ᐃᓕᓴᕆᕕᒌ ᐅᑯᐊ ᐃᓄᐃᑦ ᐊᔾᔨᙳᐊᒦᑦᑐ?
“ᖃᐅᔨᒪᔪᖓᐅᒐᓗᐊᖅ ᐅᓇ ᐊᔾᔨᙳᐊᖅ ᐃᒻᒪᑲᓪᓚᓕᓴᐅᓂᖓᓂᒃ”
ᐅᕘᓇᓕ ᑎᑎᕋᖅᑕᐅᓯᒪᔪᑎᒍᑦ ᑐᓄᐊᒍᑦ ᐊᔾᔨᙳᐊᑉ, ᐊᔾᔨᓕᐅᕐᑕᐅᓂᑰᓪᓗᓂ ᖁᒡᓗᖅᑑᖅ, ᓄᓇᕗᒥ—ᑕᐃᔅᓱᒪᓂ ᖃᓪᓗᓈᑐᑦ ᐊᑎᖃᖅᑎᓪᓗᒍ ᑳᐳᒪᐃᓐᒥᑦ—ᒪᐃ 18, 1930-ᒥ. ᑖᔅᓱᒥᖓ ᑎᑎᕋᐅᓯᓕᒃ ᓇᓂᓯᓚᐅᕐᒪᑦ ᐊᑖᑕᑦᑎᐊᖓᑕ ᐱᖁᑎᖏᓐᓂᒃ ᐃᓅᔪᓐᓃᖅᑎᓪᓗᒍ ᖃᐅᔨᔪᒪᖕᒪᑦ ᑖᒃᑯᓂᖓ ᐃᓄᖕᓂ ᐊᕐᓇᓂ ᓇᓗᓇᐃᕐᓯᔪᖃᕈᓐᓇᕆᐊᒃᓴᖓᓂᒃ.
For an English version of this letter, see Do you recognize the people in this photograph?
ᐅᓇ ᐊᔾᔨᙳᐊᖅ ᓇᓂᓚᐅᕐᓯᒪᔭᕋ ᐊᑖᑕᑦᑎᐊᒪ ᐱᖁᑎᖏᓐᓂ ᐃᓅᔪᓐᓃᖅᑎᓪᓗᒍ.
ᐊᑎᖃᓚᐅᕐᓯᒪᔪᖅ ᓘᒃᑖᖅ ᔭᐃᒥᔅ ᔭᐃᒥᓴᓐ, ᐊᒻᒪᓗ ᖃᐅᔨᒪᓚᐅᖅᖢᖓ ᐋᓐᓂᐊᓯᐅᕐᑎᐅᓚᐅᕐᓯᒪᔪᖅ ᑲᓇᑕᒥ ᐅᓇᑕᖅᑐᒃᓴᓄᑦ (Royal Canadian Air Force) ᓄᓇᕐᔪᐊᒥ ᐅᓇᑕᕕᒡᔪᐊᕐᓇᒥ ᐊᐃᑉᐸᖓᓂ, ᐅᕙᓃᐸᒃᖢᓂ ᐱᓕᕆᐊᖓᓄᑦ ᓂᐅᕙᐅᓐᓛᓐ ᐊᒻᒪ ᒎᔅ ᐸᐃ, ᓛᐸᑐᐊᒥᓐ.
ᖃᐅᔨᒪᓗᐊᙱᑦᑐᖓ ᖃᖓ ᑖᔅᓱᒥᖓ ᐊᔾᔨᒥ ᐱᓯᒪᓕᓚᐅᕐᓯᒪᓂᖓᓂᒃ ᐅᓇᓘᓐᓃᑦ ᑎᑎᕋᕐᓯᒪᔪᖅ J.H. (ᑐᓄᐊᓃᑦᑐᖅ ᐊᔾᔨᙳᐊᑉ), ᑭᓯᐊᓂᓕ ᖃᐅᔨᒪᓚᐅᕐᑐᖓ ᐅᑭᐅᕐᑕᖅᑐᕐᒥᐅᓂᒃ ᖃᐅᔨᒪᔭᖃᐅᓚᐅᕐᓂᖓᓂᒃ.
ᖃᐅᔨᒪᔪᖓᐅᒐᓗᐊᖅ ᐅᓇ ᐊᔾᔨᙳᐊᖅ ᐃᒻᒪᑲᓪᓛᓗᒃ ᐊᔾᔨᓕᐅᕐᑕᐅᓂᑰᓂᖓᓂᒃ, ᑭᓯᐊᓂᓕ ᐃᓕᓴᕆᔭᐅᔪᖃᕋᔭᕆᐊᒃᓴᖓᓂᒃ … ᐊᒻᒪᓘᓐᓃᑦ ᐃᓚᒋᔭᐅᒍᑎᒃ ᑕᐃᒃᑯᓇᙵᑦ ᐊᔾᔨᙳᐊᖅ ᐱᔭᐅᔪᒪᓇᔭᕆᐊᒃᓴᖓᓂᒃ.
ᐃᓱᒪᒋᑦᑎᐊᖅᖢᓯ,
ᓴᐃᕋ ᕼᐊᐅᕗᑦ
ᓄᐊᑦ ᐸᐃ, ᐋᓐᑎᐅᕆᐅᒥᐅᑕᕕᓂᖅ ᓄᓇᖃᓕᖅᑐᖅ ᒫᓐᓇ ᐳᕆᓐᔅ ᐃᐊᕗᑦ ᐊᐃᓚᓐᒥ
ᐅᓇ ᐅᖃᐅᓯᖅ ᑎᑎᕋᕐᓯᒪᔪᖅ ᐅᑯᐊ ᐃᓄᐃᑦ ᐊᕐᓇᐃᑦ ᐊᔾᔨᖓᑦᑕ ᑐᓄᐊᒍᑦ.
ᓄᓇᑦᓯᐊᕐᒥ ᐱᕙᓪᓕᐊᔪᑦ ᑐᙵᓱᒃᑎᑦᑎᕗᑦ ᑎᑎᖃᓂᒃ ᐋᖅᑭᒃᓱᐃᔨᒧᑦ. ᑭᓯᐊᓂᓕ ᓴᖅᑭᑎᑦᑎᑲᐅᑎᒋᙱᑦᑐᓐᓇᕋᑦᑕ ᖃᓄᐃᑦᑐᑐᐃᓐᓇᕐᓂᒃ ᑎᑎᖃᓂᒃ ᖃᖓᑐᐃᓐᓇᒃᑯᑦ.
ᐅᖃᓕᒫᒐᓕᐊᕆᔭᑦᑎᒍᑦ, ᑎᑎᕋᖅᑕᐅᔪᓂᒃ ᓴᖅᑭᑎᑦᑎᕙᒃᑐᒍᑦ ᑎᑭᑉᐸᓪᓕᐊᓂᖏᑦᑎᒍᑦ, ᐃᓂᒃᓴᖃᕌᖓᑕᓗ. ᖃᕋᓴᐅᔭᒃᑯᓪᓕ ᓴᖅᑭᔮᒐᖅᑎᒍᑦ, ᑎᑎᕋᖅᑎᐅᔪᑦ ᐋᖅᑭᒃᓱᖅᑕᐅᓚᐅᕐᑎᓪᓗᒋ ᓴᖅᑭᓐᓂᐊᕐᓂᖏᑦᑎᒍᑦ ᓴᖅᑭᑎᑦᑐᓐᓇᖃᑦᑕᖅᑕᕗᑦ.
ᑕᒪᕐᒥ ᑎᑎᕋᖅᑕᐅᔪᑦ ᐋᖅᑭᒋᐊᖅᑕᐅᖃᑦᑕᕐᒪᑕ ᑕᑭᓂᖏᑦᑎᒍᑦ, ᐅᖃᓪᓚᒍᓯᕆᔭᐅᓂᖏᑦᑎᒍᑦ, ᐋᖅᑭᓱᖅᓯᒪᒋᐊᖃᕐᓂᖏᑦᑎᒍᑦ, ᑕᒻᒪᖅᑕᖅᓯᒪᙱᒃᑲᓗᐊᕆᐊᒃᓴᖏᓐᓂᒃ, ᐅᖃᐅᓯᖃᕈᑎᖏᑦᑎᒍᓪᓗ. ᐊᑎᕐᓯ ᓴᖅᑭᑕᐅᖁᙱᒃᑯᔅᓯᐅᒃ ᑕᐃᒪᐃᑦᑐᓐᓇᖅᑐᑦ, ᑭᓯᐊᓂᓕ ᖃᐅᔨᒪᔭᕆᐊᖃᕋᑦᑕ ᑭᓇᐅᖕᒪᖔᖅᐱ ᑎᑎᕋᖅᑕᑎ ᓴᖅᑭᓚᐅᙱᓐᓂᖏᓐᓂᒃ.
(0) Comments