ)

By ᒫᑕᓕᓐ ᕼᐊᐅᕕᑦ

For English version, see Inuk artist featured on Purolator’s holiday shipping boxes

ᓄᓇᕗᒥᑦ ᑎᑎᕋᐅᔭᒐᖅᑎ ᐊᐃᑕᓐ ᑰᕆᐅᑉ ᑎᑎᕋᐅᔭᒐᖓ ᐃᓄᐃᑦ ᖁᕕᐊᓱᒡᕕᒃᒥ ᖁᕕᐊᓲᑎᖃᖅᑎᓪᓗᒋ ᓴᖅᑭᔮᖅᑎᑕᐅᓂᐊᕐᑐᖅ ᐱᐅᕈᓖᑐᒃᑯᑦ (Purolator) ᖁᕕᐊᓱᒡᕕᒃᒧᑦ ᐴᒃᓴᖁᑎᖏᓐᓂᒃ, ᑖᒃᑯᐊ ᑲᒻᒪᓂᒃᑯᑦ ᑐᓴᖅᑎᑦᑎᓚᐅᕐᑐᑦ ᑕᖅᑭᖅ ᐱᒋᐊᓕᓵᖅᓯᒪᑎᓪᓗᒍ.

ᐊᐅᓪᓚᖅᑎᑦᑎᔨᐅᕙᒃᑐᑦ ᑲᒻᐸᓂᐅᔪᑦ ᐱᓕᕆᔨᐅᖕᒪᑕ ᐊᕐᕌᒍᒧᑦ ᐱᓕᕆᐊᖑᔪᓂᒃ ᑲᓇᑕᒥ ᑎᑎᕋᐅᔭᖅᑎᐅᓕᓵᕐᑐᓂᒃ ᖁᕕᐊᓱᒡᕕᒃᒥᑦ ᐊᐅᓚᖅᑐᒃᓴᓄᑦ ᐴᒃᓴᖏᓐᓂᒃ.

ᑕᒪᑐᒪᓂ ᐊᕐᕌᒍᒥ ᓄᐊᑕᐅᓯᒪᔪᑦ ᓴᖅᑭᔮᖅᑎᑦᑎᓯᒪᓂᕐᓴᐅᔪᑦ ᖃᓄᕈᓘᔭᖅ ᐃᓚᒌᑦ ᐊᒻᒪ ᓄᓇᓖᑦ ᓂᕆᖃᑦᑕᕐᓂᖏᓐᓂᒃ, ᐃᒥᖃᑦᑕᕐᓂᖏᓐᓂᒃ ᐊᒻᒪ ᖁᕕᐊᓲᑎᖃᖅᐸᖕᓂᖏᓐᓂᒃ ᐅᑭᐅᒃᑯᑦ ᖁᕕᐊᓱᒡᕕᒃᒥᑦ, ᐅᖃᓚᐅᕐᑐᖅ ᐱᐅᕈᓖᑐᒃᑯᑦ ᐅᖃᕐᑎᖓ ᑯᐊᑦᓂ ᕋᐃᔅᑕᑐ.

ᑰᕆ ᐃᓚᒋᔭᐅᔪᖅ 13-ᓂ ᑎᑎᕋᐅᔭᕐᑎᓂᒃ ᑎᑎᕋᐅᔭᒐᖏᓐᓂᒃ ᓴᖅᑭᔮᖅᑎᑕᐅᔪᓂᒃ ᑕᒪᑐᒪᓂ ᐊᕐᕌᒍᒥ. ᑎᑎᕋᐅᔭᒐᖅᑏᑦ ᓂᕈᐊᕆᔭᐅᕙᒃᑐᑦ ᐊᕐᕌᒍᑕᒫᓐ ᐊᕐᕌᒍ ᓯᕗᓂᐊᓂ ᐃᓚᐅᓚᐅᕐᓯᒪᔪᓂᒃ.

ᑎᑎᕋᐅᔭᒐᕐᑎ, ᑎᑎᕋᖅᑎ ᐅᓂᒃᑳᓂᒃ ᐊᒻᒪᓗ ᑐᓂᓕᐅᕐᑎ ᐃᖃᓗᒃᑑᑦᑎᐊᕐᒥᐅᑕᕕᓂ ᒫᓐᓇ ᐋᑐᕚᒥ ᓄᓇᖃᕐᑐᖅ ᐊᒻᒪᓗ ᑎᑎᕋᐅᔭᒐᖓᒍᑦ ᐃᓄᖕᓂ ᓴᖅᑭᔮᖅᑎᑦᑎᓇᓱᒃᐸᒃᖢᓂ.

ᑕᒪᑐᒪᓂ ᐊᕐᕌᒍᒥ ᐱᓕᕆᔾᔪᑎᒋᔭᐅᔪᕐᓕ ᐅᓇ ᓂᕿᓂᒃ ᓂᕆᖃᑎᖃᖃᑦᑕᕐᓂᖅ ᐊᒻᒪ ᖁᕕᐊᓱᒡᕕᒃᒥᑦ ᐃᓕᖅᑯᓯᕐᓂᒃ.

“ᓴᖅᑭᑎᑦᑎᓯᒪᔪᒪᒐᒪ ᖃᓄᖅ ᖁᕕᐊᓲᑎᖃᖃᑦᑕᕐᓂᑦᑎᓐᓂᒃ ᖁᕕᓱᒡᕕᒃᒥᑦ ᓄᓇᕗᒥᑦ, ᐊᒻᒪᓗ ᐃᓱᒪᒋᓕᓚᐅᕐᓯᒪᓪᓗᒍ ᐃᓄᐃᑦ ᓂᕿᖏᓐᓂᒃ ᓂᕆᖃᑎᖃᖅᑐᓂᒃ ᐃᓚᒌᓂᒃ ᐊᒻᒪ ᓄᓇᖃᑎᖏᓐᓂᒃ, ᐊᒻᒪᓗ ᖁᓪᓕᖅᒥ ᐃᑯᒻᒪᐃᓂᖅ,” ᑰᕆ ᐅᖃᕐᑐᖅ.

ᑰᕆ ᑎᑎᕋᐅᔭᒐᖓ ᐱᒋᐊᓕᓚᐅᕐᓯᒪᔭᖓ ᖃᓄᐃᓕᖓᓂᐊᕆᐊᒃᓴᖓᓂ ᑎᑎᕋᐅᔭᖅᑳᖅᖢᓂ ᒪᓕᒃᑐᓂᒃ ᐊᔾᔨᙳᐊᓂᒃ ᐊᒻᒪ ᐃᖅᑲᐅᒪᔭᖏᓐᓂᒃ, ᐊᒻᒪᓗ ᑎᑎᕋᐅᔭᖅᑕᖓᓂᒃ ᐋᖅᑭᒃᓱᐃᒃᑲᓐᓂᖅᖢᓂ ᖃᕋᓴᐅᔭᒃᑯᑦ ᑖᓐᓇᓗ ᓴᖅᑭᔮᖅᖢᓂ ᐴᒃᓴᕆᔭᐅᔪᓂᒃ. ᓴᖅᑭᔮᖅᑎᑦᑎᔪᖅ ᐃᓄᐃᑦ ᐃᓚᒌ ᐃᖃᓗᓕᕆᓪᓗᑎᒃ ᐊᒻᒪᓗ ᖁᓪᓕᖅᒥ ᐃᑯᒻᒪᐃᔪᒥᒃ, ᐊᒻᒪᓗ ᓴᖅᑭᑎᑦᑎᓯᒪᓪᓗᓂ ᐃᓄᐃᑦ ᐊᑐᖅᐸᒃᑕᖏᓐᓂᒃ ᒪᑯᓂᖓ ᐅᓗᓂᒃ ᐊᒻᒪᓗ ᐊᓐᓄᕌᕆᔭᐅᔪᓂᒃ ᐊᒪᐅᑎᑎᑐᑦ.

“ᐊᒃᓱᐊᓗᒃ ᐅᕙᓐᓄ ᐱᒻᒪᕆᐅᖕᒪᓐ ᓴᖅᑭᑎᑦᑎᓯᒪᒍᒪ ᖃᓄᖅ ᐃᓚᐅᖃᑦᑕᕐᒪᖔᑦᑕ ᓇᖕᒥᓂᖅ ᐃᓕᖅᑯᓯᑦᑎᒍᑦ ᓄᓇᕗᒥᒃ, ᑕᐃᒪᓕ ᑕᐃᒪᓐᓇ ᐴᒃᓴᓂᒃ ᓴᖅᑭᔮᖅᑎᑦᑎᔪᖅ ᓇᑎᕐᒦᑦᑐᓂᒃ ᓂᕆᓂᐊᖅᑕᑦᑎᓐᓄᑦ ᐃᓄᒃᓯᐅᑎᓂᒃ,” ᑰᕆ ᐅᖃᕐᑐᖅ.

“ᓴᖅᑭᑎᑦᑎᔪᒪᓚᐅᕋᒪ ᖃᐅᔨᒪᔭᐅᔪᑦ ᐊᒻᒪ ᐃᓕᖅᑯᓯᐅᔪᑦ ᑭᖑᕚᓄᑦ ᖃᐅᔨᒪᔭᐅᓕᖅᐸᖕᒪᖔᑕ, ᑕᐃᒪᓐᓇ ᓂᕈᐊᓚᐅᕐᑐᖓ ᐊᕐᓇᖅ ᐃᑯᒻᒪᐃᔪᖅ ᖁᓪᓕᕐᒥᒃ ᓱᕈᓯᕐᒥ ᐱᖃᑎᖃᖅᖢᓂ, ᑖᓐᓇᓗ ᐃᓕᓐᓂᐊᖅᐸᓪᓕᐊᓗᓂ ᑕᐅᑐᖕᓂᒃᑯᑦ.”

ᓄᓇᕗᒥᑦ ᑎᑎᕋᐅᔭᒐᖅᑏᑦ ᓴᖅᑭᔮᕐᑎᑕᐅᓯᒪᓕᕐᑐᑦ ᖁᕕᐊᓱᒡᕕᒃᒥ ᐴᒃᓴᕆᔭᐅᕙᒃᑐᒃᑯᑦ ᐃᓚᐅᓪᓗᑎᒃ ᑭᐅᕋ ᕙᓚᐅᕋᑎ ᐊᒻᒪ ᒦᒐᓐ ᕼᓐᑦ.

ᑕᒪᑐᒪᓂ ᐊᕐᕌᒍᒥ, ᐱᐅᕈᓖᑐᒃᑯᑦ ᑐᓂᓯᓂᐊᖅᑐᑦ $5,000-ᓂ ᐅᑯᓄᖓ ‘ᓂᕿᓂᒃ ᓄᐊᑦᓯᕕᒃ’ ᓄᓇᕗᒥᑦ ᓂᕿᓂᒃ ᐊᐃᒃᖠᕐᕕᒃ ᐃᖃᓗᖕᓂ.

ᐅᑯᐊ ᖁᕕᐊᓱᒡᕕᒃᒧᑦ ᐴᒃᓴᐃᑦ ᕿᑐᑦᑐᒐᐃᑦ ᐊᑐᐃᓐᓇᐅᔪᑦ ᐱᐅᕈᓖᑐᒃᑯᑦ ᐊᐅᓪᓚᖅᑎᑦᑎᕕᖏᓐᓂᒃ ᐊᒻᒪᓗ ᒨᐳᓪ ᓂᐅᕕᕐᕕᕋᓛᓂᒃ.

ᖃᐅᔨᒃᑲᓐᓂᕈᓐᓇᖅᑐᓯ ᑎᑎᕋᐅᔭᖅᑏᑦ ᒥᒃᓵᓄᑦ ᑕᒪᑐᒪᓂ ᐊᕐᕌᒍᒥ ᐱᓕᕆᐊᒧᑦ ᑎᑎᕋᐅᔭᕐᑎᓂᒃ ᐅᕙᓂ ᐱᐅᕈᓖᑐᒃᑯᑦ ᖁᕕᐊᓱᒡᕕᖕᒥ ᓴᖅᑭᔮᒐᖓᓂᒃ.

Share This Story

(0) Comments

Join the Conversation

Your email address will not be published. Required fields are marked *

*