ᐃᖃᓗᖕᓂ ᓄᓇᓕᐸᐅᔭᒥ ᑲᑎᒪᔨᐅᓚᐅᖅᑐᖅ ᐃᖅᑲᖅᑐᒐᒃᓴᙳᖅᐳᖅ ᐱᒋᐊᖅᓯᔪᒥ ᐃᑭᓕᖅᑐᒍ

ᔪᐊᓇᓯ ᐊᑯᒪᓕᒃ ᓄᖅᑲᓚᐅᖅᐳᖅ ᑲᑎᒪᔨᒃᑯᓐᓂ ᔫᓂ 22−ᒥ, ᐸᕐᓇᒍᑎᖃᙱᓚᑦ ᓱᓕ ᐃᓇᖏᖅᑕᐅᓂᖓᓂ

ᔪᐊᓇᓯ ᐊᑯᒪᓕᒃ, ᐅᕙᓂ ᑕᑯᒃᓴᐅᔪᖅ ᑎᑎᖅᑲᖁᑕᐅᔪᓂ ᐊᔾᔨᓕᐊᒥ, ᐃᖅᑲᖅᑐᒐᒃᓴᒍᖅᐳᖅ ᐱᒋᐊᖅᓯᔪᒥ ᐃᑭᓕᖅᑐᒍ ᐅᖃᐅᓯᐅᓪᓗᓂ ᓄᓇᕗᒻᒥ ᑲᓇᑕᒥ ᐸᓖᓯᒃᑯᓐᓂ. (ᑕᐃᕕᑦ ᐱᐊᓐᒧᑦ ᐊᔾᔨᓕᐅᖅᑕᐅᔪᖅ)

By ᓄᓇᑦᓯᐊᕐᒥ ᑐᓴᒐᒃᓴᓕᕆᔨᒃᑯᓐᓂ

For English version, see Ex-Iqaluit counciillor charged with assault

ᐃᖃᓗᖕᓂ ᓄᓇᓕᐸᐅᔭᒥ ᑲᑎᒪᔨᐅᓚᐅᖅᑐᖅ ᔪᐊᓇᓯ ᐊᑯᒪᓕᒃ ᐃᖅᑲᖅᑐᒐᒃᓴᙳᖅᐳᖅ ᐱᒋᐊᖅᓯᔪᒥ ᐃᑭᓕᖅᑐᒍ.

ᐃᖅᑲᖅᑐᒐᒃᓴᙳᓚᐅᖅᐳᖅ ᔫᓂ 13−ᒥ, ᐅᖃᓚᐅᖅᐳᖅ ᓵᔾᔨᓐᑦ ᐹᓖᓐ ᒥᓛᓐᓯᓐ, ᐅᖃᖅᑎᐅᔪᖅ ᑲᓇᑕᒥ ᐸᓖᓯᒃᑯᓐᓂ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ.

ᐃᖅᑲᖅᑐᒐᒃᓴᐃᑦ ᓯᕗᓪᓕᖅᐹᒥ ᐅᖃᐅᓯᐅᓚᐅᖅᐳᑦ CBC ᐅᑭᐅᖅᑕᖅᑐᒥ ᔫᓂ 22−ᒥ.

ᐊᑯᒪᓕᒃ ᓄᖅᑲᓚᐅᖅᐳᖅ ᑲᑎᒪᔨᒃᑯᓐᓂ ᑕᐃᑲᓂᑦᑕᐃᓐᓇᖅ ᐅᓪᓗᖓᓂ ᐱᔨᑦᑎᕋᓚᐅᖅᑎᓪᓗᒍ ᐊᕐᕌᒍᑲᓴᖕᓄᑦ ᖁᓕᓄᑦ.

ᓄᖅᑲᕐᓂᖓᓂ ᑎᑎᖅᑲᖓ ᑐᓂᓯᓚᐅᙱᓚᖅ ᐱᔾᔪᑎᒋᔭᖓᓂ ᐃᓱᒪᓕᐊᖓᓐᓂ ᕿᒪᐃᓂᕐᒥ ᑲᑎᒪᔨᒃᑯᓐᓂ, ᐅᖃᐅᓯᐅᓪᓗᓂ ᓄᓇᓕᐸᐅᔭᒥ ᐃᖃᓗᖕᓂ ᐅᖃᖅᑎᐅᔪᖅ ᐊᓕᒃᓯ ᑳᒧᕆᓐ.

ᑳᒧᕆᓐ ᐅᖃᓚᐅᕆᕗᖅ ᐃᓱᒪᓕᐅᕆᓯᒪᙱᓚᑦ ᓱᓕ ᖃᓄᖅ ᐃᓇᖏᖅᓯᓂᐊᕐᓂᖏᓐᓂ ᐊᑯᒪᓕᐅᑉ ᐃᓂᖓᓂ ᑲᑎᒪᔨᐅᔪᓄᑦ.

“ᐅᓇ ᑲᑎᒪᔾᔪᑎᒃᓴᓂ ᐅᖃᐅᒥᒃᓴᐅᓂᐊᖅᐳᖅ ᑲᑎᒪᔨᒃᑯᓐᓂ ᐅᖃᐅᓯᕆᓂᖏᓐᓄᑦ ᐊᒻᒪ ᐃᓱᐊᓂ ᐃᓱᒪᓕᐅᕆᓗᑎᒃ ᓇᓕᐊᖕᓂ ᓂᕈᐊᒐᒃᓴᐅᔪᓂ ᐊᑐᐃᓐᓇᐃᓂᖏᓐᓂ ᐅᕘᓇ ᓄᓇᕗᒻᒥ ᓂᕈᐊᕐᓂᕐᒧᑦ ᒪᓕᒐᖓᓐᓂ ᓂᕈᐊᖅᑕᐅᓂᐊᕐᓂᖓᓂ,” ᑎᑎᕋᓚᐅᖅᐳᖅ.

ᐃᓱᓕᕝᕕᒃᓴᖃᙱᓚᖅ ᐃᓇᖏᖅᑕᐅᓂᖓᓂ.

ᓱᓕ ᐱᖓᓱᓂ ᐃᓄᖕᓂ ᐱᓇᓱᐊᖅᑐᓂ ᐃᓇᖏᖅᓯᓂᕐᒥ ᐃᓂᐅᔪᒥ ᐃᓄᖃᕈᓐᓃᓚᐅᖅᑐᒥ ᐊᐃᑉᕆᓕᒥ ᑲᑎᒪᔨᐅᓚᐅᖅᑐᖅ ᓰᓚ ᕙᓚᕈᑎ ᓄᖅᑲᓚᐅᖅᑎᓪᓗᒍ.

ᓄᓇᓕᐸᐅᔭᒥ ᑲᑎᒪᔨᒃᑯᑦ ᓕᕆᐅᒋᔭᐅᓚᐅᖅᐳᑦ ᓂᕈᐊᖅᓯᓂᕐᒥ ᑭᓇᒥᒃ ᑎᒃᑯᐊᖅᓯᓂᐊᕐᓂᖏᓐᓂ ᐃᓂᒋᔭᒧᑦ ᔫᓂᐅᑉ ᓄᙳᐊᓂ.

ᓯᕗᓂᐊᓂ, ᒫᔾᔨᒥ, ᑲᑎᒪᔩᑦ ᑎᒃᑯᐊᖅᓯᓚᐅᖅᐳᑦ ᐅᑲᓕᖅ ᑰᓕᒥ ᐊᒻᒪ ᐹᓪ ᖁᐊᓴᒥ ᐃᓇᖏᖅᓯᓂᕐᒥ ᐃᓄᖃᙱᓐᓂᐅᔪᓂ ᓴᖅᑭᑕᐅᔪᓂ ᔮᓂᑦ ᐱᑦᓯᐅᓛᖅ ᐳᕉᔅᑐᕐ ᐊᒻᒪ ᔮᓐ ]>ᓯᑦ ᕿᒪᐃᑎᓪᓗᒋᑦ ᑲᑎᒪᔨᐅᔪᓂ.

ᐊᑯᒪᓕᒃ ᐃᖅᑲᓇᐃᔭᓲᖑᕗᖅ ᓄᓇᕗᒻᒥ ᑐᙵᕕᒃᑯᓐᓂ ᓇᓂᓚᕗᑦ ᐱᓕᕆᐊᖑᔪᒥ ᐊᐅᓚᑦᑎᔨᐅᔪᒥ.

ᐃᖅᑲᖅᑐᐃᕕᖕᒥ ᐅᐸᒋᐊᖃᒃᑲᓐᓂᕐᓂᐅᔪᒥ ᐋᖅᑭᒃᑕᐅᓯᒪᕗᖅ ᐋᒍᔅᑎ 11−ᒧᑦ.

Share This Story

(0) Comments

Join the Conversation

Your email address will not be published. Required fields are marked *

*