ᐃᖃᓗᖕᓂ ᒪᐃᔭᖓ ᓵᓚᒃᓴᖅᐳᖅ ᓵᓚᖃᐅᓯᐊᖑᔪᒥ ᐃᓄᒃᑎᑐᑦ-ᐅᖃᐅᓯᕐᒥ ᐅᖃᓕᒫᓕᐊᖑᔪᒥ

For version in English, see Iqaluit mayor wins Indigenous Voices Award for Inuktitut-language book

ᐃᖃᓗᖕᓂ ᒪᐃᔭᖓ ᓵᓚᒪᓐ ᐊᕙ ᑐᓂᔭᐅᓯᒪᕗᖅ 2023−ᒥ ᓄᓇᖃᖅᑳᖅᓯᒪᔪᓄᑦ ᓂᐱᐅᔪᓂ ᓵᓚᖃᐅᓯᖓᓂ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᕐᒥ ᐊᕕᒃᑐᖅᓯᒪᓂᐅᔪᒥ.

$5,000−ᒥ ᓵᓚᖃᐅᓯᐊᖅ — ᐅᖃᐅᓯᖃᓚᐅᖅᐳᖅ ᔫᓂ 21−ᒥ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐅᓪᓗᖓᓂ — ᐃᓕᓴᖅᓯᕗᑦ ᐊᕙᒥ ᐃᓄᒃᑎᑑᖓᔪᒥ ᑎᑎᕋᖅᓯᒪᓂᐅᔪᒥ ᐅᖃᓕᒫᒐᖓᓐᓂ ᐆᒪᔪᐃᑦ ᑎᑎᕋᐅᓯᐅᓂᖏᑦ: ᑑᒑᓕᒃ ᕿᓚᓗᒐᖅ ᑎᑎᕋᖅᑕᐅᓚᐅᖅᑐᒥ ᐃᓐᕼᐋᐱᑦ ᓯᐊᒻᒪᖅᑎᑦᑎᔨᒃᑯᓐᓂ.

ᐅᖃᓕᒫᒐᖅ ᓂᕈᐊᖅᑕᐅᓚᐅᖅᐳᑦ ᑲᑎᒪᔨᐅᔪᓂ, ᑕᒪᕐᒥᒐᓚᑦ ᐃᓚᖃᖅᑐᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ, ᐅᖃᓕᒫᒐᓕᐅᖅᐸᕐᑐᓂ ᑎᑎᕋᖅᑎᐅᔪᓂ ᐊᒻᒪ ᐊᑕᐅᓯᓪᓗᐊᒥ ᐃᓚᒋᔭᐅᔪᒥ ᐅᖃᕈᓐᓇᑦᑎᐊᖅᑐᒥ ᐊᑐᓂ ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ.

“ᑎᑎᕋᐅᔭᕐᓂᐅᔪᑦ ᐃᓕᓐᓂᐊᖅᑎᑦᑎᕗᑦ ᐃᒻᒥᖕᓂᑦ. ᐆᒻᒪᕆᕐᔪᐊᖅᐳᑦ ᐅᖃᐅᓯᒃᓴᖓ ᐅᖓᑖᓅᕆᕗᖅ ᑎᑎᕋᖅᓯᒪᔪᒥ ᐅᖃᐅᓯᕐᒥ,” ᑲᑎᒪᔨᐅᔪᑦ ᐅᖃᓚᐅᖅᐳᑦ ᑐᓴᒐᒃᓴᐊᓕᖑᔪᒥ.

“ᑎᑎᕋᐅᔭᒐᐃᑦ ᑲᒪᑎᑦᑎᓂᐊᖅᐳᖅ ᓯᕗᓂᐊᓂ−ᐅᖃᓕᒫᖅᑎᐅᔪᓂ ᐊᒻᒪ ᖃᐅᔨᒪᔨᕐᔪᐊᖑᔪᓂ ᑎᑎᕋᐅᕙᖅᓯᒪᔪᓂ ᐅᓂᒃᑳᖅᑐᐊᓂ ᓇᓂᓯᓂᐊᖅᐳᑦ ᐃᓕᓐᓂᐊᕐᓂᑦᑎᐊᕙᐅᔪᒥ ᐅᑭᐅᖅᑕᖅᑐᒥ ᓇᔪᒐᖏᓐᓂᓪᓗ ᓯᓚᖁᑎᖏᓐᓂᓪᓗ ᖃᐅᔨᓴᕐᓂᕐᒥ ᐊᖏᓂᖅᓴᒻᒪᕆᐊᓘᔪᒥ ᐆᒪᙵᑦ ᐅᖃᓕᒫᒐᓕᐊᒥᑦ.”

ᒪᕐᕉᒃᑲᓐᓂᕐᓂ ᐃᓄᖕᓂ ᑭᖑᓪᓕᖅᐹᖅᑎᐅᖃᑕᐅᓚᐅᖅᐳᑦ ᓵᓚᖃᐅᓯᐊᖑᔪᓄᑦ ᑕᒪᑐᒪᓂ ᐊᕐᕌᒎᔪᒥ, ᑎᑎᕋᐅᔭᖅᑎ ᐊᒻᒪ ᐅᖃᓗᕋᐅᔭᖅᑎ ᐋᔅᓕ ᕿᓚᕝᕙᖅ-ᓴᕚᑦ ᓂᕈᐊᖅᑕᐅᓚᐅᖅᐳᖅ ᑎᑎᕋᖅᓯᒪᔪᓂ ᐅᖃᓗᕋᐅᔭᐃᑎᖓᓂ ᖃᓪᓗᓈᑎᑐᑦ ᐊᕕᒃᑐᖅᓯᒪᓂᐅᔪᒥ ᑲᑎᙵᓂᕆᔭᖓᓄᑦ ᑕᕆᐅᖅ ᑯᓂᒃᓯᕙᖕᓂᖓᓂ ᓄᓇᒥ

ᐸᐸ ᑲᓪᓗᒃ, ᑎᑎᕋᐅᔭᖅᑎ ᐊᒻᒪ ᐅᖃᓕᒫᒐᓕᐅᖅᑎ ᖃᐅᓱᐃᑦᑐᕐᒥᐅᑕᖅ, ᓂᕈᐊᖅᑕᐅᓚᐅᖅᐳᖅ ᑎᑎᕋᖅᓯᒪᔪᓂ ᑎᑎᕋᐅᔭᒐᓕᖕᓂ ᐅᖃᓕᒫᒐᐅᔪᓄᑦ, ᑳᒦᒃᓯᓂ ᐊᒻᒪ ᑎᑎᕋᐅᔭᒐᖃᖅᑐᓂ ᐅᖃᓕᒫᒐᕐᓂ ᐊᕕᒃᑐᖅᓯᒪᓂᐅᔪᓂ ᓱᕈᓯᕐᓄᑦ ᐅᖃᓕᒫᒐᓕᐊᖓᓐᓄᑦ ᓃᑐ ᐊᒻᒪ ᓯᑉᔅ.

ᒫᓐᓇ 6−ᖓᓂ ᐊᕐᕌᒍᖓᓂ, ᓄᓇᖃᖅᑳᖅᓯᒪᔪᓄᑦ ᓂᐱᐅᔪᑦ ᑐᓂᓯᕙᒃᐳᑦ ᐅᐱᒋᔭᐅᔪᓂ ᓄᓇᖃᖅᑳᖅᓯᒪᔪᓄᑦ ᑎᑎᕋᖅᑎᐅᔪᓂ ᐊᒻᒪ ᐅᓂᒃᑳᖅᑐᐊᖅᑎᐅᔪᓂ ᓄᓇᓂ ᐱᔭᐅᓯᒪᔪᓄᑦ ᑲᓇᑕᒥ.

ᑕᒪᑐᒪᓂ ᐊᕐᕌᒎᔪᒥ ᓵᓚᖃᐅᓯᐊᖑᔪᓂ ᐃᓕᓴᖅᓯᓚᐅᖅᐳᖅ ᑎᑎᕋᖅᑎᐅᔪᓂ 8−ᖑᔪᓂ ᐊᕕᒃᑐᖅᓯᒪᓂᐅᔪᓂ ᐃᓚᖃᖅᑐᒥ ᑎᑎᕋᖅᑕᐅᓯᒪᔪᓂ ᓇᐃᑦᑐᓂ ᐅᖃᓕᒫᒐᒃᓴᐅᔪᓂ ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ, ᑎᑎᕋᖅᑕᐅᓯᒪᔪᓂ ᐱᓕᕆᐊᖑᔪᓂ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᖓᓐᓂ, ᐊᒻᒪ ᑎᑎᕋᖅᓯᒪᔪᓂ ᑎᑎᕋᐅᔭᕐᓂᖃᖅᑐᓂ ᐅᖃᓕᒫᒐᕐᓂ, ᑳᒥᒃᓯᓂ ᐊᒻᒪ ᑎᑎᕋᐅᔭᒐᓕᖕᓂ ᐅᖃᓕᒫᒐᕐᓂ.