ᐊᖏᖃᑎᒌᒐᓱᐊᖅᑎᑦᑎᔨ ᐅᖃᖅᐳᖅ ᐃᓄᖕᓄᑦ ᐃᖅᑲᓇᐃᔮᖃᖅᑎᑦᑎᓂᕐᒥ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐸᕐᓇᐅᑎᖓᑦ ᓱᕋᐃᕗᖅ ᓄᓇᕗᒻᒥ ᐊᖏᕈᑕᐅᔪᒥ

For English version, see Arbitrator rules Inuit employment plans breach Nunavut Agreement

ᐊᖏᖃᑎᒌᒐᓱᐊᖅᑎᑦᑎᔨ ᓄᓇᕗᒻᒥ ᒐᕙᒪᒃᑯᑦ ᐊᒻᒪ ᒐᕙᒪᑐᖃᒃᑯᑦ ᐸᕐᓇᐅᑎᖏᓐᓂ ᐅᓄᖅᓯᒋᐊᖅᑎᑦᑎᓂᕐᒥ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐃᓄᓕᒫᓄᑦ ᐱᓕᕆᕝᕕᐅᔪᒥ ᒪᓕᙱᓚᖅ ᓄᓇᕗᒻᒥ ᐊᖏᕈᑎᒥᒃ.

ᓄᓇᕗᒻᒥ ᑐᙵᕕᒃᑯᑦ, ᑲᑐᔾᔨᖃᑎᒌᖑᔪᖅ ᑲᒪᒋᔭᖃᖅᑐᒥ ᓇᓗᓇᐃᖅᓯᓂᕐᒥ ᐊᖏᖅᓯᒪᓂᐅᔪᓂ ᓴᓇᓯᒪᔪᓂ ᐊᖏᕈᑕᐅᔪᑎᒍᑦ ᐊᑐᖅᑕᐅᓂᖏᓐᓂ, ᐅᖃᐅᓯᖃᓚᐅᖅᐳᖅ ᐃᓱᒪᓕᐊᖑᔪᒥ ᐃᑭᐊᖅᑭᕕᖓᓂ ᒪᐃ 10−ᒥ.

ᓄᓇᕗᒻᒥ ᑐᙵᕕᒃᑯᑦ ᐸᓯᒃᖠᓚᐅᖅᐳᑦ 2018−ᒥ ᒐᕙᒪᒃᑯᑦ ᐸᕐᓇᐅᑎᖏᑦ ᑭᐅᒪᙱᓐᓂᖏᓐᓂ ᓂᕆᐅᖕᓂᕆᔭᐅᔪᓂ ᓄᓇᕗᒻᒥ ᐊᖏᕈᑎᒥᒃ —ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐃᓄᓕᒫᓄᑦ ᐱᓕᕆᕝᕕᐅᔪᒥ ᑭᒡᒐᖅᑐᐃᓂᖃᕐᓂᖓᓂ ᓱᓕᓂᐅᔪᒥ ᐃᓄᖕᓂ ᐋᖅᑭᒃᓱᐃᓯᒪᓂᖓᓂ 85 ᐳᓴᓐᑎᒥ ᓄᓇᕘᑉ ᐃᓄᒋᐊᖕᓂᖓᓂ.

ᐅᓄᕐᓂᖅᓴᒻᒪᕆᖕᓂ ᐃᓄᓕᒫᓄᑦ-ᐱᓕᕆᕝᕕᐅᔪᒥ ᐃᓂᐅᔪᓂ — 92 ᐳᓴᓐᑎᒥ — ᓄᓇᕗᒻᒥ ᓄᓇᕗᒻᒥ ᒐᕙᒪᒃᑯᓐᓂᐅᕗᑦ ᐅᖃᐅᓯᐅᓪᓗᓂ ᐊᖏᖃᑎᒌᒐᓱᐊᖅᑎᑦᑎᔨᐅᑉ ᐃᓱᒪᓕᐅᕆᔭᖓᓂ.

ᓄᓇᕗᒻᒥ ᒐᕙᒪᒃᑯᑦ ᓴᓇᓚᐅᖅᐳᑦ ᐃᓄᓕᒫᓄᑦ ᐅᓂᒃᑳᕆᓯᒪᑦᑎᐊᖅᑐᓂ ᐸᕐᓇᐅᑎᓕᐅᓚᐅᖅᐳᑦ ᐊᑐᓂ ᐱᓕᕆᕝᕕᐅᔪᒧᑦ 2020−ᒥ ᑐᕌᒐᖃᕋᓱᐊᖅᑐᒥ ᓱᒃᑲᐃᑦᑐᒥ ᐅᓄᖅᓯᒋᐊᖅᑎᑦᑎᓂᖏᓐᓂ ᐃᓚᖓᓐᓂ ᐃᓄᖕᓂ ᐃᖅᑲᓇᐃᔮᖃᖅᑎᑕᐅᔪᓂ ᓄᓇᕗᒻᒥ ᒐᕙᒪᒃᑯᓐᓄᑦ ᐃᖅᑲᓇᐃᔮᓄᑦ ᖃᔅᓯᒐᓚᖕᓄᑦ ᐊᕐᒡᕋᒍᓄᑦ ᖁᓕᓄᑦ. 2017-23−ᒥ ᐸᕐᓇᐅᑎᖓ, ᓲᕐᓗ, ᐋᖅᑭᒃᓱᐃᕗᖅ ᑐᕌᒐᒃᓴᐅᔪᓂ 58 ᐳᓴᓐᑎᒥ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ 2023−ᒥ ᐊᒻᒪ 55 ᐳᓴᓐᑎᒥ ᐃᓄᖕᓂ ᓄᓇᕗᒻᒥ ᒐᕙᒪᒃᑯᑦ ᐃᓱᒻᒥᖅᑐᐃᔨᐅᔪᓂ ᐃᓂᐅᔪᓂ ᑕᐃᑲᓂᑦᑕᐃᓐᓇᖅ ᐊᕐᕌᒎᔪᒥ.

ᒐᕙᒪᑐᖃᒃᑯᑦ ᐸᕐᓇᐃᓯᒪᕗᑦ 9−ᓂ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐸᕐᓇᐅᑎᓂ ᐊᑐᓂ ᐱᓕᕆᕝᕕᐅᔪᓂ ᐊᐅᓚᑕᐅᔪᓂ ᓄᓇᕗᒻᒥ, ᒪᕐᕉᖕᓂ ᐸᕐᓇᐅᑎᓂ ᒐᕙᒪᑐᖃᒃᑯᓐᓂ ᐱᓕᕆᕝᕕᐅᔪᓂ ᓄᓇᕗᒻᒥ ᐊᒻᒪ ᑎᑎᕋᖅᑕᐅᒋᐊᙵᕈᒻᒥ “ᑕᒪᒃᑭᐅᒪᔪᒥ-ᒐ>ᒪᐅᔪᒥ” ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐸᕐᓇᐅᑎᖓᓂ, ᐅᖃᖅᓯᒪᕗᖅ ᐊᖏᖃᑎᒌᒐᓱᐊᖅᑎᑦᑎᔨᐅᔫᑉ ᐃᓱᒪᓕᐊᖓᓐᓂ.

ᐊᖏᖃᑎᒌᒐᓱᐊᖅᑎᑦᑎᔨ ᑳᓐᔅᑕᓐᖦ ᕼᐊᓐᑦ ᐅᖃᓚᐅᖅᐳᖅ ᐃᓱᒪᓕᐊᖑᓯᒪᓂᐅᔪᒥ ᐱᓇᓱᐊᕈᓯᐅᓚᐅᖅᑐᒥ ᒐᕙᒪᒃᑯᑦ ᐸᕐᓇᐅᑎᖏᑦ ᐅᓂᒃᑳᕆᓂᖃᙱᓚᑦ ᖃᓄᖅ ᐊᑐᓂ ᐱᓕᕆᕝᕕᐅᔪᒥ ᐅᓄᖅᓯᒋᐊᕐᓂᐊᕐᓂᖏᓐᓂ ᐊᒻᒪ ᐋᖅᑭᐅᒪᑎᑦᑎᓗᓂ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᑭᒡᒐᖅᑐᐃᓂᐅᔪᒥ ᑭᒡᓕᐅᔪᒥ; ᐸᕐᓇᐅᑏᑦ ᐅᓂᒃᑳᕆᓯᒪᙱᓚᑦ ᑐᕌᒐᒃᓴᐅᔪᓂ ᐊᒻᒪ ᖃᓄᐃᓕᐅᕐᓂᐊᕐᓂᕐᒧᑦ ᐸᕐᓇᐅᑎᓂ ᑎᑭᐅᑎᓂᕐᒧᑦ ᑕᒪᒃᑭᐅᒪᔪᒥ ᑭᒡᒐᖅᑐᐃᓂᐅᔪᒥ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐊᒻᒪ ᑭᐅᙱᓚᑦ ᑕᐃᒪᐃᒐᔪᒃᑐᓂ ᐅᓪᓘᑉ ᐃᓚᐃᓐᓇᖓᓂ ᐃᖅᑲᓇᐃᔮᖃᕐᓂᕐᒥ ᖃᓄᐃᓕᖓᓂᖓᓂ, ᐃᓚᒋᔭᐅᓪᓗᓂ ᐊᓯᖏᓐᓂ ᑎᑭᐅᑎᓯᒪᙱᓗᐊᕐᓂᐅᔪᓂ.

ᑭᐅᓂᕐᒥ ᐃᓱᒪᓕᐊᖑᓯᒪᓂᐅᔪᒥ, ᓄᓇᕗᒻᒥ ᓯᕗᓕᖅᑎ P.J. ᐊᕿᐊᕈᖅ ᐅᖃᓚᐅᖅᐳᖅ ᓄᓇᕗᒻᒥ ᒐᕙᒪᒃᑯᑦ “ᐊᖏᖅᓯᒪᓂᖃᖅᐳᑦ ᓴᓇᓂᕐᒥ ᐃᖅᑲᓇᐃᔭᖅᑎᐅᔪᓂ ᑭᒡᒐᖅᑐᐃᔪᒥ ᐃᓄᒋᐊᖕᓂᐅᔪᒥ ᓄᓇᕗᒻᒥ.”

“ᓄᓇᕗᒻᒥ ᒐᕙᒪᒃᑯᑦ ᐱᕙᓪᓕᐊᑎᑦᑏᓐᓇᕐᓂᐊᖅᐳᑦ ᐊᒻᒪ ᐊᑐᓕᖅᑎᑦᑎᓗᑎᒃ ᐅᓂᒃᑳᕆᓯᒪᑦᑎᐊᖅᑐᓂ, ᓇᓗᓇᐃᖅᑕᐅᓯᒪᔪᓂ ᐊᒻᒪ ᐱᓕᕆᔾᔪᐊᖅᑐᒥ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐸᕐᓇᐅᑎᓂ ᑐᕌᒐᕆᔭᐅᔪᓂ ᐅᓄᖅᓯᒋᐊᖅᑎᑦᑎᓂᕐᒧᑦ ᐃᓄᖕᓂ ᐃᓚᐅᖃᑕᐅᓂᖏᓐᓂ ᒐᕙᒪᒃᑯᓐᓂ ᐃᖅᑲᓇᐃᔮᖃᕐᓂᐅᔪᓄᑦ ᑭᒡᒐᖅᑐᐃᓂᕐᒥ ᑭᒡᓕᐅᔪᒥ,” ᐅᖃᓚᐅᖅᐳᖅ ᑐᓴᒐᒃᓴᓕᐊᖑᔪᒥ.

ᐊᕿᐊᕈᖅ ᑎᒃᑯᐊᕆᓚᐅᖅᐳᖅ ᒫᓐᓇᓕᓴᐅᔪᒥ ᓴᖅᑭᑎᑦᑎᓂᐅᔪᒥ ᐃᓚᒋᔭᐅᔪᓂ ᒥᓂᔅᑕᐅᑉ ᑐᒡᓕᖏᓐᓂ ᐃᓂᒃᓴᐅᔪᓂ ᑐᕌᖓᓂᖃᖅᑐᒥ ᐅᓄᕐᓂᖅᓴᓂ ᐃᓄᖕᓂ ᐊᖓᔪᖅᑳᖑᓂᐅᔪᓄᑦ ᐃᓂᐅᔪᓂ ᓄᓇᕗᒻᒥ ᐃᓄᓕᒫᓄᑦ ᐱᔨᑦᑎᕋᕐᓂᐅᔪᒧᑦ.

ᒐᕙᒪᑐᖃᒃᑯᑦ ᕿᒥᕐᕈᕗᑦ ᐃᓱᒪᓕᐊᖑᓯᒪᓂᐅᔪᒥ, ᐅᖃᓚᐅᖅᐳᖅ ᑲᐃᔪᓪ ᐋᓕᓐ, ᑐᓴᒐᒃᓴᓕᐊᓄᑦ ᑎᑎᕋᖅ ᐅᑭᐅᖅᑕᖅᑐᒥ ᐱᓕᕆᓂᐅᔪᒥ ᒥᓂᔅᑕ ᑖᓂᐅᓪ ᕚᓐᑎᐅᓪᒧᑦ, ᐅᖃᐅᓯᒃᓴᓕᐊᖑᔪᒥ.

“ᐅᓄᖅᓯᒋᐊᖅᑎᑦᑎᓂᕐᒥ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᓱᓕ ᓯᕗᓪᓕᐅᑎᑕᐅᖁᔭᐅᓂᐅᕗᖅ ᒐᕙᒪᑦᑎᓐᓄᑦ ᐊᒻᒪ ᑐᑭᓯᐅᒪᕗᒍᑦ ᐃᓅᓯᕐᒧᑦ−ᒪᑭᒪᐅᑎᒧᓪᓗ ᐃᓕᖓᔪᒥ ᐊᒃᑐᐃᓂᐅᔪᓂ, ᐊᒻᒪᓗᑦᑕᐅᖅ ᐱᒻᒪᕆᐅᓂᖓᓂ ᐊᑐᕐᓂᖓᓂ ᑭᐅᓂᕐᒥ ᐃᓄᖕᓄᑦ ᐃᒻᒥᓂᒃ−ᐃᓱᒪᓕᐅᕆᓂᖏᓐᓂ,” ᐋᓕᓐ ᐅᖃᓚᐅᖅᐳᖅ.

ᐅᖃᐅᓯᒃᓴᓕᐊᖑᔪᒥ ᐅᖃᐅᓯᐅᔪᒥ ᓄᓇᕗᒻᒥ ᑐᙵᕕᒃᑯᓐᓄᑦ, ᑲᑐᔾᔨᖃᑎᒌᖑᔪᑦ ᐊᐅᓚᑦᑎᔪᓂ ᒪᓕᒐᓕᕆᓂᕐᒧᑦ ᐃᑲᔪᖅᓱᐃᔨᐅᔪᖅ ᒥᐊᕆ ᐱᓘ ᐅᖃᓚᐅᖅᐳᖅ ᑕᒪᒃᑭᑦ ᐱᓕᕆᖃᑕᐅᔪᑦ ᒫᓐᓇ ᐅᕙᓃᑉᐳᑦ ᐊᖏᖃᑎᒌᒐᓱᐊᕐᓂᕐᒥ ᐱᓕᕆᓂᐅᔪᒥ ᐅᖃᐅᓯᖃᕐᓂᐊᖅᖢᑎᒃ ᐋᖅᑭᒍᑎᒃᓴᓂ ᐊᓯᒧᑦ ᑐᓴᖅᑕᐅᔭᕆᐊᖃᙱᑦᑐᓂ ᑕᐃᑯᖓ ᔫᓂ 25−ᒐᓚᖕᒧᑦ.

“ᓄᓇᕗᒻᒥ ᑐᙵᕕᒃᑯᑦ ᑕᐅᑐᒃᑕᑐᐊᖃᑲᐃᓐᓇᖅᐳᑦ ᐋᖅᑭᒍᑎᒃᓴᓄᑦ ᐊᒃᓱᕈᖅᑐᓂ ᐅᑎᖅᑎᕆᓂᕐᒥ ᐊᖅᑯᑎᒋᔭᑦᑎᓐᓄᑦ ᑕᒪᒃᑭᖅᑐᒥ ᑭᒡᒐᖅᑐᖅᑕᐅᓂᒃᒥ ᐃᓄᓕᒫᓄᑦ ᐱᔨᑦᑎᕋᕐᓂᐅᔪᒥ,” ᐱᓘ ᐅᖃᓚᐅᖅᐳᖅ.

“ᕿᓂᕆᕗᒍᑦ ᑮᓇᐅᔭᑎᒍᑦ ᐋᖅᑭᒍᑎᒃᓴᓂ ᓇᓗᓇᐃᖅᓯᓂᕐᒥ ᓈᒻᒪᒃᑐᒥ ᐅᑎᕐᕕᐅᑦᑎᐊᕐᓂᑦᑎᓐᓂ ᓱᕋᐃᓂᐅᔪᓂ ᐊᖏᕈᑎᑦᑎᓐᓂ ᐊᒻᒪ ᑭᖑᕙᕐᓂᐅᔪᒥ ᑭᐅᓂᕐᒥ ᐊᖏᕈᑎᑦᑎᓐᓂ ᑐᕌᖅᑕᐅᓇᓱᐊᖅᑐᓂ.”

ᓄᓇᕗᒻᒥ ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐃᓚᒋᔭᐅᔪᖅ ᓗᐊᕆ ᐃᓪᓚᐅᑦ ᐅᖃᓚᐅᖅᐳᖅ “ᖁᒃᓴᓪᓚᓚᐅᙱᓐᓂᖓᓂ”ᐊᖏᖃᑎᒌᒐᓱᐊᖅᑎᑦᑎᔨᐅᔫᑉ ᐃᓱᒪᓕᐊᕆᔭᖓᓂ.

“ᐊᕐᕌᒍᓂ 30−ᖑᓕᖅᐳᖅ ᑕᐃᒪᙵᓂ ᐊᖏᕈᑕᐅᔪᓂ ᐊᑎᓕᐅᖅᑕᐅᓚᐅᕐᓂᖏᓐᓂ ᐊᒻᒪ ᒐᕙᒪᐅᔪᑦ ᐊᕐᕌᒍᓂ 30−ᓂ ᐱᓕᕆᑦᑎᐊᒃᑲᓐᓂᕐᓂᕐᒧᑦ ᓇᓗᓇᐃᖅᓯᓂᕐᒥ ᑭᒡᒐᖅᑐᐃᓂᖃᖅᑐᒥ ᐃᖅᑲᓇᐃᔭᖅᑎᖃᕐᓂᖏᓐᓂ,” ᐃᓪᓚᐅᑦ ᐅᖃᓚᐅᖅᐳᖅ ᒪᐃ 12−ᒥ.

ᐅᖃᓚᐅᖅᐳᖅ ᑕᐃᒪᑐᖅ ᑕᒪᒃᑭᑦ ᒐᕙᒪᐅᔪᑦ ]ᓈᒻᒪᒃᓴᕐᓂᖏᓐᓂ ᐊᖏᖃᑎᒌᒐᓱᐊᖅᑎᑦᑎᔨᐅᔫᑉ ᐃᓱᒪᓕᐊᕆᔭᖓᓂ ᐅᓪᓗᑦ−60-ᓂ ᐱᕕᒃᓴᖓᓂ ᑭᐅᓂᕐᒧᑦ ᑎᑭᐅᑎᓚᐅᖅᑳᕋᑎᒃ.

ᐃᓪᓚᐅᑦ ᐅᖃᓚᐅᖅᐳᖅ ᒐᕙᒪᐅᔪᓂ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐸᕐᓇᐅᑎᖏᓐᓂ ᒪᓕᑦᑎᐊᖅᓯᒪᑎᑕᐅᓂᖓᓂ ᐃᓗᐊᓂ ᓄᓇᕗᒻᒥ ᐊᖏᕈᑎᒥᒃ, ᐱᐅᓂᖅᓴᓂ ᐊᒃᓱᕈᕐᓂᖃᕆᐊᖃᖅᐳᑦ ᐱᐅᓯᒋᐊᖅᑎᑦᑎᓂᕐᒥ ᓄᓇᕗᒻᒥ ᐃᓕᓐᓂᐊᕈᑎᓕᐅᖅᑕᐅᓯᒪᔪᓂ ᐊᒻᒪ ᐃᓚᖃᕐᓗᓂ ᐅᓄᕐᓂᖅᓴᐅᔪᓂ ᐃᓄᒃᑐᑦ ᐃᓕᓐᓂᐊᕐᓂᐅᔪᒥ, ᐃᑲᔪᕐᓗᑎᒃ ᐃᓱᓕᑦᑎᓯᒪᔪᓂ ᐃᖅᑲᓇᐃᔮᖅᑖᕐᓂᖏᓐᓂ, ᓴᖅᑭᑎᑦᑎᓗᑎᒃ ᐱᐅᓂᖅᓴᐅᔪᒥ ᐱᔪᓐᓇᕐᓂᕐᒧᑦ ᐱᕙᓪᓕᐊᑎᑕᐅᓂᖓᓂ ᐱᓕᕆᐊᖑᔪᓂ ᓇᓗᓇᐃᖅᓯᓂᕐᒧᑦ ᐃᓄᐃᑦ ᐃᓯᕈᓐᓇᕋᔭᕐᓂᖏᓐᓂ ᐊᖓᔪᖅᑲᐅᓯᐅᑎᐅᔪᓄᑦ ᑭᒡᓕᐅᔪᓂ ᐃᓂᐅᔪᓄᑦ ᐅᕝᕙᓘᓐᓃᑦ ᐋᖅᑭᒋᐊᖅᑕᐅᒃᑲᓐᓂᖅᑐᓂ ᐃᓂᒃᓴᐅᔪᓄᑦ, ᐊᒻᒪ ᒐᕙᒪᒃᑯᓐᓂ ᐃᖅᑲᓇᐃᔮᓄᑦ ᐱᕕᒃᓴᖃᕐᓂᐅᔪᓂ ᑕᑯᒃᓴᐅᑎᑦᑎᓪᓗᐊᖅᐳᑦ ᐊᔪᙱᓐᓂᐅᔪᒥ ᐊᒥᓱᓂ ᐃᓄᖕᓂ ᐱᓯᒪᔭᖓᓐᓂ, ᓲᕐᓗ ᐃᓕᓯᒪᑦᑎᐊᖅᑐᓂ ᐊᖑᓇᓱᖕᓂᕐᒧᑦ ᐊᒻᒪ ᒥᖅᓱᕐᓂᕐᒧᑦ ᐱᕕᒃᓴᖃᕐᓂᐅᔪᓂ.

“ᓄᓇᕗᒻᒥ ᒐᕙᒪᒃᑯᑦ ᒫᓐᓇᐅᔪᒥ ᐊᖏᓛᖑᓪᓗᓂ ᐃᖅᑲᓇᐃᔭᖅᑎᖁᑎᓕᖕᓂ ᐊᒻᒪ ᐊᑕᐅᓯᐅᓪᓗᓂ ᓇᑭᙶᕐᓂᐅᔪᓂ ᑐᙵᕕᖃᑦᑎᐊᖅᑐᒥ ᑮᓇᐅᔾᔭᒃᓴᓂᐅᕗᖅ ᐊᑐᓂ ᐃᓚᒋᔭᐅᔪᓄᑦ,” ᐃᓪᓚᐅᑦ ᐅᖃᓚᐅᖅᐳᖅ. ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᑦᑎᕗᑦ 4,000−ᐸᓗᖕᓂ ᐃᓄᖕᓂ ᓄᓇᕗᒻᒥ.

“ᑕᐃᒪᑐᖅᒥᓂᔅᑕ ᕚᓐᑎᐅᓪ ᑕᑯᓂᐊᖅᐳᖅ ᐊᑲᐅᙱᓕᐅᕈᑕᐅᔪᒥ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᕐᒥ ᐊᑦᑎᒃᑎᓪᓗᒍ,” ᐃᓪᓚᐅᑦ ᐃᓚᒋᐊᖅᓯᓚᐅᖅᐳᖅ.

“ᑕᐃᒪᑐᖅ ᐱᓕᕆᓂᐊᖅᐳᖅ ᓯᕗᓪᓕᐅᑎᑕᐅᓂᖓᓂ ᐅᖃᓪᓚᐅᑎᐅᑐᐃᓐᓇᙱᓪᓗᓂ.”