ᐋᒻᒥᑯᕌᓐ (Omicron) ᐋᓐᓂᐊᕆᔭᐅᑲᑕᓕᕐᒥᔪᖅ ᓄᓇᕕᒃᒥ ᐋᓐᓂᐊᕆᔭᐅᓕᕆᕗᖅ

ᓄᓇᕕᒻᒥ ᐋᓐᓂᐊᖃᕐᓇᙱᑦᑐᓕᕆᔨᑦ ᑲᑎᒪᔨᖏᑦ ᐅᓪᓗᕐᓂ 28-ᓂ ᓄᓇᓕᖕᓂ ᐊᐅᓪᓚᑲᑕᖁᔨᙱᑦᑐᑦ

ᐃᕗᔨᕕᒃᒥᐅᑕᑦ ᐅᕙᓂ ᐊᔾᔨᙳᐊᓖᑦ, ᐃᓚᒋᔭᐅᓕᓚᐅᕐᑐᖅ ᓄᓇᕕᒻᒥ ‘ᐅᔾᔨᕆᔭᕆᐊᓖᒃᓂ’ ᓄᓇᓕᖕᓂᒃ, ᐅᖃᓚᐅᕐᑐᑦ ᓄᓇᓕᓕᒫᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᑎᓯᐱᕆ 27-ᒥ. ᑲᑎᒪᔩᑦ ᓇᓗᓇᐃᓚᐅᕐᑐᑦ ᐅᓇ ᐋᒻᒥᑯᕌᓐ ᓄᕙᒡᔪᐊᕐᓇᖅ-19 ᐋᓐᓂᐊᕐᒥᙶᖅᓯᒪᔪᖅ ᓇᓗᓇᐃᖅᑕᐅᓚᐅᕐᑐᖅ ᑕᒫᓃᓐᓂᖓᓂᒃ ᑎᓯᐱᕆ ᐃᓱᓕᓕᖅᑎᓪᓗᒍ ᑕᐃᒪᓐᓇᓗ ᐅᓪᓗᓂ 28-ᓂ ᑭᓱᓕᒫᓂᒃ “ᒪᑐᑎᑦᑎᓚᐅᑲᒃᖢᑎᒃ” ᐊᒻᒪᓗ ᓄᓇᓕᖕᓂ ᐊᐅᓪᓚᑲᑕᖁᔨᔪᓐᓃᖅᖢᑎᒃ. (ᐊᔾᔨᖁᑎᒋᔭᐅᔪᖅ ᓴᐃᕋ ᐅᕌᔾᔪᔅ)

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see Omicron variant confirmed in Nunavik

ᐋᒻᒥᑯᕌᓐ ᐃᓚᒋᔭᐅᔪᖅ ᓄᕙᒡᔪᐊᕐᓇᖅ-19 ᐋᓐᓂᐊᕐᓇᖅᑐᒥ ᓄᓇᕕᒻᒥ ᐋᓐᓂᐊᕆᔭᐅᓕᓚᐅᕆᕗᖅ, ᐅᑯᐊ ᓄᓇᕕᒻᒥ ᐋᓐᓂᐊ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᑦ ᐅᖃᓚᐅᕐᓯᒪᔪᑦ ᑎᓯᐱᕆ 26-ᒥ. ᓯᕗᓪᓕᖅᐹᒥ ᓇᓗᓇᐃᖅᑕᐅᓚᐅᕐᓯᒪᔪᖅ ᑎᓯᐱᕆ 23-ᖑᑎᓪᓗᒍ, ᑐᓴᒐᒃᓴᓕᐅᖅᑎᓪᓗᒋᑦ ᐅᑯᐊ ᓄᓇᕕᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏ ᐊᒻᒪ ᐃᓄᓕᕆᔨᒃᑯᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᒐᕙᒪᖏ ᐊᒻᒪ ᒪᑭᕕᒃᑯᑦ.

ᑕᐃᒪᐃᓐᓂᖓᓄᑦ ᑖᒃᑯᐊ ᐱᖓᓱᑦ ᑲᑐᔾᔨᖃᑎᒌᖑᔪᑦ ᐊᐅᓪᓚᖃᑦᑕᖅᑐᓂᒃ ᓄᖃᖓᑎᑦᑎᓂᕐᓴᐅᑎᑦᑎᓕᓚᐅᕐᑐᑦ ᑭᓯᐊᓂ ᐱᔭᕆᐊᖃᓪᓚᕆᖕᓂᕐᒧᑦ.

“ᐅᓇ ᐃᓱᒪᓕᐊᕆᔭᐅᔪᖅ ᐊᐅᓪᓚᖃᑦᑕᖅᑐᓂᒃ ᓄᖃᖓᑎᑦᑎᓂᕐᓴᐅᓂᖅ ᐊᒻᒪᓗ ᒪᑐᓯᒪᑎᑦᑎᓚᐅᑲᖕᓂᖅ ᐱᔾᔪᑎᖃᓗᐊᕐᑐᖅ ᐱᒻᒪᕆᐅᓗᐊᕐᓂᖓ ᐋᓐᓂᐊᕆᔭᐅᓐᓇᖅᑐᖅ ᐊᒻᒪᓗ ᐋᓐᓂᐊᖃᓕᖅᑎᑦᑎᑦᑕᐃᓕᒐᓱᖕᓂᕐᒧᑦ,” ᒪᑭᕕᒃᑯᑦ ᐊᖓᔪᖅᑳᖓ ᐲᑕ ᐋᑕᒥ ᐅᖃᓚᐅᕐᑐᖅ ᑐᓴᒐᒃᓴᑎᒍᑦ.

ᐊᐅᓪᓚᑲᑕᖕᓂᖅ ᓄᖃᖓᑎᑕᐅᓂᕐᓴᐅᓕᕆᐊᓚᐅᕐᑐᖅ ᑎᓯᐱᕆ 29-ᒥ ᐊᒻᒪᓗ ᐅᓪᓗᓂ 28-ᓂ ᑕᐃᒪᐃᓐᓂᐊᖅᖢᓂ, ᑲᑎᒪᔩᑦ ᐅᖃᓚᐅᕐᑐᑦ.

“ᐱᔾᔪᑎᒋᔭᐅᓗᐊᕐᑐᕐᓕ ᖃᓄᐃᓕᐅᕐᓂᕐᒧᑦ ᐅᓇ ᐋᓐᓂᐊᕆᔭᐅᔭᑦᑐᖅ ᐊᐃᑦᑐᖅᑕᐅᑦᑕᐃᓕᓂᕐᒧᑦ ᑕᒫᓂ ᓄᓇᕕᒃᒥᑦ,” ᑲᑎᒪᔩᑦ ᐅᖃᓚᐅᕐᑐᑦ ᑐᓴᒐᒃᓴᓕᐊᖏᓐᓂᒃ ᕙᐃᔅᐳᒃᑯᑦ.

ᓄᓇᕕᒃᒧᐊᖃᑦᑕᖅᑐᑦ ᖃᓪᓗᓈᓂ ᐱᓇᓱᖃᑦᑕᕆᐊᖃᕐᓂᐊᕐᑐᑦ ᓄᓇᕕᒻᒥ ᐊᑐᐃᓐᓇᖃᕈᓐᓇᕐᓂᕐᒧᑦ ᐱᔪᓐᓇᐅᑎᓂᒃ. ᐃᓄᐃᑦ ᓄᓇᓕᖕᓄ ᐊᓯᐊᓅᕋᓱᒃᑐᑦ ᖃᓪᓗᓈᓄᑦ ᑖᒃᑯᓂᖓ ᑕᑕᑎᕆᐊᖃᕋᔭᙱᑦᑐᑦ, ᑲᑎᒪᔩᑦ ᐅᖃᓚᐅᕐᑐᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑕᒪᑐᒥᖓ “ᐊᒃᑐᐃᒍᑎᖃᕐᓂᖅ” ᓄᓇᕕᒻᒥᐅᓂᒃ, ᑲᑎᒪᔩᑦ ᑕᒪᑐᒥᖓ ᐱᓇᓱᐊᕈᓯᕐᒥ ᖃᐅᔨᒋᖃᑦᑕᕐᓂᐊᕐᑐᑦ, ᖃᐅᔨᓇᓱᒍᑎᖃᕐᓗᑎᒃ ᖃᓄᐃᓕᕐᒪᖔᑕ ᐅᑭᐅᕐᑕᖅᑐᕐᒥ ᐊᒻᒪ ᖃᓪᓗᓈᓂᑦ.

ᓄᓇᕕᒻᒥᐅᑕᑦ ᖃᓄᐃᓕᐅᖁᔭᐅᓇᓱᒃᑐᑦ ᐊᒃᓱᕈᕐᓇᙱᓐᓂᕐᓴᐅᓇᓱᒃᑐᓂᒃ ᒫᓐᓇ “ᐱᔭᒃᓴᖃᓗᐊᖅᑎᓪᓗᒋᑦ” ᐋᓐᓂᐊᕕᖕᒥ ᐱᓕᕆᔨᐅᔪᑦ ᑯᐸᐃᒃ ᓂᒋᐊᓂᒃ.

ᐋᒻᒥᑯᕌᓐ ᐊᐃᑦᑑᑎᐅᑲᑕᖕᒪᑦ “ᓱᒃᑲᔪᐊᓗᒃᒥᑦ” ᖃᓪᓗᓈᓂᑦ ᐊᒻᒪᓗ ᐊᒃᑐᐃᓂᖃᖅᖢᓂ ᑕᒪᐃᑎᒍᑦ ᑯᐸᐃᒃᒥ ᐋᓐᓂᐊᖅᑐᓕᕆᔨᓄᑦ, ᑐᓴᒐᒃᓴᓕᐊᑦ ᐅᖃᕐᓯᒪᓚᐅᕐᒥᔪᑦ. ᖃᓪᓗᓈᓂ ᐋᓐᓂᐊᕕᐊᓗᐃᑦ ᑕᑕᓗᐊᓕᕐᒪᑕ ᐊᒻᒪᓗ ᐋᓐᓂᐊᖅᑐᓂᒃ ᑲᒪᒋᔭᖃᕈᓐᓇᐃᓪᓕᑐᐃᓐᓇᕆᐊᖃᖅᖢᑎᒃ ᑕᑕᓗᐊᒧᑦ.

Share This Story

(1) Comment:

Join the Conversation

Your email address will not be published. Required fields are marked *

*