ᑕᒪᕐᒥᒃ ᓄᓇᕗᒥᑦ ᓄᓇᓯᐅᑎᓄᑦ ᑎᑎᕋᕐᕖᑦ ᑮᓇᐅᔭᓪᓚᑦᑖᓂᒃ ᐊᑐᕈᓐᓃᕐᓂᐊᓕᕐᑐᑦ

For English version, see All Nunavut motor vehicle offices to go cashless

ᓄᓇᓯᐅᑎᓄᑦ ᑎᑎᕋᕐᕖᑦ ᓄᓇᕗᒥᑦ ᑮᓇᐅᔭᓪᓚᕆᖕᓂ ᐊᑭᓕᐅᑎᓂᒃ ᐱᖃᑦᑕᔾᔮᔪᓐᓃᖅᑐᑦ

ᐱᕙᓪᓕᐊᔪᓕᕆᔨᒃᑯᑦ ᐊᒻᒪ ᐃᖏᕐᕋᔾᔪᑎᓕᕆᔨᒃᑯᑦ ᑐᓴᒐᒃᓴᓕᐅᓚᐅᕐᑐᑦ ᐱᓇᓱᐊᕈᓯᐅᓚᐅᕐᑐᑦ ᑖᔅᓱᒥᖓ.

ᐊᑭᓕᐅᑎᓂᒃ ᐱᔪᓐᓇᕐᑐᑦ ᒪᑯᓂᖓ ᐊᐅᒃᑕᔫᓂᒃ ᓂᐅᕕᕈᓐᓇᐅᑎᓂᒃ, ᐊᑭᓕᒃᓴᖃᐅᑎᓂᒃ, ᑮᓇᐅᔭᒃᓴᓂᒃ ᐅᕝᕙᓘᓐᓃᑦ ᑎᑎᖃᒃᑯᕕᒃᑯᑦ ᑮᓇᐅᔭᒃᓴᓕᐊᖑᓯᒪᔪᓂᒃ. ᑎᑎᕋᕐᕖᑦ ᐊᐅᒃᑕᔫᓂ ᑮᓇᐅᔭᓂ ᐴᓯᕕᐅᕙᒃᑐᓂᒃ ᐊᑐᖅᑎᑦᑎᖃᑦᑕᕐᒥᔪᑦ ᑭᓯᐊᓂᓕ ᑕᒪᒃᑯᐊ ᕿᑐᕐᖏᐅᕈᑎᓂᒃ ᐊᑭᓕᒃᓴᖅᑖᖅᑎᑦᑎᔾᔪᑎᐅᔪᓐᓇᕐᑐᑦ.

ᐅᓇ ᐱᓕᕆᓂᖅ ᐊᑐᖅᑕᐅᓕᓚᐅᕐᑐᖅ ᐋᒐᓯ 13ᒥ.

ᐅᓄᕐᓂᕐᓴᓂᒃ ᓄᓇᕗᒥᑦ ᓄᓇᓕᖕᓂ ᓄᓇᓯᐅᑎᓕᕆᔨᖏᑦ ᐱᔨᑦᑎᕋᖅᑎᐅᕙᖕᒪᑕ ᒐᕙᒪᒃᑯᑦ ᑎᑎᕋᕐᕕᖏᑦᑎᒍᑦ ᑖᒃᑯᐊᓗ ᑮᓇᐅᔭᓪᓚᕆᖕᓂ ᐱᖃᑦᑕᕈᓐᓃᖅᖢᑎᒃ, ᑖᒃᑯᓄᖓ ᐱᓕᕆᕝᕕᖕᓄᑦ ᐅᖃᖅᑎᒋᔭᐅᔪᖅ ᕗᐊᐃᓴᓐ ᓵᓐ ᑎᑎᕋᓚᐅᕐᑐᖅ ᖃᕋᓴᐅᔭᒃᑯᑦ. ᑖᒃᑯᓇᓂᓕ ᓄᓇᓕᖕᓂ ᐊᑭᓕᐅᑎᑦ ᑎᑎᖃᒃᑯᕕᒃᑯᑦ ᑮᓇᐅᔭᒃᓴᓕᐊᖑᓯᒪᔪᓂ ᐅᕝᕙᓘᓐᓃᑦ ᑎᑎᕋᕐᕕᖕᓂ ᐊᑭᓕᐅᑎᖃᕈᑎᓕᖕᓂᒃ ᒪᑯᓂᖓ ᐊᐅᒃᑕᔫᒥ ᓂᐅᕕᕈᓐᓇᐅᑎᓂᒃ ᐅᕝᕙᓘᓐᓃᑦ ᐊᑭᓕᒃᓴᖃᐅᑎᓂᒃ ᐊᑐᖃᑦᑕᖅᑐᑦ.

ᐊᐅᒃᑕᔫᑦ ᐃᓗᓪᓕᖅᓯᒪᔪᑦ ᓂᐅᕕᐊᕆᔭᐅᔪᓐᓇᖅᑐᑦ ᓂᐅᕕᖅᑎᑯᓐᓂᒃ ᓄᐊᑕᓐ ᓂᐅᕕᕐᕕᖕᓂ, ᑯᐊᐸᒃᑯᑦ ᓂᐅᕕᕐᕕᖏᓐᓂᒃ ᐊᒻᒪᓗ ᑲᓇᑕᒥ ᑎᑎᖃᒃᑯᕕᓕᕆᔨᓂᒃ, ᐅᖃᕐᓯᒪᓚᐅᕐᑐᖅ ᑐᓴᒐᒃᓴᓕᐊᖑᓯᒪᔪᖅ.

ᐅᓇ ᑮᓇᐅᔭᓪᓚᕆᖕᓂ ᐊᑐᕈᓐᓃᕐᓂᖅ ᐊᒃᑐᐃᔪᖅ ᐱᖓᓱᓂᒃ ᐊᕕᒃᑐᖅᓯᒪᓂᒃᑯᑦ ᑎᑎᕋᕐᕕᖕᓂᒃ ᐃᖃᓗᖕᓂ, ᑲᖏᖅᖠᓂᖅ ᐊᒻᒪᓗ ᐅᖅᓱᖅᑑᖅᒥ. ᐅᑯᐊ ᑎᑎᕋᕐᕖᑦ ᑖᒃᑯᓇᓂ ᑮᓇᐅᔭᓪᓚᕆᖕᓂ ᐊᑭᓕᐅᑎᓂᒃ ᐱᖃᑦᑕᕐᓯᒪᖕᒪᑕ.

ᑭᓯᐊᓂᓕ ᐅᓄᙱᑦᑐᑦ ᑮᓇᐅᔭᓪᓚᕆᖕᓂ ᐊᑭᓖᑎᑦᑎᔪᓐᓇᕐᑐᓂᒃ 95 ᐳᓴᓐᑎᖏ ᐊᑭᓖᕙᒃᑐᑦ ᐊᑐᖃᑦᑕᕐᑐᑦ ᐊᐅᒃᑕᔫᓂᒃ ᓂᐅᕕᕈᓐᓇᐅᑎᓂᒃ ᐅᕝᕙᓘᓐᓃᑦ ᐊᑭᓕᒃᓴᖃᐅᑎᓂᒃ, ᐅᖃᓚᐅᕐᑐᖅ ᓵᓐ.

ᐅᓇ ᐱᓕᕆᐊᖃᓕᕐᓂᖅ ᑮᓇᐅᔭᓪᓚᕆᖕᓂ ᐊᑐᕈᓐᓃᖅᑎᑦᑎᓂᖅ “ᐱᓕᕆᐊᑦᑎᓐᓂ ᑐᑭᓕᐅᕈᑎᐅᓂᕐᓴᐅᓂᐊᖅᑐᖅ ᐊᒻᒪᓗ ᐊᐅᓚᑦᑎᓂᕐᒧᑦ ᐱᓕᕆᐊᓂᒃ ᐊᑐᙱᓐᓂᕐᓴᐅᔾᔪᑎᐅᓗᓂ,” ᐅᖃᕐᑐᖅ.