ᐃᓅᓇᓱᖕᓂᖅᒧᑦ ᐊᑭᓕᖅᓱᖅᑕᐅᔾᔪᑎᑦ ᐅᑯᓄᖓ ᓱᕈᓯᓛᓂᒃ ᑲᒪᔨᐅᕙᒃᑐᓄᑦ ᓯᕗᓪᓕᖅᐹᖑᖃᑕᐅᔪᖅ ᐱᓕᕆᐊᖑᔭᕆᐊᓕᖕᓂᒃ, ᐅᖃᖅᑐᖅ ᓄᓇᕗᑦ ᑐᙵᕕᒃ ᐊᖓᔪᖅᑳᖓ

ᐃᑲᔫᑎᒃᓴᖅᑕᖃᐃᓐᓇᐅᔭᖅᓂᐊᕐᓂᖓ ᓱᕈᓯᓕᕆᓂ ᐊᒻᒪ ᐃᓕᓐᓂᐊᕐᓂᐊᓵᖅᑐᓕᕆᓂᖅ ᑐᓴᖅᑎᑦᑎᔾᔪᑎᐅᕗᖅ ᒐᕙᒪᑐᖃᒃᑯᑦ ᐊᐅᓚᑦᑎᔾᔪᑎᒃᓴᓕᕆᑎᓪᓗᒋᑦ

ᒐᕙᒪᑐᖃᒃᑯᓐᓄᑦ-ᓄᓇᖃᖅᑳᖅᑐᓄᓪᓗ ᐱᓕᕆᐊᓄᑦ ᒥᓂᔅᑕ ᑭᐅᕈᓕᓐ ᐸᓇᑦ, ᐅᕙᓂ ᐊᔾᔨᖃᕐᑐᖅ ᑭᐱᓯᑎᓪᓗᒍ ᑕᖅᓴᒃᓴᒥᑦ ᒪᑐᐃᖅᓯᓪᓗᓂ ᐃᖃᓗᖕᓂᑦ ᓄᑖᕐᒥ ᐸᐃᕆᕕᒃᓴᒥᒃ 2019-ᖑᑎᓪᓗᒍ, ᑲᑎᖃᑎᖃᓚᐅᖅᑐᖅ ᑕᓐᑐᕋ ᐸᑎᔅ ᐸᐃᕆᕝᕕᒃ ᑲᑐᔾᔨᖃᑎᒌᓂᒃ ᐄᐳᕈᓪ 21-ᖑᑎᓪᓗᒍ ᐅᖃᐅᓯᖃᕆᐊᖅᑐᖅᖢᓂ ᓄᑖᓂᒃ ᐃᑲᔫᓯᒃᓴᓂᖅ ᐅᖃᐅᓯᐅᓂᑯᓂᒃ ᐊᐅᓚᑦᑎᔾᔪᑎᒃᓴᑦ 2021 ᐱᓕᕆᐊᖑᑎᓪᓗᒍ. ᐅᓇ ᐊᔾᔨᖅᑯᑎᒋᔭᐅᔪᖅ ᐊᔾᔨᓕᐅᖅᑕᐅᓚᐅᖅᓯᒪᔪᖅ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᖅ ᐱᒋᐊᓚᐅᙱᑎᓪᓗᒍ. (ᐊᔾᔨᙳᐊᖁᑎᒋᔭᐅᔪᖅ)

By ᒥᓚᓂ ᐅᕆᑦᓵᑦ

ᒪᑯᐊ ᐃᒡᓗᖁᑎᖃᑦᑎᐊᕐᓂᖅ, ᐃᓅᓇᓱᖕᓂᖅᒧᑦ ᑮᓇᐅᔭᓕᐊᕆᔭᐅᔪᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐊᔪᕈᓐᓃᖅᓴᕈᑎᒃᓴᒃᑲᓐᓃ ᐱᖓᓱᑦ ᐱᔭᐅᓯᒪᔭᕆᐊᖃᒻᒪᕆᒃᑐᑦ ᓱᕈᓯᓕᕆᓂᖅᒧᑦ ᐊᒻᒪ ᐃᓕᓐᓂᐊᕐᓂᐊᓵᖅᑐᓂᒃ ᓱᕈᓯᓕᕆᓂᖅᒧᑦ ᓄᓇᕗᒥᑦ, ᑕᐃᒪᓐᓇ ᐊᓗᑭ ᑰᑦᑎᖅ ᐅᖃᓚᐅᖅᑐᖅ, ᐊᖓᔪᖅᑳᖅ ᓄᓇᕗᑦ ᑐᙵᕕᒃᑯᓐᓄᑦ.

“ᐊᖓᔪᖅᑳᕆᔭᐅᔪᑦ ᐊᑐᐃᓐᓇᖃᖁᒐᑦᑎᒍᑦ ᐱᓕᕆᐊᒃᓴᓂᒃ ᑐᙵᕕᖃᖅᑐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐃᓕᖅᑯᓯᖏᓐᓂᒃ ᐊᒻᒪᓗ ᐅᖃᐅᓯᖏᓐᓂᒃ … ᑕᒪᓐᓇ ᐊᒃᓱᐊᓗᒃ ᐱᒻᒪᕆᐊᓘᖕᒪᑦ,” ᐅᖃᓚᐅᖅᑐᖅ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ, ᑐᓴᓚᐅᖅᖢᓂᐅᒃ ᒐᕙᒪᑐᖃᒃᑯᑦ ᑭᖑᓪᓕᖅᐹᒥᒃ ᐊᐅᓚᑦᑎᔾᔪᑎᒃᓴᓕᕆᑎᓪᓗᒋᑦ.

ᑕᕝᕙᓂᓕ ᐃᑲᔫᑎᒃᓴᓂᒃ, ᒐᕙᒪᑐᖃᒃᑯᑦ ᓄᑖᒥᒃ ᐃᑲᔫᑎᒃᓴᕆᔭᐅᖃᑦᑕᕐᓂᐊᖅᑐᒥ ᓱᕈᓯᓕᕆᓂᖅᒧᑦ ᐊᒻᒪ ᐃᓕᓐᓂᐊᕐᓂᐊᓵᖅᑐᓄᑦ ᓱᕈᓯᓕᕆᓂᖅᒧᑦ ᑲᓇᑕᓕᒫᒥᑦ, ᑖᓐᓇᓕ ᐃᓚᖃᕐᒥᔪᖅ ᒫᓃᓪ $30 ᐱᓕᐊᓐ ᑖᓚᓂ ᐊᕐᕌᒍᓄᑦ ᑕᓪᓕᒪᓄᑦ.

“ᐅᓄᕈᓘᔭᖅᑐᑦ ᒫᓐᓇ ᐃᖅᑲᓇᐃᔭᖅᑎᒋᔭᐅᔪᑦ ᓄᓇᕗᒥᑦ ᐃᓅᓇᓱᖕᓂᖅᒧᑦ ᑮᓇᐅᔭᓕᐅᙱᒻᒪᑕ … ᐱᓕᕆᐊᖃᒻᒪᕆᒃᑎᓪᓗᒋᑦ ᑕᒪᒃᑯᓂᖓ ᓱᕈᓯᑦᑎᓐᓂᒃ ᑲᒪᒋᔭᐅᑎᑦᑎᓇᓱᖕᓂᖅᒥᒃ ᐊᒻᒪᓗ ᐃᓕᓐᓂᐊᖅᑎᑕᐅᑎᓪᓗᒋᑦ ᖃᓄᐃᖏᓐᓇᖅᑐᒃᑯᑦ,” ᐅᖃᖅᑐᖅ ᑰᑦᑎᖅ.

ᐊᔪᕈᓐᓃᖅᓴᕐᓂᒃᑯᓪᓕ ᐅᖃᓚᐅᕐᑐᖅ ᐃᓕᓐᓂᐊᕐᓂᖅ ᐃᑲᔪᕈᓐᓇᕈᑎᒃᓴᓂᒃ ᐊᔪᕈᑎᖃᖅᑐᓂᒃ ᐱᐅᓯᕚᓪᓕᕆᐊᖃᕐᒪᓐ, ᐅᖃᖅᖢᓂ ᐊᔪᕈᓐᓃᖅᓴᕈᑎᑕᖃᕆᐊᖃᕐᓂᖓᓂᒃ ᐊᐅᓚᑦᑎᔨᐅᔪᓄᑦ ᐃᖅᑲᓇᐃᔭᖅᑎᓄᑦ “ᐊᔪᕈᓐᓃᖅᓯᒪᓂᐊᕐᒪᑕ ᐊᒻᒪᓗ ᐃᑲᔪᖅᑕᐅᓯᒪᓂᖏᓐᓂᒃ ᖃᐅᔨᒪᓗᑎᒃ ᑲᔪᓯᔪᓐᓇᕐᓂᐊᖅᒪᑕ ᐱᒻᒪᕆᖕᓂᒃ ᐃᖅᑲᓇᐃᔮᖏᓐᓂᒃ.”

ᑰᑦᑎᖅ ᐅᖃᓚᐅᕐᑐᖅ ᑮᓇᐅᔭᖃᕆᐊᖃᕐᓂᖅ ᐱᖁᑎᓄᑦ ᐱᒻᒪᕆᐊᓘᓂᖓᓂᑦᑕᐅᖅ, ᓲᖃᐃᒻᒪ ᓄᓇᓖ ᐅᓄᖅᑐᑦ ᐸᐃᕆᕝᕕᖃᙱᑦᑐᑦ ᐊᒻᒪᓗ ᐊᓯᖏᑦ ᓄᑖᙳᕆᐊᖅᑕᐅᔭᕆᐊᖃᖅᑐᑦ ᐅᕝᕙᓘᓐᓃᑦ ᐊᖏᒡᓕᒋᐊᕆᐊᖃᖅᖢᑎᒃ.

ᐆᒪ $30 ᐱᓕᐊᓐᓂ ᑖᓚᐃᑦ ᓱᕈᓯᓕᕆᓂᖅᒧᑦ ᐋᖅᑭᒃᑕᐅᓯᒪᔪᑦ ᖁᓛᒍᑦ $2.5 ᐱᓕᐊᓐ ᐋᖅᑭᒃᑕᐅᒪᐅᖅᑐᑦ ᓄᓇᖃᖅᑳᖅᑐᓄᑦ ᐊᐅᓚᑕᐅᓂᐊᖅᑐᓂᒃ ᐱᓕᕆᐊᒃᓴᓄᑦ.

ᐃᓚᖓ ᑖᔅᓱᒪ ᐃᑲᔫᑎᒃᓴᐅᑉ ᐃᓄᖕᓄᑦ ᐋᖅᑭᒃᑕᐅᓯᒪᔪᖅ, ᑭᓯᐊᓂᓕ ᐅᑯᓇᓂ ᐊᐅᓚᔾᔪᑎᒃᓴᓕᕆᓂᕐᒥᒃ ᐅᖃᖅᓯᒪᙱᑦᑐᑦ ᖃᔅᓯᑦ ᓄᓇᕗᒧᐊᕐᓂᐊᕆᐊᒃᓴᖏᓐᓂᒃ ᐅᕝᕙᓘᓐᓃᑦ ᐃᓄᖕᓄᑦ ᐱᓕᕆᐊᒃᓴᓄᑦ ᑐᕌᖓᔭᕆᐊᒃᓴᖏᓐᓂᒃ.

ᑰᑦᑎᕐᓕ ᐅᖃᖅᑐᖅ ᓄᓇᕗᑦ ᑮᓇᐅᔭᖅᑖᕐᓂᐊᕋᓱᒋᓪᓗᓂᒋᑦ ᐊᑐᕆᐊᖃᖅᑕᖏᓐᓄᑦ.

“ᐃᓱᒫᓗᙱᑦᑐᖓ ᑕᒪᑐᒥᖓ ᖃᐅᔨᒪᒐᒪᑦ ᐋᖅᑭᒃᓯᓯᒫᓂᖕᓂᖏᓐᓂᒃ ᖃᔅᓯᓂᒃ ᑐᓂᔭᐅᓂᐊᕐᓂᖏᓐᓂᒃ,” ᐅᖃᖅᑐᖅ.

ᑭᓯᐊᓂᓕ ᖃᖓᑦᑎᐊᓵᖅ ᐅᖃᐅᓯᖃᑎᖃᓚᐅᖅᑐᖅ ᑭᖑᓪᓕᖅᒥᒃ ᖃᓄᐃᓕᐅᕈᑎᐅᓂᐊᖅᑐᓂᒃ ᐊᒻᒪᓗ ᐱᔭᐅᔭᕆᐊᓕᖕᓂ ᐆᒥᖓ ᑖᓐ ᕚᓐᑐᓪ, ᐅᑭᐅᕐᑕᖅᑐᓕᕆᓂᖅᒧᑦ ᒥᓂᔅᑕ, ᐅᖃᖅᑐᖅ.

“ᒫᓐᓇ ᐅᑯᐊ ᐊᐅᓚᑦᑎᔾᔪᑎᒃᓴᑎᒍᑦ ᓱᓕ ᓇᓗᓇᐃᖅᓯᓯᒪᓂᖅᑕᖃᙱᒻᒪᑦ,” ᐅᖃᖅᑐᖅ ᑯᑦᑎᖅ.

“ᐱᒻᒪᕆᐅᓕᒑᖕᒪᑦ ᖃᓄᖅ ᑖᓐᓇ ᐃᑲᔪᕈᑎᒃᓴ ᑐᑭᖃᖅᑎᒋᓂᖓᓂᒃ ᐃᓄᖕᓄᑦ … ᖃᓄᖅ ᐱᓕᕆᐊᖃᕈᓐᓇᕐᓂᑦᑎᓐᓂᒃ ᐊᒻᒪᓗ ᓇᐅᒃᑯᑲᓐᓂᖅ ᐱᓕᕆᐊᖃᒃᑲᓐᓂᕆᐊᖃᕐᓂᑦᑎᓐᓂᒃ.

ᑭᐅᕈᓕᓐ ᐸᓇᑦ, ᒐᕙᒪᑐᖃᒃᑯᓐᓄᑦ ᓄᓇᖃᖅᑳᖅᑐᓄᓪᓗ ᐱᓕᕆᐊᓄᑦ ᒥᓂᔅᑕ, ᐅᖃᓚᐅᕐᑐᖅ ᐊᑲᐅᓂᖃᕐᓂᖓᓂᒃ ᖃᔅᓯᒻᒪᕆᖕᓂᒃ ᐅᖃᖅᓯᒪᓪᓚᕆᙱᒃᑯᑎᒃ ᑕᐃᒪᓐᓇ ᐃᑲᔫᑎᒃᓴᖅ ᐋᖅᒋᐊᒃᑲᓐᓂᖅᑕᐅᔪᓐᓇᕋᔭᕐᒪᑕ.

“ᐃᓱᒪᔪᖓᓕ ᐅᓇ ᐸᕐᓇᐅᑎ ᐋᖅᑭᒃᑕᐅᓯᒪᓂᐊᕐᓂᖓᓂᒃ ᓄᓇᒋᔭᐅᔪᓂᒃ ᒪᓕᒃᓯᒪᓂᕐᓴᐅᓗᓂ,” ᐅᖃᖅᑐᖅ ᐊᐱᖅᓱᖅᑕᐅᑎᓪᓗᒍ, ᐅᖃᒃᑲᓐᓂᖅᖢᓂ ᖃᓄᐃᓕᐅᕈᑎᓪᓚᕆᐅᓂᐊᕐᓂᐅᔪᑦ ᓄᓇᕗᑦ ᒐᕙᒪᒃᑯᓐᓄᑦ ᐱᓕᕆᐊᖑᓂᐊᕆᐊᒃᓴᖓᓂᒃ.

ᒥᓂᔅᑕ ᐸᓇᑦ ᑲᑎᖃᑎᖃᓚᐅᖅᑐᖅ ᖃᕋᓴᐅᔭᒃᑯᑦ ᐃᖅᑲᓇᐃᔭᖅᑎᓂᒃ ᑕᓐᑐᕋ ᐸᑎᔅ ᐸᐃᕆᕝᕕᒃ ᑲᑐᔾᔨᖃᑎᒌᓂᒃ ᐄᐳᕈᓪ 21-ᖑᑎᓪᓗᒍ ᐅᖃᐅᓯᖃᕋᓱᒃᖢᑎᒃ ᓄᑖᓂᒃ ᐃᑲᔫᑎᒃᓴᓂᒃ ᐅᖃᐅᓯᐅᔪᓂᒃ ᐊᐅᓚᔾᔪᑎᒃᓴᓕᕆᓂᖅᒥᒃ, ᐊᒻᒪᓗ ᐸᓇᑦ ᐅᖃᓚᐅᕐᒥᔪᖅ ᐃᓱᒫᓘᑎᒋᔭᐅᔪᓂᒃ ᑮᓇᐅᔭᓕᐊᕆᔭᐅᔪᑦ ᓈᒻᒪᙱᓗᐊᕐᓂᖏᓐᓂᒃ ᐃᓅᓇᓱᖕᓂᖅᒧᑦ.

 

Share This Story

(0) Comments

Join the Conversation

Your email address will not be published. Required fields are marked *

*