ᑲᑐᔾᔨᖃᑎᒌᑦ, ᓄᓇᕗᑦ ᒐᕙᒪᒃᑯᑦ ᐅᖃᓪᓚᖃᑎᒌᓕᕐᐳᒃ ᓄᑖᒥ ᐃᖅᑲᓇᐃᔮᒧᑦ ᐃᑲᔫᑎᒃᓴᓄᑦ ᐊᖏᕈᑎᒃᓴᒥ

ᐱᓕᕆᐊᖃᖅᑳᖅᖢᑎᒃ ᑮᓇᐅᔭᓕᕆᓂᐅᙱᑦᑐᓂᒃ, ᓄᓇᕗᑦ ᒐᕙᒪᒃᑯᑦ ᐊᒻᒪ ᑲᑐᔾᔨᖃᑎᒌᓄᑦ ᐃᓚᒋᔭᐅᔪᑦ ᐃᖅᑲᓇᐃᔭᖅᑎᖏ ᐅᖃᓪᓚᖃᑎᒌᓯᒋᐊᖅᐳᑦ ᑐᕌᖓᔪᒥᑦ ᓄᑖᒥᑦ ᐃᖅᑲᓇᐃᔮᖃᕐᓂᕐᒧᑦ ᐊᖏᕈᑎᒃᓴᒥᑦ, ᓄᓇᕗᒥᑦ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᖏᑦ ᐅᖃᐅᔾᔨᓚᐅᕐᑐᑦ ᐃᓚᒋᔭᐅᔪᓄᑦ ᑕᕿᖅ ᐱᓕᐊᓕᓵᕐᓯᒪᑎᓪᓗᒍ.

ᓯᕗᓕᕐᐹᖅ ᐅᖃᓪᓚᖃᑎᒌᖕᓂᖓ, ᔭᓄᐊᕆ 15-ᒥᑦ ᔭᓄᐊᕆ 18-ᒧ, “ᑕᒪᐃᓐᓂ ᓈᒻᒪᓚᐅᕐᑐᑦ ᐊᒻᒪ ᐱᓕᕆᕚᓪᓕᕈᑎᐅᓪᓗᓂ,” ᑲᑐᔾᔨᖃᑎᒌᑦ ᑐᓴᖅᑎᑦᑎᓪᓗᑎᒃ ᐃᓚᒋᔭᐅᔪᓂᒃ.

“ᒫᓐᓇᓕ ᓇᓗᓇᙱᒻᒪ ᐱᒋᐊᓕᓵᕐᐸᓪᓕᐊᓂᐅᓂᖓᓂᒃ, ᐊᒻᒪᓗ ᐊᒥᓱᓂᒃ ᐅᖃᐅᓯᒃᓴᓂᒃ ᐱᓕᕆᐊᖃᕆᐊᖃᖅᖢᑕ. ᑭᓯᐊᓂᓕ ᓂᕆᐅᒍᓐᓇᖅᑐᒍᑦ ᐱᒋᐊᓕᕐᓂᑦᑕ ᖃᓄᐃᓕᐅᕈᓯᖓ ᑲᔪᓯᔪᓐᓇᑦᑎᐊᕐᓂᐊᕐᓗᓂ ᐊᒡᒋᖅᑐᓄᑦ ᑲᑎᖃᑎᒌᖕᓂᒃᓴᓄᑦ,” ᑲᑐᔾᔨᖃᑎᒌᑦ ᐅᖃᖅᑐᑦ.

ᓄᓇᕗᑦᒥ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᑦ, ᐃᖅᑲᓇᐃᔭᖅᐸᒃᑐ ᑭᒡᒐᖅᑐᐃᔪᑦ ᐅᓄᕐᑐᐊᓗᖕᓂ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᕐᑎᖏᓐᓂᒃ ᐊᒻᒪᓗ ᒪᑯᓂᖓ ᐃᖅᑲᓇᐃᔭᖅᑎᓂᒃ ᕼᐋᒻᒪᓚᓄᑦ ᐊᒻᒪ ᓄᓇᓕᖕᓂᑦ ᐃᒡᓗᓕᕆᔨᒃᑯᓐᓄᑦ, ᐃᓚᒋᔭᐅᕗᑦ ᑭᒃᑯᓕᒫᓄᑦ ᐱᔨᑦᑎᕋᐅᑎᓕᕆᔨᒃᑯᑦ ᑲᑐᔾᔨᖃᑎᒌᖏᓐᓄᑦ ᑲᓇᑕᒥᑦ.

ᑭᖑᓪᓕᖅᐹᖅ ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᒥᑦ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᖏᑦ ᑮᓇᐅᔭᓕᐅᕐᓂᕐᒧᑦ ᐃᑲᔫᑎᒃᓴᓄᓪᓗ ᐊᖏᕈᑎ, ᑎᑭᐅᑎᔭᐅᓂᑯ ᐃᑲᔪᖅᑎᖃᓕᖅᖢᑎᒃ ᐋᔩᖅᑎᒋᓂᐊᖅᑕᒥᖕᓂᑦ ᐋᒐᓯ 2016-ᒥᑦ ᐊᒻᒪ ᐊᑎᓕᐅᖅᖢᑎᒃ ᓄᕕᐱᕆ 23-ᒥᑦ ᑕᒫᓂᑦᑕᐃᓐᓇᖅ ᐅᑭᐅᕐᒥᑦ, ᓄᖑᕝᕕᖃᓚᐅᕐᒪᑦ ᓯᑎᐱᕆᐅᑉ ᓄᙳᐊᓂᑦ 2018-ᒥᑦ.

ᐸᕐᓇᒃᐸᓪᓕᐊᓂᐊᕐᓗᑎᒃ ᓄᑖᒥᑦ ᐊᖏᕈᑎᒃᓴᒧᑦ, ᑲᑐᔾᔨᖃᑎᒌᑦ ᓂᕈᐊᓚᐅᕐᑐᑦ ᑕᒪᑐᒥᖓ ᐱᓕᕆᔨᐅᓂᐊᕐᑐᓂᒃ ᐅᒃᑑᐱᕆᐅᓚᐅᕐᑐᒥᒃ ᐊᒻᒪᓗ ᑐᒃᓯᕋᐅᑎᓕᐊᖏᓐᓂᒃ ᐋᕿᒃᓱᐃᕌᓂᒃᖢᑎᒃ ᑎᓯᐱᕆᒥᑦ ᐅᓪᓘᓐᓂᒃ ᒪᕐᕉᖕᓂ ᑲᑎᒪᓚᐅᖅᖢᑎᒃ.

ᐃᒪᓐᓇᐅᕙᖕᓂᖓᓄᑦ, ᑖᒃᑯᐊᒃ ᒪᕐᕉᒃ ᐊᑭᓕᕇᒃᑑᒃ ᐃᓱᒪᒋᔭᖃᒻᒪᕆᒃᑐᑦ ᑮᓇᐅᔭᓕᕆᓂᕐᒨᙱᑦᑐᖅ ᐃᓱᒫᓘᑎᓂᒃ ᐊᒻᒪᓗ ᑕᒪᑐᒥᖓ ᐅᖃᐅᓯᖃᓕᑕᐃᓐᓇᕐᓂᐊᖅᑐᒃᓴᐅᓪᓗᑎᒃ ᐃᓱᓕᑉᐸᓪᓕᐊᓕᕐᑎᓪᓗᒍ ᐋᖅᑭᒃᓯᖃᑎᒌᒐᓱᖕᓂᐅᔪᖅ.

ᑕᐃᒪᐃᓂᖓᓄᑦ, ᓯᕗᓕᖅᐹᑦ ᐅᖃᓪᓚᒍᑎᐅᔪᑦ ᔭᓄᐊᕆᒥ ᐱᔾᔪᑎᖃᓗᐊᓚᐅᕐᑐᑦ ᐱᖓᓱᓂᒃ ᑮᓇᐅᔭᓕᕆᓂᒃᑰᖓᙱᑦᑐᓂᒃ:

• ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᒋᕙᒃᑕᖏᑦ ᐃᖅᑲᓇᐃᔮᖃᓪᓚᑦᑖᖅᑎᑑᙱᑦᑐᖅ ᐅᓗᕆᐊᓇᖅᑐᒦᓐᓂᖏᑦ
• ᓂᕿᖃᕈᓐᓇᕐᓂᖅ ᐊᒻᒪ ᒥᒃᖠᕙᓪᓕᐊᓱᖅ ᓂᐅᕕᕈᓐᓇᕐᓂᕐᒧᑦ ᐱᔪᓐᓇᐅᑎ
• ᓄᓇᕗᑦ ᒐᕙᒪᒃᑯᑦ “ᐱᓕᕆᐊᒃᓴᖃᓗᐊᕐᑐᑦ” ᐃᖅᑲᓇᐃᔭᖅᑎᓪᓚᕆᖏᑦ

ᑲᑐᔾᔨᖃᑎᒌᑦ ᐱᒋᐊᖅᐳᑦ ᐆᒥᖓ “ᐊᖏᕐᕋᒥᑦ ᐱᑦᑎᐊᙱᓗᐊᕐᓂᕐᒧᑦ ᓄᖃᖓᓂᖅ”

ᐊᒻᒪᓗ ᑮᓇᐅᔭᓕᕆᓂᒃᑰᙱᑦᑐᖅ ᑐᒃᓯᕋᐅᑎᒋᔭᐅᔪᖅ ᓄᓇᕗᑦ ᒐᕙᒪᒃᑯᓐᓄᑦ ᑐᓐᓂᖁᓯᐅᓚᐅᕐᑐᖅ ᑕᕿᐅᓚᐅᕐᑐᒥᒃ ᐃᓚᖃᕐᒥᔪᖅ ᑕᑭᔪᕈᓗᖕᒥᑦ ᐱᔭᐅᔪᒪᔪᓂᒃ ᐃᑲᔫᑎᒃᓴᐅᓇᔭᖅᑐᓂᒃ ᐃᖅᑲᓇᐃᔭᖅᑎᓄᑦ ᐱᑦᑎᐊᖅᑕᐅᙱᓗᐊᕐᓂᕐᒧᑦ ᓈᒻᒪᙱᓕᐅᕈᑎᖃᖅᐸᒃᑐᓄᑦ.

ᐅᑯᓂᖓ ᐃᓚᖃᖅᖢᑎᒃ:

• ᐃᖅᑲᓇᐃᔭᖅᑎᓄᑦ ᐱᑦᑎᐊᖅᑕᐅᙱᓗᐊᖅᐸᒃᑐᓄᑦ, ᐅᓪᓗᓂ ᖁᓕᓂ ᐊᑭᓕᕐᓱᕐᑕᐅᓗᓂ ᐋᓐᓂᐊᕕᓕᐊᕈᓐᓇᕐᓗᓂ, ᒪᓕᒐᓕᕆᓂᕐᒧᓪᓘᓐᓃᑦ ᐊᒻᒪ ᐊᓯᖏᓐᓄᑦ ᑕᒪᑐᒧᖓ ᐊᒃᑐᐊᔪᓂᒃ, ᐃᓚᖃᕋᔭᖅᑐᑦ ᓄᖃᖓᓚᐅᒐᒍᓐᓇᕈᑎᖏᓐᓂᒃ.
• ᐊᖏᖃᑎᒌᒍᑎ ᑭᓇᑐᐃᓐᓇᖅ ᐃᖅᑲᓇᐃᔭᖅᑎᒋᔭᐅᔪᖅ ᑲᒪᒋᔭᐅᙱᓪᓗᓂ ᐃᖅᑲᓇᐃᔮᖓᒍᑦ ᓈᒻᒪᙱᓕᐅᕈᑎᖃᓕᕋᓗᐊᕐᐸᑦ ᐱᑦᑎᐊᖅᑕᐅᙱᓗᐊᕐᓂᕐᒧᑦ.
• ᐊᖏᖃᑎᒌᒍᑎ ᐃᖅᑲᓇᐃᔭᖅᑎᓄᑦ ᐱᑦᑎᐊᖅᑕᐅᙱᓗᐊᖅᐸᖕᓂᕐᒧᑦ ᐊᑲᐅᙱᓕᐅᕈᑎᖃᕐᓯᒪᔪᓂᓄᑦ, ᐃᖅᑲᓇᐃᔭᕐᕕᐅᔪᖅ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᕐᕕᒋᔪᓐᓇᖅᑕᖏᓐᓂᒃ ᐋᕿᒃᓱᐃᔪᓐᓇᕐᓗᓂ, ᐃᖅᑲᓇᔭᕐᑎᑕᐅᙱᓐᓂᕐᓴᐅᓗᓂ, ᐊᓯᐊᓄᑦ ᓅᑕᐅᖔᕈᓐᓇᕐᓂᕐᒧᑦ ᓴᓇᕝᕕᒃᒧᓪᓘᓐᓃᑦ, ᐅᖄᓚᐅᑎ ᐊᓯᖑᕐᓂᖓᓂᒃ ᐊᒻᒪᓗ ᐅᖄᓚᔪᑦ ᖃᐅᔨᔭᖅᑕᐅᕙᒡᓗᑎ ᐃᖅᑲᓇᐃᔭᕐᕕᖕᒥ ᐸᒡᕕᓵᕆᔪᖃᖁᓇᒍ.
• ᐊᖏᖃᑎᒌᒍᑎ ᐃᖅᑲᓇᐃᔭᖅᑎᐅᔪᑦ ᓈᒻᒪᙱᓕᐅᕈᑎᖏᑦ ᑕᒪᐅᖓᒥᐊᖅᑕᐅᕙᙱᓪᓗᑎᒃ ᐊᒻᒪ ᐃᖅᑲᓇᐃᔭᕐᓂᕐᒧᑦ ᐸᐃᑉᐹᖁᑎᖏᓐᓃᑎᑕᐅᖏᓪᓗᑎᒃ ᑭᓯᐊᓂ ᐃᖅᑲᓇᐃᔭᖅᑎ ᐊᖏᕐᓯᒪᒃᐸᑦ.
• ᐅᔾᔨᕈᓱᒃᑎᑦᑎᓂᕐᒥᒃ ᐊᔪᕈᓐᓃᕐᓴᖅᑎᑦᑎᕙᒡᓗᑎᒃ ᐱᑦᑎᐊᖅᑕᐅᕙᙱᓗᐊᕐᓂᕐᒧᑦ.
• ᐊᖏᖃᑎᒌᒍᑎ ᐃᖅᑲᓇᐃᔭᖅᑎᐅᔪᖅ ᓇᓗᓇᐃᕐᓯᔭᕆᐊᖃᕐᓗᓂ ᐃᖅᑲᓇᐃᔮᒃᓴᓕᕆᔨᒥᑦ ᐃᓕᓐᓂᐊᖅᑎᑕᐅᓇᔭᖅᑐᒥᑦ ᐱᑦᑎᐊᙱᓗᐊᖃᑦᑕᕐᓂᕐᒥᒃ ᐊᒻᒪ ᑕᒪᐅᖓᒥᐊᖅ ᑐᓴᖅᑕᐅᔭᕆᐊᖃᖅᐸᙱᑦᑐᓂᒃ ᐊᒻᒪᓗ ᐃᖅᑲᓇᐃᔭᕐᕕᐅᔪᖅ ᑖᔅᓱᒥᖓ ᖃᐅᔨᒪᔭᐅᑎᑦᑎᓂᐊᕐᓗᓂ.

ᑲᑐᔾᔨᖃᑎᒌᑦ “ᐊᕐᓇᓄᑦ ᐃᑲᔪᖅᑎᒃᓴᓂᒃ” ᕿᓂᖅᑐᑦ”

ᐊᒻᒪᓗ, ᑲᑐᔾᔨᖃᑎᒌᖑᔪᑦ ᑐᒃᓯᕋᕐᑐᑦ ᖃᐅᔨᒪᔭᐅᓂᐊᕐᓗᓂ “ᐊᕐᓇᓄᑦ ᐃᑲᔪᖅᑎᒃᓴᓂᒃ,” ᐱᓕᕆᖃᑎᖃᖃᑦᑕᕋᔭᖅᑐᓂᒃ ᐃᖅᑲᓇᐃᔭᖅᑎᓂᒃ ᐊᕐᓇᓂᒃ ᐊᒻᒪ ᑐᓴᐅᒪᑎᑦᑎᕙᒡᓗᓂ ᑖᒃᑯᓂᖓ ᐊᕐᓇᐃᑦ ᕿᒫᕝᕕᖏᓐᓂᒃ, ᐃᓅᓯᓕᕆᔨᓂᒃ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐃᑲᔫᑎᒃᓴᓂᒃ ᐱᓕᕆᐊᒥᑦ.

ᑕᐃᒪᐃᓐᓂᖓᓄᑦ, ᑲᑐᔾᔨᖃᑎᒌᑦ ᑐᒃᓯᕋᕐᓯᒪᔪᑦ ᐅᖃᐅᓰᑦ ᐆᑐᓇᖅ ᐃᓚᓕᐅᔾᔭᐅᓗᑎᒃ ᐃᖅᑲᓇᐃᔭᕐᓂᕐᒧᑦ ᐊᖏᕈᑎᓂᒃ:

“ᐃᖅᑲᓇᐃᔭᖅᑎᑦᑎᔨ ᐊᒻᒪᓗ ᑲᑐᔾᔨᖃᑎᒌᑦ ᐃᓕᓴᕐᓯᓯᒪᕗᑦ ᐃᖅᑲᓇᐃᔭᖅᑎᐅᔪᑦ ᓇᓗᓇᐃᕐᓯᒪᔪᑦ ᐊᕐᓇᐅᓂᖏᓐᓂᑦ ᐃᓛᓐᓂᑦ ᐅᖃᓪᓚᖃᑎᖃᖃᑦᑕᕆᐊᖃᕐᒪᑕ ᐊᕐᓇᐅᖃᑎᒥᖕᓂ ᒪᑯᓂᖓ ᐱᑦᑎᐊᖅᑕᐅᕙᙱᓗᐊᕐᓂᕐᒥᑦ, ᐋᓐᓂᕐᓱᖅᑕᐅᕙᖕᓂᕐᒥᒃ ᐅᕝᕙᓘᓐᓃᑦ ᐸᒡᕕᓵᕆᔭᐅᕙᖕᓂᕐᒥᒃ, ᐊᖏᕐᕋᖏᓐᓂᒃ ᐅᕝᕙᓘᓐᓃᑦ ᓴᓇᕝᕕᖏᓐᓂᒃ.”

ᐃᓱᒪᓕᐊᕆᔭᐅᓯᒪᔪᑦ ᐅᕙᓂ ᓄᓇᕗᒥᑦ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᖏᓐᓄᑦ ᐱᓕᕆᐊᒃᓴᐃᑦ ᑮᓇᐅᔭᓕᕆᓂᕐᒨᖓᙱᑦᑐᑦ ᑐᒃᓯᕋᐅᑎᑐᐃᓐᓇᐅᔪᑦ, ᐊᒻᒪᓗ ᐊᖏᕈᑎᐅᓯᒪᙱᑐᐃᓐᓇᕆᐊᖃᖅᖢᑎᒃ ᐃᖅᑲᓇᐃᔭᖅᑎᑦᑎᔪᒧᑦ.

ᑭᖑᓪᓕᕐᓕ ᐋᕿᒃᓱᐃᖃᑎᒌᒐᓱᖕᓂᖅ ᐋᕿᒃᑕᐅᓯᒪᔪᖅ ᑲᖏᖅᖠᓂᕐᒧᑦ, ᕕᕝᕗᐊᕆ 8 ᐱᓇᓱᐊᕈᓯᐊᓂᒃ, ᑲᑐᔾᔨᖃᑎᒌᑦ ᐅᖃᓚᐅᕐᑐᑦ ᐃᓚᒋᔭᐅᔪᓄᑦ.

ᓱᖅᑯᐃᓇᓗᐊᙱᑦᑐᖅ ᖃᑯᒍ ᐅᕝᕙᓘᓐᓃᑦ ᓄᓇᕗᒥᑦ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᖏᑦ ᐅᖃᓪᓚᖃᑎᖃᕐᓂᖏᑦ ᓄᓇᕗᑦ ᒐᕙᒪᒃᑯᓐᓂᒃ ᐋᕿᒋᐊᕈᑎᐅᓂᐊᕆᐊᒃᓴᖏᓐᓂᒃ ᓄᑖᓂᒃ ᑮᓇᐅᔭᓕᐅᕐᓂᕐᒧᑦ ᐃᑲᔫᑎᒃᓴᓄᓪᓗ ᐊᖏᖃᑎᒌᒍᑎᒥᒃ.

ᑖᒃᑯᐊᒃ ᒪᕐᕉᒃ ᐱᓕᕆᐊᖃᖅᑎᐅᔫᒃ ᐊᑎᓕᐅᓚᐅᕐᑐᒃ ᑭᖑᓪᓕᖅᐹᒥᑦ ᑮᓇᐅᔭᓕᐅᕐᓂᕐᒧᑦ ᐃᑲᑎᒃᓴᓄᓪᓗ ᐊᖏᖃᑎᒌᒍᑎᖏᓐᓂᒃ 2016 ᐃᓱᓕᑉᐸᓪᓕᐊᓕᕐᑎᓪᓗᒍ, ᐊᕐᕌᒎᒃ ᐅᖓᑖᓂ ᓯᕗᓪᓕᖅ ᐊᖏᕈᑎ ᓄᖑᓚᐅᕐᓯᒪᑎᓪᓗᒍ 2014-ᒥᑦ.

2016-ᒥᑦ ᐊᖏᕈᑎᓂᒃ, ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᔪᑦ ᑮᓇᐅᔭᓕᐊᖏᑦ ᐊᖏᒡᓕᕚᓪᓕᓚᐅᕐᓯᒪᔪᑦ 2 ᐳᓴᓐᑎᒥᑦ, 1 ᐳᓴᓐᑎᒥᒃ, 1 ᐳᓴᓐᑎᒥᑦ ᐊᒻᒪ 2 ᐳᓴᓐᑎᒥ ᐊᕐᕋᒍᑕᒫ ᑎᓴᒐᓄᑦ ᐊᕐᕌᒍᓄᑦ ᑳᓐᑐᓛᕆᔭᐅᒧᒧᑦ, ᐱᒋᐊᕐᕕᖃᖅᖢᓂ ᐅᒃᑑᐱᕆ 2014.

ᑖᓐᓇ ᑭᖑᕙᓯᒃᓯᒪᔪᓂᒃ ᐊᑭᓕᖅᑕᐅᔾᔪᑎᐅᓕᓚᐅᕐᐳᖅ, ᑐᓂᐅᖃᖅᑕᐅᓯᒪᓪᓗᑎᒃ ᐊᕕᒃᑐᕐᓯᒪᓂᒃᑯᑦ, ᒪᑯᐊ ᓇᓕᒧᙱᓕᐅᕈᑎᖏᑦ ᐃᖅᑲᓇᐃᔭᖅᑑᑉ ᐊᑭᓕᖅᑕᐅᓯᒪᓂᖓᓂᒃ ᐊᒻᒪᓗ ᐆᒧᖓ ᐊᑭᓕᖅᑕᐅᓇᔭᓚᐅᕐᓯᒪᓂᖏᓐᓂᒃ ᐊᖏᕈᑎ ᐋᕿᒃᑕᐅᓯᒪᓚᐅᕈᓂ 2014-ᒥᑦ.

ᑲᑐᔾᔨᖃᑎᒌᓄᑦ ᐃᓚᒋᔭᐅᔪᑦ ᓄᓇᕗᑦ ᒐᕙᒪᒃᑯᓐᓄᑦ ᖃᐅᔨᒋᐊᒃᑲᓐᓂᕈᓐᓇᖅᑐᑦ ᐃᖅᑲᓇᐃᔮᒧᑦ ᐊᖏᖃᑎᒌᒐᓱᒃᐸᓪᓕᐊᓂᕐᒥᒃ ᐅᕙᓂ .