ᐃᖃᓗᖕᓂ ᒪᐃᔭᕕᓂᖅ ᓄᓇᓕᐸᐅᔭᓄᑦ ᐊᑭᓕᒃᓴᖃᖅᑐᖅ $9,500-ᓂ ᐊᐃᔅᓚᓐᒧᑦ ᐳᓛᕈᑎᕕᓂᖓᓄᑦ

For English version, see Former Iqaluit mayor owes city $9,500 for Iceland trip

ᐃᖃᓗᐃᑦ ᒪᐃᔭᕕᓂᖓ ᓄᓇᓕᐸᐅᔭᓄᑦ ᐊᑭᓕᒃᓴᖃᕐᑐᖅ $9,000 ᐅᖓᑖᓂ ᑲᑎᒪᕕᒡᔪᐊᖅᑎᓪᒍ ᐊᐃᔅᓚᓐᒧ ᑭᓯᐊᓂᓕ ᐅᐸᓚᐅᙱᑕᖓ.

ᑭᐊᓂ ᐱᐊᓪ ᖃᖓᑕᓚᐅᕐᓯᒪᖕᒪᑦ ᕆᒃᑲᕕᒃ, ᐊᐃᔅᓚᓐᒧ ᐱᓇᓱᐊᕈᓰᒃ ᒪᕐᕉᓚᐅᕐᑐᓂᒃ ᐆᒧᖓ 2022 ᐅᑭᐅᕐᑕᖅᑐᕐᒥ ᑲᑎᒪᕕᒡᔪᐊᕐᓇᒧᑦ (Arctic Circle Assembly) ᐅᖃᓪᓚᒋᐊᖃᖅᖢᓂᓗ ᑖᒃᑯᓄᖓ.

ᑲᑎᒪᑎᑦᑎᔨᐅᓚᐅᕐᑐᑦ ᐊᒻᒪᓗ ᐃᖃᓗᐃᑦ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᓇᓗᓇᐃᓚᐅᕐᑐᑦ ᐱᐊᓪ ᐅᐸᒍᑎᓚᐅᙱᓐᓂᖓᓂᒃ ᐅᖃᓪᓚᒋᐊᖃᖅᑎᓪᓗᒍ.

ᐱᐊᓪ ᐊᔾᔨᓕᐅᒐᕐᓂᒃ ᐊᐃᔅᓚᓐᒥ ᓴᖅᑭᔮᖅᑎᑦᑎᓚᐅᕐᑐᖅ ᑐᓴᒐᒃᓴᓕᕆᕝᕕᒃᑯᑦ ᑕᐃᑲᓃᑎᓪᓗᒍ.

ᐊᐅᓚᑦᑎᔨᒋᔭᐅᔪᖅ ᐊᐃᒥ ᐃᐊᒍᔅᒪ ᐅᖃᓚᐅᕐᑐᖅ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᐱᓇᓱᐊᕈᓯᐅᓚᐅᕐᑐᒥ ᐱᐊᓪ ᐊᑭᓖᓂᐊᕈᒪᓂᕋᖅᖢᓂ ᓄᓇᓕᐸᐅᔭᓄᑦ ᐊᑭᓕᖅᑕᐅᓯᒪᔾᔪᑎᖓᓂᒃ.

ᐅᒃᑑᐱᕆ 20 ᑎᑭᑎᓪᓗᒍ ᓱᓕ ᐅᑎᖅᑎᑦᑎᓚᐅᙱᑦᑐᖅ ᓄᓇᓕᐸᐅᔭᓄᑦ, ᐅᖃᓚᐅᕐᑐᖅ ᐅᖃᕐᑎᒋᔭᐅᔪᖅ ᔭᕗᕆ ᐴᓐ ᖃᕋᓴᐅᔭᒃᑯᑦ ᑎᑎᕋᖅᖢᓂ. “ᑲᑎᖢᑎᒃ ᓄᓇᓕᐸᐅᔭᓄᑦ ᐊᑭᓕᒃᓴᕆᓚᐅᕐᑕᖏᑦ ᐃᒪᓐᓇᑎᒋ $9,484.78,” ᐴᓐᓇ ᐅᖃᕐᑐᖅ.

ᐴᓐ ᓄᓇᑦᓯᐊᕐᒥ ᐱᕙᓪᓕᐊᔪᓂᒃ ᑐᓂᓯᓚᐅᕐᑐᑦ ᐊᕕᒃᑐᖅᓯᒪᓪᓗᒋᑦ ᑮᓇᐅᔭᐃᑦ ᐃᒪᓐᓇ: $4691.20 ᖃᖓᑦᑕᐅᑎᓄᑦ, $3938.18 ᑐᔪᕐᒥᕕᒃᒧᑦ ᐊᒻᒪᓗ $855.40 ᐊᑎᓕᐅᖅᑕᐅᓯᒪᓂᕐᒧᑦ ᐊᑭᓕᐅᑎᒃᓴᓄᑦ.

ᐱᐊᓪ ᐅᖃᓚᐅᕐᑐᖅ ᓄᖅᑲᕐᓂᕋᓚᐅᕐᑐᖅ ᑐᕕᑐᒃᑯᑦ ᐅᒃᑑᐱᕆ 18-ᖑᑎᓪᓗᒍ. ᓂᕈᐊᕆᔭᐅᓚᐅᕐᓯᒪᔪᖅ ᒪᐃᔭᒧᑦ 2019 ᐅᑭᐊᒃᓵᖓᓂᒃ ᐊᕐᕌᒍᓂ ᑎᓴᒪᓂᒃ ᒪᐃᔭᐅᓂᐊᕐᓗᓂ.

ᓴᖅᑭᔮᖅᑎᑕᐅᓯᒪᔪᖅ ᐃᖃᓗᐃᑦ ᒪᐃᔭᒋᓚᐅᕐᑕᖓᓂ ᑭᐊᓂ ᐱᐊᓪ ᑐᕕᑐᒃᑯᑦ ᓴᖅᑭᔮᒐᖓᓂᒃ ᐅᒃᑑᐱᕆ 16, 2022-ᒥ, ᓴᖅᑭᔮᖅᑐᖅ ᐳᓛᕐᓯᒪᓂᖓᓂᒃ ᐊᐃᔅᓚᓐᒥ. (ᐊᔾᔨᓕᐅᕐᓯᒪᔪᖅ/ᑐᕕᑐ)

ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᐊᐱᕐᓱᖅᑕᐅᔪᒪᓚᐅᙱᑦᑐᖅ.

ᒪᐃᔭᐅᑉ ᑐᒡᓕᖓ ᓵᓚᒪᓐ ᐊᕙ ᒪᐃᔭᐅᑲᐃᓐᓇᕐᑐᖅ ᒫᓐᓇ.

ᑭᖑᓪᓕᕐᒥ ᓄᓇᓕᐸᐅᔭᐃᑦ ᑲᑎᒪᔨᒃᓴᓂᒃ ᓂᕈᐊᓛᕐᑐᑦ ᐅᒃᑑᐱᕆ 23, 2023.