ᐃᕗᔨᕕᒃᒥᐅᑕᖅ ᐃᓅᔪᓐᓃᖅᑐᖅ ᓄᕙᒡᔪᐊᕐᓇᖅ-19 ᓈᒻᒪᙱᓕᐅᕈᑎᓄᑦ
ᑕᓪᓕᒪᑦ (5) ᓄᓇᕕᒻᒥᐅᑕᑦ ᐃᓅᔪᓐᓃᕐᓯᒪᓕᕐᑐᑦ ᓄᕙᒡᔪᐊᕐᓇᖅ-19-ᒧᑦ, ᒐᕙᒪᒃᑐᑦ ᑎᑎᖃᖁᑎᖏᑦᑎᒍᑦ
ᐃᕗᔨᕕᒃᒥᐅᑕᖅ ᓄᓇᕕᒻᒥ ᑕᓪᓕᒪᒋᔭᐅᔪᖅ ᐃᓅᔪᓐᓃᖅᑐᓂᒃ ᓄᕙᒡᔪᐊᕐᓇᖅ-19 ᓈᒻᒪᙱᓕᐅᕈᑎᓄᑦ. (ᐊᔾᔨᙳᐊᖁᑎᖓ ᓴᐃᕋ ᕌᔾᔪᔅ)
For an English version of this story, see Ivujivik resident dies from COVID-19 complications
ᐃᕗᔨᕕᒃᒥᐅᑕᖅ ᐃᓅᔪᓐᓃᖅᑐᖅ ᓄᕙᒡᔪᐊᕐᓇᖅ-19 ᓈᒻᒪᙱᓕᐅᕈᑎᓄᑦ, ᐅᑯᐊ ᓄᓇᕕᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ ᑲᑎᒪᔨᖏ ᐅᖃᓚᐅᕐᑐᑦ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᐃᓅᔪᓐᓃᕐᑐᒥ ᐅᖃᐅᓯᖃᓚᐅᕐᓯᒪᔪᑦ ᔭᓄᐊᕆ 13-ᒥ ᕙᐃᔅᐳᒃᑯᑦ ᓴᖅᑭᔮᒐᖏᑦᑎᒍᑦ ᐅᖃᖢᓂ ᐃᓚᖏᓐᓂᒃ ᐃᓱᒪᒋᔭᖃᑦᑎᐊᕐᓂᕋᖅᖢᑎᒃ ᐊᒻᒪᓗ ᐃᓅᓯᓕᕆᔭᐅᔪᒪᒍᑎ ᐱᓇᓱᖁᔭᐅᓪᓗᑎᒃ.
“ᐅᑯᐊ ᓄᓇᕕᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᑲᑎᒪᔨᖏᑦ (NRBHSS) ᐃᒃᐱᒍᓱᑦᑎᐊᖅᑐᑦ ᓄᓇᕕᒻᒥᐅᑕᐅᖃᑎᖓᓂᒃ ᐃᓅᔪᓐᓃᖅᑐᖃᕐᓂᖓᓂᒃ,” ᑎᑎᕋᖅᑕᐅᖅᒪᔪᖅ. “ᐃᓚᖏᑦ ᐃᓱᒪᒋᑦᑎᐊᖅᐸᕗᑦ, ᐱᖃᓐᓇᕆᔭᖏᓪᓗ ᐊᒻᒪᓗ ᓄᓇᖃᖅᑐᓂᒃ ᒫᓐᓇᐅᔪᖅ.”
ᓄᓇᕕᒻᒥ ᑕᓪᓕᒪᓂᒃ (5) ᓄᕙᒡᔪᐊᕐᓇᖅ-19-ᒧᑦ ᐃᓅᔪᓐᓃᖅᑐᖃᕐᓯᒪᓕᕐᑐᖅ, ᐅᑯᑎᒎᓇᕐᓕ ᑲᑎᑕᐅᕙᓪᓕᐊᔪᓂᒃ ᑲᑎᒪᔨᓄᑦ ᐊᒻᒪ ᑯᐸᐃᒃ ᒐᕙᒪᒃᑯᖏᓐᓄᑦ. ᑭᖑᓪᓕᖅᐹᖅ ᐃᓅᔪᓐᓃᓚᐅᕐᑐᖅ ᓯᕗᓪᓕᖅᐹᒥᒃ ᑰᔾᔪᐊᖅᒥᐅᑕᒥ ᐃᓅᔪᓐᓃᖅᑐᖃᓚᐅᕐᓯᒪᑎᓪᓗᒍ ᑕᖅᑮᒃ ᒪᕐᕉᒃ ᓯᕗᓂᐊᓂ ᓄᕕᐱᕆ 19-ᒥ ᐃᓅᔪᓐᓃᖅᑐᖃᓚᐅᕐᓯᒪᑎᓪᓗᒍ.
ᔫᓯ ᓚᕙᒃ, ᐅᖃᖅᑎᒋᔭᐅᔪᖅ ᑲᑎᒪᔨᓄᑦ ᓇᓗᓇᐃᕐᓯᓚᐅᕐᑐᑦ ᐃᓅᔪᓐᓃᖅᑐᖅ ᐃᕗᔨᕕᒃᒥᐅᑕᐅᓂᖓᓂᒃ, ᑭᓯᐊᓂᓕ ᓇᓗᓇᐃᔭᓚᐅᙱᑦᑐᖅ ᐊᓯᐊᒍᑦ ᓲᕐᓗ ᖃᔅᓯᓂ ᐅᑭᐅᖃᕐᒪᖔ ᑲᐱᔭᐅᓯᒪᖕᒪᖔᓪᓘᓐᓃᑦ.
ᐃᕗᔨᕕᒃᒥ 61 ᐳᓴᓐᑎᖏ ᑲᐱᔭᐅᓯᒪᓚᐅᕐᓯᒪᔪᑦ ᑎᓯᐱᕆ 17 ᑎᑭᑎᓪᓗᒍ, ᐅᑯᐊ ᐋᓐᓂᖃᕐᓇᙱᑦᑐᓕᕆᔨᒃᑯᑦ ᑎᑎᕋᕐᓯᒪᔭᖏᑦᑎᒍᑦ ᑭᖑᓪᓕᖅᐹᓂᒃ ᑲᐱᔭᐅᕙᓪᓕᐊᔪᓄᑦ ᓄᓇᓕᖕᓂᒃ. ᐃᕗᔨᕕᒃ 260 ᑭᓛᒥᑕᓂ ᐅᖓᓯᒃᓴᖅᑐᑦ ᖃᓂᓛᒥᒃ ᐋᓐᓂᐊᕕᐊᓗᖕᒥᑦ ᐳᕕᖕᓂᖅᑐᒥ.
(0) Comments