ᐊᖑᑎ ᐃᓅᔪᓐᓃᖅᑐᖅ ᓈᒻᒪᙱᓕᐅᕈᑎᑕᖃᓚᐅᖅᑎᓪᓗᒍ ᐃᕗᔨᕕᒃᒥ, ᐸᓖᓯᑦ ᑎᒍᓯᔪᑦ ᐸᔨᓴᒃᓴᒥᒃ

For English version, see Man dies after altercation in Ivujivik; police arrest suspect

ᐸᓯᔭᒃᓴᕆᔭᐅᔪᖅ ᑎᒍᔭᐅᓯᒪᔪᖅ ᒪᐃ 18ᒥ ᖃᓄᐃᓕᐅᖅᑐᖃᕈᓘᔭᓚᐅᖅᑎᓪᓗᒍ ᑖᓐᓇᓗ 22ᓂ ᐊᕐᕌᒍᓕᒃᒥ ᐃᓅᔪᓐᓃᖅᑐᖃᕈᑎᐅᓪᓗᓂ ᐃᕗᔨᕕᒃᒥ.

ᑯᐸᐃᒃᒥ ᐸᓖᓯᒃᑯᑦ ᓇᓗᓇᐃᕐᓯᓚᐅᕐᑐᑦ ᐃᓅᔪᓐᓃᖅᑐᖅ ᐅᓇᐅᓂᖓᓂᒃ ᕗᐃᓕ ᐃᔭᐃᑦᑐᖅ ᖃᕋᓴᐅᔭᒃᑯᑦ ᑎᑎᕋᖅᖢᑎᒃ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ.

ᐸᓖᓯᑦ ᐅᖃᓚᐅᕐᑐᑦ ᖃᐅᔨᑎᑕᐅᓚᐅᕐᓂᖏᓐᓂᒃ ᐊᖑᑎᒥ ᐋᓐᓂᖅᑐᖃᕐᓂᖓᓂᒃ ᖃᓄᐃᓕᐅᕈᓘᔭᖅᑐᖃᓚᐅᖅᑎᓪᓗᒍ ᐊᖏᕐᕋᕆᔭᐅᔪᒥᒃ ᐅᓐᓄᒃᑯᑦ 11ᒥ ᒪᐃ 18ᖑᑎᓪᓗᒍ.

ᐸᓖᓯᑦ ᐅᐸᓚᐅᕐᑐᖅ ᐊᖑᑎᒥ ᐋᓐᓂᕐᓯᒪᓪᓚᕆᑐᒥ ᑕᑯᓪᓗᑎᒃ. ᓄᓇᓖᑦ ᐋᓐᓂᐊᕕᖓᓄᐊᕈᔾᔭᐅᓕᖅᖢᓂ, ᑭᓯᐊᓂᓕ ᑕᐃᑲᓂ ᐃᓅᔪᓐᓃᖅᖢᓂ.

22ᓂ ᐊᕐᕌᒍᓕᒃ ᐊᖑᑎ ᐸᓯᔭᒃᓴᙳᖅᑎᑕᐅᔪᖅ ᑐᖂᑦᑎᓂᕐᒧᑦ, ᐸᓖᓯᑦ ᐅᖃᓚᐅᕐᑐᑦ.