ᑯᐸᐃᒃᒥᓐ ᒐᕙᒪᒃᑯᑦ ᐃᖃᓗᒐᓱᒃᑎᓂᒃ ᐱᖃᑦᑕᕐᓂᕐᓴᐅᖁᔨᔪᑦ ᐊᐅᐸᔪᒃᑐᓂᒃ ᓵᒪᓐᓂᒃ

ᑖᒃᑯᐊ ᐃᖃᓗᐃᑦ, ᓯᕗᓪᓕᖅᐹᒥ ᑕᑯᔭᐅᖃᑦᑕᓕᕐᓂᑯᑦ ᐅᒐᕙᒥ ᐊᕐᕌᓂ ᐅᖓᓪᓕᐅᒪᐅᕐᑐᒥᓐ, ᐃᓱᒪᒋᔭᐅᖕᒪᑕ ᐊᓯᖏᓐᓂ ᐃᖃᓗᖕᓂ ᐱᑕᖃᕈᓐᓃᖅᑎᑦᑎᒋᐊᒃᓴᖏᓐᓂᒃ ᐅᑯᓇᙵᑦ ᑯᐸᐃᒃᒥ ᐆᒪᔪᕐᓂᐊᖅᑎᓄᑦ

ᐊᐅᐸᔪᒃᑐᖅ ᓵᒪᓐ (ᐃᖃᓗᒃ). ᑯᐸᐃᒃᒥᓐ ᒐᕙᒪᒃᑯᑦ ᐅᖃᕐᓯᒪᓕᕐᑐᑦ ᑖᒃᑯᐊ ᐃᖃᓗᐃᑦ ᐅᓄᖅᓯᕙᓪᓕᐊᓗᐊᓕᕐᓂᖏᓐᓂᒃ ᑯᐸᐃᒃᒥᓐ, ᓄᓇᕕᒃ ᐃᓚᒋᔭᐅᓪᓗᓂ. (ᐊᔾᔨᖑᐊᖅ ᐅᑯᓇᙵᑦ ᕗᐃᑭᒦᑎᐊ ᑳᒪᓐᔅ/ᑎᒧᑎ ᓇᑉ)

By ᑕᐃᕕᑦ ᓛᕼᐄᑦ

ᐊᐅᐸᔪᒃᑐᑦ ᓵᒪᓐ ᓄᓇᕕᒃᒧᐊᖅᐸᓪᓕᐊᔪᑦ ᑐᙵᓱᒃᑎᑕᐅᓗᐊᕌᓗᙱᑦᑐᑦ.

ᑯᐸᐃᒃᒥ ᓇᐹᖅᑐᓄᑦ, ᐆᒪᔪᓄᑦ ᐊᒻᒪ ᒥᕐᖑᐃᕐᓯᕕᖕᓄᑦ ᒥᓂᔅᑕᓕᕆᕝᕕᒃᑯᑦ ᐊᓯᙳᖅᑎᑦᑎᓚᐅᕐᒪᑕ ᐃᖃᓗᒐᓱᖕᓂᕐᒧᑦ ᒪᓕᒐᖑᓐᓂᒃ ᐊᐅᔭᖅ ᒪᑯᐊ ᐱᑕᖃᕈᓐᓃᖅᑎᑕᐅᓇᓱᒃᖢᑎᒃ ᖃᔅᓯᓂᒃ ᐃᖃᓗᒍᓐᓇᕐᓂᕆᔭᐅᔪᑦ ᑕᐃᒪᐃᑦᑐᓄᑦ ᐃᖃᓗᖕᓂ. ᐊᓯᔾᔨᕈᑎᐅᔪᖅ ᐊᔾᔨᒌᙱᑦᑑᑎᓂ ᑯᐸᐃᒃᒥ ᐊᑐᖅᑕᐅᓕᕐᑐᑦ ᓄᓇᕕᒃᒥ ᐃᓚᐅᓪᓗᓂ, ᐊᒻᒪᓗ ᐊᑐᖅᑕᐅᓂᐊᖅᖢᓂ ᓯᑎᐱᕆ 6 ᑎᑭᓪᓗᓂ.

ᑖᒃᑯᐊ ᒥᓂᔅᑕᓕᕆᕝᕕᐅᔪᑦ ᐅᓇ ᐊᓯᑎᑦᑎᑦᑕᐃᓕᓂᕐᒨᖓᓂᕋᖅᖢᒍ.

“ᒪᕐᕉᖕᓂ ᐊᐅᐸᔪᒃᑑᖕᓂ ᓵᒪᓐᒥ ᐃᖃᓗᒃᑐᖃᓚᐅᕐᓯᒪᖕᒪᑦ 2019 ᐊᐅᔭᖓᓂᒃ ᐅᖓᕙ ᐸᐃᒥ ᓄᓇᕕᒃᒥᓐ,” ᐅᖃᖅᓯᒪᔪᖅ ᑐᓴᐅᒪᑎᑦᑎᔾᔪᑎᒋᔭᐅᔪᖅ ᒥᓂᔅᑕᐅᔪᑦ ᑐᓂᖅᑯᑎᒋᓂᑯᖓᓂᒃ ᐋᒐᓯ 2-ᒥ, ᑖᓐᓇᓗ ᐅᐃᕖᑑᖅᑐᖅ ᖃᓪᓗᓈᑐᑦ ᑎᑎᕋᐅᓯᐅᓚᐅᕐᓯᒪᓪᓗᓂ.

“ᑯᐸᐃᒃᒥ, ᐅᑯᐊ ᓯᕗᓪᓕᖅᐹᑦᑎᐊᕐᒥ ᐅᖃᐅᓯᐅᓯᒪᔪᑦ ᑕᒪᐅᙵᖅᓯᒪᔪᓂᒃ ᓄᐊᑦ ᐸᓯᕕᒃᒥᙶᖅᑐᓂᒃ ᑕᒫᓂᕐᒥᐅᑕᐅᔭᕆᐊᖃᙱᑦᑐᑦ.”

ᑖᒃᑯᐊᓕ ᒥᓂᔅᑕᓕᕆᔨᒃᑯ ᐅᖃᐅᓯᖃᓚᐅᕐᑐᑦ ᑖᒃᑯᐊ ᐊᐅᐸᔪᒃᑐᑦ ᐃᖃᓗᐃᑦ ᐊᑕᐅᓯᕐᒥ ᒦᑕᒥ ᓇᐃᓐᓂᕐᓴᐅᓂᖏᓐᓂᒃ. ᑖᒃᑯᐊ ᕿᓪᓕᐅᔭᕐᓂᖏᓐᓂᒃ ᕿᕐᓂᖅᑑᑎᓂᒃ ᑕᕐᓴᖃᐅᑐᑦ ᑐᓂᖏᑦᑎᒍᑦ ᐊᒻᒪ ᕿᕐᓈᖓᔪᓂᒃ ᑕᕐᓴᖃᖅᖢᑎᒃ ᓴᖅᐱᐅᔭᖓᒍᑦ. ᒪᓐᓂᓕᐅᕐᓂᐊᓕᕌᖓᒥᒃ ᐊᖑᑎᐅᓂᕐᓴᑦ ᑐᓄᐊᒍᑦ ᖃᑦᑎᖕᓂᖃᓕᖃᑦᑕᖅᑐᑦ ᐊᒻᒪᓗ ᐊᒡᓕᕈᖓ ᓂᒃᓯᒃᓯᔪᒥᓇᖅᓯᓪᓗᓂ.

ᑖᒃᑯᐊ ᒥᓂᔅᑕᓕᕆᔨᒃᑯ ᐅᖃᓚᐅᕐᑐᑦ ᑭᓇᑐᐃᓐᓇ ᐊᐅᐸᔪᒃᑐᒥ ᓵᒪᓐᒥ ᐃᖃᓗᒃᑯᓂ ᐅᑎᖅᑎᑕᐅᖁᔨᙱᖢᑎᒃ ᐃᒫᓄᑦ ᐊᒻᒪᓗ ᐅᖃᐅᓯᐅᖃᑦᑕᖁᔭᐅᓪᓗᑎᒃ ᑕᑯᔭᐅᔪᕕᓃᑦ ᐱᔭᐅᔪᕕᓃᓪᓘᓐᓃᑦ. ᑕᐃᒪᐃᑦᑐᑦ ᐊᐅᐸᔪᒃᑐᑦ ᐃᖃᓗᐃᑦ ᐃᓗᐃᑦᑑᓗᑎᒃ ᓇᒡᓯᐅᔾᔭᐅᓪᓗᐊᖅᑐᑦ.

ᐃᖃᓗᒐᓱᒃᐸᒃᑐᑦ ᒪᑯᓄᖓ ᑐᕌᖓᑎᑕᐅᔪᓄᑦ ᐊᓪᓚᓄᑦ ᑯᕇᓄᑦ, ᐃᓄᖕᓄᑦ ᐊᒻᒪ ᓇᔅᑲᐱᒃᑯᓐᓄ ᐱᖁᔭᐅᙱᑦᑐᑦ, ᐅᖃᓚᐅᕐᑐᑦ ᒥᓂᔅᑕᓕᕆᔨᒃᑯᑦ. ᐅᑯᐊ ᐃᖃᓗᐃᑦ ᐃᒪᐃᑦᑐᑦ ᖃᑯᖅᑕᐃᑦ, ᐊᖕᒪᓗᖅᑕᑦ, ᑕᓯᕐᒥᐅᑕᑦ ᒪᑯᐊᓗ

(whitefish, round whitefish, lake cisco, lake sturgeon, black sucker, red sucker, monkfish, silver lacquer ᐊᒻᒪᓗ golden eyed lacquer).

Share This Story

(2) Comments:

  1. Posted by John W Paul Murphy on

    Is there an english version of this article available somewhere please?

Join the Conversation

Your email address will not be published. Required fields are marked *

*