ᐋᓐᓂᐊᕕᒡᔪᐊᕐᓇᓕᕆᓐᓇᖅ ᖃᐅᔨᕙᓪᓕᕈᑎᐅᕗᖅ ᐃᓅᖃᑎᒌᖕᓂᕐᒥᒃ ᐊᑐᖅᑕᐃᓕᒋᐊᖃᕐᓂᕐᒥᒃ: ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓ
ᑲᓇᑕ ᐱᓇᓱᒋᐊᖃᕐᒥᖕᒪᑦ ᐃᓄᖄᑎᒌᙱᑦᑐᓂᒃ ᐊᔾᔨᒌᓕᖅᑎᑦᑎᒐᓱᖕᓂᕐᒥᒃ, ᓇᐃᑕᓐ ᐅᐱᐊᑦ ᐅᖃᖅᑐᖅ
“ᐃᓯᒐᑎᑦ ᓯᕗᒧᑦ ᐃᖏᕐᕋᑎᑉᐸᓪᓕᐊᓗᒋᑦ, ᐊᖅᑯᑎᒋᔪᒪᔭᒃᑯᑦ ᐃᓱᒪᒧᑦ ᐋᓐᓂᐊᖃᖅᑕᐃᓕᓂᕐᒧᑦ, ᐊᒻᒪᓗ ᐊᓯᙳᕐᓗᒍ ᑕᑯᔪᒪᔭᕐᓄᑦ,” ᐅᖃᖅᑐᖅ ᓇᐃᑕᓐ ᐅᐱᐊᑦ, ᐊᖓᔪᖅᑳᖅ ᐃᓄᐃᑦ ᑕᐱᕇᑦ ᑲᓇᑕᒥ, ᐊᐱᕐᓱᕐᓂᖅᑕᖃᖅᑎᓪᓗᒍ ᐃᓱᒪᒧᑦ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐃᓅᖃᑎᒌᙱᓐᓂᕐᒧᑦ.
For an English version of this story, see Pandemic response offers lessons for fighting racism: ITK president
ᑲᓇᑕᐅᑉ ᑭᐅᔾᔪᑎᖓ ᓄᕙᒡᔪᐊᕐᓇᖅ-19-ᒥᑦ ᓴᖅᑭᑎᑦᑎᓯᒪᔪᖅ ᓄᓇᓕᖕᔪᐊᑦ ᑲᑐᑎᓂᖏᑦ ᐊᑕᐅᓯᕐᒥ ᐱᓇᓱᐊᕐᑎᓪᓗᒋ ᐱᓕᕆᐊᖑᔪᓐᓇᕐᓂᖓᓂᒃ, ᐅᖃᖅᑐᖅ ᓇᐃᑕᓐ ᐅᐱᐊᑦ, ᐊᖓᔪᖅᑳᖅ ᐃᓄᐃᑦ ᑕᐱᕇᑦ ᑲᓇᑕᒥ.
ᐅᖃᒃᑲᓐᓂᓕᕐᒥᔪᖅ ᑲᓇᑕᒥᐅᑕᑦ ᑕᐃᒪᓐᓇ ᐱᓇᓱᐊᕆᐊᖃᕐᓂᖏᓐᓂᒃ ᓄᓇᖃᑎᒌᙱᓐᓂᒃᑯᑦ ᐊᔾᔨᒌᓕᖅᑎᑦᑎᓇᓱᖕᓂᕐᒥᒃ.
“ᖃᐅᔨᒪᓕᕐᖢᒋᑦ ᒐᕙᒪᒃᑯᑦ ᐱᓕᕆᔾᔪᓯᖏᑦᑎᒍ ᐊᐅᓚᑦᑎᓂᖓ ᐃᒪᐃᓕᖓᖕᒪᑦ ᐃᓅᖃᑎᒌᖏᑦᑐᓂᒃ ᐊᔾᔨᐅᙱᑎᑦᑎᑦᑎᓗᐊᕐᓂᕐᒥᒃ, ᑕᐃᒪᐃᑦᑐᓐᓃᕆᐊᖃᖅᖢᑎᒡᓗ, ᓴᖅᑭᔮᖅᑐᒃᑯᑦ ᐃᓅᖃᑎᒌᙱᓐᓂᒃᑯᑦ ᐊᔾᔨᒌᙱᑎᑦᑎᓂᕐᒥᒃ ᐱᑕᖃᕈᓐᓃᕐᑎᑦᑎᒋᐊᖃᖅᖢᑎᒃ, ᐃᒪᓐᓇ ᐃᓚᐅᖃᓴᐅᔪᓐᓇᕐᓗᑕ, ᑕᐃᒪᓐᓇᓕ ᐱᓕᕆᖃᑎᒌᒍᓐᓇᕋᔭᕐᑐᑦ ᐃᓄᐃᑦ ᐊᒻᒪ ᒐᕙᒪᒃᑯᑦ, ᑕᐃᒪᓐᓇᓗ ᐊᑐᕈᑦᑕ ᓯᕗᓂᒃᓴᕗᑦ ᐱᐅᓂᕐᓴᐅᒻᒪᕆᓕᕋᔭᕐᑐᖅ,” ᐅᖃᖅᑐᖅ ᐅᐱᐊᑦ, ᐊᖓᔪᖅᑳᕆᔭᐅᔪᖅ ᑲᓇᑕᒥ ᑲᑐᔾᔨᖃᑎᒌᓂ ᑭᒡᒐᖅᑐᐃᔪᓂᒃ 65,000-ᓂᒃ ᐃᓄᖕᓂ ᑲᓇᑕᒥᐅᑕᓂᒃ.
ᐅᐱᐊᑦ ᑕᐃᒪᐃᓕᓚᐅᕐᓯᒪᔪᖅ ᔭᓄᐊᕆ 22-ᒥᑦ ᐊᐱᕐᓱᕐᓇᐅᑎᓪᓗᒍ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᓂᕐᒧᑦ ᓄᓇᖃᖅᑐᓂᒃ ᐊᔾᔨᒌᙱᑦᑑᑎᓂᒃ ᐃᓄᖃᖅᑐᓂᒃ, ᐱᖃᑎᖃᖅᖢᓂ ᖃᕋᓴᐅᔭᒃᑯᑦ ᐆᒧᖓ ᑯᐃᓐᔅ ᔫᓂᕘᓯᑎᒥᒃ ᐊᒻᒪ ᐱᐊᓪᑯᓐᓂᒃ, ᓴᖅᑭᔮᖅᑎᑦᑎᓪᓗᑎᒃ ᑎᓴᒪᓂᒃ ᐊᔪᕈᓐᓃᕐᓯᒪᒻᒪᕆᒃᑐᓂᒃ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᓂᕐᒥᒃ, ᐅᓇ ᒐᕙᒪᑐᖃᒃᑯᓐᓄᑦ ᐱᔨᑦᑎᕋᐅᑎᓂᒃ ᒥᓂᔅᑕᐅᓚᐅᕐᓯᒪᔪᖅ ᓘᒃᑖᖅ ᔭᐃᓐ ᕕᐊᐹᑦ ᑖᒃᑯᓂᖓ ᐅᖃᓪᓚᒃᑐᓂᒃ ᐊᐅᓚᑦᑎᔨᒋᔭᐅᓪᓗᓂ.
ᐅᐱᐊᑦ ᐅᖃᐅᓯᖃᓚᐅᕐᑐᖅ ᓄᓇᖃᖅᑎᒌᙱᓐᓂᕐᒧᑦ ᓈᒻᒪᙱᓕᐅᕈᑎ ᐃᓄᐃᑦ ᓄᓇᖏᓐᓂᒃ ᐊᒃᑐᐃᓯᒪᓂᖓᓂᒃ ᐊᒻᒪᓗ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᓂᕐᒧᑦ.
“ᐊᔪᕐᓇᕐᒪᑦ ᑭᓯᐊᓂᓕ ᐃᓱᒪᒋᓐᓇᕐᑐᖅ ᒐᕙᒪᒃᑯᑦ ᐊᐅᓚᑦᑎᓂᓪᓚᕆᖏᑦ ᐃᓕᓐᓂᐊᖅᑐᓕᕆᓂᕐᒨᖓᔪᓂᒃ ᐊᒻᒪ ᑮᓇᐅᔭᓕᐅᕋᓱᖕᓂᕐ, ᐊᒻᒪᓗ ᑮᓇᐅᓕᐅᕋᓱᖕᓂᒃᑯᑦ ᐃᒪᓐᓇ ᐃᓱᒪᒋᓇᒍ ᐃᓱᒪᒧᑦ ᓈᒻᒪᙱᓕᐅᕈᑎᕈᓘᓂᖓᓂᒃ,” ᐅᖃᖅᑐᖅ.
ᔫᓂ 2019-ᒥᑦ ᓇᐃᓴᐃᔨᒃᑯᑦ ᑲᓇᑕᒥ (StatsCanada) ᐅᓂᒃᑳᖏᓐᓂᒃ, ᐅᕘᓈᖓᔪᓂᒃ ᑲᓇᑕᒥ ᐃᒡᓗᖃᑎᒌᒃᑐᓂ ᖃᐅᔨᓴᕐᓂᒃᑯᑦ, ᖃᐅᔨᓴᕐᑎᐅᔪᑦ ᖃᐅᔨᓚᐅᕐᑐᑦ ᐃᒻᒥᓃᕐᓯᒪᔪᑦ ᐅᓄᕐᓂᖏᑦ ᓄᓇᖃᖅᑳᖅᑐᓂᒃ ᐱᖓᓱᐃᖅᖢᓂ ᖁᕝᕙᓯᖕᓂᕐᓴᐅᓪᓗᓂ ᓄᓇᖃᖅᑳᖅᑑᙱᑦᑐᓂᒃ. ᓲᕐᓗ ᐃᒪᓐᓇ, ᐃᓄᐃᑦ ᐅᓄᕐᓂᕐᓴᐃᑦ ᐃᒻᒥᓃᑐᐃᓐᓇᕆᐊᓖᑦ ᖃᓪᓗᓈᓂᓪᓕ.
ᑕᕝᕘᓇᑦᑕᐃᓐᓇᖅ ᐅᓂᒃᑳᑎᒍᑦ ᑎᑎᕋᕐᓯᒪᓚᐅᕐᒥᔪᖅ ᓈᒻᒪᙱᓕᐅᕈᑎᒃ ᐊᓂᒍᕐᓯᒪᓕᕋᓗᐊᕐᑎᓪᓗᒋᑦ ᓈᒻᒪᙱᓕᐅᕈᑎᖃᓗᐊᖃᑦᑕᕐᓂᖏᓐᓂᒃ ᐱᔾᔪᑎᖃᖅᖢᑎᒃ ᐃᓄᐃᑦ ᑲᑎᑎᑕᐅᓯᒪᓕᕐᓯᒪᓂᖏᓐᓄᑦ ᑕᒪᓐᓇᓗ ᓄᓇᖃᖅᑳᖅᑐᓄᑦ ᐃᓱᒪᒃᑯᑦ ᐋᓐᓂᐊᕈᑎᐅᓕᔭᓗᐊᖅᖢᓂ.
ᐊᒻᒪᓗ ᐅᖃᓪᓚᑲᑕᒃᑐᓂ ᐃᓚᐅᓚᐅᕐᒥᔪᖅ ᓘᒃᑖᖅ ᑲᓇᑦ ᕙᖕ, ᑐᑭᒧᐊᖅᑎᑦᑎᔨ ᐋᓐᓂᐊᕕᒃᒥᑦ ᐄᓯᐊᒥᐅᑕᓂᒃ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᓂᕐᒧᑦ ᐱᓕᕆᐊᒥᑦ ᑐᕌᓐᑐ ᕗᐃᐊᔅᑐᓐ ᐋᓐᓂᐊᕕᐊᓗᖕᒥᑦ; ᓘᒃᑖᖅ ᒨᓇ ᓛᔅᓕ, ᐃᓱᒪᓕᕆᓂᕐᒧᑦ ᐃᑲᔪᕐᑎ ᒪᒋᐅᓪ ᔫᓂᕘᓯᑎᒥᑦ; ᐊᒻᒪ ᐊᓵᓐᑎ ᕼᐋᑕᓐ, ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᐱᓕᕆᔨ. ᐊᖏᖃᑎᒌᓚᐅᕐᑐᑦ ᐱᐅᓯᕚᓪᓕᖅᑎᑦᑎᓇᓱᒃᖢᑎᒃ ᒪᑯᓂᖓ ᕿᕐᓂᖅᑕᓂᒃ, ᓄᓇᖃᖅᑳᖅᑐᓂᒃ ᐊᒻᒪ ᐊᔾᔨᒌᙱᑦᑐᑦ ᓄᓇᓕᖏᓐᓂᒃ, ᖃᐅᔨᒪᓪᓗᑎᒃ ᖁᕕᐊᓇᙱᓕᐅᕈᑎᐊᓗᐃᑦ ᐱᓕᕆᔾᔪᓯᐅᔪᑦ ᓱᕋᐃᒍᑎᐅᔪᓐᓇᕐᓂᖏᓐᓂᒃ.
ᐋᓐᓂᐊᕕᒡᔪᐊᕐᓇᖅ ᖃᓄᐃᓕᐅᕈᓯᕐᓂᒃ ᓴᖅᑭᑎᑦᑎᒃᑲᓐᓂᓗᐊᕐᓯᒪᔪᖅ, ᐅᖃᓪᓚᒃᑎᐅᔪᑦ ᐅᖃᓚᐅᕐᑐᑦ. ᐊᒥᓱᑦ ᖃᐅᔨᓴᕐᓂᐅᔪᑦ ᓴᖅᑭᑎᑦᑎᓯᒪᖕᒪᑕ ᐊᔾᔨᐅᙱᑎᑕᐅᓯᒪᔪᑦ ᓄᓇᓖᑦ ᐊᒃᑐᖅᑕᐅᓗᐊᕐᒪᑕ ᓄᕙᒡᔪᐊᕐᓇᖅ-19-ᒧᑦ.
ᓇᐃᓴᐃᔨᒃᑯᑦ ᑲᓇᑕᒥ ᖃᐅᔨᓴᖃᑦᑕᖅᑐᑦ ᓇᖕᒥᓂᖅ ᐅᓂᒃᑳᕆᔭᐅᔪᓂᒃ ᑮᓇᐅᔭᓕᐅᕋᓱᖕᓂᒃᑯᑦ ᐊᒃᓱᕈᕈᑎᓂᒃ ᐱᔾᔪᑎᖃᓗᐊᕐᑐᓂᒃ ᐋᓐᓂᐊᕕᔾᔪᐊᕐᓇᒧᑦ ᐅᑯᐊ ᑕᐅᑐᒃᖢᒋᑦ ᓄᓇᖃᖅᑳᖅᑐᑦ ᐅᑯᐊᓗ ᓄᓇᖃᖅᑳᙱᑦᑐᑦ ᓴᖅᑭᑎᑦᑎᓯᒪᖕᒪᑦ ᓄᓇᖃᖅᑳᖅᑐᑦ ᐊᓯᐅᔨᓯᒪᓂᕐᓴᐅᓂᖏᓐᓂᒃ ᐃᖅᑲᓇᐃᔮᖏᓐᓂᒃ ᐊᒻᒪ ᐃᖅᑲᓇᐃᔮᖓᒍᑦ ᐃᑲᕐᕋᓕᐅᙱᓐᓂᕐᓴᐅᓪᓗᑎᒃ, ᐊᒻᒪᓗ ᓈᒻᒪᙱᓗᐊᖅᑐᒃᑯᑦ ᑮᓇᐅᔭᑎᒍᑦ ᐊᒃᑐᖅᑕᐅᒍᑎᖃᖅᖢᑎᒃ.
ᐅᓂᒃᑳᑦ ᐱᐊᓂᒍᑎᖃᓚᐅᕐᑐᑦ ᐃᒪᓐᓇ “ᐃᖅᑲᓇᐃᔮᒃᑯᑦ ᓄᖅᑲᑲᑕᓐᓂᖅ ᐊᒃᑐᐃᒍᑎᖃᕐᓂᕐᓴᐅᖕᒪᑦ ᓄᓇᖃᖅᑳᖅᑐᓂᒃ ᓲᖃᐃᒻᒪ ᒪᓂᑐᐃᓐᓇᕈᑎᖃᐅᓗᐊᖅᖢᑎᒃ, ᒪᑯᑎᑐᓇᖅ ᑮᓇᐅᔭᓕᐅᙱᓐᓂᕐᓴᐅᑎᑕᐅᓂᒃᑯᑦ ᐊᒻᒪᓗ ᐅᓄᕐᓂᕐᓴᐃᑦ ᐊᔪᖅᓴᕐᓂᖏᓐᓂᒃ ᐊᒻᒪᓗ ᓂᕿᖃᑦᑎᐊᖃᑦᑕᙱᓗᐊᕐᓂᒃᑯᑦ.”
ᐅᐱᐊᑦ ᐃᒪᓐᓇ ᐅᖃᐅᔾᔨᓚᐅᕐᑐᖅ ᖃᓄᐃᑉᐸᓪᓕᐊᓂᐊᖁᔨᓂᕐᒧᑦ ᐊᔾᔨᒌᙱᑎᑦᑎᓂᕐᒥᒃ ᓄᖅᑲᖅᑎᑦᑎᓂᕐᒧᑦ. “ᐃᓯᒐᑎᑦ ᓯᕗᒧᑦ ᐃᖏᕐᕋᑎᑉᐸᓪᓕᐊᓗᒋᑦ, ᐊᖅᑯᑎᒋᔪᒪᔭᒃᑯᑦ ᐃᓱᒪᒧᑦ ᐋᓐᓂᐊᖃᖅᑕᐃᓕᓂᕐᒧᑦ, ᐊᒻᒪᓗ ᐊᓯᙳᕐᓗᒍ ᑕᑯᔪᒪᔭᕐᓄᑦ,” ᐅᖃᖅᑐᖅ.
(0) Comments