ᐃᖃᓗᓕᕆᔨᒃᑯᑦ ᐊᒻᒪ ᑕᕆᐅᕐᒥᐅᑕᓕᕆᔨᒃᑯᑦ ᑲᓇᑕᒥ ᐃᓄᖕᓂᒃ ᐃᓚᐅᑎᑦᑎᓇᓱᒃᑐᑦ ᓄᑖᒥᒃ ᐅᑭᐅᕐᑕᖅᑐᕐᒥᑦ ᐃᓅᓱᒃᑐᓄᑦ ᑲᑎᒪᔨᓄᑦ

ᐃᓄᐃᑦ ᐃᓅᓱᒃᑐᑦ ᐊᕐᕌᒍᖃᖅᑐᑦ 18-ᓂᒃ 30-ᓄᑦ ᐊᐱᕆᔭᐅᖃᑦᑕᕐᓂᐊᖅᑐᑦ ᑭᓱᓂᒃ ᐱᒻᒪᕆᒋᔭᖃᕆᐊᒃᓴᖏᓐᓂᒃ ᓄᓇᖏᓐᓂᒃ

ᒐᕙᒪᑐᖃᒃᑯᑦ ᕿᓂᕐᒪᑕ ᐃᓅᓱᒃᑐᓂᒃ ᐃᓄᖕᓂ ᐃᓚᐅᑎᑕᐅᓇᔭᖅᑐᓂᒃ ᓄᑖᒥᒃ ᐅᑭᐅᕐᑕᖅᑐᕐᒥᒃ ᐃᓅᓱᒃᑐᓄᑦ ᑲᑎᒪᔨᓄᑦ (ᐊᔾᔨᓕᐅᕆᔨ ᐋᑎ ᕋᒪᓵᓐᑐᕋ, ᑕᕆᐅᕐᒥᐅᑕᓕᕆᔨᒃᑯᑦ ᑲᓇᑕᒥ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see Fisheries and Oceans recruiting Inuit for new Arctic Youth Council

ᓄᑖᒥ ᐅᑭᐅᕐᑕᖅᑐᕐᒥ ᐃᓅᓱᒃᑐᓄᑦ ᑲᑎᒪᔨᒃᓴᓂᒃ ᐱᒋᐊᖅᑎᑦᑎᕙᓪᓕᐊᓕᕐᒪᑕ ᐃᖃᓗᓕᕆᔨᒃᑯᑦ ᐊᒻᒪ ᑕᕆᐅᕐᒥᐅᑕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᑲᓇᑕᐅᑉ ᓯᒡᔭᖏᓐᓄᑦ ᓴᐳᓐᓂᐊᖅᑎᒃᑯᑦ, ᐊᒻᒪᓗ ᕿᓂᖅᖢᑎᒃ ᐃᓄᖕᓂ ᐃᓅᓱᒃᑐᓂᒃ ᐅᑭᐅᖃᖅᑐᓂᒃ 18-ᓗ 30-ᓗ ᐊᑯᓐᓂᖓᓂᒃ ᐃᓚᐅᓂᐊᖅᑐᓂᒃ.

“ᐅᓇ ᐅᕙᑦᑎᓐᓂ ᑐᑭᓯᕚᓪᓕᖅᑎᑦᑎᔾᔪᑎᐅᓇᔭᖅᑐᖅ ᓄᓇᓕᖕᓂ ᐱᔭᐅᔪᒪᔪᓂᒃ ᐊᒻᒪ ᓯᕗᓪᓕᐅᑎᔭᕆᐊᓕᖕᓂᒃ ᐊᒻᒪᓗ ᐱᓕᕆᐊᖃᕐᓗᑎᒃ ᐊᑐᕆᐊᖃᓪᓚᕆᒃᑐᓂᒃ ᐊᒻᒪ ᖃᓄᐃᓕᕈᑎᒃᓴᓂᒃ ᐱᔨᑦᑎᕋᐅᑎᓂᒃ ᐅᑭᐅᕐᑕᖅᑐᕐᒧᑦ ᑐᕌᖓᓗᐊᖅᑐᓂᒃ,” ᐅᖃᖅᓯᒪᔪᖅ ᑐᓴᒐᒃᓴᓕᐊᕆᔭᐅᓯᒪᔪᖅ.

ᓄᑖᖅ ᑲᑎᒪᔨᒃᓴᐃᑦ ᐅᑭᐅᕐᑕᖅᑐᕐᒥᐅᑕᓂᒃ ᐃᓅᓱᒃᑐᓂᒃ ᐱᕕᖃᕈᑎᐅᓗᓂ ᐅᖃᖃᑦᑕᕈᓐᓇᖅᓗᑎᒃ ᑭᓱᓂᒃ ᐱᒻᒪᕆᒋᔭᖃᕐᓂᖏᓐᓂᒃ ᐊᒻᒪ ᓄᓇᖏᓐᓄᑦ.

ᐅᑯᐊ ᐊᑭᓕᖅᓱᖅᑕᐅᓐᓇᖅᖢᑎᒃ ᐃᓂᒃᓴᐃᑦ ᐱᓕᕆᓐᓇᕐᓂᖓᓄᑦ ᐃᑲᕐᕋᓂᒃ 10-ᓂᒃ 20-ᓄᑦ ᑕᕿᒥᓐ, ᐅᖃᖅᓯᒪᓚᐅᖅᑐᑦ ᑐᓴᒐᒃᓴᓕᐊᖑᔪᖅ.

ᐃᖃᓗᓕᕆᔨᒃᑯᑦ ᐊᒻᒪ ᑕᕆᐅᕐᒥᐅᑕᓕᕆᔨᒃᑯᑦ ᑲᓇᑕᒥ ᑲᒪᒋᔭᖃᕐᒪᑕ ᐊᑐᒃᑲᓐᓂᕈᓐᓇᖅᑐᓕᕆᓂᒃᑯᑦ ᐱᕙᓪᓕᐊᔪᓕᕆᓂᖅᒥᒃ ᐊᒻᒪ ᐊᐅᓚᑦᑎᓂᖅᒥᒃ ᑲᓇᑕᐅᑉ ᑕᕆᐅᖏᓐᓂᒃ ᐊᒻᒪᓗ ᐅᑯᐊ ᑲᓇᑕᐅᑉ ᓯᒡᔭᖏᓐᓂᒃ ᓴᐳᕐᓂᐊᖅᑎᑦ ᐃᖏᕐᕋᓂᕆᕙᒃᑕᖏᓐᓂᒃ ᒪᐅᓇ ᓯᑯᓯᐅᕐᓂᒃᑯᑦ ᐊᒻᒪᓗ ᑐᐊᕕᕐᓇᖅᑐᓕᕆᓂᒃᑯᑦ.

ᑖᒃᑯᓄᖓ ᐱᓕᕆᕝᕕᐅᔪᖅ ᖃᖓᑦᑎᐊᓵᖅ ᑐᓴᖅᑎᑦᑎᓚᐅᕐᒪᑕ ᒪᕐᕉᖕᓂᒃ ᓄᑖᖕᓂᒃ ᓯᑯᓯᐅᑎᓕᐅᖅᐸᓪᓕᐊᓂᖏᓐᓂᒃ. ᐱᓕᕆᐊᖃᕐᒥᔪᑦ ᓄᑖᒥᒃ ᐆᒥᖓ Blue Economy Strategy (ᑐᖑᔪᖅᑐᓂᒃ ᐆᒪᔪᓕᕆᓂᕐᒧᑦ ᖃᓄᐃᓕᐅᕈᑎᒃᓴᓂᒃ), ᑐᕌᖓᑎᑕᐅᔪᖅ ᐊᑐᒃᑲᓐᓂᕈᓐᓇᖅᑐᓕᕆᓂᖅᒥᒃ ᐱᓕᕆᐊᖃᕋᓱᖕᓂᖅᒥᒃ ᑕᕆᐅᕐᒥᐅᑕᓂᒃ ᐊᑐᕐᓗᓂ.

ᐱᓇᓱᒍᑎ ᐃᓱᖃᖅᑎᑕᐅᔪᖅ ᒪᐃ 31-ᒥᑦ. ᑐᓴᒐᒃᓴᖅᑕᖃᒃᑲᓐᓂᖅᑐᖅ ᐅᑯᓄᖓ ᓄᑖᓄᑦ ᑲᑎᒪᔨᐅᓂᐊᖅᑐᓄᑦ ᐃᓄᒃᑎᑑᖓᓪᓗᓂ ᐊᒻᒪᓗ ᐱᓇᓱᒍᑎᒃᓴᐃᑦ ᑐᓐᓂᖅᑯᑎᐅᔪᓐᓇᕐᑐᑦ ᐱᓇᓱᒃᑑᑉ ᐅᖃᐅᓯᒃᑯᑦ ᓂᕈᐊᕆᔭᖓᒍᑦ.

 

Share This Story

(0) Comments

Join the Conversation

Your email address will not be published. Required fields are marked *

*