ᐃᖃᓗᐃᑦ ᐃᒪᖃᐅᑎᖃᕐᕕᖓᓂ ‘ᐊᒃᓱᐊᓗᒃ’ ᑎᐱᐊᓗᒃ ᐅᖃᐅᓯᐅᓚᐅᕐᓯᒪᔪᖅ ᓯᕗᓂᑲᓪᓛᓂᒃ ᐃᒥᖁᔭᐅᔪᓐᓃᕐᓂᐊᓵᖅᑎᓪᓗᒋᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᓂᔭᕆᐊᖃᓚᐅᕐᑐᑦ ᐊᓂᒃᓵᑦᑎᐊᕋᓱᒃᖢᑎᒃ ᖃᐅᔨᓴᖅᑎᓪᓗᒋᑦ ᐅᒃᑑᐱᕆ 8-ᒥ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏ ᖃᐅᔨᓚᐅᕐᓯᒪᔪᑦ ᑎᐱᖃᕐᔪᐊᕐᓂᖓᓂᒃ ᐃᒪᖓ ᐃᖃᓗᐃᑦ ᐃᒪᖃᐅᑎᖃᕐᕕᖓᓂᙶᕐᑐᖅ ᐅᓪᓗᐃᑦ ᑎᓴᒪᑦ ᑐᖔᓂ ᐅᑯᐊ ᓄᓇᕗᒥᑦ ᒐᕙᒪᒃᑯᑦ ᐃᒥᑲᑕᖁᔨᔪᓐᓃᕐᓂᐊᖅᑎᓪᓗᒋ. (ᐊᔾᔨᓕᐅᕆᔨ ᑕᐃᕕᒃ ᕕᐊᓐ)

By ᑕᐃᕕᑦ ᐱᐊᓐ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

For an English version of this story, see ‘Unbearable’ diesel smell reported at Iqaluit’s water plant days before advisory

“ᐊᒃᓱᐊᓗᒃ” ᐅᖅᓱᐊᓗᒃᓱᓐᓂᖢᓂ ᑎᐱᐊᓗᒃ ᐃᖃᓗᐃᑦ ᐃᒪᖃᐅᑎᖃᕐᕕᖓᓂ ᐅᖃᐅᓯᐅᓚᐅᕐᓯᒪᔪᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓱᒪᓕᐅᕆᔨᖏᓐᓄᑦ ᓯᕗᓂᑲᓪᓛᓂᒃ ᐃᓄᐃᑦ ᐅᖃᐅᔾᔭᐅᓚᐅᖅᑎᓐᓇᒋ ᐃᒪᖓᓂ ᐃᒥᖃᑦᑕᖁᔭᐅᙱᓪᓗᑎᒃ ᑖᓐᓇ ᐱᐅᔪᓐᓃᕐᓯᒪᓂᖓᓄᑦ ᐅᖅᓱᐊᓗᒃᒧᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᕙᑎᓕᕆᓂᕐᒧᑦ ᐃᖅᑲᓇᐃᔭᖅᑎᖓᑦ ᕗᐃᐊᕗᕆᐊᑦ ᑎᒧᐊ ᐃᒪᖃᐅᑎᖃᕐᕕᖕᒦᓚᐅᕐᑐᖅ ᐅᒃᑑᐱᕆ 8-ᖑᑎᓪᓗᒍ. ᖃᕋᓴᐅᔭᒃᑯᑦ ᑎᑎᕋᖅᑕᖏᑦ ᐃᓚᐅᔪᑦ ᑎᑎᖃᓂᒃ ᐱᔭᐅᓚᐅᕐᑐᓂᒃ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᒪᐅᓇ ᓄᓇᕗᒥᑦ ᐊᑐᐃᓐᓇᖃᕐᓂᖓᓂ ᑐᓴᐅᒪᔭᐅᔭᕆᐊᓕᖕᓄᑦ ᒪᓕᒐᓂᒃ.

ᓈᒻᒪᙱᓕᐅᕈᑎᖃᖅᑐᓂᒃ ᑐᓴᖃᑦᑕᓕᓚᐅᕐᓯᒪᔪᑦ ᐅᒃᑑᐱᕆ 2-ᒥ ᐱᒋᐊᖅᖢᑎ ᐅᖅᓱᐊᓗᒃᓱᓐᓂᕐᓂᕋᖅᑕᐅᑲᑕᒃᑎᓪᓗᒍ ᐃᒪᖓ ᐊᒻᒪᓗ ᑎᒧᐊ ᐅᖃᓚᐅᕐᑐᖅ ᖃᐅᔨᓇᓱᓚᐅᕐᓯᒪᓂᖓᓂᒃ “ᐅᕐᓱᐊᓗᒃᓱᖕᓂᑦᑐᒥᒃ ᐅᕝᕙᓘᓐᓃᑦ ᑎᐱᕐᓗᒍᑎᐊᓗᖕᒥ” ᐃᒪᖃᐅᑎᖃᕐᕕᒃᒥ. ᐅᖃᓚᐅᕐᑐᖅ ᖃᕋᓴᐅᔭᒃᑯᑦ ᑎᑎᕋᖅᓯᒪᔭᖓᒍᑦ ᖃᐅᔨᓇᓱᒍᒪᓂᕋᖅᖢᓂ ᖃᓄᐃᒻᒪ ᐃᒪᖃᐅᑎᖃᕐᕕᒃ ᒪᑐᐃᖓᑦᑎᐊᓚᐅᕐᓯᒪᓂᖓᓂᒃ.

“ᑎᐱᖃᕈᓐᓃᖅᑎᑦᑎᔾᔪᑎᐅᓇᓱᒃᖢᓂᖃᐃ … ᐅᖅᓱᐊᓗᒃᓱᖕᓂᑐᒥᒃ/ᐳᔪᖓᓂᓪᓘᓐᓃᑦ,” ᐊᐱᕆᓚᐅᕐᑐᖅ.

ᓇᒃᓴᓚᐅᕐᓯᒪᔪᖅ ᓯᓚᐃᓐᓇᕐᒥ ᖃᐅᔨᓴᕈᑎᒥᒃ ᐊᑎᖃᖅᑐᖅ photoionization detector (PID) ᖃᐅᔨᓴᕈᑎᒋᓂᐊᕐᒪᒍ ᐃᒪᕐᒥᙶᖅᐸᓪᓕᐊᔪᖅ ᐳᔪᕈᔪᒃ ᐃᒪᖃᐅᑎᖃᕐᕕᒃᒥᑦ. ᑎᑎᕋᓚᐅᕐᑐᖅ ᐊᒃᓱᐊᓗᒃ ᑎᐱᖓ ᒪᒪᙱᓗᐊᕐᓂᑯᒧᑦ ᐃᓚᖓᒍᑦ ᐊᓂᔭᕆᐊᖃᓚᐅᕐᓂᖓᓂᒃ.

“ᑕᒪᓐᓇᓗ ᖃᐅᔨᓴᖅᑕᐅᔾᔪᑎ ᑲᑕᒃᐹᓪᓕᖅᓯᒪᓚᐅᕐᑐᖅ ᐃᒪᖃᐅᑎᖃᕐᕕᐅᑉ ᓯᓚᑖᓂ ᖃᐅᔨᓴᖅᑎᓪᓗᒋ,” ᑎᑎᕋᓚᐅᕐᑐᖅ ᖃᕋᓴᐅᔭᒃᑯ, ᐅᖃᓚᐅᕆᓪᓗᓂ ᐊᕙᑎᓕᕆᔨᒃᑯᓐᓂᒃ ᖃᐅᔨᓇᓱᖁᔨᓪᓗᓂ ᑖᓐᓇ ᑎᐱᖓ ᐃᒪᕐᒥᙶᕆᐊᒃᓴᖓᓂᒃ.

ᖃᐅᔨᓴᕈᑎ ᐃᒪᐃᑦᑐᖅ PID ᐳᔪᖅᑕᖃᕆᐊᒃᓴᖓᓂ ᓯᓚᐃᓐᓇᕐᒥ ᖃᐅᔨᓴᕈᑎᐅᔪᖅ ᓲᕐᓗ ᒪᑯᓂᖓ ᑏᓱᓪ ᐅᖅᓱᐊᓗᒃᒥ ᒑᓴᓖᒥᓪᓘᓐᓂ ᐱᑕᖃᕆᐊᒃᓴᖓᓂᒃ ᓯᓚᐃᓐᓇᕐᒥᒃ.

ᖃᐅᔨᓴᕈᑐ (PID device) ᖃᐅᔨᔭᕈᑎᐅᔪᑦ ᐃᒪᐅᑉ ᖁᓕᑦᑎᐊᖓᓃᑦᑐᒥ ᓯᓚᐃᓐᓇᕐᒥ ᐱᔭᐅᓂᑯᒥ ᐃᖃᒪᕐᕕᒃᒥᑦ ᐅᒃᑑᐱᕆ 8-ᖑᑎᓪᓗᒍ. (ᐋᔾᔨᙳᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᑎᕋᖅᑕᕕᓂᖏᓐᓂᒃ)

ᒥᓯᐊᓪ ᓚᐸᓛᖕᒃ-ᕼᐋᕗᑦ, ᐊᕙᑎᓕᕆᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨ ᓄᓇᕗᒥᑦ ᒐᕙᒪᒃᑯᓐᓄᑦ, ᓇᓗᓇᐃᕐᓯᓚᐅᕐᑐᖅ PID ᖃᐅᔨᓴᕈᑎ ᖃᕋᓴᐅᔭᒃᑯᑦ ᑎᑎᕋᐅᓯᕆᓪᓗᓂᐅ ᐃᒪᓐᓇ “ᕿᓚᒻᒥᐅᓐᓇᖅᖢᓂ ᐊᒻᒪ ᓱᕉᓪᓗᓂ” ᖃᐅᔨᓴᕈᑎ “ᖃᐅᔨᓴᒃᑲᓐᓂᕆᐊᖃᕈᑎᐅᓪᓗᓂ.”

“ᓄᖑᑐᐃᓐᓇᔭᖅᑰᔨᙱᑉᐸ ᑕᐃᒪᓕ ᖃᐅᔨᓴᒃᑲᓐᓂᕈᑎ ᓴᖅᑭᑎᑦᑎᓇᔭᙱᑦᑐᖅ ᖃᓄᐃᑦᑑᓂᖓᓂᒃ,” ᑎᑎᕋᓚᐅᕐᑐᖅ ᐅᒃᑑᐱᕆ 7-ᒥ.

ᖃᐅᔨᓴᕈᑎᐅᔪᑦ ᓄᖑᑐᐃᓐᓇᔭᖅᑐᓂ ᐳᔪᖃᓚᐅᕐᓂᖓᓂᒃ ᐃᒪᖃᐅᑎᖃᕐᕕᒃᒥ. ᑎᒧᐊ ᐅᖃᓚᐅᕐᑐᖅ ᖃᐅᔨᓴᕈᑎᖏ ᓴᖅᑭᑎᑦᑎᓯᒪᓪᓗᑎᒃ 15.9 ᑭᓱᖃᕐᓂᖓᓂᒃ 1ᒥᓕᐊᓐᓂᒃ, “ᐅᔾᔨᕐᓇᕐᓂᕋᖅᖢᓂᐅᒃ.”

ᐊᔾᔨᓕᐅᕆᖃᑦᑕᓚᐅᕐᒥᔪᖅ PID ᖃᐅᔨᓴᕈᑎᖃᖅᑎᓪᓗᒍ ᐃᒪᖃᐅᑎᖃᕐᕕᓕᒫᒥᒃ. ᐊᔾᔨᙳᐊᖅᑕᖃᓚᐅᕆᓪᓗᓂ ᐃᖅᑲᓇᐃᔭᖅᑎ ᖃᐅᔨᓴᕋᓱᒃᑐᖅ ᐃᒪᖃᐅᑎᖃᕐᕕᒃᒥ ᐃᒪᖃᖅᑐᒥ ᓴᓂᐊᒍᑦ ᑎᑎᕋᕐᓯᒪᓪᓗᓂ “ᐃᒪᖃᐅᑎ #1 ᐅᖅᓱᐊᕿᓪᓗᓂ ᖄᖓᒍᑦ.”

ᐃᖃᓗᒻᒥᐅᑕᐃ ᐅᖃᐅᔾᔭᐅᓕᓚᐅᕐᓯᒪᖕᒪᑕ ᐃᒥᑲᑕᖁᔭᐅᙱᖢᑎᒃ ᓄᓇᓕᐸᐅᔭᐃᑦ ᐃᒪᖃᐅᑎᖃᕐᕕᖓᓂᙶᖅᑐᒥᒃ ᑕᐃᒪᙵᐅᓚᐅᕐᑐᖅ ᐅᒃᑑᐱᕆ 12. ᑕᕝᕙᓂ ᐅᓪᓗᕐᒥ ᐅᓇ ᒪᐃᔭ ᑭᐊᓂ ᐱᐊᓪ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᐅᖃᓚᐅᕐᑐᖅ ᐱᓕᕆᔨᒻᒪᕆᐅᔪᑦ ᐃᓄᖕᓂ ᐅᔾᔨᕈᓱᓕᖅᑎᑦᑎᓕᓚᐅᕐᓂᖏᓐᓂᒃ ᐃᖅᑲᓇᐃᔭᖅᑏᑦ “ᐅᖅᓱᐊᓗᒃᓱᖕᓂᑦᑐᕐᒥᒃ” ᐃᒪᖃᐅᑎᖃᕐᕕᒃᒥᑦ.

ᓄᓇᓕᐸᐅᔭᐃᑦ ᐊᖓᔪᖅᑳᖓ ᐊᐅᓚᑦᑎᔨ, ᐊᐃᒥ ᐃᐊᒍᔅᒪ, ᓄᓇᓕᐸᐅᔭᓄᑦᑕᐅᖅ ᐱᓕᕆᐊᒃᓴᓄᑦ ᑐᑭᒧᐊᖅᑎᑦᑎᔨᐅᑲᐃᓐᓇᖅᖢᓂ, ᐊᐱᖅᓱᖅᑕᐅᔪᒪᑎᓪᓗᒍ ᐊᑐᐃᓐᓇᐅᓚᐅᙱᒻᒪᑦ.

ᓄᓇᑦᓯᐊᕐᒥ ᐱᕙᓪᓕᐊᔪᑦ ᓄᓇᓕᐸᐅᓴᓄᑦ ᐅᖃᖅᑎᒋᔭᐅᔪᒧᑦ ᐊᓚᒃᓯ ᑳᒧᕋᓐᒧᑦ ᐃᖅᑲᓇᐃᔭᖅᑏᑦ ᖃᐅᔨᓚᐅᕐᓯᒪᓂᖏᓐᓂᒃ ᐅᖅᓱᐊᓗᒃᓱᓐᓂᑦᑐᒥᒃ ᐃᒪᖃᐅᑎᖃᕐᕕᒃᒥᑦ. ᑳᒧᕋᓐ ᐅᖃᓚᐅᕐᑐᖅ ᓈᒻᒪᒐᔭᙱᓐᓂᖓᓂᒃ ᐅᖃᕆᐊᒃᓴᖅ ᐃᖅᑲᓇᐃᔭᖅᑏᑦ ᑎᐱᓕᖕᒥ ᐅᖃᐅᓯᖃᓚᐅᕐᓂᕋᕐᓗᒋᑦ.

“ᐅᒃᑑᐱᕆ 12-ᒥ, ᐃᖅᑲᓇᐃᔭᖅᑎ ᓄᓇᓕᐸᐅᔭᓄᑦ ᐅᖃᐅᓯᖃᓚᐅᕐᓯᒪᔪᖅ ᐊᒥᐊᓄᑦ ᑭᓂᕈᓐᓃᕈᑎᓱᓐᓂᑦᑐᒥᒃ ᑎᐱᖃᕐᓂᖓᓂᒃ, ᑖᓐᓇᓗ ᖃᐅᔨᒍᑎᐅᓕᓚᐅᕐᓯᒪᔪᖅ ᐃᒪᕐᒧᑦ ᐱᐅᔪᓐᓃᕈᑎᐅᓂᒃ ᐅᕙᓂ ᓄᐊᑦ ᑭᓕᐅ ᐃᒪᖃᐅᑎᖃᕐᕕᒃᒥᑦ, ᐅᖃᖅᑐᖅ. ᑭᓯᐊᓂᓕ ᓄᓇᕗᒥᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᒻᒪᕆᖓ ᐃᒪᕐᒥ ᐊᑐᖁᔨᙱᑎᑦᑎᔨᐅᔪᓐᓇᕐᑐᖅ. ᓘᒃᑖᖅ ᒪᐃᑯᓪ ᐹᑐᓴᓐ ᐅᖃᕐᓯᒪᔪᖅ ᓈᒻᒪᒐᔭᓚᐅᙱᓐᓂᖓᓂ ᐃᒪᕐᒥ ᐃᒥᑲᑕᓕᖁᔨᓂᕐᒥᒃ.

ᓄᓇᑦᓯᐊᕐᒥ ᐱᕙᓪᓕᐊᔪᑦ ᖃᐅᔨᓇᓱᓚᐅᕐᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᐱᕐᓱᕈᒪᓪᓗᑎᒃ ᐹᑐᓴᓐᒥᒃ ᐊᒻᒪ ᑎᒧᐊᒥᒃ. ᐅᑯᐊ ᐅᖃᕐᑎᒋᔭᐅᔪᑦ ᑏᓇᕇ ᓴᒧᕕᐊᓪ ᐊᒻᒪ ᑯᕆᔅ ᐸᒡᓕᐊ ᐅᖃᓚᐅᕐᒪᑕ ᐊᐱᖅᓱᖅᑕᐅᔪᓐᓇᙱᓐᓂᕋᖅᖢᒋᑦ.

Share This Story

(0) Comments

Join the Conversation

Your email address will not be published. Required fields are marked *

*