ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑎᑦ QR codes ᓄᓇᕗᒧᐊᕐᓂᐊᖅᑐ ᑕᒪᑐᒪᓂ ᑕᖅᑭᕐᒥᓐ

ᒥᓂᔅᑕᐃᑦ ᐅᖃᐅᓯᖃᖅᑐᑦ ᑲᐱᔭᐅᔭᕆᐊᖃᖅᑎᑦᑎᓂᕐᒥᒃ ᐊᐅᓪᓚᕐᓂᐊᖅᑐᓄᑦ, ᓄᓇᕗᒥᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓂᒃ ᐊᒻᒪ ᑲᐱᔭᐅᓯᒪᓂᕐᒧᑦ ᓴᙱᒃᑭᒋᐊᕈᑎᓂᒃ ᑲᐱᔭᐅᔾᔪᑎᓂᒃ

ᓄᓇᕗᒥᐅᑕ ᑲᐱᔭᐅᓯᒪᔪᑦ ᓄᕙᒡᔪᐊᕐᓇᖅ-19-ᒧᑦ ᓄᑖᓂᒃ ᓇᓗᓇᐃᒃᑯᑎᖃᕐᓂᐊᓕᖅᑐᑦ (QR codes) ᑲᐱᔭᐅᓯᒪᓂᕐᒧᑦ. (ᐊᔾᔨᓕᐅᕆᔨ ᒥᓚᓂ ᐅᕆᑦᓵᑦ)

By ᒥᓚᓂ ᐅᕆᑦᓵᑦ

For an English version of this story, see Vaccine QR codes coming to Nunavut this month

ᓄᓇᕗᒥᐅᑕᑦ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᓂᑯᑦ ᒪᕐᕈᐃᓂᒃ ᓇᓗᓇᐃᒃᑯᑎᑖᕐᓂᐊᖅᑐᑦ (QR codes) ᑕᒪᑐᒧᖓ ᐱᓕᕆᓂᐅᔪᖅ ᐊᓂᒍᑦᑎᐊᑲᑕᒃᐸᑕᑦ.

ᐋᓐᓂᐊᖃᕐᓇᙱᑦᑐᓕᕆᔨᓄᑦ ᒥᓂᔅᑕ ᖁᐊᓴ ᑯᓱᒐᖅ ᑐᓴᒐᒃᓴᓕᐅᓚᐅᕐᑐᖅ ᒪᓕᒐᓕᕆᕕᒡᔪᐊᒥᑦ ᓯᑎᐱᕆ 9-ᖑᑎᓪᓗᒍ ᐊᐱᕆᔭᐅᔾᔪᑎᒋᓚᐅᕐᑕᖓᓂᒃ ᐋᑕᒻ ᐋᕆᐊᒃ ᓚᐃᑦᓯᑑᓐᒥ, ᒪᓕᒐᓕᐅᕐᑎ ᐃᖃᓗᐃᑦ-ᒪᓂᕋᔭᒃᒧᑦ.

ᐊᐱᖅᓱᖅᑕᐅᑎᓪᓗᒍ ᖃᐅᒃᐸᙳᖅᑎᓪᓗᒍ, ᑯᓱᒐᖅ ᐅᖃᓚᐅᕐᑐᖅ ᓇᓗᓇᐃᒃᑯᑎᑦ ᐊᑐᖅᑕᐅᖔᕐᓂᐊᕐᓂᖏᓐᓂᒃ ᒫᓐᓇ ᐊᑐᖅᑕᐅᑲᑕᒃᑐᑦ ᐊᑐᕈᓐᓃᕐᓗᑎᒃ ᑲᐱᔭᐅᓯᒪᓂᕐᒧᑦ ᓇᓗᓇᐃᒃᑯᑎᒋᔭᐅᔪᑦ, ᑖᓐᓇᓕ ᑎᑎᕋᖅᓯᒪᓪᓗᓂᐅᓚᐅᕐᒪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᖓᔪᖅᑳᖅᒧᑦ.

ᐅᑯᐊ ᓇᓗᓇᐃᒃᑯᑎᒋᔭᐅᔪᑦ ᖃᐅᔨᒋᐊᖅᑕᐅᔪᓐᓇᕐᓂᐊᖅᑐᑦ ᐅᖄᓚᐅᑎᕋᓛᒃᑯᑦ ᐅᕝᕙᓘᓐᓃᑦ ᐸᐃᑉᐹᑎᒍᑦ, ᐅᖃᖅᑐᖅ, ᐊᒻᒪᓗ ᑭᓇᐅᓂᕐᒧᑦ ᓇᓗᓇᐃᒃᑯᑎᓂᒃ ᑕᑯᑎᑦᑎᔭᕆᐊᖃᕋᔭᖅᖢᑎᒃ ᑕᐃᒪᐃᖁᔭᐅᒃᐸᑕ.

“ᐃᓕᓐᓄᑐᐊᑦᑎᐊᖅ ᑐᕌᖓᓂᐊᕐᑐᖅ, ᓇᓗᓇᐃᒃᑯᑎᒋᓗᒍ, ᑐᓂᔪᓐᓇᔾᔮᙱᑕᑦ ᐃᓪᓗᑯᓗᖕᓄᑦ ᑲᐱᔭᐅᓯᒪᙱᑦᑐᒧᑦ.” ᑯᓱᒐᖅ ᐅᖃᖅᑐᖅ.

ᓄᓇᕗᒻᒥᐅᑕ ᓇᓗᓇᐃᒃᑯᑎᖏᓐᓂᒃ ᐊᑐᕈᓐᓇᖃᑦᑕᕐᓂᐊᖅᑐᑦ ᓄᓇᕗᑦ ᓯᓚᑖᓄᑦ ᐊᐅᓪᓚᕐᓂᐊᓕᕌᖓᑕ ᐳᕌᕕᓐᓯᓄᑦ ᐅᕝᕙᓘᓐᓃᑦ ᑎᐅᕆᑑᕆᓄᑦ.

ᑖᒃᑯᓂᖓ ᓇᓗᓇᐃᒃᑯᑎᖃᕐᓗᑎᒃ ᓂᕆᔭᕐᑐᕐᕕᖕᒧᑦ ᐃᓯᕈᓐᓇᕋᔭᕐᑐᑦ ᐊᒻᒪᓗ ᐱᓕᕆᕝᕕᒋᔭᐅᔪᓄᑦ ᓇᓗᓇᐃᒃᑯᑎᖃᕆᐊᓕᖕᓄᑦ.

ᐳᕆᑎᔅ ᑲᓚᒻᐱᐊ, ᒫᓂᑑᐸ, ᐋᓐᑎᐅᕆᐅ ᐊᒻᒪ ᑯᐸᐃᒃ ᑖᒃᑯᓂᖓ QR codes ᓇᓗᓇᐃᒃᑯᑎᓂᒃ ᐱᒋᐊᖅᑎᑦᑎᓚᐅᕐᑐᑦ ᐊᒻᒪᓗ ᓄᓇᕕᒻᒥᐅᑦ ᑯᐸᐃᒃᒥᑦ ᒪᓕᓕᓚᐅᕆᓪᓗᑎᒃ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒫᓐᓇ ᓇᓗᓇᐃᒃᑯᑎᓂᒃ ᐊᑐᖁᔨᓕᓯᒪᙱᑦᑐᑦ ᐃᖅᑲᓇᐃᔭᖅᕕᒋᔭᐅᔪᓄᐊᕐᓂᐊᕐᓗᑎᒃ ᒐᕙᒪᒃᑯᓪᓗ ᐃᒡᓗᖏᓐᓄᑦ, ᑭᓯᐊᓂᓕ ᑕᒪᓐᓇ ᐊᓯᙳᑐᐃᓐᓇᕆᐊᓕᒃ.

“ᑭᓯᐊᓂᓕ ᖃᓄᐃᑦᑐᖃᕈᓘᔭᓕᕐᐸᑦ ᐊᒻᒪᓗ ᓲᕐᓗ ᓄᕕᐱᕆᒥ, ᓂᕆᔭᖅᑐᕐᕕᒃᒧᐊᕈᒪᒍᔅᓯ ᑕᕐᕆᔭᕆᐊᖅᕕᒃᒧᓪᓘᓐᓃᑦ, ᑕᐃᒪᓕ ᑲᐱᔭᐅᓯᒪᓂᕐᓄᑦ ᓇᓗᓇᐃᒃᑯᑎᑖᖅᑎᑕᐅᔭᕆᐊᖃᖅᐳᑎᑦ ᐊᒻᒪᓗ ᐊᑲᐅᑐᐃᓐᓇᓕᕐᓂᐊᖅᖢᑎᒃ,” ᐅᖃᖅᑐᖅ.

ᖃᓄᖅ ᑕᒪᒃᑯᐊ ᓇᓗᓇᐃᒃᑯᑎᒃᓴᑦ (QR codes) ᐱᓕᕆᐊᖑᓂᐊᕆᐊᒃᓴᖏᓐᓂᒃ ᓱᓕ ᐋᖅᑭᒃᓱᖅᑕᐅᕙᓪᓕᐊᔪᑦ, ᑭᓯᐊᓂᓕ ᑯᓱᒐᖅ ᐅᖃᓚᐅᕐᑐᖅ ᒫᓐᓇᐅᔪᕐᓕ ᓄᓇᕗᒻᒥᐅᑕ ᒪᕐᕈᐃᖅᑕᐅᓗᑎᒃ ᑲᐱᔭᐅᔭᕆᐊᖃᖅᑐᑦ.

ᑯᓱᒐᖅ ᐅᖃᓚᐅᕐᒥᔪᖅ ᑖᒃᑯᐊ ᓇᓗᓇᐃᒃᑯᑎᒃᓴᑦ (QR codes) ᐃᒪᐃᑦᑑᙱᓐᓂᕋᖅᖢᓂᒋᑦ “ᑲᐱᔭᐅᓯᒪᓂᕐᒧᑦ ᖃᓄᑐᐃᓐᓇᖅ ᐱᓕᕆᔾᔪᑎᐅᔪᓐᓇᕐᓗᓂ,” ᑕᐃᒪᓐᓇ ᐅᖃᐅᓯᐅᖃᑦᑕᕋᓗᐊᖅᑎᓪᓗᒍ ᓇᓗᓇᐃᒃᑯᑎ.

ᐊᐅᓪᓚᕈᓐᓇᕈᑎᐅᓕᔾᔮᙱᑦᑐᖅ, ᓇᓗᓇᐃᒃᑯᑎᒋᓪᓗᒍ, ᑕᒪᓐᓇᓗ ᒐᕙᒪᒃᑐᖃᒃᑯᓐᓄᑦ ᖃᓄᐃᓕᖓᖁᔭᐅᓂᖓᓂᒃ ᒪᓕᒃᑎᑕᐅᓂᐊᖅᖢᓂ.

ᐃᓚᖏᑦ ᐱᓕᕆᕝᕕᐅᕙᒃᑐᑦ ᐃᓛᒃᑰᖓᓂᒃᑯᑦ ᑲᓇᑕᒥ ᓄᓇᖃᖅᑐᓂᒃ ᑲᐱᔭᐅᒃᑲᓐᓂᖁᔨᓕᕐᒥᔪᑦ ᒪᕐᕈᐊᖅᑕᐅᓪᓗᑎᒃ ᑲᐱᔭᐅᓯᒪᒐᓗᐊᖅᑎᓪᓗᒋᑦ ᓄᕙᒡᔪᐊᕐᓇᖅ-19-ᒧᑦ — ᐱᖓᔪᒋᔭᐅᓂᐊᕐᓗᓂ — ᑭᓯᐊᓂᓕ ᑯᓱᒐᖅ ᐅᖃᓚᐅᕐᑐᖅ ᑕᐃᒪᐃᙱᓐᓂᕋᖅᖢᓂᐅᒃ ᒫᓇ ᓄᓇᕗᒥᑦ.

“ᖃᐅᔨᓴᑦᑎᐊᕋᓱᒃᑲᑦᑕ ᑲᓇᑕ ᖃᓄᐃᓕᐅᖅᐸᓪᓕᐊᓂᖓᓂᖏᑦ ᒪᑐᒧᖓ ᑲᐱᔭᐅᒃᑲᓐᓂᕆᐊᖃᕐᓂᖅᒥᒃ,” ᐅᖃᓚᐅᕐᑐᖅ ᒪᓕᒐᓕᕆᕕᒡᔪᐊᒥᑦ ᓯᑎᐱᕆ 9-ᒥᑦ.

ᐋᒐᓯᐅᑎᓪᓗᒍ, ᒐᕙᒪᑐᖃᒃᑯᑦ ᑐᓴᖅᑎᑦᑎᓚᐅᕐᓯᒪᔪᑦ ᑭᓇᑐᐃᓐᓇᖅ ᐊᐅᓪᓚᕆᐊᖃᖅᑐᖅ ᐅᕝᕙᓘᓐᓃᑦ ᖃᖓᑕᓲᒥ ᐃᖅᑲᓇᐃᔮᖃᖅᑐᖅ ᐅᕝᕙᓘᓐᓃᑦ ᓄᓇᓯᐅᑎᑯᑖᒥᑦ ᑲᓇᑕᒥ ᓴᖅᑭᑎᑦᑎᔪᓐᓇᕆᐊᖃᕐᓂᐊᕐᓂᖏᓐᓂᒃ ᑲᐱᔭᐅᕌᓂᒃᓯᒪᓂᕐᒥ.

ᓯᑎᐱᕆ 9-ᒥᑦ, ᐅᖅᓱᖅᑑᖅᒧᑦ ᒪᓕᒐᓕᐅᕐᑎ ᑑᓂ ᐊᑯᐊᒃ ᐊᐱᕆᓚᐅᕐᒪᑦ ᐃᖏᕐᕋᔾᔪᑎᓕᕆᔨᒃᑯᑦ ᒥᓂᔅᑕᖓᓄᑦ ᑕᐃᕕᑎ ᐊᕿᐊᕈᖅᒧᑦ ᐅᑯᐊ ᓄᓇᕗᒥᑦ ᒐᕙᒪᒃᑯ ᐊᐱᖅᓱᖅᑕᐅᓚᐅᕐᒪᖔᑦ ᑕᒪᑐᒧᖓ ᐃᓱᒪᓕᐊᕆᔭᐅᔪᒧᑦ, ᓲᖃᐃᒻᒪ ᓄᓇᕗᒻᒥᐅᑕᑦ ᖃᖓᑕᓲᓂ ᐊᑐᕐᓗᑎᒃ ᑭᓯᐊᓂ ᓄᓇᓕᖕᓄᙵᐅᑲᑕᒐᓱᒃᑯᑎ, ᐋᓐᓂᐊᕐᕕᖕᒥ ᑲᒪᒋᔭᐅᔭᕆᐊᖃᕐᓂᕐᒧᑦ ᐊᒻᒪᓗ ᐊᑐᕆᐊᖃᓪᓚᕆᒃᑐᓂᒃ ᐱᖁᑎᑖᖃᑦᑕᕐᓂᕐᒧᑦ.

ᐊᕿᐊᕈᖅ ᐅᖃᓚᐅᕐᑐᖅ ᓄᓇᕗᒥᑦ ᒐᕙᒪᒃᑯᑦ ᑐᓴᕐᕕᐅᓇᓱᓚᐅᙱᓐᓂᕋᖅᖢᓂᒋ ᑭᓯᐊᓂᓕ ᒐᕙᒪᑐᖃᒃᑯᓐᓂᒃ ᐊᐱᕆᓇᓱᒃᖢᑎᒃ ᐅᓇ ᓄᑖᖅ ᒪᓕᒐᖅ ᑐᑭᖃᕐᒪᖔᑦ ᓄᓇᕗᒥᐅᓄᑦ.

“ᑕᒪᓐᓇ ᐊᑐᓕᖅᑎᑕᐅᓂᐊᕐᐸᑦ ᐅᒃᑑᐱᕆᒥ, ᐱᔾᔪᑎᒋᔭᐅᔪᓂᒃ ᑕᒪᒃᑯᓄᖓ ᖃᐅᔨᒪᔭᕆᐊᖃᕋᑦᑕ,” ᐅᖃᓚᐅᕐᑐᖅ. “ᒫᓐᓇᑲᐅᑎᒋ ᖃᐅᔨᒪᔭᕆᐊᖃᕋᑦᑕ.”

ᒐᕙᒪᑐᖃᒃᑯᑦ ᑐᓴᖅᑎᑦᑎᓚᐅᕐᒥᔪᑦ ᑕᖅᑭᐅᓚᐅᕐᑐᒥ ᑕᒪᕐᒥᒃ ᒐᕙᒪᑐᖃᒃᑯᓐᓄᑦ ᐃᖅᑲᓇᐃᔭᖅᕕᖕᓂ ᐃᖅᑲᓇᐃᔭᖅᑎᐅᔪᑦ ᑲᐱᔭᐅᓯᒪᔭᕆᐊᖃᕐᓂᖏᓐᓂᒃ ᐅᐸᒍᑎᕙᖕᓂᒃᑯᑦ ᐃᖅᑲᓇᐃᔭᓕᕐᓂᐊᖅᐸᑕ.

ᖃᒪᓂᑦᑐᐊᖅᒧᑦ ᒪᓕᒐᓕᐅᖅᑎ ᒍᕆᒡ ᓯᒪᐃᓚᒃ ᐊᐱᕆᓚᐅᕐᑐᖅ ᐊᕿᐊᕈᖅᒥ, ᐃᖅᑲᓇᐃᔮᒃᓴᓕᕆᓂᕐᒧᑦ ᒥᓂᔅᑕᐅᖕᒥᖕᒪ, ᑖᓐᓇ ᐊᑐᓕᖅᑎᑕᐅᓇᔭᕆᐊᒃᓴᖓᓂᒃ ᓄᓇᕗᒥᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᐱᓗᐊᖅᑐᒥ ᐱᓕᕆᔨᒻᒪᕆᐅᕙᒃᑐᓂᒃ ᐋᓐᓂᐊᓯᐅᖅᑎᓂᒃ ᐊᒻᒪᓗ ᐃᓕᓐᓂᐊᕐᕕᖕᓄᑦ ᐃᖅᑲᓇᐃᔭᖅᑎᓂᒃ.

ᐊᕿᐊᕈᖅ ᐅᖃᓚᐅᕐᑐᖅ ᐱᓕᕆᕝᕕᐅᔪᖅ ᒫᓐᓇ ᐅᖃᓪᓚᖃᑎᖃᕐᓂᖏᓐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᒃ ᑕᒪᓐᓇ ᓈᒻᒪᒐᔭᕆᐊᒃᓴᖓᓂᒃ ᐅᕝᕙᓘᓐᓃᑦ ᐊᑐᖅᑕᐅᔭᕆᐊᖃᕆᐊᒃᓴᖓᓂᒃ ᓴᐳᔾᔨᓯᒪᒐᓱᖕᓂᕐᒥᒃ ᐋᓐᓂᐊᖃᖅᑕᐃᓕᑎᑦᑎᓂᒃᑯ ᑭᒃᑯᓕᒫᓂᒃ.

“ᐅᓪᓗᒥ ᓇᓗᓇᙱᑦᑐᒥᒃ ᑭᐅᒻᒪᕆᒍᓐᓇᙱᑦᑐᖓ,” ᐅᖃᖅᑐᖅ, ᐅᖃᒃᑲᓐᓂᖅᖢᓂ ᐱᓕᕆᕝᕕᐅᔪᖅ ᐃᖅᑲᓇᐃᔭᖅᑎᒋᔭᐅᔪᓂᒃ ᓇᓕᐊᒃ ᑲᐱᔭᐅᓯᒪᖕᒪᖔᑦ ᖃᐅᔨᒪᙱᓐᓂᕋᖅᑕᖏᑦ.

ᐱᒋᐊᖅᖢᓂ ᓯᑎᐱᕆ 10-ᒥᑦ 72 ᐳᓴᓐᑎᖏᑦ ᓄᓇᕗᒻᒥᐅᑕ ᑕᒪᐃᓐᓂᒃ ᑲᐱᔭᐅᕌᓂᒃᓯᒪᓕᕐᓄᑦ ᓄᕙᒡᔪᐊᕐᓇᖅ-19-ᒧᑦ ᐅᖃᓚᐅᕐᑐᑦ ᓄᓇᕗᒥᑦ ᒐᕙᒪᒃᑯᑦ.

Share This Story

(0) Comments

Join the Conversation

Your email address will not be published. Required fields are marked *

*