ᐃᓚᖃᖅᖢᓂ ᐸᓂᖕᒥᓂᒃ ᐃᓱᒪᒋᔭᖃᕐᓂᒧᑦ, ᖃᑦᑑᑉ ᓄᑖᖅ ᐃᙱᐅᓯᖓ ᐸᓂᑯᓗᒐ, ᔭᓄᐊᕆ 4ᒥ ᓴᖅᑭᑕᐅᓚᐅᑐᖅ, ᐃᓱᒪᒋᔭᖃᕐᓂᕐᒨᖓᔪᖅ ᐊᓈᓇᖓᓂᒃ. (ᐊᔾᔨᙳᐊᖅ ᐅᑯᑎᒌᓇᖅ ᕼᐃᑦᒪᐃᑯᔅ (Hitmakerz) ᑐᓴᒐᒃᓴᖓᓂ)

ᐸᖕᓂᖅᑑᕐᒥᐅᑕᖅ ᑲᑕᔾᔭᖅᑎ ᓯᕗᓪᓕᖅᐹᖓᓂ ᐃᓄᑑᓪᓗᓂ ᐱᓯᓕᐅᖅᐳᖅ

ᓴᖅᑭᑕᐅᓚᐅᖅᖢᓂ ᐱᖓᑦᓯᕐᒥ, ᐸᓂᑯᓘᒃ ᐊᑕᐅᓯᑐᐊᖅ ᐱᓯᖅ ᐅᕙᙵᑦ ᖃᑦᑑᑉ ᓂᐱᓕᐅᕆᓯᒪᔭᖓᓂᒃ ᓴᖅᑭᑕᐅᓂᐊᓯᔫᑉ

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For English version, see Pangnirtung throat singer releases first single as solo artist

ᐸᖕᓂᖅᑑᕐᒥᐅᑕᖅ ᑲᑕᔾᔭᖅᑎ, ᐱᓯᓕᐅᖅᑎ ᐊᒻᒪᓗ ᖁᙱᐊᖅᑕᐅᕙᒃᑐᖅ ᖃᑦᑑ ᐃᓄᑐᐊᖑᓪᓗᓂ ᓂᐱᓕᕐᓯᒪᔭᒥᓂᒃ ᓴᖅᑭᑎᑦᑎᕗᖅ.

ᖃᑦᑑ ᐃᕕᒃ, ᖃᑦᑑ ᐊᑐᖅᖢᓂᐅᒃ ᖁᙱᐊᖅᑕᐅᕙᒃᑐᑦ ᐊᒻᒪᓗ ᒫᓐᓇ ᐋᑐᕚᒦᖢᓂ, ᓴᖅᑭᑎᑦᑎᓚᐅᕐᑐᖅ ᐸᓂᑯᓘᒃ ᔭᓄᐊᕆ 4ᒥ. ᐅᓇ ᐱᓯᐅᑉ ᐊᑎᖓ ᑐᑭᖃᕐᑐᖅ “ᐸᓂᑯᓗᒃ” ᐃᓄᒃᑐᑦ.

ᐱᓯᖅ — ᓯᕗᓪᓕᖅᐹᖅ ᐃᓄᑑᓪᓗᓂ ᖃᑦᑑᑉ ᐃᙱᐅᑎᖏᓐᓂᒃ — “ᐃᒃᐱᖕᓇᕐᓇᖅᑐᖅ, ᑎᑕᐅᑎᑎᒍᑦ ᓴᖅᑭᓯᒪᔪᖅ ᐊᓈᓇᐅᓪᓗᓂ ᐊᑐᖅᑕᐅᕙᒃᑐᒥ,” ᑕᐃᒪᓐᓇ ᑐᓴᒐᒃᓴᓕᐊᕆᔭᐅᓯᒪᓚᐅᕐᑐᖅ ᓄᓇᕗᒥᑦ ᓂᐱᓕᐅᕆᔨᓄᑦ ᕼᐃ ᒪᐃᑯᔅ (Hitmakerz).

ᑖᓐᓇ ᐸᓂᖓᓅᖓᒐᓗᐊᖅᑎᓪᓗᒍ ᖃᑦᑑᑉ ᐃᓄᑑᓪᓗᖏ ᐃᙱᐅᓯᖓ ᐊᒻᒪ ᐊᓈᓇᖓᓂ ᐃᓱᒪᔭᖃᕐᓂᕐᒨᖓᔪᖅ.

ᐱᓯᖅ ᐱᒋᐊᕈᑎᖃᕐᑐᖅ ᐊᓈᓇᐅᑉ ᐆᒻᒪᑎᖓᓂ ᑎᓪᓕᖅᖢᓂ ᖃᐅᔨᓴᖅᑕᐅᓪᓗᓂ ᐃᓗᐊᓃᑦᑐᒥ, ᐊᒻᒪᓗ ᑯᑭᑦᑕᐹᖅᑐᒥ ᓂᐱᑭᐅᔭᖅᑐᒥ. ᐱᕙᓪᓕᐊᓕᖅᖢᓂ ᖃᑦᑑ ᑲᑕᔾᔭᖅᐸᓕᑦᑎᓪᓗᓂ ᐊᒻᒪ ᐃᓄᖕᓂ ᕿᓚᐅᔾᔭᖅᑐᖃᖅᖢᓂ, ᐊᒻᒪᓗ ᐃᓚᖃᖅᖢᓂ ᐸᓂᖓᑕ, ᐊᓕᐊ, ᐊᔾᔨᖏᓐᓂᒃ.

ᑐᓴᒐᒃᓴᕆᔭᐅᔪᒃᑯᑦ, ᖃᑦᑑ ᐃᙱᖃᑦᑕᕐᓯᒪᔪᖅ ᑕᐃᒪᙵᑦ 6ᓂ ᐅᑭᐅᖃᓕᖅᖢᓂ ᐊᒻᒪᓗ ᐃᒻᒥᓂᒃ ᐃᓕᓐᓂᐊᕐᓯᒪᓪᓗᓂ. 2020ᒥ 2022ᒧ, ᐃᓚᒋᔭᐅᓚᐅᕐᓯᒪᔪᖅ ᔫᓄ ᐃᓕᓴᕆᔭᐅᔾᔪᑎᒧᑦ ᓂᕈᐊᒐᒃᓴᐅᓂᑯᑦ ᑎᑕᒃᑏᑦ ᓯᓚ ᐊᒻᒪ ᐅᕋᐃᔅ ᐊᒻᒪᓗ ᐃᓚᐅᑎᑕᐅᓯᒪᓪᓗᓂ ᐃᙱᕐᑎᓂᒃ ᐅᑯᓇᙵᑦ ᔪᐃ ᓇᐅᔪᒃ ᐊᒻᒪ ᐋᓐᔨᓚ ᐊᒪᕈᐊᓕᒃ.

ᐃᓄᑑᓪᓗᓂ ᐃᙱᕐᑎᐅᓪᓗᓂ, ᖃᑦᑑ ᐃᖏᕐᓯᒪᔪᖅ ᕗᕌᓐᓯᒥ, ᐱᐊᔨᐊᒻ ᐊᒻᒪ ᕕᓕᐲᓐᔅ ᐊᒻᒪᓗ ᑲᓇᑕᒥ.

ᔫᓄ ᐃᓕᓴᕆᔭᐅᔾᔪᑎᒧᑦ ᓂᕈᐊᖅᑕᐅᓯᒪᔪᖅ ᓗᐃ ᐋᕆᐊᒃ ᐃᓚᒋᔭᐅᓚᐅᕐᑐᖅ ᐋᖅᑭᒃᓱᐃᕙᓪᓕᐊᑎᓪᓗᒋᑦ, ᐃᑲᔪᖅᐸᒃᖢᓂ ᐊᒻᒪᓗ ᐃᓄᒃᑎᑐᑦ ᐃᙱᐅᓰᑦ ᐃᓚᐅᓂᐊᖅᑐᓂᒃ ᐅᕙᓂ Midnight Sun, ᖃᑦᑑᑉ ᓂᐱᓕᐅᖏᓐᓂᒃ ᓯᕗᓪᓕᖅᐹᖅ ᐊᒻᒪ ᓴᖅᑭᑕᐅᓛᖅᖢᓂ ᑕᒪᑐᒪᓂ ᐊᕐᕌᒍᒥ.

ᐱᓯᖅ ᐊᒻᒪ ᐃᙱᐅᑏᑦ ᓂᐱᓕᐅᖅᑕᐅᓚᐅᕐᑐᑦ ᓄᓇᕗᒻᒦᑦᑐᒥᒃ ᓂᐱᓕᐅᖅᑎᓂᒃ ᕼᐃᑦᒪᐃᑯᔅ (Hitmakerz) ᐃᑲᔪᖅᑕᐅᓪᓗᑎᒃ ᑮᓇᐅᔭᓂ ᓴᓇᐅᒐᓕᕆᓂᕐᒧᑦ ᐊᒻᒪ ᐊᓐᑎᐅᕆᐅᒥ ᓴᓇᐅᒐᓕᕆᓂᕐᒧᑦ ᑲᑎᒪᔨᓂᒃ.

ᐸᓂᑯᓘᒃ ᐊᑐᐃᓐᓇᐅᔪᖅ ᑐᓴᕐᓈᕐᕕᐅᕙᒃᑐᓂᒃ ᐃᓚᐅᓪᓗᓂ ᓯᐹᑎᕙᐃ.

Share This Story

(1) Comment:

  1. Posted by Stephen on

    What a sweetheart, best wishes And much success in the career ☺

Join the Conversation

Your email address will not be published. Required fields are marked *

*