ᐃᖃᓗᐃᑦ: 2019 ᕿᒥᕐᕈᓪᓗᒍ

ᓄᓇᕗᒻᒥ ᓄᓇᓕᕐᐸᐅᔭᖓᓂ ᐊᒥᒐᕐᓴᓚᐅᕐᓱᑎᒃ ᐃᒪᕐᒥᒃ ᐊᓐᓇᓚᐅᕐᐳᑦ, ᓄᑖᓂᓪᓗ ᓯᑎᒃᑯᑦ ᑲᑎᒪᔨᖃᓕᕐᓱᑎᒃ, ᐊᒻᒪ ᓱᓕ ᐊᒥᓱᑦ

ᓯᑦᑎᐱᕆ 27-ᒥ ᐃᖃᓗᓐᓂ ᒪᒃᑯᒃᑐᐃᑦ ᓯᑕᒪᐅᓪᓗᑎᒃ ᐊᕙᑎᒋᔭᐅᔪᓄᑦ ᐃᓚᒋᔭᐅᖃᑕᐅᓕᓚᐅᕆᕗᑦ ᐃᓚᒋᔭᐅᓕᕆᐊᖅᓱᑎᒃ ᓯᓚᕐᔪᐊᓕᒫᒥᐅᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᐱᔾᔪᑎᖃᖅᓱᑎᒃ ᓄᖅᑲᖓᓂᖃᕈᑎᐅᔪᒧᑦ. ᐅᑭᐅᑉ ᐃᓱᐊᓄᑦ ᑎᑭᓯᒪᓕᕐᒪᑦ ᑕᐃᒪᓐᓇᑎᑐᑦ ᐃᓕᖅᑯᓯᖃᓕᖅᓯᒪᓂᖏᑦ ᐱᖓᓱᐃᖅᑐᕐᓱᑎᒃ ᓴᖅᑭᓯᒪᓕᓚᐅᕐᒥᔪᑦ ᓄᓇᕗᑦ ᓄᓇᓕᐸᐅᔭᖓᓂ. (ᐊᔾᔨᓕᐅᖅᑕᖓ ᑕᔅᑎᓐ ᐸᑖᕐ)

By ᑕᔅᑕᓐ ᐸᑕᕐ ᐊᒻᒪ ᐃᐊᒪ ᑦᕆᓐᑐᕐ

For an English version of this story, see Iqaluit’s top stories of 2019

ᓄᓇᕗᑦ ᓄᓇᓕᕐᐸᐅᔭᖓᓂ, 2019,ᒥ ᐊᓯᔨᕐᑐᒻᒪᕆᓚᐅᕐᒪᑕ ᐊᒥᓱᑦ. ᓄᓇᓕᖅᐸᐅᒥ ᐅᕝᕙᓘᓐᓃᑦ ᒐᕙᒪᑐᖃᒃᑯᓪᓗ ᓂᕈᐊᕐᑎᑦᓯᓂᖓᒍᑦ ᐊᓯᔾᔨᕐᑐᓚᐅᕐᒪᑕ ᑭᒡᒐᒃᑐᕐᑏᑦ, ᓯᑎᒥᓗ ᐊᕐᓱᕈᕈᑎᖃᓚᐅᕐᒪᑕ ᐃᒪᑭᒃᓴᕐᓂᕐᒥᒃ ᐊᒻᒪ ᐃᓪᓗᐃᑦ ᐃᑯᐊᓪᓚᓐᓂᖏᓐᓄᑦ, ᐊᒻᒪ ᒪᒃᑯᑦᑐᑦ ᑲᑎᓐᖓᓪᓗᑎᒃ ᓂᓪᓕᐊᒍᑎᖃᓚᐅᕐᑐᑦ ᐃᓱᒫᓗᒍᑎᒥᓂᒃ ᓯᓚᐅᑉ ᓱᒃᑲᔪᒃᑯᑦ ᐊᓯᔾᔨᕐᐸᓪᓕᐊᓂᐊᑕ ᒥᒃᓵᓄᑦ.

ᓯᑎᒥ ᐊᑐᓚᐅᕐᑐᑦ ᓂᕆᐅᓐᓇᕐᓯᒪᔪᒥᒃ ᐃᒪᑭᒃᓴᕐᓂᕐᒥᒃ, ᐃᒥᕐᑕᕈᑎᒋᒋᐊᖃᓚᐅᕐᑕᖓ ᓂᐊᖁᓐᖒᑉ ᑰᖓᓂᑦ ᒥᓪᓗᐊᕐᓱᑎᒃ ᑕᑕᑎᕆᓇᓱᐊᕐᓱᑎᒃ Lake Geraldine,ᒥ ᐃᒪᖃᐅᑎᐊᓗᒻᒥᒃ. ᑭᓯᐊᓂ ᑖᓐᓇ ᑕᓯᖅ Lake Geraldine ᐃᓱᒫᓗᒍᑎᑐᐊᕆᓚᐅᖏᑕᖓ ᓱᓪᓗᑯᑖᑦ ᒥᓪᓗᐊᕈᑏᑦ ᐃᒪᕐᒥᒃ ᓯᒥᑦᑐᐊᓗᒻᒪᑕ ᐃᒫᒃ 950,000 ᓖᑐᕐᓂᒃ ᓱᕈᕐᒧᑦ ᖁᕐᕕᓄᑦ ᑯᕕᔪᓂᒃ ᐃᖃᓄᐃᑦ ᑕᕆᐅᖓᓄᑦ.

ᐊᒻᒪᓗ ᓯᓚᐅᑉ ᐊᓯᔾᔨᕐᐸᓪᓕᐊᓂᐊ ᐃᒃᐱᒋᔭᐅᓯᒪᓕᕐᑎᓪᓗᒍ ᐅᑭᐅᕐᑕᕐᑐᓕᒫᒥ, ᐃᖃᓗᒻᒥᐅᑦ ᓂᐱᖃᕈᑎᒋᒍᓐᓇᑦᓯᐊᓚᐅᕐᑕᖓ, ᑲᑎᒪᓂᖃᓚᐅᕐᒪᑕ ᐱᖓᓱᕕᑦᓱᑎᓪᓗ ᐱᓱᕋᔭᒍᑎᖃᓚᐅᕐᑐᑦ ᑲᑎᓐᖓᓪᓗᑎᒃ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓂᒃ ᐱᔾᔪᑎᖃᕐᓱᑎᒃ ᓯᑎᒥ 2019,ᒍᑎᓪᓗᒍ. ᐊᒻᒪ ᑕᒪᒃᑯᐊ ᐱᔾᔪᑎᒋᓪᓗᒋᑦ ᐱᖓᓱᑦ ᒐᕙᒪᑐᖃᒃᑯᑦ ᓯᕗᓕᕐᑎᖏᑦ ᐃᖃᓗᓐᓂᐊᕆᐊᖃᓚᐅᕐᑐᑦ ᐊᕐᕌᓂᑦᓴᐃᓐᓇᖓᓂ ᒪᓕᒐᐃᑦ ᓯᓚᓕᕆᓂᕐᒧᑦ ᐱᓪᔪᑎᒋᓪᓗᒋᑦ ᐊᒻᒪ ᑕᑯᓪᓗᒍᓗ ᐊᑲᐅᖏᓕᐅᑕᐅᔪᖅ ᐃᖃᓗᐃᑦ ᓄᓇᑐᐃᓐᓇᖓᓂ ᐊᒻᒪ ᑰᖏᓐᓄᑦ.

ᐅᒃᑐᐱᕆᒥ, ᐃᖃᓗᐃᑦ ᐅᖂᑕᑯᑦ ᑎᒥᖁᑎ ᓴᖅᑭᑎᑦᓯᓚᐅᕐᑐᑦ ᓄᓇᕗᒻᒥ ᓯᕗᓪᓕᕐᐹᑦᓯᐊᒥ ᐃᓪᓗᓕᐅᕐᓂᕐᒧᑦ ᐃᑲᔪᕐᑕᐅᔭᕆᐊᓕᓐᓄᑦ.

ᐃᖃᓗᒻᒥᐅᑦ ᓂᕈᐊᕐᓂᖃᓚᐅᕆᕗᑦ ᐊᑕᐅᓯᐊᕋᑎᒃ, ᒪᒃᕈᕕᑦᓱᑎᒃ, ᓂᕈᐊᕐᓱᑎᒃ ᓄᑖᒥ ᒪᐃᔭᒥ ᐊᒻᒪ ᑲᑎᒪᔨᓂᒃ ᐊᒻᒪ ᓄᑖᒥᒃ ᑲᓇᑕᐅᑉ ᒐᕙᒪᒃᑯᖏᑕ ᑲᑎᒪᕕᐊᓗᐊᓂ ᑭᒡᒐᕐᑐᕐᑎᒃᓴᒥᒃ.

ᑕᕝᕙ ᐅᑯᐊ ᓄᓇᑦᓯᐊᖅᒥ ᐱᕙᓪᓕᐊᔪᓂ ᐃᖅᑲᐅᒪᔭᐅᓂᖅᐸᐅᓪᓗᑎᒃ ᐃᖃᓗᓐᓂ ᐅᓂᒃᑳᕆᔭ-ᐅᓚᐅᖅᑐᑦ 2019-ᖑᑎᓪᓗᒍ.

ᔭᓄᐊᕆ

    • ᐊᕐᕌᒍᑦ ᐊᒥᓱᑦ ᐊᓂᒍᕐᓯᒪᓕᕐᑎᓪᓗᒋᑦ ᖃᐅᔨᒪᔭᐅᓂᖃᑦᓯᐊᕐᑐᖅ ᐃᖃᓗᓐᓂ ᐋᖓᓗᐊᕐᑐᓄᑦ ᐃᓂᒋᔭᐅᒋᐊᖅ, ᐅᕝᕙᓘᓐᓃᑦ ᕿᒫᕕᐅᓪᓗᓂ, ᐃᖃᓗᐃᑦ ᕿᑭᕐᑖᓂ ᐋᓐᓂᐊᕕᖓ ᓴᖅᑭᑎᑦᓯᒪᐅᕐᒪᑕ

ᔭᓄᐊᕆ – ᒐᕙᒪᒃᑯᑦ ᐃᓚᒌᑦᑐᓕᕆᔨᖏᑦ ᒪᑐᐃᕐᓱᓂ ᐃᓚᒋᔭᐅᓪᓗᓂ ᐃᓪᓗᒧᑦ 534 ᐊᖅᑯᑎᐊᓂ ᓂᐊᖁᓐᖒᒧᑦ ᐃᖃᓗᓐᓂᑦ “ᒪᕐᓗᖃᕐᕕᐅᓪᓗᓂ” ᓇᔪᕐᑕᐅᕙᑦᑐᖅ ᐊᓯᖏᓐᓄᑦ ᐃᓯᕈᓐᓇᖏᑦᑐᓄᑦ ᑐᐊᕕᕐᓇᕐᑐᒃᑯᑦ ᐃᓪᓗᓄᑦ. (ᐊᔾᔨᖑᐊᓕᐊᖓ ᐱᐊᑦ ᑉᕋᐅᓐ)

  • ᑎᑎᖅᑲᒥᒃ ᔭᓄᐊᕆ 8,ᒥ, ᐅᖃᕐᓱᑎᒃ ᐊᖏᕐᕋᖃᖏᑦᑐᑦ ᓯᓂᑦᑕᕆᐊᖃᕈᓐᓇᐃᕐᒪᑕ ᐅᖅᑰᔪᒥᓐᓇᓱᐊᕐᓗᑎᒃ ᑐᐊᕕᕐᓇᕐᑐᖃᕕᖏᓐᓂ ᐅᑕᖅᑭᕕᖓᓂ ᐋᓐᓂᐊᕕᐅᑉ.
  • ᑎᒥᐅᔪᑦ Nova Group ᐊᖏᕐᑕᐅᓚᐅᖏᒻᒪᑕ ᑳᓐᑐᕌᕋᓱᐊᕐᑎᓪᓗᒋᑦ ᐸᐃᕆᔭᐃᑦ ᑎᒍᒻᒥᕕᐊᓄᑦ ᐃᓄᑐᖃᒃᑯᕕᒻᒧᑦ ᔭᓄᐊᕆ 10,ᒥᓗ ᐊᐅᓚᑕᐅᖔᕐᓂᐊᓕᕐᑎᓪᓗᒋᑦ ᑕᒻᒫᕐᕕᒃ ᐊᖏᕐᕋᕆᔭᐅᕙᑦᑐᒧᑦ ᐃᖃᓗᓐᓂ, ᐃᖅᑲᓇᐃᔮᖃᕈᓐᓇᐃᕈᑕᐅᓪᓗᓂ 50,ᓂᑦ 55,ᓄᑦ ᑎᒥᐅᔪᒧᑦ ᐃᖅᑲᓇᐃᔭᕐᑎᓄᑦ.
  • ᐃᖃᓗᓐᓂ ᖃᔪᕐᑐᕐᕕᒃᑯᑦ ᐃᓂᖃᕐᑎᑦᓯᑲᐃᓐᓇᕐᓯᒪᔪᑦ ᐱᓇᓱᐊᕈᓯᐊᕐᒥ ᔭᓄᐊᕆᐅᑎᓪᓗᒍ ᑭᖑᓂᐊᓂ ᕿᑭᕐᑕᓂ ᐋᓐᓂᐊᕕᒻᒥ ᐃᓱᒪᓕᐅᕈᑎᖃᓚᐅᕐᑎᓪᓗᒋᑦ ᐊᖏᕐᕋᖃᖏᑦᑐᓄᑦ ᓯᓂᑦᑕᕐᕕᐅᖃᑦᑕᖁᔪᓐᓇᐃᕐᓱᒍ ᐅᑕᖅᑭᕕᐊᓂ ᑐᐊᕕᕐᓇᕐᑐᓂᒃ ᐋᓐᓂᐊᕕᒻᒥ.
  • ᖃᔪᕐᑐᕐᕕᒃ ᐱᓇᓱᐊᕈᓯᑐᐃᓐᓇᕐᒥ ᒪᑐᐃᖓᑲᐃᓐᓇᓚᐅᕐᑎᓪᓗᒍ, ᓄᓇᕗᒻᒥ ᐃᓚᒌᑦᑐᓕᕆᔨᒃᑯᑦ ᓅᑦᓯᓚᐅᕐᑐᑦ ᐃᓂᒃ ᒥᒃ ᐊᓯᐊᓄᑦ ᐃᓂᒋᔭᐅᖏᓐᓇᕐᓂᕐᓴᐅᓂᐊᓕᕐᑐᒧᑦ: ᐃᓪᓗᖅ 534 ᓂᐊᖁᖒᑉ ᐃᖃᓗᓐᓄᑦ ᐊᖅᑯᑎᐊᓃᑦᑐᖅ.

ᕕᕗᐊᕆ

    • ᐃᖃᓗᓐᓂ ᓇᑎᓕᒃ ᑎᓴᒪᐅᔪᕐᑐᓂᒃ (8) ᐃᓱᐃᓪᓕᐅᑎᖃᕐᔪᐊᓚᐅᕐᒥᔪᖅ ᐃᒪᕐᒥ ᕕᕗᐊᕆ 17,ᒥ, ᐃᒫᒃ ᓯᑎᒧᑦ ᐃᖃᓗᓐᓂ

ᕕᕗᐊᕆ – ᐃᖃᓗᓐᓂ ᒪᕐᕉᓐᓂᒃ ᐃᓘᓐᓂᒃ ᐃᑭᑦᑐᖃᓚᐅᕐᒥᔪᑦ ᐱᓇᓱᐊᕈᓯᐅᑉ ᐃᓗᐊᓂ. (ᐊᔾᔨᓕᐊᖓ ᐱᐊᑦ ᑉᕋᐅᓐ)

  • ᐊᔾᔭᕐᑐᕆᐊᖃᖃᑦᑕᓕᓚᐅᕐᒪᑕ ᐅᒃᑯᓯᒃᑯᑦ ᐃᒪᕐᒥᒃ ᐃᓪᓗᓄᑦ ᐅᒃᑯᓯᓕᓐᓄᑦ ᐅᕝᕙᓘᓐᓃᑦ ᐃᕐᒥᒋᐊᕐᑐᕆᐊᖃᕐᐸᑦᓱᑎᒃ ᐃᓕᓴᕐᕕᑦ ᐃᖃᐃᓴᕐᕕᖏᓐᓂ.
  • ᐃᖃᓗᓐᓂ ᓯᑎᒃᑯᑦ ᑐᓴᕐᑎᑎᑦᓯᓚᐅᕐᑐᑦ ᐃᒥᕐᑐᐃᖏᓐᓇᕐᓂᐊᕐᓂᕋᕐᓱᑎᒃ ᓂᐊᖁᖒᑉ ᑰᖓᓂᑦ ᑕᐃᑯᖓ ᑕᓯᐊᓄᑦ Lake Geraldine ᐊᐅᔭᑕᒫᑦ ᐃᓱᓕᓪᓗᒍ 2026, ᒪᓕᓪᓗᒋᑦ ᖃᖓᒃᑯᑦ ᐊᖏᕐᑕᐅᓂᖏᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓄᑦ.
  • ᐃᑯᐊᓪᓚᓚᐅᕐᑎᓪᓗᒍ ᐃᓪᓗᖅ ᓄᖑᑦᓯᐊᕐᓱᓂ Tundra Ridge,ᒥ ᕕᕗᐊᕆ 22,ᒥ ᐊᒻᒪ ᐃᑭᓚᐅᕆᓪᓗᓂ ᐃᓪᓗᖃᕕᐅᒧᖅ ᐊᒥᓱᓄᑦ ᐊᖅᑯᑎᐊᓃᑦᑐᖅ ᓂᐊᖁᖑᒧᑦ ᓱᒧᑦ ᐱᔾᔪᑎᐅᓂᖏᑦ ᖃᐅᔨᒪᔭᐅᖏᒻᒪᑕ, ᐃᖃᓗᓐᓂ ᐃᑯᐊᓪᓚᑦᑐᓕᕆᔨᒻᒪᕆᒃ ᐅᖃᓚᐅᕐᑐᖅ.

ᒪᕐᔨ

ᒫᕐᔨ – ᑲᓇᑕᐅᑉ ᐊᖓᔪᖅᑳᖓ ᔭᔅᑕᓐ ᑐᕉᑐ ᐅᖃᓕᒪᖃᑎᓕᒃ ᓕᓯ ᐃᐳ-ᔪᐊᒃᒥᒃ ᑰᔾᔪᐊᒥᐅᒥᒃ ᐊᒻᒪ ᐋᓚᓯ ᔫᒥᒥᒃ ᓂᐊᖁᓐᖒᒥᐅᒥᒃ ᐱᔭᕇᕋᑖᕐᑎᓪᓗᒋᑦ ᒐᕙᒪᒃᑯᑦ ᒪᒥᐊᓐᓂᕐᒥᒃ ᑲᒪᒋᔭᐅᑦᓯᐊᕐᓯᒪᖏᓐᓂᖏᓐᓄᑦ ᐳᕙᓪᓗᐸᑦᑎᓪᓗᒋᑦ ᐃᓄᐃᑦ ᐊᕐᕌᒍᑦ ᐊᑯᓐᓂᖏᓐᓂᒃ 1940 ᐊᒻᒪ 1960. ᐃᐳ-ᔪᐊᒃ ᐅᖃᐅᓯᖃᓚᐅᕐᑐᖅ ᐊᒫᕐᑕᐅᑦᓱᓂ ᐊᓈᓇᒥᓄᑦ ᐊᐅᓪᓚᓚᐅᕐᓯᒪᓂᕕᓂᕐᒥᓂᒃ ᖃᓪᓗᓈᑦ ᓄᓇᖓᓄᑦ ᐳᕙᓪᓗᓂᕐᒧᑦ ᑲᒪᒋᔭᐅᒋᐊᕐᑐᓱᓂ, ᐊᒻᒪ ᔫᒥ ᐅᓂᒃᑳᓚᐅᕐᑐᖅ ᐅᐃᖓᑕ ᐊᐅᓪᓚᓚᐅᕐᓯᒪᓂᐊᓂᒃ ᐳᔭᓪᓗᓐᓂᕐᒧᑦ 1967,ᒥ. ᐅᑎᓚᐅᕐᓯᒪᖏᑦᑐᖅ ᐅᐃᖓ, ᕿᒪᐃᓪᓗᓂ ᐊᐅᑉᐸᒥᓂᒃ ᐊᒻᒪ ᕿᑐᕐᖓᒥᓂᒃ ᐊᕐᓱᕈᓇᕐᑐᒃᑰᕐᓂᐊᓕᕐᑎᓪᓗᒋᑦ. (ᐊᔾᔨᓕᐊᖓ ᐱᐊᑦ ᑉᕋᐅᓐ)

  • ᑭᖑᕙᓚᐅᕐᓱᓂ ᐅᓪᓗᒥ ᐊᑕᐅᓯᕐᒥ ᓯᓚ ᐱᔾᔪᑎᒋᓪᓗᒍ, ᑲᓇᑕᐅᑉ ᐊᖓᔪᖅᑳᖓ ᔭᔅᑕᓐ ᑐᕉᑐ ᐃᖃᓗᓐᓄᐊᓚᐅᕐᑐᖅ ᒪᕐᔨ 8,ᒥ ᑲᓇᑕᐅᑉ ᒐᕙᒪᖏᓐᓂᒃ ᑭᒡᒐᕐᑐᕐᓱᓂ ᒪᒥᐊᒋᐊᕐᑐᕐᓱᓂ ᑲᒪᒋᔭᐅᑦᓯᐊᕐᓂᖏᓐᓂᕕᓂᖏᓐᓄᑦ ᐳᕙᓪᓗᑦᑐᑦ
  • ᐃᓄᐃᑦ ᐊᕐᕌᒍᐃᑦ ᐊᑯᓐᓂᖏᓐᓂ 1940,ᓂᑦ ᐊᒻᒪ 1960,ᖏᓐᓄᑦ.
  • ᐃᖃᓗᓐᓂ ᐸᓖᓯᒃᑯᑦ ᕿᓂᓂᕐᓂᖃᓚᐅᕐᑐᑦ 18,ᓂᒃ ᐊᕐᕌᒍᓕᒻᒥ ᐋᐳᕐ ᕈᐃᒥᒃ, ᐊᓯᐅᓚᐅᕐᓯᒪᒻᒪᑦ ᓯᑎᒥᑦ ᒪᕐᔨ 14,ᒍᑎᓪᓗᒍ. ᕿᓂᖃᑎᖃᓚᐅᕐᑐᑦ ᓄᓇᕗᒻᒥ ᑐᐊᕕᕐᓇᑐᓕᕆᔨᒃᑯᓐᓂᒃ ᐱᒋᐊᕐᓱᑎᒃ ᒪᕐᔨ 20,ᒥ. ᕿᓂᕐᓱᑎᒃ ᓇᓂᓯᓚᐅᕐᓇᑎᒃ, ᐸᓖᓯᒃᑯᑦ ᓄᖅᑲᕐᑎᑦᓯᓚᐅᕐᑐᑦ ᕿᓂᕐᓂᕐᒥᒃ ᒪᕐᔨ 27,ᒥ.
  • ᐃᖃᓗᒻᒥᐅᑦ ᑲᑎᓚᐅᕐᑐᑦ ᐃᑲᔪᕐᓯᓂᕐᒥᓄᑦ ᓯᑎᒥ ᐃᖅᑲᐅᒪᓂᖃᑎᓪᓗᒋᑦ ᒪᕐᔨ 19,ᒥ ᑭᖑᓂᐊᓂ 51 ᑐᑭᓯᐊᕐᑏᑦ ᑐᖁᑕᐅᓚᐅᕐᓯᒪᓂᖏᓐᓄᑦ ᒪᕐᔨ 15,ᒍᑎᓪᓗᒍ ᓂᐅ ᔩᓚᓐᒥ ᖁᑭᐊᔭᐅᓪᓗᑎᒃ.

ᐊᐃᕆᓕ

    • ᐊᐃᕆᓕ 17,ᒥ ᑲᑎᒪᑎᓪᓗᒋᑦ, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᐅᔪᑦ ᐊᑐᓕᖁᔨᕗᖔᕈᑎᓕᐅᓚᐅᕐᑐᑦ ᐊᖏᕐᑕᐅᖁᓪᓗᒍ ᓯᑎᑯᓐᓄᑦ ᐊᖅᑭᑎ ᓂᐊᖁᓐᖒᒧᑦ ᐱᔾᔪᑕᐅᓂᐊᓄᑦ ᐊᖅᑯᑎᒋᔭᖓᓃᒻᒪᑦ ᓂᐊᖁᓐᖒᒥᑦ ᐊᒻᒪ Lake Geraldine,ᒧᑦ ᐃᒪᖃᐅᑎᒋᔭᐅᓪᓗᓄᓂ ᐊᐅᔭᒃᑯᑦ ᐊᑐᕐᑕᐅᒋᐊᖃᓂᓕᒫᖓᓂ ᔫᓂ 2026,ᒧᑦ ᑎᑭᓪᓗᒍ.

ᐊᐃᕆᓕ – ᐃᓐᖏᕐᑎ ᑲᔭᔾᔭᕐᑎ ᕇᑦ (ᓴᐅᒥᐊᓂ), ᐃᓚᖃᖅᓱᓂ ᐊᓕᒃᓯᓇ ᑲᓚᕗᐃ-ᐊᓚᐃᖕᑲᒥᒃ (ᕿᑎᐊᓂ), ᐃᓐᖏᕐᑎᓪᓗᒋᑦ ᐊᑭᖃᖏᑦᑐᒃᑯᑦ ᓯᑯᒥ ᓇᑦᑎᖑᔭᒥ ᐊᐃᕆᓕ 28,ᒥ, ᐃᖃᓗᓐᓂ. ᐃᓄᒋᐊᓐᓂᖃᓚᐅᕐᑐᖅ 30,ᓂᑦ 40,ᓄᑦᐅᓪᓗᒃᑯᑦ ᑕᑯᓐᓇᕆᐊᕐᑐᕐᑐᓂᒃ ᓄᓇᕗᒻᒥ ᑐᓴᕐᓂᔮᕐᓇᕐᑎᓪᓗᒍ ᐱᓇᓱᐊᕈᓯᕐᒥ. (ᐊᔾᔨᓕᐊᖓ ᐃᐊᒪ ᑐᕌᓐᑐᕐ)

  • ᐃᖃᓗᓐᓂ ᓯᑎᒃᑯᑦ ᑐᓴᕐᑎᑦᓯᓚᐅᕐᑐᑦ ᐊᑭᓕᒃᓴᖃᕈᓐᓇᐃᕋᔭᕐᓱᑎᒃ 2019,ᒍᓕᕐᐸᑦ, ᒪᐃᔭᖓ ᒪᑎᓕᓐ ᕆᐊᑦᕗᑦ ᑐᓴᕐᑎᑦᓯᓚᐅᕐᒪᑦ ᐊᐃᕆᔨ 23,ᒍᑎᓪᓗᒍ ᑲᑎᒪᑎᓪᓗᒋᑦ ᐊᖏᕈᑎᖃᕆᐊᖃᕐᓱᑎᒃ ᑮᓇᐅᔭᐃᑦ ᑕᒻᒪᕐᓯᒪᔪᕐᓯᐅᕐᑕᐅᓯᒪᓂᖏᓂᓐᓂᒃ.
  • ᑐᓪᓕᕆᓕᕐᑕᖓᓂ ᐊᕐᕌᒍᑕᒫᕐᓯᐅᒻᒥᒃ ᑐᓴᕐᓂᔮᕐᑎᑦᓯᓂᖃᓚᐅᕐᑐᑦ ᐱᓇᓱᐊᕈᓯᕐᒥ ᐃᖃᓗᓐᓂ ᐃᐳᓪ 25,ᒍᑎᓪᓗᒍ ᑎᑭᐅᕋᕐᓯᒪᑎᓪᓗᒋᑦ ᓇᑭᑐᐃᓐᓇᕐᑐᑦ ᐅᑭᐅᕐᑕᕐᑐᒥᑦ ᐱᓇᓱᐊᕈᓯᓕᒫᒥ ᑐᓴᕐᓂᔮᕐᑎᑦᓯᓪᓗᑎᒃ. ᐱᒋᐊᕐᑎᑦᓯᓚᐅᕐᑐᑦ ᑕᒪᑐᒥᖓ ᐃᓄᒃᓱᒃ ᐃᓕᓐᓂᐊᕐᕕᐊᓗᐊᓂ ᓯᐱᓯᒃᑯᑦ ᑕᐃᑲᓃᖃᑎᖃᕐᑎᓪᓗᒋᑦ ᑖᒻ ᐸᐅᕋᒥᒃ.
  • ᒪᑐᓯᒪᓚᐅᕐᑎᓪᓗᒋᑦ ᒪᕐᔨ 28,ᒥ ᐃᖃᓗᓐᓂ ᖁᕕᓕᕆᐅᑏᑦ ᐊᑐᓕᓚᐅᕐᓯᒪᔪᑦ ᐃᐳᓪ 29,ᒥ ᓱᓪᓗᑯᑖᑦ ᒪᑐᓯᒪᓚᐅᕐᑎᓪᓗᒋᑦ ᑭᓈᒍᑕᐅᓕᕐᓱᑎᒃ ᐃᒪᕐᓗᒻᒥᒃ ᑯᔨᓯᒧᑦ ᑕᖅᑭᐅᓯᒪᓕᕐᑐᒥ. ᓯᑎᒧᑦ ᐱᓇᓱᐊᕐᑏᑦ ᐊᑐᓚᐅᕐᑐᑦ ᒥᓪᓗᐊᕈᑎᒥᒃ ᓯᒥᑦᓯᒪᒍᑕᐅᒧᓂᒃ 6 ᒥᑐᕐᓂᑦ ᑕᑭᑎᒋᓂᖃᕐᑐᓂᒃ ᓱᓪᓗᑯᑖᒥᑦ.

ᒪᐃ – ᐳᕐᑎᔅ ᖃᖓᑕᔫᖓ, British Airways Boeing 777 ᒥᓚᐅᕐᓯᒪᔪᖅ ᐃᖃᓗᓐᓄᑦ 4 ᐅᓪᓗᒃᑯᑦ ᒪᐃ 9,ᒍᑎᓪᓗᒍ. ᖃᖓᑕᔫᖅ BA Flight 273 ᓚᓐᑕᓐᒥᖓᕐᓱᓂ ᓴᓐ ᑎᐊᐃᑯᓕᐊᕐᑐᖅ ᐃᓗᓐᓂᐊᕐᓂᐊᕐᓂᕋᑕᐅᓐᓂᕋᒥ ᑐᐊᕕᕐᓴᕐᑐᒃᑯᕐᑐᖃᓂᖅ ᐱᔾᔪᑎᒋᓪᓗᒍ. ᖃᖓᑕᓲᑦ ᒥᑦᓯᒪᓚᐅᕐᑐᖅ ᒥᑦᑕᕐᕕᒻᒥ ᐊᒻᒪ ᐃᑯᒪᔪᑦ ᐊᓂᑎᑕᐅᓇᑎᒃ. ᖃᖓᑦᑕᒃᑲᓐᓂᓚᐅᕐᑐᑦ ᓴᓂᐊᓂ 6:30 ᐅᓐᓄᒃᑯᑦ. ᐳᕐᑎᔅ ᖃᖓᑕᔫᖏᓐᓄᑦ ᐅᖃᓕᒪᔨᐅᔪᖅ ᐅᖃᓚᐅᕐᑐᖅ ᖃᖓᑕᖃᑕᐅᔪᖅ “ᖃᓄᐃᓐᓂᖃᓚᐅᕐᒪᑦ.” (ᐊᔾᔨᓕᐊᖓ ᓯᐊᕋ ᕌᔪᔅ)

ᒪᐃ

  • ᑖᓐᓇ ᖃᖓᑕᔫᖅ, British Airways ᓚᓐᑕᓐᒥᖓᕐᑐᖅ ᓵᓐ ᑎᐊᐃᑯᒧᑦ ᐃᖃᓗᑦᑎᒍᓕᓚᐅᕐᒪᑦ ᒪᐃ 9,ᒥ ᐱᓕᔪᑎᖃᕐᓱᑎᒃ ᑐᐊᕕᕐᓇᕐᑐᖃᓂᕐᒥᒃ. ᐊᑕᐅᓯᖅ ᕿᑭᕐᑖᓗᒻᒥ ᐋᓐᓂᐊᕕᖓᓄᐊᕐᑕᐅᓚᐅᕐᑐᖅ.
  • ᐃᖃᓗᓐᓂ ᐃᓕᓐᓂᐊᕐᓂᓕᕆᓂᕐᒧᑦ ᑲᑎᒪᔩᑦ ᓂᕈᐊᕐᓂᖃᓚᐅᕐᑐᑦ ᒪᐃ 27,ᒥ ᐃᒫᒃ ᐃᓄᑦᑎᑐᑦ ᐃᓕᓐᓂᐊᕈᑕᐅᓪᓚᑦᑖᕆᐊᖃᓂᐊᓕᕐᑎᓪᓗᒍ ᐃᓕᓐᓂᐊᕐᓂᓕᓐᓄᑦ 10,ᓂᒃ ᐃᓄᒃᓱᒃ ᐃᓕᓐᓂᐊᕐᕕᐊᓗᐊᓂ. ᐱᒋᐊᕐᑎᑕᐅᔪᕕᓂᖅ ᐊᓯᔾᔨᕐᑕᐅᓚᐅᕐᑐᖅ ᐃᓕᓐᓂᐊᕐᓂᓕᕆᔨᒃᑯᑦ ᑭᖑᓪᓕᕐᐹᒥ ᑲᑎᒪᓚᐅᕐᑎᓪᓗᒋ ᒪᐃ 13,ᒥ ᑖᓐᓇ ᐊᑐᓕᕐᑎᑕᐅᖁᓇᒍ ᐃᓄᑦᑎᑐᑦ ᐃᓕᓐᓂᐊᕆᐊᖃᓪᓚᑦᑖᕐᓂᖅ ᐃᓕᓐᓂᐊᕐᓂᓕᓐᓄᑦ ᕕᕇᑦ 10,ᒥᒃ.
  • ᑐᐱᐅᑉ ᐃᑭᑕᐅᓚᐅᕐᓂᐊ, ᐊᑐᕐᑕᐅᕙᑦᑑᑉ ᐃᓕᓴᐃᓂᕐᒧᑦ ᓂᐊᖁᓐᖒᒥ ᐱᔮᕆᔭᐅᓪᓗᓂ ᐃᑭᑕᐅᔪᕆᔭᖓ ᐸᓖᓯᒃᑯᑦ. ᐅᓪᓛᒥ ᐃᑯᐊᓪᓚᓚᐅᕐᓯᒪᔪᖅ ᒪᐃ 24,ᒥ ᑐᐱᖅ ᓄᖑᑦᓯᐊᕐᓱᓂ.

ᔫᓂ

ᔮᓂ – ᔨᐊᓂᕗᕐ ᐃᓪᕗᐊᑦ, ᐃᓕᓐᓂᐊᕐᓂᓕᒃ 10,ᓂ ᐃᓄᒃᓱᒃ ᐃᓕᓐᓂᐊᕐᕕᐊᓗᐊᓂ ᐃᖃᓗᓐᓂ, ᐃᓕᓐᓂᐊᕐᕕᒻᒥᑦ ᐊᓂᓚᐅᕐᓯᒪᔪᖅ ᒪᓕᑦᑎᖃᓱᓂᓗ 100,ᓂᒃ ᐃᓕᓐᓂᐊᖃᑎᒥᓂᒃ ᐅᓪᓛᖓᓂ ᔫᓂ 5,ᒥ ᒪᓕᒐᓕᐅᕐᕕᒧᑦ ᐱᔾᔪᑎᖃᕐᓱᑎᒃ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓂᒃ ᓯᓚᕐᔪᐊᒥ ᐊᕙᑎᓕᕆᓂᕐᒧᑦ ᐅᓪᓗᕆᔭᐅᑎᓪᓗᒍ. (ᐊᔾᓕᓂᐊᖓ ᐃᐊᒪ ᑐᕇᑐᕐ)

  • ᐃᖃᓗᓐᓂ ᐃᓕᓐᓂᐊᕐᑐᑦ ᐊᓃᓐᓇᓚᐅᕐᓯᒪᔪᑦ ᐊᓕᓐᓂᐊᕐᕕᐊᓗᒻᒥᑦ ᐊᒻᒪ ᐅᐸᒍᑎᓪᓗᑎᒃ ᒪᓕᒐᓕᐅᕐᕕᒻᒧᑦ ᑲᑎᒪᔪᓄᑦ ᔫᓂ 5,ᒥ ᐅᓪᓗᕆᔭᐅᑎᓪᓗᒍ ᓯᓚᕐᔪᐊᒥ ᐊᔭᑎᒧᑦ, ᑎᓕᐅᕆᔭᕐᑐᕐᓱᑎᒃ ᒐᕙᒪᓂᒃ ᓱᒋᐊᓪᓚᕈᑎᖃᕆᐊᖅ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᑕ ᒥᒃᓵᓄᑦ.
  • ᐅᔭᕋᓐᓂᐊᕐᑐᑦ ᓄᓘᔭᓂ ᑯᐊᐳᕇᓴᓐ (Baffinland Iron Mines Corp.) ᓴᐳᒻᒥᒍᔾᔪᒍᓐᓚᐅᕐᑐᑦ ᐃᒻᒥᓂᒃ ᐊᑲᐅᖏᓕᐅᕈᑕᐅᓪᓗᑎᒃ ᐱᓕᕆᐊᖏᑦ ᓄᓇᕗᑦ ᐃᒪᓕᕆᓂᕐᒧᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᐅᓪᓗᓂ ᐱᖓᓱᓂ ᐅᖃᐅᓯᖃᕆᐊᕐᑐᕐᓯᒪᓪᓗᑎᒃ ᓄᓘᔭᓂ ᐅᔭᕋᓐᓂᐊᕐᕕᐅᑉ ᒥᒃᓵᓄᑦ ᔪᓂ 17,ᒥᑦ 19,ᒧᑦ ᐃᖃᓗᓐᓂ.
  • ᑲᓇᑕᒥ ᑲᓐᓱᕙᑎᒃᑯᓐᓄᑦ ᓯᓄᓕᕐᑎ ᐋᓐᑐᕉ ᓯᐅᕐ ᐃᖃᓗᓐᓄᐊᓚᐅᕐᑐᖅ ᓯᕗᓪᓕᕐᐹᑦᓯᐊᒥ ᒪᓕᑦᑎᖃᕐᑐᓱᓂ ᓄᓇᕗᑦ ᓯᕗᓕᕐᑎᕕᓂᐊᓂᒃ ᓕᐅᓇ ᐊᒃᓗᑲᕐᒥᒃ ᔫᓂ 20,ᒥ. ᓯᐅᕐ ᐊᐱᕐᓱᕐᑕᐅᓚᐅᕐᑐᖅ ᑐᓴᒐᒃᓴᓕᕆᔨᒃᑯᓐᓄᑦ ᓄᓇᓕᓐᓂ, ᐊᒻᒪ ᕿᒥᕐᕈᑎᑕᐅᓪᓗᓂ ᓄᓇᕗᒻᒥ ᐃᖃᓗᓕᕆᔨᒃᑯᓐᓂᒃ ᐊᒻᒪ ᐃᒪᕐᒥᐅᑕᓕᕆᓂᕐᒧᑦ ᐃᓕᓐᓂᐊᕐᕕᒻᒥᒃ ᐊᒻᒪ ᐃᑎᔪᒃᑯᑦ ᑐᓚᑦᑕᕐᕕᒻᒥᒃ, ᐊᒻᒪ ᓄᓇᓕᓐᓂ ᑲᑎᖃᑎᖃᕐᓱᓂ ᓯᕗᓕᕐᑎᓂᒃ ᐃᖅᑲᐅᒪᓇᕐᑎᓪᓗᒍ ᑲᓇᑕᒥ ᓄᓇᖃᖅᑳᕐᓯᒪᔪᑦ ᐅᓪᓗᕆᔭᖓᑎᒍᑦ.
  • ᐃᖃᓗᓐᓂ ᐸᓖᓯᒃᑯᑦ ᑎᒍᓯᓚᐅᕐᑐᑦ ᐊᖑᒻᒥᒃ ᖁᑭᐅᑎᒃᑲᕐᑐᒥᒃ 300,ᖏᓐᓂ ᐃᓪᓗᓂ ᐃᖃᓗᓐᓂ ᐊᑲᐅᖏᓕᐅᕈᑕᐅᓚᐅᕐᑐᒥᒃ ᐅᓪᓛᓂ ᔫᓂ 30. ᐸᓖᓯᒃᑯᑦ, ᑯᑭᐅᒃᑲᕐᓱᑎᒃ ᐊᒻᒪ ᐋᓐᓂᕇᒃᑯᑎᓂᒃ ᓇᓴᕐᓯᒪᓪᓗᑎᒃ, ᑎᒥᒧᓪᓗ ᐊᒻᒪ ᐊᓐᓄᕋᕐᓯᒪᓪᓗᑎᒃ ᐊᑐᕆᐊᓕᓐᓂᒃ, ᐅᐸᒍᑎᓚᐅᕐᑐᑦ ᖁᑭᐅᒃᑲᕐᕕᐅᔪᒧᑦ ᐊᒻᒪ ᐊᓯᐊᓄᐊᕈᑎᓪᓗᒋᑦ ᐃᓄᐃᑦ.

ᔪᓚᐃ – ᐃᖃᓗᓐᓂ ᐃᑯᐊᓪᓚᑦᑐᓕᕆᔨᒃᑯᑦ ᐅᖄᓚᕕᐅᓚᐅᕐᑐᑦ ᑎᓴᒪᒋᓕᕐᓱᓂᐅᒃ ᐃᑯᓪᓚᑦᑐᑦ ᒥᒃᓵᓄᑦ ᐅᓪᓗᓂ ᑎᓴᒪᑐᐃᓐᓇᕐᓂ, ᐃᓪᓗᓂ 700,ᓂ. (ᐊᔾᔨᓕᐊᖓ ᐃᐊᒪ ᑐᕌᑐᕐ)

ᔪᓚᐃ

  • ᑲᓇᑕᒥ ᐅᓪᓗᕆᔭᐅᑎᓪᓗᒍ ᐱᓇᓱᐊᕈᓯᐅᑉ ᓄᓐᖑᐊᓂ, ᐃᖃᓗᓐᓂ ᑐᓴᕐᓂᔮᕐᓂᖃᓚᐅᕐᑐᑦ ᐊᒻᒪ ᑎᓴᒪᓂᒃ ᓯᓚᒥ ᖃᐅᒻᒪᓪᓚᑎᑦᓯᑲᑕᑦᓱᑎᒃ, ᐊᒻᒪ ᐊᑕᐅᓯᐊᕐᓱᑎᒃ ᐃᑯᐊᓪᓚᑦᑐᖃᓚᐅᕐᑐᖅ ᐃᓪᓗᒥᒃ ᐃᑭᑦᑐᖃᓱᓂ ᑎᓴᒪᓂᒃ ᐊᑕᔪᓂᒃ ᓱᒃᑯᐃᓪᓗᓂ. ᒪᑕᓕᓐ ᕆᐊᑦᕗᑦ, ᐃᖃᓗᐃᑦ ᒪᐃᔭᖓ, ᐅᖃᐅᔾᔪᐃᓚᐅᕐᑐᖅ ᐃᓄᖏᓐᓂᒃ ᐊᑦᑕᓇᖏᑦᑐᒦᖁᓪᓗᒋᑦ ᐊᒻᒪ ᐃᑯᐊᓪᓚᓐᓂᒃᑯᑦ ᐊᑦᑕᓇᕐᑐᒥᒋᐊᓪᓚᖁᓇᒋᑦ.
  • 15,ᕆᓕᕐᑕᖓᓂ ᐊᕐᕌᒍᑕᒫᖅ ᐊᓕᐊᓇᐃᒃᑯᑦ ᑲᔪᓯᓂᖃᓚᐅᕆᕗᑦ ᐃᖃᓗᒻᒥᐅᓄᑦ ᑲᑎᑦᑕᕈᑕᐅᔪᒥᒃ ᐃᑯᐊᓪᓚᑦᑐᖃᓚᐅᕐᑎᓪᓗᒍ ᐊᒻᒪ ᖁᑭᐅᒃᑲᕐᑐᖃᓱᓂ. ᐊᓪᓕᑐᓂ, ᔪᓂ 30,ᒥ, ᐃᒃᓯᕙᐅᑕᕐᑕᖃᓚᐅᖏᑦᑐᖅ ᓇᑲᓲᑉ ᐃᓕᓐᓂᐊᕕᐊᓂ ᓯᓚᒥ ᐅᑕᖅᑭᑎᓪᓗᒋᑦ. ᑕᐃᓱᒪᓂ ᐅᓐᓄᒃᑯᑦ ᑐᓐᖓᓱᒃᑎᑦᓯᓚᐅᕐᑐᖅ ᓛᑯᓗᒃ ᕗᐃᓕᐊᒻᓴᓐ ᐸᑐᕆ, ᑕᑯᓐᓈᕐᑎᑦᓯᓪᓗᓂ ᐅᖃᓕᒪᑎᓪᓗᒍ, “ᐊᕐᓱᕈᕐᓇᕐᓯᒪᔪᖅ ᐃᖃᓗᓐᓂ. ᖁᕕᐊᓱᒻᒪᕆᑉᐳᖓ ᐅᓐᓄᒃ ᑲᑎᒍᓐᓇᕋᑦᑕ.”
  • ᐊᓄᕆᓗᐊᕐᓂᑯᖓᓄᑦ ᓯᑯᐃᑦ ᓄᐊᓚᐅᕐᒪᑕ ᐃᖃᓗᐃᑦ ᑲᖏᕐᓱᖓᓐᓂ, ᐅᐸᓗᕈᑕᐅᓪᓗᑎᒃ ᓂᐅᕋᐃᓂᖏᓐᓄᑦ ᐅᒥᐊᕐᔪᐊᑦ ᓂᐅᕕᐊᒃᓴᓂᒃ.

ᐅᒍᓯᑎ

ᐅᔭᒍᓯᑎ – ᓄᓇᒃᑰᕈᑎᐊᓗᒃ ᑭᕕᑦᓯᐅᑎᒃ ᐃᖃᓗᓐᓂᑦ ᓅᑖᖑᓂᕐᐹᒥᒃ ᓯᓂᒃᑕᕐᕕᒃᓴᒥᒃ ᐃᓂᖓᓄᐊᕆᒪᐅᕐᑐᖅ ᐅᓐᓄᖓᓂ ᐅᒍᓯᑎ 5ᒥ. ᑖᓐᓇ ᓯᓂᖅᑕᕐᕕᒃ, ᓇᒻᒥᓂᕆᔭᐅᔪᖅ ᕿᑭᕐᑖᓗᓐᓂ ᑲᑐᔾᔨᖃᑎᒌᓄᑦ, ᐊᒻᒪ 94,ᓂᒃ ᐃᓪᓗᐊᕈᓯᓕᒃ ᐊᒻᒪ 12,ᓂᒃ ᐊᖏᔪᓂᒃ ᐃᓪᓗᐊᕈᓯᖃᕐᓱᓂ, ᓴᓇᔭᐅᓯᒪᔪᓂᒃ ᐊᒻᒪ ᑲᑎᑎᕐᑕᐅᓪᓗᑎᒃ ᓴᐃᕼᐊᐃᒥ, ᑕᒪᒃᑭᕐᓱᒋᑦ ᑕᓚᕕᓴᖏᑦ ᐃᒐᐅᑎᖏᑦ ᐸᕐᓇᒌᕐᓯᒪᓪᓗᑎᒃ ᐊᑕᖏᕐᓱᒋᑦ. (ᐊᔾᔨᓕᐊᖓ ᑲᑐᕆᓐ ᕗᐃᑎᑯᕐ)

  • ᑭᖑᓂᐊᓂ ᓯᓚᓗᑦᓱᓂ ᖃᓐᓂᓚᐅᕐᑎᓪᓗᒍ ᐊᒻᒪ ᐅᑭᐊᒃᓵᒥ ᖃᓐᓂᓚᐅᕐᑎᓪᓗᒍ 2019,ᒥ, ᑕᓯᖅ Lake Geraldine ᐃᒪᑭᑦᑐᒻᒪᕆᐅᓂᕐᐸᐅᓚᐅᕐᓯᒪᒻᒪᑦ, ᐅᐃᒻᒪᒍᑕᐅᓕᕐᓱᓂ ᓯᑎᑯᓐᓄᑦ ᐃᖃᓗᓐᓂ ᑐᐊᕕᕐᓇᕐᑐᖃᓂᐊᓂᒃ ᐃᒪᓕᕆᓂᕐᒧᑦ ᓚᐃᓴᓐᓯᒥᒃ ᐊᓯᔾᔩᕆᐊᖃᓂᕐᒧᑦ ᐱᔾᔪᑎᒋᓪᓗᒍ ᐃᒻᒥᕐᑐᐃᒋᐊᖃᓂᐊ ᐃᒪᖓᓂᑦ ᑰᖓᑕ ᓂᐊᖁᓐᖑᑉ ᐊᒻᒪ ᑕᓯᕐᒥᑦ ᐊᑎᖃᖏᑦᑐᒥᑦᐃᒥᕐᑕᕆᐊᖃᓕᓚᐅᕐᒪᑕ ᓯᑎᒃᑯᑦ ᐃᒪᖃᕆᐊᓪᓚᖁᓪᓗᒍ. ᐅᒍᓯᑎ 12,ᒥ, ᑭᐅᓕ ᐱᓂᐊᑦ, ᑲᓇᑕᒥ ᐊᖓᔪᖅᑳᖅ ᐃᓄᓕᕆᔨᑐᖃᒃᑯᓐᓄᑦ ᐊᒻᒪ ᐅᑭᐅᕐᑕᕐᑐᓕᕆᓂᕐᒧᑦ, ᐊᖏᕈᑎᖃᓚᐅᕐᑐᖅ ᐋᖅᑭᒋᐊᕐᑕᐅᓂᐊᓂᒃ ᐃᒪᓕᕆᓂᕐᒧᑦ ᒪᓕᒐᐅᑉ.
  • ᒪᑕᓕᓐ ᕆᐊᕗᑦ, ᐃᖃᓗᐃᑦ ᒪᐃᔭᖓ ᐊᒻᒪ ᐊᖓᔪᖅᑳᖑᓯᒪᔪᖅ ᕿᑭᕐᑕᓂ ᓱᓕᔪᓐᓂᐊᕐᑎᑦ ᑲᒥᓴᖓᓄᑦ ᐊᐅᓚᑦᓯᔨᐅᓂᕐᒧᑦ, ᑐᓴᕐᑎᑦᓯᓚᐅᕐᑐᑦ ᓂᕈᐊᕋᒃᓴᐅᒃᑲᓐᓂᓂᐊᔭᕈᓐᓇᐃᕐᓂᒥᓂᒃ ᓯᑎᒃᑯᓐᓄᑦ ᑲᑎᒪᑎᓪᓗᒋᑦ ᐅᒍᓯᑎ 27,ᒥ.
  • ᕌᑦᓂ ᕼᐅᕋᑦ-ᑉᕋᐅᓐ, ᐊᔪᕆᕐᑐᐃᔨ ᓄᑖᑎᑐᑦ ᐃᕚᓐᔪᓕᒃᑯᓐᓄᑦ ᖃᐅᔨᒪᔭᐅᓂᖃᓲᑦ ᐊᔾᔨᒋᔭᐅᖏᑦᑐᓂᒃ ᐃᓱᒪᖃᓂᖏᓄᑦ, ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓂᒃ ᐅᒃᐱᕈᓱᖏᑦᑐᑦ ᐊᒻᒪ ᐱᔾᔪᑕᐅᒧᓂᒃ, ᒪᓕᑦᑎᖃᕐᓱᑎᒃ ᑎᑭᓚᐅᕐᑐᑦ ᐅᒃᐱᖏᑦᑐᓂᒃ ᐲᔭᐃᒋᐊᕐᑐᕐᓱᑎᒃ ᐃᖃᓗᐃᑦ ᑐᒃᓯᐊᕐᕕᐊᓂ ᐅᒍᓯᑎ 27,ᒥ.

ᓯᑎᐱᕆ

ᓯᑎᐱᕆ – ᐅᓪᓗᑐᐃᓐᓇᕐᒥ ᑕᒃᓯᕐᑎᓪᓗᒍ ᐅᓪᓗᒃᑯᑦ 50 ᓴᓂᐊᓂ ᐃᖃᓗᒻᒥᐅᑦ ᐱᓱᓚᐅᕐᑐᑦ ᒪᓕᒐᓕᐅᕐᕕᒻᒧᑦ ᐊᒻᒪ ᓯᑎ ᑲᑎᒪᕕᐊᓄᑦ ᐃᓚᒋᔭᐅᓪᓗᑎᒃ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᑕ ᒥᒃᓵᓄᑦ ᐅᖃᐅᓯᖃᕐᑐᓄᑦ ᓯᓚᕐᔪᐊᒥ. (ᐊᔾᔨᓕᐊᖓ ᑕᔅᑕᓐ ᐸᑖᕐ)

  • ᐊᐃᐹᓂ, ᓯᑎᐱᕆ 24,ᒥ ᓯᑎᒧᑦ ᑲᑎᒪᔨᐅᔪᑦ ᓂᕈᐊᕐᓂᖃᓚᐅᕐᓯᒪᔪᑦ ᐊᖏᕈᑎᖃᕐᓱᑎᒃ $1,ᒧᑦ ᐊᖏᓪᓕᒋᐊᖁᓪᓗᒋᑦ ᐃᖃᓗᓐᓂ ᑖᒃᓯᒍᑏᑦ. ᑭᖑᓂᐊᓂ ᓂᕈᐊᓚᐅᕐᑎᓪᓗᒋᑦ, ᕌᓂ ᒪᒃᕕᕆᑯᕐ, Caribou Cabs,ᑯᓐᓄᑦ ᐃᖅᑲᓇᐃᔭᕐᑎ, ᐅᖃᐅᓯᖃᓚᐅᕐᑐᖅ ᐃᒃᐱᒋᔭᒥᓂᒃ: “ᑕᒪᓐᓇ ᐃᑲᔪᕐᓯᓂᖃᒻᒪᕆᓐᓂᐊᕐᑐᖅ ᐊᑐᑦᑎᓕᒫᓄᑦ.”
  • ᐱᔾᔪᑎᒋᓪᓗᒍ ᐃᑲᒥᒃᓴᕐᓂᖅ ᑕᓯᐊᓂᑦ Lake Geraldine, ᐃᖃᓗᓐᓂ ᓯᑎᒃᑯᑦ ᑲᑎᒪᔨᖏᑦ ᑐᓴᕐᑎᑦᓯᓚᐅᕐᑐᑦ ᓯᑎᒥ ᓄᓇᒃᑰᕈᑎᓂᒃ ᐅᐊᓴᕈᓐᓇᖏᓐᓂᕋᕐᓱᒋᑦ, ᐊᑐᕐᑕᐅᓂᐊᕐᑎᓪᓗᒍ ᐊᐅᔭᖓᓂ 2018, ᑕᐃᒪᐃᓕᖓᓂᐊᓕᕐᑎᓪᓗᒍᓗ ᔫᓂ 2020 ᑎᑭᓪᓗᒍ. “ᐊᑦᑕᕐᓇᕐᑐᒃᑰᕐᑐᖃᒃᑲᓐᓂᕆᐊᖃᕈᓐᓇᐃᕐᒪᑦ ᓯᑎᒥ,” ᐅᖃᒪᐅᕐᑐᖅ ᑐᓪᓕᖓ ᒪᐃᔭᐅᑉ ᕉᒥᓐ ᔅᑎᕙᓐᓯᓐ.

ᐅᒃᑐᐱᕆ

ᐅᒃᑐᐱᕆ – ᓕᐳᕈᓪᑯᓐᓄᑦ ᓯᕗᓕᕐᑎ ᔭᔅᑕᓐ ᑐᕉᑐ ᐅᖃᓕᒪᔪᖅ ᓯᓪᕕᐊ ᑰᖓᓂ ᓄᖅᑲᖓᕕᒻᒥ ᐃᖃᓗᓐᓂ ᐅᒃᑐᐱᕆ 8,ᒍᑎᓪᓗᒍ. (ᐊᔾᔨᓕᐊᖓ ᑕᔅᑕᓐ ᑕᑖᕐ)

  • ᓯᕗᓪᓕᕐᐹᑦᓯᐊᒥ ᐃᑲᔪᕐᑕᐅᕕᒃᓴᒥᒃ ᐱᓕᕆᐊᖃᓂᐊᓂᕐᒥᓂᒃ ᑐᓴᕐᑕᐅᑎᑦᓯᓚᐅᕐᑐᑦ ᐅᒃᑐᐱᕆᒥ. ᐅᖂᑕᖅᑯᑦ ᑲᑐᔾᔨᖃᑎᒌᖏᑦ ᑐᒃᓯᕋᕐᓯᒪᒻᒪᑕ $6.5-ᒥᓕᐊᓐᕌᑐᒥᒃ ᐊᖏᕐᑕᐅᓪᓗᓂᓗ ᑲᓇᑕᒥ ᐃᓪᓗᓕᕆᔨᕐᓄᔪᐊᒃᑯᓐᓄᑦ ᒪᓕᑦᓱᒋᑦ ᑲᓇᑕᒥ ᐃᓪᓗᓕᕆᓂᕐᒧᑦ ᑮᓇᐅᔭᖃᕕᒻᒧᑦ ᑐᓐᖓᕕᒋᔭᐅᔪᑦ. ᓄᑖᑦ ᐃᓪᓗᐃᑦ, ᒪᑐᐃᕈᒫᕐᓂᐊᕐᑐᑦ ᒪᕐᔨ 2020,ᒥ, ᑭᖑᕝᕕᐅᑎᓂᐊᕐᑎᓪᓗᒍ ᑕᑕᓗᐊᕐᐸᑦᑐᒧᑦ ᐃᓄᖃᕈᓐᓇᕐᓱᓂᓗ 20ᓄᑦ ᐊᖑᑎᓄᑦ ᑭᓯᐊᓂ.
  • ᐅᒃᑐᐱᕆ 1,ᒥ, 37,ᓂ ᐅᓪᓗᓂ ᑐᐊᕕᕐᓇᕐᑐᒃᑯᑦ ᓯᒥᑦᓯᒪᔪᓕᕆᓚᐅᕐᓱᑎᒃ ᓱᓪᓗᑯᑖᓂᒃ, ᐃᖃᓗᓐᓂ ᑕᓯᖅ Lake Geraldine ᑕᑕᐃᓪᓗᑎᒃ. ᑕᕝᕙᓂ ᐅᓪᓗᑦᓴᐃᓐᓇᕐᒥ ᑲᑎᒪᔨᐅᔪᑦ ᓯᑎᒧᑦ ᑐᓴᕐᑎᑦᓯᓚᓪᓗᓂ ᐃᓱᒪᓕᐅᕈᑎᒋᔭᒥᓂᒃ, ᑲᑎᒪᔨᐅᔪᖅ ᕈᒥᓐ ᔅᑎᕙᓐᓴᓐ ᐃᒫᒃ ᐅᖃᓚᐅᕐᑐᖅ ᒫᓐᓇᐅᓂᐊᓂ ᐃᒪᕐᒧᑦ ᐊᑲᐅᖏᓂᐅᑕᐅᔪᑦ ᐋᖅᑭᒃᓱᕐᑕᐅᓂᐅᔭᕐᑑᒐᓗᐊᑦ ᐊᕐᕌᒍᒋᔭᑦᑎᓐᓂᒃ, ᑭᓯᐊᓂ ᓯᑎᒃᑯᑦ ᑐᑭᓯᐊᑦᓯᐊᖏᑦᑐᑦ ᓱᓕ, “ᒫᓐᓇᒥ ᖃᐅᔨᒪᓇᖏᒻᒪᑦ ᐃᒪᖅ ᑯᕕᕐᔪᐊᕋᔭᕐᒪᖔᑦ ᐅᕝᕙᓘᓐᓃᑦ ᐃᓱᐃᓪᓕᐅᑎᖃᑲᓐᓂᕋᔭᕐᒪᖔᑦᑕ ᐃᒪᕐᒥᒃ ᐊᑐᓚᐅᕐᑕᑎᑐᑦ, ᐅᕝᕙᓘᓐᓃᑦ ᐸᓂᕐᑐᑐᐊᓗᓗᓂ – ᓲᕐᓗ ᐊᕐᕌᒍᒋᔭᑦᑎᓐᓂ ᐊᑐᓚᐅᕐᑕᑎᑐᑦ – ᑕᒪᒃᑯᐊ ᐃᒪᕐᒧᑦ ᐊᑲᐅᖏᓕᐅᑕᐅᒃᑲᓐᓂᕈᓐᓇᕐᒪᑕ.”
  • ᐃᖃᓗᓐᓂ ᓂᕈᐊᓚᐅᕐᑎᓪᓗᒋᑦ, ᑲᑎᒪᔨᐅᔪᕕᓃᑦ ᑭᖑᓪᓕᕐᐹᑦᓯᐊᒥ ᑲᑎᒪᓚᐅᕐᑐᑦ ᐅᒃᑐᐱᕆ 22,ᒍᑎᓪᓗᒍ ᑕᕝᕙᓂᓗ ᐱᕕᒃᓴᖃᓚᐅᕐᑐᑦ ᑕᕝᕙᐅᕗᑏᖃᑦᑕᐅᑎᒋᐊᖅ, ᖁᔭᓕᒋᐊᕐᓗ. ᑕᕝᕙᓂ ᑲᑎᒪᓂᕐᒥ, ᒪᐃᔭ ᒪᑎᓕᓐ ᕆᐊᕗᕐᑦ ᖁᔭᓕᓚᐅᕐᑐᖅ ᐃᓕᑕᕐᓯᓪᓗᓂᓗ ᐱᓕᕆᐊᕆᓯᒪᔭᖏᓐᓂᒃ ᐊᒻᒪ ᓄᓇᓕᓐᓂ ᑎᒥᐅᔪᓂᒃ ᐃᑲᔪᖃᑦᑕᕐᓯᒪᓂᖏᓐᓂᒃ ᓄᓇᓕᓐᓂ.
  • ᐃᖃᓗᐃᑦ ᑎᑎᖅᑲᓂᐊᕐᕕᖓᑦ ᐊᒥᓱᑲᓪᓚᒻᒪᕆᓐᓂᒃ ᑎᑭᓵᕆᓴᐅᖅᑐᓚᐅᖅᑕᖏᓂᒃ ᓄᓇᓕᖃᖅᑐᓂᑦ ᑕᑖᓚᐅᖅᐳᖅ, ᑎᑭᓴᐃᕝᕕᓕᕆᔨᖏᑦ ᐊᒥᓵᓐᑯᑦ ᐱᓕᕆᔾᔪᑎᖏᑦ ᑕᒻᒫᔭᕈᑎᖃᖅᓯᒪᓕᕐᓂᖏᓄᑦ ᐱᔾᔪᑎᒋᓪᓗᒋᑦ ᐃᓚᖏᑦ ᐃᖃᓗᒻᒥᐅᑦ ᑎᑭᓴᐃᔪᓐᓇᐃᓕᓚᐅᕐᒪᑕ ᖃᕆᑕᐅᔭᑎᒍᑦ ᑎᑭᓴᐃᕝᕕᐅᕙᑦᑐᓂᑦ.

ᓄᕕᐱᕆ

ᓄᕕᐱᕆ—ᐃᖃᓗᓐᓂ ᐃᑯᐊᓪᓚᑦᑐᓕᕆᔨᒃᑯᑦ ᖃᒥᑦᓯᑲᐅᕐᑐᓚᐅᕐᑐᑦ ᐃᑯᐊᓪᓚᓕᕐᑐᒥᒃ ᐃᓗᐊᓂ Big Racks Barbecue ᐅᓪᓛᒃᑯᑦ ᓄᕕᐱᕆ 5,ᒥ. (ᐊᔾᔨᓕᐊᖓ ᓯᐅᕆ ᓚᐃᑕᓐ)

  • ᑲᑎᒪᔨᑐᖃᐃᑦ ᑭᖑᓪᓕᕐᐹᒥ ᐃᖅᑲᓇᐃᔭᕐᑎᑖᓚᐅᕐᑐᑦ ᑯᐊᕐᑕ ᕼᐊᐅᕋᑦᒥᒃ, ᓯᑎᒧᑦ ᐊᖓᔪᖅᑳᖑᓂᐊᓕᕐᑎᓪᓗᒍ ᐃᑯᐊᓪᓚᑦᑐᓕᕆᓂᕐᒧᑦ ᑐᐊᕕᕐᓴᕐᑐᑎᓂᒃ.
  • ᐅᓪᓛᒻᒪᕆᐊᓗᒃᑯᑦ ᓄᕕᐱᕆ 5,ᒥ ᐃᖃᓗᐊᓪᓚᑦᑐᓕᕆᔨᒃᑯᑦ ᐅᖄᓚᕕᐅᓚᐅᕐᑐᑦ ᐃᑯᐊᓚᔪᖃᓕᕐᓂᐊᓂᒃ ᐃᓗᐊᓂ Big Racks Barbecue ᓂᕆᕕᒻᒥ. ᐋᓐᓂᕐᑐᖃᓚᐅᖏᕈᓘᔭᕐᑐᖅ ᐊᒻᒪ ᐃᓗᐊᓃᑦᑐᖃᕋᓂ.
  • ᒪᓕᑦᓱᒋᑦ 2018-19,ᒥ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᐊᒻᒪ ᓱᐳᕐᑐᕐᓗᒐᓕᓂᕐᒧᑦ ᑲᒥᓴᓐ ᐊᕐᕌᒍᑕᒫᑦ ᑐᓴᕈᑎᖏᓐᓂᑦ ᓴᖅᑭᑎᑦᓯᓚᐅᕐᑐᑦ ᒪᓕᒐᓕᐅᕐᑎᓄᑦ ᓄᕕᐱᕆᒥ, ᐊᒻᒪ ᐃᖃᓗᓐᓂ ᐃᒥᐊᓗᒻᒧᑦ ᐊᒻᒪ ᕗᐃᓐᒧᑦ ᓂᐅᕕᐊᖑᓯᒪᓂᖏᓐᓄᑦ ᑮᓇᐅᔭᓕᐅᕐᓯᒪᓕᕐᓂᖏᓐᓂᒃ 67 ᐳᕐᓯᓐᒥᒃ ᑕᕝᕙᖓᑦ ᑮᓇᐅᔭᓕᐊᓂᑦ $16.1 ᒥᓕᐊᓐ ᓂᐅᕕᐊᓄᑦ.
  • ᐱᕕᓂᕐᓄᑦ ᓂᐅᕕᕐᕕᒃ ᓇᓪᓕᐅᑎᓂᖃᓚᐅᕐᑐᑦ ᖁᓕᒋᓕᕐᑕᖓᓂ ᓴᖅᑭᓯᒪᓕᕐᓂᕐᒥᓄᑦ ᑎᓴᕐᒥᕐᒥ, ᓄᕕᐱᕆ 14,ᒥ. ᐃᓕᑕᕆᔭᐅᑎᓪᓗᒍ ᑕᒪᓐᓇ, ᐱᕕᓃᑦ ᓂᐅᕕᐊᒃᓴᖃᓚᐅᕐᑐᑦ ᐴᕐᓂᒃ ᐱᓇᓱᐊᕈᓯᐅᑉ ᓄᓐᖑᐊᓂ. ᐊᕐᕌᒍᓯᒪᓕᕐᑐᓂ ᐱᕕᓃᑦ ᐃᓕᑕᕆᔭᐅᓯᒪᓕᕐᑐᖅ ᐃᑲᔪᕐᓯᒪᓂᖓᓂᒃ ᓄᓇᓕᓐᓄᑦ, ᐱᖃᓯᐅᑎᓪᓗᒍ ᒫᓐᓇᕋᑖᖅ ᒪᐃᔭᕈᕋᑖᕐᑐᖅ, ᒪᑎᓕᓐ ᕆᐊᑦᕗᓐ, ᑐᓂᐅᖅᑲᐃᖃᑕᐅᓚᐅᕐᑐᖅ ᓂᐅᕕᕐᕕᒻᒥ ᖁᔭᓕᒍᑎᓂᒃ ᑭᖑᓪᓕᕐᐹᒥ ᑲᑎᒪᔨᕕᓃᑦ ᑲᑎᒪᑎᓪᓗᒋᑦ.

ᑎᓯᐱᕆ

    • ᐅᖃᐅᓯᖏᑎᒍᑦ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᓄᓇᕕᒻᒥ ᐃᓱᒪᓕᐅᕐᑎᑕ ᓄᓇᕕᒻᒥ ᖃᓄᐃᖏᑦᓯᐊᖃᓱᐊᕐᓂᓕᕆᔨᒃᑯᓐᓂᑦ,

ᑎᓯᐱᕆ – ᓯᕗᓕᕐᑎ ᔭᒃᒦᑦ ᔅᓂ, Jagmeet Singh ᐊᒻᒪ ᓄᓇᕗᑦ ᓯᕗᓕᕐᑎᖓ ᒧᒥᓛᖅ ᖃᖅᑲᖅ ᑲᑎᒪᓂᖓ ᓄᖅᑲᓚᐅᕐᑐᖅ ᓄᓐᖓᐊᓂ ᐱᓇᓱᐊᕈᓯᐅᑉ ᐃᖃᓗᓐᓂ ᐅᐸᑲᐃᓐᓇᓚᐅᕐᑐᑦ ᖃᔪᕐᑐᕕᒻᒧᑦ, ᐊᒻᒪ ᓂᕆᒃᑲᐃᖃᑕᐅᓪᓗᑎᒃ, ᐊᒻᒪ ᓕᐳᕈᓪ ᒐᕙᒪᖏᓐᓂᒃ ᐊᓯᐊᒍᑦ ᐃᑲᔪᕐᓯᖁᔨᓪᓗᑎᒃ ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓄᑦ ᑐᐊᕕᕐᓇᕐᓕᕐᑐᑦ. ᓯᕗᓕᕐᑎ ᓯᓂ ᑐᓴᕐᑎᑦᓯᓚᐅᕐᑐᑦ ᒐᕙᒪᖏᑕ ᐸᕐᓇᒋᐊᖃᓂᖏᓐᓂᒃ ᓴᖅᑭᑎᑦᓯᔪᒃᓴᐅᒋᐊᖅ ᖃᐅᔨᓴᕐᓂᕐᒥᒃ ᓯᓚᐅᑉ ᐊᓯᔾᔨᕐᐸᓪᓕᐊᓂᐊᓄᑦ ᐃᑯᓪᓚᐅᒥᑎᑦᓯᓇᓱᐊᕐᓂᕐᒧᑦ ᒪᓕᒐᕐᑎᒍᑦ. (ᐊᔾᔨᓕᐊᖓ ᑕᔅᑕᓐ ᐸᑖᕐ)

  • ᐃᖃᓗᓐᓂ ᐊᑐᖃᑦᑕᕐᓯᒪᒻᒪᑕ ᖁᐃᕐᓱᑲᑕᓐᓂᕐᒥᒃ, ᐊᒻᒪ ᑕᐃᔭᐅᓪᓗᓂ pertussis, ᐊᑐᕐᑕᐅᓂᖓ ᓇᓗᓇᐃᕐᑕᐅᓚᐅᕐᑐᖅ.
  • ᓯᑎᒧᑦ ᑲᑎᒪᔨᐅᔪᑦ ᑲᒪᓪᓗᑎᒃᑦ ᐸᕐᓇᐃᓂᕐᒥᒃ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᐊᖏᕈᑎᖃᓚᐅᖏᒻᒪᑕ ᐊᔾᔨᒌᖏᑦᑐᓂᒃ ᓴᖅᑭᑕᐅᒧᓂᒃ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓄᑦ ᑐᒃᓯᕋᕐᑐᖃᕐᑎᓪᓗᒍ ᐃᓂᒃᓴᓕᐅᕐᓂᕐᒥᒃ ᓄᓇᒃᑰᕈᑎᓄᑦ ᒪᕐᕉᐃᓐᓂ ᒥᒃᓂᕐᓴᓂ ᐱᕙᓪᓕᐊᕕᐅᔪᓂᒃ ᓯᑎᒧᑦ ᒪᓕᒐᕐᓂᒃ ᐊᑐᕈᑎᒋᔭᕆᐊᖃᕐᑕᖏᓐᓂᒃ. ᐃᓱᒪᒃᓴᕐᓯᐅᕈᑎᖃᓚᐅᕐᑐᑦ ᓄᓇᒃᑰᕈᑎᓄᑦ ᓄᖅᑲᖓᕕᒃᓴᓂᒃ, ᐃᖅᑲᐅᒪᓗᒍ ᓯᑎᐅᑉ ᐊᖏᓪᓕᕙᓪᓕᐊᓂᐊᕐᓂᐊ ᓯᕗᓂᒃᓴᒥᒃ. “ᐊᑲᐅᖏᓕᐅᕈᑎᓕᒫᕗᑦ ᓯᑎᒥ ᐅᓪᓗᒥ ᐱᔾᔪᑎᖃᕐᓱᑕ ᑕᓪᓕᒪᓂᒃ, ᖁᓕᓂᒃ ᐅᕝᕙᓘᓐᓃᑦ ᐊᕙᑎᓂᒃ ᐊᕐᕌᒍᓂ ᐊᓂᒍᐃᓯᒪᓕᕐᑐᑎᑐᑦ, ᐃᓱᒪᓯᒪᖏᒻᒪᑕ ᑕᓪᓕᒪᓂᒃ, ᖁᓕᓂᒃ ᐅᕝᕙᓘᓐᓃᑦ ᐊᕙᑎᓂᒃ ᐊᕐᕌᒍᓂ ᖃᐅᔪᓂᒃ,” ᐅᖃᓚᐅᕐᑐᖅ ᑲᑎᒪᔨ ᑲᐃᓪ ᓯᐊᐳᕐᑦ.
  • ᐊᕐᕌᒍᒐᓵᓘᓕᕐᑐᓂ, ᐃᖃᓗᐃᓂ ᑲᑎᒪᔨᐅᔪᑦ ᑲᑎᖃᑦᑕᕐᓯᒪᓕᕐᒪᑕ, ᑭᒃᑯᑐᐃᓐᓇᕐᓂᓪᓗ ᑲᑎᒪᑎᑦᓯᓪᓗᑎᒃ ᓄᓇᕗᒻᒥ, ᒪᑐᐃᕐᓯᖅᑳᕐᓱᑎᒃ ᑐᒃᓯᐊᕐᓂᒃᑯᑦ. ᑎᓯᐱᕆ 10,ᒥ ᓄᖅᑲᕈᑎᓚᐅᕐᑐᑦ, ᐃᖃᓗᓐᓂ ᓯᑎᒃᑯᑦ ᑲᑎᒪᔨᖏᑦ ᓂᕈᐊᕐᒪᑕ ᑎᓴᒪᓂᑦ ᐱᖓᓱᓄᑦ ᐊᖏᖃᑕᐅᔪᓄᑦ ᑲᑎᒪᒋᐊᓚᐅᕐᓇᑎᒃ ᐱᒋᐊᕈᑎᖃᖁᓪᓗᒋᑦ ᓂᓪᓕᐊᖏᑲᐃᓐᓇᕐᓂᕐᒥᒃ, ᑐᒃᓯᐊᕐᓂᐊᑕᐃᓐᓴᕐᓗᑎᒃ – ᓯᕗᓪᓕᒥ ᓄᓇᕗᒻᒥ.
Share This Story

(0) Comments