ᑭᙵᐃᑦ ᐊᕕᒃᓯᒪᓂᖓ ᓄᓇᕗᒻᒥ 3000 ᐃᓚᖓ 70−ᓂ ᐃᒡᓗᒃᓴᐅᔪᓂ

ᓄᓇᕗᒻᒥ ᓯᕗᓕᐅᖅᑎᐅᔪᓂ ᐊᒻᒪ ᐅᖃᐅᔾᔨᒋᐊᖅᑏᑦ ᐱᔭᕇᖅᐳᑦ ᐳᓚᕋᕐᓂᐅᔪᒥ 10−ᓂ ᓄᓇᓕᖕᓂ ᓇᓗᓇᐃᖅᓯᓂᕐᒥ ᓄᓇᓂ ᐃᓂᒃᓴᐅᔪᓐᓇᖅᑐᓂ ᐃᒡᓗᒃᓴᓂ ᓴᓇᓂᕐᒧᑦ

ᑎᐊᐱᕆᓐ ᕼᐃᒃᔅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ, ᓴᐅᒥᖕᒥ, ᐊᒻᒪ ᔅᑏᕝ ᐹᑲ Concentric Associates−ᑯᓐᓂ ᖃᐅᔨᓴᖅᐳᑦ ᐊᑕᐅᓯᐅᔪᒥ ᐃᒡᓗᒃᓴᓄᑦ ᓄᓇᒃᓴᐅᔪᓐᓴᖅᑐᓂ ᑭᙵᕐᓂ ᐱᕙᓪᓕᐊᑎᑕᐅᓂᕐᒧᑦ ᔪᓚᐃ 17−ᒥ. (ᐋᑎ ᓴᑮᓯᐊᓐ ᐊᔾᔨᖁᑎᖓ)

By ᐋᑎ ᓴᑮᓯᐊᓐ

For English version, see Kinngait’s slice of Nunavut 3000 pie to include 70 public housing units

ᑭᙵᐃᑦ ᑕᑯᔪᓐᓇᖅᐳᖅ 70−ᓂ ᓄᑖᓂ ᐃᒡᓗᒃᓴᓂ 2030−ᖑᕋᓱᖕᓂᖓᓂ ᐃᓚᒋᔭᐅᓗᓂ ᓄᓇᕗᒻᒥ ᒐᕙᒪᒃᑯᑦ ᓄᓇᕗᑦ 3000 ᐱᓕᕆᐊᒃᓴᖓᓂ.

ᑲᑎᙵᓂᐅᔪᒥ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, NCC ᐱᖁᑎᖏᑦ ᑎᒥᖓᑦ, ᓄᓇᐅᔪᓂ ᐊᖏᕐᕋᓄᑦ ᐱᒋᐊᕈᑕᐅᔪᒥ ᐊᒻᒪ ᐃᓚᒋᔭᐅᔪᓂ ᖃᐅᒪᓂᖅᓴᐅ)ᓯ ᓄᓇᓕᐅᔪᓂ, ᐸᕐᓇᐃᓂᕐᒥ ᐊᒻᒪ ᐅᖃᐅᔾᔨᒋᐊᖅᑎᐅᔪᓂ ᑲᒻᐸᓂᐅᔪᒥ ᐃᖅᑲᓇᐃᔮᖅᑎᑦᑎᓚᐅᖅᐳᑦ ᐱᓕᕆᐊᒃᓴᐅᔪᒧᑦ ᕼᐋᒻᓚᐅᔪᒥ ᑕᖅᑭᓚᐅᖅᑐᒥ ᓇᓗᓇᐃᖅᓯᓂᕐᒥ ᐊᒻᒪ ᖃᐅᔨᓴᕐᓂᕐᒥ ᑐᒃᓯᕋᖅᑕᐅᔪᓂ ᓄᓇᓂ ᐃᒡᓗᒃᓴᒧᑦ ᓄᓇᙳᕈᓐᓇᕋᔭᖅᑐᓂ ᐆᒧᖓ ᓯᕗᓂᒃᓴᒧᑦ ᐃᒡᓗᒃᓴᓄᑦ.

ᑭᙵᐃᑦ ᑭᖑᓪᓕᖅᐹᖑᓚᐅᖅᐳᖅ 10−ᓂ ᓄᓇᓕᐅᔪᓂ ᑕᒪᑐᒪᓂ ᐊᐅᔭᐅᔪᒥ ᐃᓚᒋᔭᐅᓪᓗᓂ ᐃᒡᓗᖃᖅᑎᑦᑎᓂᕐᒥ ᐳᓚᕋᕐᓂᐅᔪᒥ.

ᑐᕌᒐᒃᓴᐅᔪᒥ ᓴᓇᓂᕐᒥ 20−ᓂ ᐃᒡᓗᒃᓴᐅᔪᓂ ᑭᙵᕐᓂᑦ — ᐃᓄᒋᐊᖕᓂᓕᒃ 1,441−ᓂ — ᓄᙳᐊᓂ ᑕᒪᑐᒪᓂ ᐊᕐᕌᒎᔪᒥ, ᐅᖃᓚᐅᖅᐳᖅ ᐋᔅᑕ ᐸᑎᐅᓪ, ᐃᖅᑲᓇᐃᔭᓲᖑᔪᒥ ᖃᐅᒪᓂᖅᓴᐅᔪᒥ ᓄᓇᓕᖕᓂ.

ᐸᑎᐅᓪ ᐃᓚᒋᐊᖅᓯᓚᐅᕆᕗᑦ ᕼᐋᒻᓚᒃᑯᑦ ᓂᕆᐅᒋᔭᐅᕗᑦ ᐱᓂᐊᕐᓂᖏᓐᓂ ᒪᕐᕉᖕᓂ ᑲᑎᙵᓂᐅᔪᓂ ᐃᒡᓗᒃᓴᓂ ᑲᓇᑕᒥ ᐸᓖᓯᒃᑯᓐᓄᑦ ᐃᖅᑲᓇᐃᔭᖅᑎᐅᔪᓄᑦ ᐃᖅᑲᓇᐃᔭᖅᑎᖏᓐᓄᑦ ᐊᕐᕌᒎᑉ ᓄᙳᐊᓂ.

ᓄᓇᕗᒻᒥ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐅᖃᐅᓯᖃᓚᐅᖅᐳᑦ ᓄᓇᕗᑦ 3000−ᒥ 2022−ᒥ ᑭᐅᓂᐅᔪᒥ ᐃᒡᓗᑭᒃᓴᓗᐊᕐᓂᖏᓐᓄᑦ ᓄᓇᕗᓕᒫᒥ.

ᐃᒡᓗᐃᑦ ᓄᓇᕗᒻᒥ ᐸᖕᒥᐅᓗᐊᒐᔪᒃᐳᑦ 35 ᐳᓴᓐᑎᒥ ᐊᖏᕐᕋᐅᔪᓂ ᐃᒡᓗᕈᓯᖃᙱᓄᐊᕐᓂᖏᓐᓂ ᐅᓄᕐᓂᐅᔪᓂ ᐃᓄᖕᓂ ᐃᒡᓗᖃᖅᑐᓂ, ᑕᐅᑐᒃᖢᒍ ᐊᖏᓂᐅᔪᒥ 5 ᐳᓴᓐᑎᒥ ᑲᓇᑕᓕᒫᒥ, ᐅᖃᐅᓯᐅᓪᓗᓂ 2020−ᒥ ᐅᓂᒃᑳᓕᐊᖑᔪᒥ ᓄᓇᕗᒻᒥ ᑐᙵᕕᒃᑯᓐᓂ.

ᑭᙵᕐᓂ, ᑕᑯᒐᔪᒃᐳᑦ ᐃᓄᖕᓂ ᐱᖓᓱᓂ ᐱᐅᓯᖃᑎᒌᖑᔪᓂ ᐸᖕᒥᐅᖅᑐᓂ ᑕᐃᑲᓂᑦᑕᐃᓐᓇᖅ ᐃᒡᓗᒥ ᓴᓇᔭᐅᓚᐅᖅᑐᒥ 1960−ᖏᓐᓂ, ᐅᖃᓚᐅᖅᐳᖅ ᓄᓇᓕᖕᓂ ᐊᐅᓚᑦᑎᔨᐅᑉ ᐃᑲᔪᖅᑎᖓ ᔮᓂᔅ ᒫᑎᐅᓯ. ᐆᒃᑑᑎᖃᓚᐅᖅᐳᖅ ᐃᓪᓗᖓᓂ, ᒥᐊᕆ ᒫᑎᐅᓯᒥ ᐃᒡᓗᖃᖅᑐᖅ ᑕᓪᓕᒪᓂ-ᐃᒡᓗᕈᓯᓕᖕᒥ ᐃᑭᑦᑐᖃᓕᕐᓂᖅᐸᑦ ᕿᒫᕝᕕᖃᙱᑦᑐᒥ ᐅᓄᕐᓂᖅᓴᐅᔪᓂ 12−ᓂ ᐃᓄᖕᓂ ᐊᖏᕐᕋᕆᔭᖓᓐᓂ, ᐃᓚᖃᖅᑐᒥ ᒥᐊᕆᐅᑉ ᕿᑐᕐᙵᖏᑦ ᐊᒻᒪ ᐃᕐᙳᑕᖏᓐᓂ.

ᐅᓇ ᐃᒡᓗᓕᕆᔨᕐᔪᐊᒃᑯᑦ ᒪᕐᕈᖓᓂ ᐳᓚᕋᕐᓂᐅᔪᒥ ᑕᐃᒪᐃᑦᑐᒥ. ᓯᕗᓂᐊᓂ ᐳᓚᕋᕐᓂᐅᔪᖅ ᐋᖅᑭᒃᑕᐅᓚᐅᖅᐳᖅ ᓯᑎᐱᕆᒥ ᐊᒻᒪ ᐃᓚᖃᓚᐅᖅᐳᖅ 17−ᓂ ᓄᓇᓕᐅᔪᓂ.

ᑲᑎᙵᓂᐅᔪᑦ ᑎᑭᓚᐅᖅᐳᑦ ᑭᙵᕐᓄᑦ 10:30 ᐅᓪᓛᐸᓗᒃᑯᑦ ᔪᓚᐃ 17−ᒥ ᐊᒻᒪ ᖃᖓᑕᓲᒃᑯᑦ ᐅᑎᓚᐅᖅᐳᑦ ᐃᖃᓗᖕᓄᑦ 6 ᐅᓐᓄᐸᓗᒃᑯᑦ ᑕᐃᑲᓂᑦᑕᐃᓐᓇᖅ ᐅᓪᓗᖓᓂ. ᐊᕕᒃᑐᓚᐅᖅᐳᑦ ᒪᕐᕉᔪᓄᑦ ᑲᑎᙵᓂᐅᔪᓄᑦ ᑕᒪᒃᑭᑦ ᖃᐅᔨᓴᕐᓂᕐᒧᑦ ᓄᓇᒥ ᐊᒻᒪ ᑲᑎᒪᖃᑎᖃᕐᓗᑎᒃ ᓄᓇᓕᖕᓂ ᓯᕗᓕᐅᖅᑎᐅᔪᓂ.

ᐱᓕᕆᑦᑎᐊᖅᑐᒥ ᐊᑐᕐᓂᑰᓚᐅᖅᐳᖅ, ᐅᖃᓚᐅᖅᐳᖅ ᔪᐊᓂ ᐸᓪᓗᒃ, ᐃᓚᒋᔭᐅᔪᒥ ᐊᖓᔪᖅᑳᖑᔪᒥ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐃᓚᐅᖃᑕᐅᓚᐅᖅᑐᒥ ᑲᑎᙵᓂᐅᔪᓂ ᑭᙵᕐᓄᑦ ᓄᖅᑲᕐᓂᐅᔪᒥ. ᖄᒃᑲᓐᓂᐊᒍᑦ ᓇᓗᓇᐃᖅᓯᓂᕐᒥ ᐃᒡᓗᒃᓴᓄᑦ ᓄᓇᒃᓴᓂ, ᑲᑎᙵᓂᐅᔪᑦ ᐱᕕᒃᓴᖃᓚᐅᕆᕗᑦ ᑲᑎᖃᑎᖃᕐᓂᕐᒥ ᓄᓇᓕᖕᓂ ᐊᒻᒪ ᐱᓪᓗᑎᒃ ᐅᖃᐅᓯᒃᓴᒥᖕᓂᑦ ᐱᓕᕆᐊᒃᓴᐅᔪᒧᑦ, ᐅᖃᓚᐅᖅᐳᖅ.

ᑎᐊᐱᕆᓐ ᕼᐃᒃᔅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ ᐃᓚᒋᔭᐅᖃᑕᐅᔪᒥ ᑲᑎᙵᓂᐅᔪᒥ ᕿᑭᖅᑖᓗᒃ ᐊᕕᒃᑐᖅᓯᒪᓂᖓᓂ, ᐅᖃᓚᐅᖅᐳᖅ ᐳᓚᕋᕐᓂᕐᒥ ᓄᓇᓕᐅᔪᓂ ᐃᑲᔪᕐᓂᖃᖅᐳᖅ ᖃᐅᔨᒪᓕᕐᓂᖏᓐᓂ ᓄᓇᖃᖅᑎᐅᔪᓂ.

“ᒫᓐᓇᐅᔪᒥ ᐅᖃᓗᒃᑳᖓᒪ ᕼᐋᒻᓚᓄᑦ, ᑎᐊᕆᓐ−ᕈᓗᑐᐃᓐᓇᐅᙱᓚᖓ ᐃᒡᓗᓕᕆᔨᒃᑯᓐᓂ, ᑎᐊᕆᓐ−ᖑᕗᖓ ᐹᓚᐅᖅᑕᕐᓂ,” ᐅᖃᓚᐅᖅᐳᖅ.

ᓄᓇᕗᑦ 3000 ᓇᓚᐅᑦᑖᕆᔭᐅᕗᖅ ᐊᑭᖃᕐᓂᐊᕐᓂᖓᓂ $2.6 ᐱᓕᐊᓐᓂ, $900 ᒥᓕᐊᓐᓂ ᐅᕙᙶᖅᑐᓂ ᓇᖕᒥᓂᖃᖅᑎᐅᔪᓂ ᐱᓕᕆᕝᕕᐅᔪᓂ ᐊᒻᒪ ᐊᒥᐊᒃᑯᖓ ᐊᑭᓕᖅᑕᐅᓗᓂ ᒐᕙᒪᐅᔪᓂ ᐊᒻᒪ ᐃᓄᖕᓂ ᑲᑐᔾᔨᖃᑎᒌᖑᔪᓂ.

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᒻᒪ NCC ᐱᖁᑎᖏᑦ ᑎᒥᖓᑦ ᑲᒪᒋᔭᖃᓪᓚᕆᒃᐳᑦ ᓇᑉᐸᖅᑎᕆᓂᐅᔪᒥ ᖃᓂᒋᔭᖓᓂ ᓇᑉᐸᓪᓗᐊᖓᓂ ᑕᒪᒃᑭᓂ ᐸᕐᓇᒃᑕᐅᓯᒪᔪᓂ ᐃᒡᓗᒃᓴᓂ 1,400−ᐸᓗᖕᓂ ᐃᓄᓕᒫᓄᑦ ᐃᒡᓗᒃᓴᓂ ᓄᓇᕗᓕᒫᒥ.

ᑲᑎᙵᓂᐅᔪᑦ ᓄᓇᒥ ᐸᕐᓇᐃᓚᐅᖅᐳᑦ ᕿᒥᕐᕈᓂᕐᒥ ᑕᓪᓕᒪᓂ 10−ᓄᑦ ᐃᒡᓗᒃᓴᓄᑦ ᓄᓇᒃᓴᖓᓂ ᑭᙵᕐᓂ ᓯᕗᓂᐊᓂ−ᐃᓱᒪᓕᐊᖑᓚᐅᖅᑐᓂ ᐃᓂᒃᓴᐅᔪᓐᓇᖅᑐᓂ ᓯᕗᓂᐊᓂ ᐊᐅᓪᓛᕐᓂᐅᔪᒥ.

ᓄᓇᒥ ᕿᒥᕐᕈᐊᓚᐅᖅᐳᑦ ᒪᓂᕋᐅᓂᖓᓂ ᓄᓇᒥ, ᐃᔾᔨᖓᓂ ᖃᓄᐃᓐᓂᖓᓂ ᐊᒻᒪ ᐊᓯᖏᓐᓂ ᐃᒡᓘᔪᓂ ᑕᐃᕙᓂ ᐱᕙᓪᓕᐊᑎᑕᐅᑐᐃᓐᓇᕆᐊᓕᖕᒥ ᐃᓂᐅᔪᒥ.

“ᓇᓗᓇᙱᓚᖅ ᐃᒡᓗᒃᓴᓂ ᐱᔭᕆᐊᖃᖅᐳᑦ, ᑭᓯᐊᓂ ᓇᓗᓇᐃᖅᓯᓇᓱᒃᐳᒍᑦ ᐊᖏᕐᕋᒃᓴᐃᑦ ᑕᐅᕙᓃᓪᓗᐊᖅᑑᔮᙱᓐᓂᖏᓐᓂ,” ᐅᖃᓚᐅᖅᐳᖅ ᔅᑳᑦ ᑯᐃᓐ ᓴᖅᑭᑎᑦᑎᕙᓪᓕᐊᔪᒥ ᑎᑎᕋᖅᓯᒪᔪᓂᒃ ᖃᐅᔨᓴᖅᑕᐅᓂᑯᓂ ᐃᓂᒃᓴᐅᔪᓂ ᐃᒡᓗᒃᓴᓄᑦ ᐃᓂᒋᔭᐅᖃᑕᐅᓂᐊᖅᑐᒥ ᑕᒪᒃᑭᓂ ᐱᓕᕆᖃᑎᒋᔭᐅᔪᓂ ᐃᓚᒋᔭᐅᓗᓂ ᓄᓇᓂ ᐊᖏᕐᕋᓄᑦ ᐱᒋᐊᕈᑕᐅᔪᒥ.

“ᓲᕐᓗ ᓇᓕᒧᑎᑦᑎᓇᓱᐊᕐᓂᐅᔪᒥ ᐅᑯᓇᓂ ᒪᕐᕉᔪᓂ ᐊᑑᑎᖃᑦᑎᐊᕐᓂᐅᔪᓂ.”

ᑲᑎᒫᓂᒃᑎᓪᓗᒋᑦ, ᑭᙵᐃᑦ ᒪᐃᔭᖓ ᔨᒥ ᒫᓂᖕ ᐅᖃᓚᐅᖅᐳᖅ ᑕᒪᒃᑭᑦ ᕼᐋᒻᓚᒃᑯᑦ ᑎᑎᕋᕐᕕᖓ ᐊᒻᒪ ᓄᓇᓕᐅᔪᑦ ᖁᕕᐊᕐᔪᐊᖅᐳᑦ ᓄᑖᖑᔪᓂ ᐃᒡᓗᒃᓴᐅᔪᓂ.

“ᐃᒡᓗᒃᓴᖃᕐᓂᕐᒧᑦ ᐊᑲᐅᙱᓕᐅᕈᑕᐅᔪᒥ ᓯᕗᓪᓕᐅᑎᑕᐅᔭᕆᐊᖃᖅᐳᖅ, ᐊᒻᒪ ᐅᓇ ᐊᑯᓂᐊᓗᒃ ᐱᔭᕆᐊᖃᖅᓯᒪᔅᓲᔭᖅᐳᖅ,” ᒫᓂᖕ ᐅᖃᓚᐅᖅᐳᖅ.

Share This Story

(1) Comment:

  1. Posted by Tooma on

    Be apart of it. Have everyone involved and include them as part of the community.

Comments are closed.