ᐳᕕᕐᓂᕐᑐᕐᒥ ᕿᒧᒃᓯᖅᑎᐅᔫᒃ ᓵᓚᒃᓴᖅᑑᒃ ᐃᕙᒃᑲᒃ ᕿᒧᒃᓯᐅᔾᔪᐊᕐᓇᒥᒃ

ᕿᒧᒃᓯᓕᒪᔫᒃ ᐊᐃᓴ ᓱᕈᓯᓚᒃ ᐊᒻᒪ ᐸᐅᓗᓯ ᐊᒪᕈᐊᓕᒃ ᐱᐊᓂᒃᓯᕘᒃ ᕿᒧᒃᓯᔾᔪᐊᖅᖢᑎᒃ ᐃᑲᕐᕋᓂ 39-ᓂ ᓇᑉᐸᕐᒥᓪᓗ

ᕿᒧᒃᓯᓕᒪᔫᒃ ᐊᐃᓴ ᓱᕈᓯᓚᒃ ᐊᒻᒪ ᐸᐅᓗᓯ ᐊᒪᕈᐊᓕᒃ ᐳᕕᕐᓂᕐᑐᒥᐅᑖᒃ ᓯᕗᓪᓕᖅᐹᖑᓚᐅᕐᑑᒃ ᐃᕙᒃᑲᖅ ᑭᒧᒃᓯᐅᔾᔪᐊᕐᓇᒥ ᑕᒪᑐᒪᓂ ᐅᑭᐅᕐᑐᒥ, ᐱᐊᓂᒃᓯᓪᓗᑎᒃ ᐃᑲᕐᕋᓂᒃ 39 ᐊᒻᒪ ᓇᑉᐸᕐᒥᒃ ᐃᖏᕐᕋᓪᓗᑎᒃ. (ᐊᔾᔨᙳᐊᖅ ᐃᕙᒃᑲᒃ/ᒪᑭᕕᒃᑯᓐᓂ)

By ᓴᐃᕋ ᕌᔾᔪᔅ

For an English version of this story, see Puvirnituq mushers win Ivakkak dog sled race

ᕿᒧᒃᓯᐅᔾᔪᐊᕐᑐᑦ ᐃᑳᓛᐅᕐᑐᑦ ᐱᐊᓂᒃᕕᒡᒥᑦ ᐆᒧᖓ ᐃᕙᒃᑲᒃ ᕿᒧᒃᓯᐅᔾᔪᐊᖅᑐᓄᑦ ᒫᔅᓯ 10 ᐅᓐᓄᓴᖓᓂᒃ, ᑐᙵᓱᒃᑎᑕᐅᓪᓗᑎᒃ ᐃᓄᒋᐊᓄᑦ ᖁᕕᐊᓱᒍᑎᖃᖅᑐᓂᒃ ᑕᕝᕙᓂ ᑕᓯᐅᔭᕐᔪᐊᑉ ᓯᒡᔭᖓᓂ ᓄᓇᖃᖅᑐᓂᒃ.

ᕿᒧᒃᓯᖅᑎᐅᑯᑖᓕᕐᑑᑦ ᐊᐃᓴ ᓱᕈᓯᓚᒃ ᐊᒻᒪ ᐸᐅᓗᓯ ᐊᒪᕈᐊᓕ ᐳᕕᕐᓂᕐᑐᕐᒥᐅᑖᒃ ᓵᓚᒃᓴᖅᐹᒃ, ᐊᖅᑯᑎᒋᔭᐅᔪᒥ ᐱᐊᓂᒃᓯᓪᓗᑎᒃ ᐃᑲᕐᕋᓂᒃ 39-ᓂᑦ ᐊᒻᒪ ᓇᑉᐸᕐᒥ.

ᐳᕕᕐᓂᕐᑐᕐᒥ ᕿᒧᒃᓯᖅᑎᐅᔫᒃ ᐱᖓᓱᓂᒃ ᖁᓪᓕᖅᐹᓂᒃ ᓵᓚᒃᓴᐅᓯᐊᓚᐅᕐᑑᒃ ᑕᒪᑐᒪᓂ ᐅᑭᐅᕐᒥ, ᐅᑯᐊ ᔭᓂ-ᒪᕆᒃ ᐱᐅᓐ ᐊᒻᒪ ᔮᑰᓯ ᐊᒪᒪᑐᐊᒃ ᑐᒡᓕᕆᔭᐅᓪᓗᓂ ᐊᒻᒪ ᑯᓗ ᑐᑲᓚᒃ ᐊᒻᒪ ᐲᑕ ᕿᓄᐊᔪᐊᒃ ᐱᖓᔪᒋᔭᐅᓪᓗᑎᒃ.

ᕿᒧᒃᓯᕐᑐᑦ ᐊᐅᓪᓚᓚᐅᕐᓯᒪᔪᑦ ᓴᓪᓗᐃᑦᓂᑦ ᕕᕝᕗᐊᕆ 24-ᖑᑎᓪᓗᒍ, ᑕᓯᐅᔭᕐᔪᐊᑉ ᓂᒋᖅᐸᓯᐊᓄᙵᐅᓪᓗᑎᒃ ᒫᓂ 450 ᑭᓛᒥᑕᓂ ᐃᖏᕐᕋᓪᓗᑎᒃ 20-ᒋᓕᖅᑕᖓᓂᒃ ᓄᓇᕕᒃᒥᑦ ᐊᕐᕌᒍᑕᒫᓐ ᕿᒧᒃᓯᐅᔾᔪᐊᖃᑦᑕᕐᓂᖓᓂᒃ.

ᑭᓯᐊᓂᓕ ᓯᓚᑦᑕᐅᕙᐅᖏᓐᓂᖅ ᓈᒻᒪᙱᓕᐅᕈᑎᐅᓚᐅᕐᐳᖅ ᐅᓄᕐᑐᓄᑦ ᕿᒧᒃᓯᓄᑦ, ᖃᑯᑲᑕᒃᖢᓂ ᐊᒻᒪᓗ ᐊᐳᑎ ᐊᖅᑭᓗᐊᖅᖢᓂ ᐊᔪᕐᓇᕈᔪᑲᑕᒃᖢᓂ. ᐱᖓᓱᒃ ᕿᒧᒃᓯᐅᔾᔪᐊᖅᑐᑦ 12-ᓂᒃ ᓄᖅᑲᕆᐊᖃᓕᓚᐅᕐᑐᑦ ᕿᒻᒥᖏᑦ ᐃᖏᕐᕋᒍᒪᔪᓐᓃᕐᒪᑕ.

ᕿᒧᒃᓯᖅᑎᐅᔪᑦ ᓄᖅᑲᖓᒋᐊᖃᓚᐅᕐᒥᔪᑦ ᓯᓚᒥ ᐱᔾᔪᑎᖃᖅᖢᑎᒃ, ᑖᓐᓇ ᕿᒧᒃᓯᐅᔾᔪᐊᕐᓂᖅ ᐅᓪᓗᓂ 15-ᓂ ᐊᑐᖅᑕᐅᓕᖅᖢᓂ ᐅᓪᓗᓂᒡᓕ ᖁᓕᓂ ᐊᑐᖅᑕᐅᕙᒃᑎᓪᓗᒍ.

12-ᓂ ᕿᒥᒃᓯᓂ 9-ᖑᔪᑦ ᐱᐊᓂᒃᓯᓚᐅᕐᑐᑦ .

Share This Story

(0) Comments

Join the Conversation

Your email address will not be published. Required fields are marked *

*