ᐃᖃᓗᐃᑦ ᐃᓐᓇᑐᖃᐃᑦ ᐊᖏᕐᕋᖓ ᒪᑐᐃᒃᑲᓐᓂᕐᓂᐊᖅᑐᖅ ᑕᒪᑐᒪᓂ ᑕᖅᑭᒥ, ᓯᕗᓕᐅᕐᑎ ᐅᖃᓚᐅᕐᑐᖅ
ᓱᓕ ᑐᓴᐅᒪᙱᑦᑐᑦ ᖃᑯᒍ ᐊᖏᕐᕋᖃᓚᐅᕐᑐᑦ ᐅᑎᕐᓂᐊᕐᒪᖔᑦ
ᐃᖃᓗᐃᑦ ᐃᓐᓇᑐᖃᐃᑦ ᐊᖏᕐᕋᖓ ᒪᑐᐃᒃᑲᓐᓂᕐᓂᐊᖅᑐᖅ ᑕᒪᑐᒪᓂ ᑕᖅᑭᒥ ᒪᑐᓯᒪᓚᐅᖅᖢᓂ ᑕᖅᑭᓂᒃ 9-ᓂᒃ. (ᐊᔾᔨᙳᐊᖁᑎᖓ ᑕᐃᕕᑦ ᕕᐊᓐ)
For an English version of this story, see Iqaluit Elders Home renovations to be complete in October, says housing corp.
ᐃᖃᓗᐃᑦ ᐃᓐᓇᑐᖃᐃᑦ ᐊᖏᕐᕋᖓ ᒪᑐᐃᒃᑲᓐᓂᕐᓂᐊᖅᑐᖅ ᑕᒪᑐᒪᓂ ᑕᖅᑭᒥ ᒪᑐᓯᒪᓚᐅᖅᖢᓂ ᑕᖅᑭᓂᒃ 9-ᓂᒃ.
ᓄᓇᕗᑦ ᓯᕗᓕᐅᕐᑎᖓ ᐸᐅᓗᓯ ᐊᕿᐊᕈᖅ ᑐᓴᒐᒃᓴᓕᐅᓚᐅᕐᒪᑦ ᔭᓄᐊᕆ 6-ᖑᑎᓪᓗᒍ ᓄᕙᒡᔪᐊᕐᓇᖅ-19 ᑐᓴᒐᒃᓴᓕᕆᓂᒃᑯᑦ.
“ᖃᐅᔨᑎᑕᐅᓵᕋᑦᑕ ᐃᓐᓇᑐᖃᐃᑦ ᐊᖏᕐᕋᖓ ᐋᖅᑭᒃᓱᖅᑕᐅᕌᓂᓕᕐᓂᖓᓂᒃ,” ᐅᖃᖅᑐᖅ. “ᐱᓕᕆᔨᒥᑦ ᐋᖅᑭᒃᓯᓯᒪᓕᕐᑐᑦ. ᐊᒻᒪᓗ ᐃᓱᒪᓪᓗᑎᒃ ᒪᑐᐃᖅᑕᐅᓂᐊᕐᓂᖓᓂᒃ ᐃᓐᓇᑐᖃᐃᑦ ᐊᖏᕐᕋᖓ ᑕᒪᑐᒪᓂ ᑕᖅᑭᒥᒃ.”
ᓄᓇᑦᓯᐊᕐᒥ ᐱᕙᓪᓕᐊᔪᑦ ᐊᐱᕆᓚᐅᕐᓯᒪᖕᒪᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ ᖃᑯᒍ ᐃᓐᓇᑐᖃᐃᑦ ᑕᕝᕗᖓ ᐅᑎᖅᑎᑕᐅᓂᐊᕐᒪᖔ, ᖃᓄᕐᓗ ᓄᕙᒡᔪᐊᕐᓇᖅ-19 ᐊᒃᑐᐃᓂᖃᕋᔭᕆᐊᒃᓴᖓᓂᒃ ᐸᕐᓇᐅᑎᒋᔭᐅᔪᓂᒃ ᐊᒻᒪᓗ ᓇᓕᐊᒃ ᑲᒻᐸᓂ ᐱᓕᕆᐊᖃᕐᓂᐊᕐᒪᑕ ᐊᐅᓚᑦᑎᓗᑎᒃ, ᑭᓯᐊᓂᓕ ᑖᒃᑯᓄᖓ ᐊᐱᖅᑯᑎᓄᑦ ᓱᓕ ᑭᐅᔭᐅᓚᐅᙱᑦᑐᑦ.
ᐃᓐᓇᑐᖃᐃᑦ ᐊᖏᕐᕋᖓ ᒪᑐᔭᐅᓚᐅᕐᓯᒪᖕᒪᑦ ᒪᐃ 8-ᖑᑎᓪᓗᒍ, ᐊᒻᒪᓗ ᒐᕙᒪᒃᑯᑦ ᑎᓴᒪᓂᒃ ᐃᓐᓇᑐᖃᕐᓂᒃ ᓄᒃᑎᖅᑎᑦᑎᓪᓗᑎᒃ ᐊᒻᐸᓯ ᕗᐃᐊᔅᑦ ᐃᓐᓇᑐᖃᕐᓄᑦ ᐊᖏᕐᕋᒧᑦ ᐋᑐᕚᒥ ᐊᒻᒪᓗ ᒪᕐᕉᒃ ᐊᓯᐊᓅᖅᑕᐅᓪᓗᑎᒃ ᓄᓇᕗᒥᑦ. ᑕᐃᔅᓱᒪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᓪᓚᒃᑎᖓ ᑯᕆᔅ ᐸᒡᓕᐊ ᐅᖃᓚᐅᕐᓯᒪᔪᖅ ᒪᑐᓚᐅᕐᓯᒪᓂᖓᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᔭᐅᓪᓗ ᐃᖅᑲᓇᐃᔭᖅᑎᖏᑦ ᐋᓐᓂᐊᖃᓕᕐᓂᖏᓐᓄᑦ.
ᑕᐃᔅᓱᒪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᕆᓚᐅᕐᓯᒪᔭᖓ ᖁᐊᓴ ᑯᓱᒐᖅ ᐅᖃᓚᐅᕐᓯᒪᖕᒪᑦ ᑭᖑᓂᐊᒍᑦ ᐅᓇ ᐃᓐᓇᑐᖃᐃᑦ ᐊᖏᕐᕋᖓ ᐃᓄᖃᙱᓐᓂᖓᓂᒃ ᓄᑖᙳᕆᐊᖅᑕᐅᓂᐊᕐᓂᕋᖅᖢᓂᐅᒃ ᐊᒻᒪᓗ ᓄᑖᓂᒃ ᐊᐅᓚᑦᑎᔨᓂᒃ ᐱᓕᕆᓕᖅᑎᑦᑎᓂᐊᕐᓗᑎᒃ ᐃᓇᖐᓂᐊᖅᑐᓂᒃ ᐅᑯᓂᖓ ᐸᐃᕆᔩᑦ ᑎᒍᒥᐊᖅᑎᒃᑯᓐᓂᒃ, ᑖᒃᑯᐊ ᓄᖅᑲᓚᐅᕐᓯᒪᖕᒪᑕ ᑕᖅᑮᒃ ᒪᕐᕉᒃ ᓯᕗᓂᐊᓂᒃ ᐅᖃᖅᖢᑎᒃ ᑲᒪᒋᔭᐅᑦᑎᐊᙱᓐᓂᖏᓐᓂᒃ ᓄᓇᕗᒥᑦ ᒐᕙᒪᒃᑯᓐᓄᑦ.
7-ᐅᖕᒪᑕ ᐃᓐᓇᑐᖃᐃᑦ ᐊᒻᐸᓯ ᕗᐃᐊᔅᒦᑦᑐᑦ ᓄᕙᒡᔪᐊᕐᓇᖅ-19-ᒥ ᐋᓐᓂᐊᖃᕐᑐᑦ, ᐅᖃᓚᐅᕐᑐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᔭᓄᐊᕆ 6-ᖑᑎᓪᓗᒍ. ᐅᖃᓚᐅᕐᑐᖅ ᖃᐅᔨᓴᖅᑕᐅᑦᑎᐊᕐᓂᖓᓂᒃ ᑖᓐᓇ ᒫᓐᓇ.
ᑭᒡᒐᖅᑐᐃᔨ ᐊᒻᐸᓯ ᕗᐃᐊᔅᒥᑦᒥ ᐅᖃᓚᐅᕐᑐᖅ ᐱᓇᓱᐊᕈᓯᐅᓚᐅᕐᑐᒥ ᑕᕝᕙᓃᑦᑐᑦ ᖃᓄᐃᙱᓐᓂᕋᖅᖢᓂᒋ ᐊᒻᒪ ᐃᒃᐱᒋᔭᖃᓗᐊᙱᖢᑎᒃ.
The Nunavut Housing Corruption came from the south.