ᑲᑎᕕᒃ ᐊᕕᒃᑐᖅᓯᒪᓂᐅᔪᓄᑦ ᒐᕙᒪᒃᑯᑦ ᑐᓐᓂᖅᓴᐃᕗᑦ ᐊᑭᖃᙱᑦᑐᒥ ᓇᖕᒥᓂᖃᕐᓂᕐᒧᑦ ᐃᓕᓐᓂᐊᕐᓂᐅᔪᒥ, ᐊᑐᐃᓐᓇᐅᔪᓂ USB ᖃᕋᓴᐅᔭᕋᓛᒧᑦ ᑲᑉᐳᑎᔭᕆᐊᓕᒃ ᐊᑦᑕᓇᔾᔭᐃᖅᓯᓯᒪᓂᕐᒧᑦ

ᖃᐅᔨᓴᖅᑕᐅᓂᑯᑦ ᑎᑎᕋᖅᓯᒪᔪᓂ ᐊᐅᓚᔾᔪᑎᖏᓐᓂ ᐃᓗᓕᖃᖅᐳᑦ 17−ᓂ PowerPoint ᐃᓕᓐᓂᐊᕐᓂᐅᔪᓂ ᐱᔪᒪᔪᓄᑦ ᓇᖕᒥᓂᖃᖅᑎᐅᓂᕐᒥ

ᐅᑯᐊ USB ᖃᕋᓴᐅᔭᕋᓛᒧᑦ ᑲᑉᐳᑎᔭᕆᐊᓕᒃ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐃᓗᓕᖃᖅᐳᖅ ᓴᖕᒥᓂᖃᕐᓂᕐᒧᑦ ᐃᓕᓐᓂᐊᕐᓂᐅᔪᒥ ᐊᑐᐃᓐᓇᐅᑎᑕᐅᔪᒥ ᑲᑎᕕᒃ ᐊᕕᒃᑐᖅᓯᒪᓂᐅᔪᓄᑦ ᒐᕙᒪᒃᑯᖏᓐᓄᑦ. ᖃᕋᓴᐅᔭᕋᓛᒧᑦ ᑲᑉᐳᑎᔭᕆᐊᓕᒃ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐊᑐᐃᓐᓇᐅᕗᑦ ᑰᔾᔪᐊᕐᒥ ᑭᓯᐊᓂ ᑐᓐᓂᖅᓴᖅᑕᐅᓂᐊᖅᐳᑦ ᐊᑐᓂ ᓄᓇᕕᖕᒥ ᓄᓇᓕᐅᔪᓄᑦ. (ᓴᑐᕆᒃ ᒐᓛᓐᑦᒧᑦ ᐊᔾᔨᓕᐅᖅᑕᐅᔪᖅ)

By ᓴᑐᕆᒃ ᒐᓛᓐᑦᒧᑦ
ᓄᓇᓕᖕᓂ ᑐᓴᒐᒃᓴᓕᐅᕐᓂᕐᒧᑦ ᐱᒋᐊᕈᑕᐅᔪᒥ ᑐᓴᒐᒃᓴᓕᐅᖅᑎ

For the English version of this story, see KRG distributes free business courses, available on USB keys.

ᐃᓕᑦᑎᔪᒪᕖᑦ ᓇᖕᒥᓂᖃᕐᓂᕐᒥ? USB ᖃᕋᓴᐅᔭᕋᓛᒧᑦ ᑲᑉᐳᑎᔭᕆᐊᓕᒃ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐱᑕᖃᖅᐳᖅ.

ᑲᑎᕕᒃ ᐊᕕᒃᑐᖅᓯᒪᓂᐅᔪᓄᑦ ᒐᕙᒪᒃᑯᑦ ᓄᓇᓕᖕᓂ ᐊᒻᒪ ᐊᕕᒃᑐᖅᓯᒪᓂᐅᔪᒥ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕝᕕᐅᔪᖅ ᐊᑐᐃᓐᓇᖃᖅᑎᑦᑎᕗᖅ ᓇᖕᒥᓂᖃᕐᓂᕐᒧᑦ ᐃᓕᓐᓂᐊᕐᓂᐅᔪᒥ, ᐃᓕᓯᒪᔪᒥ USB ᖃᕋᓴᐅᔭᕋᓛᒧᑦ ᑲᑉᐳᑎᔭᕆᐊᓕᒃ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐊᒻᒪ ᐊᑐᐃᓐᓇᐅᔪᓂ ᒐᕙᒪᒃᑯᑦ ᐊᖓᔪᖅᑳᖃᕐᕕᖓᓂ ᑎᑎᕋᕐᕕᖓᓂ ᑰᔾᔪᐊᕐᒥ.

ᐃᓕᓐᓂᐊᕐᓂᐅᔪᖅ ᐋᖅᑭᒃᓱᖅᓯᒪᕗᖅ 17−ᖑᔪᓂ PowerPoint ᐃᓕᓐᓂᐊᕐᓂᐅᔪᓂ ᐊᔾᔨᒌᙱᕈᓘᔭᖅᑐᓂ ᐅᖃᐅᓯᐅᔪᓂ ᓯᕗᓂᒃᓴᒥ ᓇᖕᒥᓂᖃᖅᑎᐅᔪᒥ ᖃᐅᔨᒪᑐᐃᓐᓇᕆᐊᖃᖅᑕᖏᓐᓂ.

ᑐᕌᒐᒃᓴᖓ ᓇᖕᒥᓂᖃᕐᓂᐅᔪᒥ ᖃᐅᔨᒪᓂᖓᓂ ᐊᑐᐃᓐᓇᐅᓂᖓᓂ ᐃᓄᖕᓄᑦ ᐃᓕᓐᓂᐊᕆᕕᐊᕈᓯᕐᒦᑦᑐᒪᓇᔭᙱᑦᑐᓄᑦ, ᐅᖃᓚᐅᖅᐳᖅ ᑲᑎᕕᒃ ᐊᕕᒃᑐᖅᓯᒪᓂᐅᔪᓄᑦ ᒐᕙᒪᒃᑯᑦ ᓄᓇᓕᖕᓂ ᐊᒻᒪ ᐊᕕᒃᑐᖅᓯᒪᓂᐅᔪᒥ ᐱᕙᓪᓕᐊᑎᑦᑎᓂᕐᒧᑦ ᑐᑭᒧᐊᒃᑎᑦᑎᔨᖓ, ᐋᑎᐅᓪ ᔭᓴ.

ᐅᖃᓚᐅᖅᐳᖅ ᒥᑭᑦᑐᒥ ᓇᖕᒥᓂᖃᕐᓂᕐᒧᐊᕐᓂᕐᒧᑦ ᒪᓕᖕᓂᖃᓗᐊᙱᓚᖅ ᐸᐃᑉᐹᖃᖅᑎᑕᐅᓂᕐᒥ.

“ᐊᐱᖅᑯᑕᐅᕗᖅ ᖃᐅᔨᒪᓂᕐᒥ ᐱᓕᕆᐊᕆᔭᕐᓂᑦ,” ᐅᖃᓚᐅᖅᐳᖅ.

ᐱᓕᕆᐊᖑᔪᖅ ᓴᓇᔭᐅᓚᐅᖅᐳᖅ 2019−ᒥ ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓐᓂᐊᖅᑐᔨᕆᔨᒃᑯᓐᓂ ᑲᑎᒪᔨᖏᓐᓂ ᐊᒻᒪ ᑯᐸᐃᖕᒥ ᐃᓕᓐᓂᐊᕐᕕᐅᔪᒥ ᓇᖕᒥᓂᖃᖅᑎᐅᔪᓄᑦ.

ᒐᕙᒪᒃᑯᑦ ᐱᒋᐊᓚᐅᖅᐳᑦ ᐆᒥᖓ ᐱᓕᕆᐊᒃᓴᐅᔪᒥ ᓇᖕᒥᓂᖃᕐᓂᕐᒥ ᐊᔾᔨᖃᐸᓗᖕᒪᑦ ᓇᖕᒥᓂᖃᕐᓂᕐᒥ ᓄᓇᑎᐅᑎᒥᒃ, ᐅᖃᓚᐅᖅᐳᖅ ᔭᓴ.

“ᐱᓕᕆᓕᒪᓂᖃᕆᐊᖃᖅᐳᑎᑦ ᐃᓕᑦᑎᓂᕐᒧᑦ,” ᐅᖃᓚᐅᖅᐳᖅ. “ᐃᓕᑦᑎᔭᕆᐊᖃᖅᐳᑎᑦ ᐊᖁᓐᓂᕐᒥ ᑐᓂᓯᓚᐅᖅᑳᕐᓇᑕ ᑮᖓᓂ.”

ᐃᓕᓐᓂᐊᕐᓂᖅ ᒫᓐᓇᐅᔪᒥ ᐊᑐᐃᓐᓇᐅᙱᓚᖅ ᖃᕋᓴᐅᔭᑎᒍᑦ ᑭᓯᐊᓂ ᑲᑎᕕᒃ ᐊᕕᒃᑐᖅᓯᒪᓂᐅᔪᓄᑦ ᒐᕙᒪᒃᑯᑦ ᐃᓱᒪᒃᓴᖅᓯᐅᕆᕙᖓ.

ᔭᓴ ᐅᖃᓚᐅᖅᐳᖅ ᓂᕆᐅᒃᐳᖅ ᐃᑲᔪᕐᓂᐊᕐᓂᖓᓂ ᐃᓄᖕᓂ ᐱᐅᓯᒋᐊᖅᑎᑦᑎᓂᖏᓐᓂ ᐱᕕᒃᓴᖃᕐᓂᖏᓐᓂ ᐱᓕᕆᑦᑎᐊᕐᓂᖏᓐᓂ ᓇᖕᒥᓂᖃᕐᓂᕐᒥ ᑐᓂᓯᓂᕐᒥ ᐱᕕᒃᓴᖃᕐᓂᐅᔪᒥ “ᐱᓕᕆᓕᒪᓂᖃᕆᐊᖃᖅᐳᑎᑦ ᐸᕐᓇᖕᓂᕐᒧᑦ ᐱᒋᐊᑲᐅᑎᒋᓚᐅᙱᓐᓂᕐᓂ ᑮᓇᐅᔭᐃᑦ ᐊᑐᖅᑐᒃᓴᓂ, ᑮᓇᐅᔭᓂ ᐊᒻᒪ ᐊᑐᖅᑐᐊᕐᓂᐅᔪᓄᑦ.”

ᒫᓐᓇᐅᔪᒥ 100 USB ᖃᕋᓴᐅᔭᕋᓛᒧᑦ ᑲᑉᐳᑎᔭᕆᐊᓕᒃ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐊᑐᐃᓐᓇᐅᔪᖃᖅᐳᖅ, ᑭᓯᐊᓂ ᐅᓄᕐᓂᖅᓴᓂ ᓴᓇᕙᓪᓕᐊᕗᑦ ᐊᐅᓪᓚᖅᑎᑕᐅᓂᐊᖅᑐᓂ ᓇᒧᑐᐃᓐᓇᖅ ᓄᓇᕕᖕᒥ.

ᐃᓄᐃᑦ ᐊᐱᖅᑯᑎᒃᓴᖃᕈᕕᑦ ᑐᓴᒐᒃᓴᐅᔪᓂ ᑐᓂᔭᐅᓂᐅᔪᓂ PowerPoints−ᓂ, ᖃᐅᔨᒋᐊᕈᓐᓇᖅᐳᑦ ᓄᓇᓕᖕᓂ ᐊᒻᒪ ᐊᕕᒃᑐᖅᓯᒪᓂᐅᔪᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕝᕕᐅᔪᒧᓪᓚᕆᒃ.

Share This Story

(0) Comments