ᑲᑎᕕᒃ ᐃᓕᓐᓂᐊᕐᕕᓂ ᑲᑎᒪᔨᐅᔪᑦ ᐅᖃᐅᓯᖃᖅᐳᑦ ᓄᑖᖑᔪᓂ ᓯᕗᓕᐅᖅᑎᐅᔪᓂ

For English version, see Kativik school board announces new leaders

ᓄᓇᕕᒻᒥᐅᑦ ᓂᕈᐊᖅᓯᒪᕗᑦ ᓄᑖᖑᔪᒥ ᑲᑎᒪᔨᐅᔪᓂ ᑲᒥᓴᓇᐅᔪᓂ ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓐᓂᐊᕐᕕᓂ ᑲᑎᒪᔨᐅᔪᓄᑦ.

ᓂᕈᐊᖅᑕᐅᓯᒪᔪᑦ ᑲᒥᓴᓇᐅᔪᑦ ᑭᒡᒐᖅᑐᐃᕗᑦ ᐊᑐᓂ ᓄᓇᕕᐅᑉ 14−ᖑᔪᓂ ᓄᓇᓕᐅᔪᓂ. ᐱᔨᑦᑎᕋᕐᓂᐊᖅᐳᑦ ᐊᕐᕌᒍᓄᑦ−ᐱᖓᓱᓄᑦ ᑲᑎᒪᔨᐅᓂᐅᓂᖏᓐᓂ ᑲᑎᒪᔨᐅᔪᓄᑦ, ᐅᖃᖅᐳᖅ ᔭᐃᑦ ᑐᓴᐃᓄ-ᐱᕐᓂᐊᐃ, ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐅᖃᖅᑎᖓ ᓄᕕᐱᕆ 16−ᒥ.

ᓂᕈᐊᕐᓂᖃᓚᐅᖅᐳᑦ ᓄᕕᐱᕆ 15−ᒥ.

ᑲᒥᓴᓇᐃᑦ ᐅᑯᐊᖑᕗᑦ:

• ᐊᑯᓕᕕᒃ — ᑭᐅᕈᓪ ᑐᓗᒐᖅ
• ᐊᐅᐸᓗᒃ — ᒫᑎᓐ ᔅᑳᑦ
• ᐃᓄᒃᔪᐊᖅ — ᔅᑕᕚᓐ ᓚᑳᔅ
• ᐃᕗᔨᕕᒃ— ᖁᒪᖅ ᐃᕙᐃᑐᖅ
• ᑲᖏᖅᓱᐊᓗᔾᔪᐊᖅ — ᑕᐃᕕᑦ ᐋᓇᓈᒃ (ᓂᕈᐊᒐᒃᓴᐅᔪᖃᒃᑲᓐᓂᕐᓂᖓᓂ)
• ᑲᖏᖅᓱᔪᐊᖅ — ᐱᐊᕆ ᕕᓕ
• ᑕᖏᖅᓱᒃ — ᓴᖅᑲᓕᐊᓯ ᑐᒃᑭᐊᐱᒃ (ᓂᕈᐊᒐᒃᓴᐅᔪᖃᒃᑲᓐᓂᕐᓂᖓᓂ)
• ᑰᔾᔪᐊᖅ — ᐄᕙ ᑲᐅᑭ ᒍᐊᑕᓐ
• ᑰᔾᔪᐊᕌᐱᒃ — ᑳᓚᐃᓐ ᐅᐃᑖᓪᑐᒃ (ᓂᕈᐊᒐᒃᓴᐅᔪᖃᒃᑲᓐᓂᕐᓂᖓᓂ)
• ᐳᕕᕐᓂᑐᖅ — ᐸᐅᓗᓯ ᐴᓪᓂ (ᓂᕈᐊᒐᒃᓴᐅᔪᖃᒃᑲᓐᓂᕐᓂᖓᓂ)
• ᖁᐊᖅᑕᖅ — ᓯᐊᕋ ᐊᓘᐸ (ᓂᕈᐊᒐᒃᓴᐅᔪᖃᒃᑲᓐᓂᕐᓂᖓᓂ)
• ᓴᓪᓗᐃᑦ — ᐹᑦᓯ ᑳᒧᕆᓐ
• ᑕᓯᐅᔭᖅ — ᑖᒥ ᑲᐃᓐ ᓄᑲᖅᖠᖅ (ᓂᕈᐊᒐᒃᓴᐅᔪᖃᒃᑲᓐᓂᕐᓂᖓᓂ)
• ᐅᒥᐅᔭᖅ — ᓄᐊ ᐃᓄᒃᐳᒃ

ᓄᑖᖑᔪᑦ ᑲᑎᒪᔨᐅᔪᑦ ᓯᕗᓪᓕᖅᐹᖑᔪᒥ ᑲᑎᒪᓂᖃᕐᓂᐊᖅᐳᑦ ᑎᓯᐱᕆ 4−ᒥ ᑎᓯᐱᕆ 7−ᒧᑦ ᓂᕈᐊᕐᓂᐊᕐᓗᑎᒃ, ᐃᒻᒥᖕᓂᑦ, ᐊᖓᔪᖅᑳᖑᔪᒥ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᒻᒪ ᐃᓚᒋᔭᐅᔪᓂ ᐃᓱᒻᒥᖅᑐᐃᔨᐅᓂᐊᖅᑐᓂ ᑲᑎᒪᔨᕋᓛᖑᔪᓂ, ᑐᓴᐃᓅ−ᐱᕐᓂᐊᐃ ᐅᖃᓚᐅᖅᐳᖅ.

ᑲᑎᕕᒃ ᐃᓕᓴᕐᓂᓕᕆᓂᖅ ᑐᓂᓯᓲᖑᕗᖅ ᐃᓕᓐᓂᐊᖅᑐᓕᕆᓂᕐᒥ ᐱᔨᑦᑎᕋᕐᓂᐅᔪᒥ ᑕᒪᒃᑭᓄᑦ ᓄᓇᕕᖕᒥᐅᑕᐅᔪᓄᑦ ᐃᓄᒃᑎᑐᑦ ᓯᕗᓪᓕᖅᐸᐅᓪᓗᓂ ᐅᖃᐅᓯᐅᓪᓗᓂ ᐊᒻᒪᓗ ᐅᐃᕖᑎᑐᑦ ᐊᒻᒪ ᖃᓪᓗᓈᑎᑐᑦ ᒪᕐᕉᓪᓗᓂ ᐅᖃᐅᓯᐅᓪᓗᑎᒃ. ᐊᐅᓚᑦᑎᕗᖅ 18−ᓂ ᐱᒋᐊᓕᓵᖅᑐᓂ ᐊᒻᒪ ᖁᑦᑎᒃᑯᒥ ᐃᓕᓐᓂᐊᕐᕕᐅᔪᓂ ᐊᒻᒪ 6−ᓂ ᐃᓐᓇᕐᓄᑦ ᐃᓕᓐᓂᐊᕐᕕᐅᔪᓂ.