ᑲᓇᐃᑎᐊᓐ ᓄᐊᑦᑯᑦ ᓄᕙᒡᔪᐊᕐᓇᖅ-19 ᐃᑲᔪᖅᓱᐃᓂᖓ ᑲᑎᓪᓗᒍ $138 ᒥᓕᐊᓐ−ᖑᓚᐅᖅᐳᖅ: ᐅᓯᑲᑦᑕᕐᓂᖅ ᑲᓇᑕᒥ
ᒐᕙᒪᑐᖃᒃᑯᑦ ᐱᓕᕆᕝᕕᖓ ᐱᓕᕆᓂᖃᖅᐳᖅ ‘ᑐᓴᖅᑕᐅᔭᕆᐊᖃᙱᑦᑐᓂ’ ᐅᖃᓪᓚᖕᓂᐅᔪᓂ ᖃᖓᑕᓲᖃᖅᑎᐅᔪᓂ 2019−ᒥ ᐊᑕᐅᓯᙳᖅᑎᑕᐅᓂᖓᓂ ᖃᓄᐃᓕᖓᓂᐅᔪᓂ
ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᖓᓐᓂ ᐅᕙᓂ ᑕᑯᒃᓴᐅᕗᖅ ᖁᕐᓗᖅᑐᕐᒥ ᑎᓯᐱᕆ 2021−ᒥ. ᖃᖓᑕᓲᖃᖅᑏᑦ ᐱᓚᐅᖅᐳᑦ $138 ᒥᓕᐊᓐᓂ ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᒥ ᖃᓱᒋᐊᖅᑎᑦᑎᓂᐅᔪᓄᑦ, ᐅᓯᑲᑦᑕᕐᓂᖅ ᑲᓇᑕᒥ ᐅᖃᖅᐳᖅ. (ᑕᓴᒐᒃᓴᓕᕆᔨᒃᑯᓐᓂ ᐊᔾᔨᖁᑎᖓ)
For English version, see Canadian North’s COVID-19 support totalled $138 million: Transport Canada
ᑲᓇᐃᑎᐊᓐ ᓄᐊᑦ ᐱᓚᐅᖅᐳᑦ $138 ᒥᓕᐊᓐᓂ ᒐᕙᒪᒃᑯᓐᓂ ᐃᑲᔪᖅᓯᖅᑕᐅᓂᐅᔪᓂ ᑕᐃᑲᓂ ᑕᒪᒃᑭᒐᓚᖕᒥ ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᒥ, ᐅᖃᐅᓯᐅᓪᓗᓂ ᐅᖃᖅᑎᐅᔪᒥ ᐅᓯᑲᑦᑕᕐᓂᕐᒧᑦ ᒥᓂᔅᑕᖓᓄᑦ ᐆᒫᕐ ᐋᓪᒡᕼᐊᑉᕋ.
ᖃᖓᑕᓲᖃᖅᑎᓂ ᐊᐅᓚᑦᑎᔨᒻᒪᕆᒃ ᒪᐃᑯᓪ ᕌᑎᓂᐅᒃ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ ᐱᓇᓱᐊᕈᓯᐅᓚᐅᖅᑐᒥ ᓴᖅᑭᑎᑦᑎᔾᔮᙱᓐᓂᖓᓂ ᖃᔅᓯᓂ ᑲᓇᐃᑎᐊᓐ ᓄᐊᑦ ᐱᓚᐅᕐᓂᖏᓐᓂ ᐊᒥᓱᓄᑦ ᖃᓂᒻᒪᓐᓇᐅᔪᒥ-ᐱᔾᔪᑎᓕᖕᒥ ᐃᑲᔪᖅᓱᐃᓂᐅᔪᒥ ᒐᕙᒪᒃᑯᓐᓂ.
ᐅᖃᐅᓯᖃᓚᐅᖅᐳᖅ ᐃᓚᖏᑦ ᐊᓯᖏᓐᓂ ᖃᖓᑕᓲᖃᖅᑎᓂ ᒥᒃᖠᒋᐊᖅᑎᑦᑎᓂᖏᓐᓂ ᖃᖓᑕᓂᐅᔪᓂ, ᑲᓇᐃᑎᐊᓐ ᓄᐊᑦ ᑐᓂᓰᓐᓇᓚᐅᖅᐳᑦ ᐱᓪᓚᕆᐅᔪᒥ ᐊᐅᓪᓛᕐᓂᐅᔪᒥ ᐊᒻᒪ ᐅᓯᑲᑦᑕᕐᓂᕐᒧᑦ ᐱᖦᑦᑎᕋᕐᓂᕐᒥ.
“ᐃᓚᖓᒍᑦ ᐃᑲᔪᖅᓱᐃᓂᖅᑕᖃᓚᐅᖅᐳᖅ ᖃᓄᐃᓕᐅᕈᑎᒋᔭᑦᑎᓐᓂ ᐅᕘᓇ ᓄᕙᒡᔪᐊᕐᓇᖅ ᐱᓕᕆᓂᖓᓂ,” ᕌᑎᓂᐅᒃ ᐅᖃᓚᐅᖅᐳᖅ.
“ᓄᕙᒡᔪᐊᕐᓇᖅ ᐃᓱᒪᒋᔭᐅᓯᒪᕗᖅ ᐊᓂᒍᕐᓂᖓᓂ ᐊᕐᕌᒍᑲᓴᐅᓕᖅᑐᒥ ᒫᓐᓇ, ᐊᒻᒪ ᐃᑲᔫᓯᖅᑕᐅᕙᒃᑐᑦ ᑐᓂᔭᐅᓚᐅᖅᑐᓂ ᒐᕙᒪᒃᑯᓐᓂ ᐃᑲᔪᕐᓂᕐᒧᑦ ᐊᐅᓚᑦᑎᔪᓐᓇᐅᑎᓂ ᖃᖓᑕᓲᖃᖅᑎᐅᔪᓄᑦ, ᑕᒪᒃᑯᐊ ᐱᑕᖃᕈᓐᓃᓚᐅᕆᕗᑦ ᐊᕐᕌᒍᐸᓘᓕᖅᑎᒥ.”
ᐊᐱᕆᔭᐅᒐᒥ ᑐᓂᓯᔪᓐᓇᕐᓂᖓᓂ ᑮᓇᐅᔭᓂ ᓇᓗᓇᐃᖅᓯᓂᐅᔪᒥ ᐅᑯᓄᖓ ᐃᑲᔫᓯᖅᑕᐅᕙᒃᑐᓄᑦ, ᕌᑎᓂᐅᒃ ᐅᖃᓚᐅᖅᐳᖅ ᑐᓂᓯᔪᓐᓇᙱᓐᓂᖓᓂ.
“ᐅᒃᐱᕈᓱᒃᐳᖓ ᑕᒪᒃᑯᐊ ᐃᓄᓕᒫᓄᑦ ᐅᖃᐅᓯᒃᓴᐅᓂᖓᓂ ᐅᓄᕐᓂᐅᕗᖅ,” ᐅᖃᓚᐅᖅᐳᖅ.
ᐋᓪᒡᕼᐊᑉᕋᐅᑉ ᑐᓴᒐᒃᓴᓕᕆᓂᕐᒧᑦ ᑎᑎᕋᖅᑎᖓ, ᓇᐃᑏᓐ ᕌᒪᑕᓐ, ᐅᖃᓚᐅᖅᐳᖅ ᑲᓇᐃᑎᐊᓐ ᓄᐊᑦ ᐱᓚᐅᖅᐳᖅ $108.7 ᒥᓕᐊᓐᓂ ᒐᕙᒪᑐᖃᒃᑯᓐᓂ ᖃᓱᒋᐊᖅᑎᑦᑎᓂᐅᔪᒥ ᐅᕘᓇ ᐅᖓᓯᒃᑐᒧᑦ ᖃᖓᑕᓲᓂ ᐱᔨᑦᑎᕋᕐᓂᕐᒧᑦ ᐱᓕᕆᐊᖑᒧᒥ ᔪᓚᐃ 2020−ᒥ ᒫᔾᔨ 2022−ᒧᑦ.
ᑕᐃᓐᓇ ᐱᓕᕆᐊᖑᔪᖅ, ᒪᑐᓯᒪᓕᖅᑐᒥ, ᑐᓂᓯᓚᐅᖅᐳᖅ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᑲᒪᒋᔭᖃᕐᓂᕐᒥ ᑐᓐᓂᖅᓴᐃᓂᖏᓐᓂ ᖃᓱᒋᐊᕈᑎᓂ ᑮᓇᐅᔭᖃᖅᑎᑕᐅᓂᐅᔪᓂ ᓇᓗᓇᐃᖅᑕᐅᓯᒪᔪᓄᑦ ᖃᖓᑕᓲᖃᖅᑎᐅᔪᓄᑦ.
ᖃᖓᑕᓲᖃᖅᑎᐅᔪᖅ ᐱᓚᐅᕆᕗᖅ ᐃᑲᔪᖅᓱᐃᓂᐅᔪᒥ ᐅᕘᓇ ᐊᓯᖓᒍᑦ ᐱᓕᕆᐊᖑᓂᐅᔪᓂ, ᓲᕐᓗ ᑮᓇᐅᔾᔭᒃᓴᓂᕐᒧᑦ ᐃᑲᔫᓯᖅᑕᐅᓂᕐᒥ, ᑎᑭᑎᑦᑎᓚᐅᖅᑐᒥ ᑲᑎᓪᓗᒍ $138 ᒥᓕᐊᓐᓄᑦ ᐊᔾᔨᒌᙱᑦᑐᓂ ᑭᒡᓕᐅᔪᓂ ᒐᕙᒪᐅᔪᓂ, ᐃᓚᒋᐊᖅᓯᓚᐅᖅᐳᖅ.
ᕌᒪᑖᓐ ᐅᖃᓚᐅᕆᕗᖅ ᐋᑐᕚ ᑐᓂᓯᓯᒪᕗᖅ ᖃᖓᑕᓲᖃᖅᑎᐅᔪᒧᑦ ᐃᓚᐅᑎᑕᐅᙱᓐᓂᐅᔪᓂ ᐃᓚᖏᓐᓄᑦ ᑕᐃᒎᓰᑦ ᐊᒻᒪ ᖃᓄᐃᓕᖓᓂᐅᔪᓂᒃ ᐱᔾᔪᑎᖃᖅᑐᒥ 2019−ᒥ ᐊᑕᐅᓯᙳᖅᑎᑕᐅᓂᖓᓂ ᑲᓇᐃᑎᐊᓐ ᓄᐊᑦᒥ ᐊᒻᒪ ᕘᔅᑎᐊᒥ. ᑕᒪᒃᑭᑦ ᕿᒥᕐᕈᓯᒪᕗᑦ ᐊᒻᒪ ᐅᖃᐅᓯᖃᕐᓂᕐᒥ ᑕᐃᒃᑯᓂᖓ ᑕᐃᒎᓯᐅᔪᓂ
ᑕᐃᒃᑯᐊ ᑕᐃᒎᓰᑦ ᐃᓚᖃᓚᐅᖅᐳᖅ ᐊᑭᖓᓐᓂ ᐊᖏᒡᓕᒋᐊᖅᑕᐅᓂᖃᙱᓐᓂᖓᓂ ᑕᒪᒃᑭᓄᑦ ᐃᑭᒪᔪᓄᑦ ᐊᐅᓪᓛᕐᓂᖓᓂ ᐊᒻᒪ ᐅᓯᑲᑦᑕᕐᓂᕐᒧᑦ ᑐᓂᓯᓂᐅᔪᒥ ᐅᖓᑖᓂ ᑕᐃᒃᑯᓄᖓ ᐱᔾᔪᑎᓕᖕᓂ ᐊᐅᓚᑕᐅᓂᐅᔪᒥ ᐊᑭᖏᓐᓂ, ᐊᒻᒪ ᒥᒃᖠᒋᐊᕐᓂᖃᙱᓐᓂᖓᓂ ᐱᓇᓱᐊᕈᓯᐅᔪᒥ ᖃᖓᑕᕙᖕᓂᖓᓂ ᓂᕈᐊᒐᒃᓴᐅᔪᓂ ᑕᒪᒃᑭᓄᑦ ᐊᖅᑯᑎᒋᔭᐅᔪᓄᑦ ᖃᖓᑕᓲᖃᖅᑎᓂ’ ᑲᑐᔾᔭᐅᔪᒥ ᑲᓱᖃᑎᒌᒃᓯᒪᔪᒥ ᐊᕐᕌᒍᓄᑦ 7−ᓄᑦ, ᐃᓚᖓᓐᓂ ᐊᓯᖏᓐᓂ ᑭᒡᓕᖃᖅᑎᑕᐅᓂᐅᔪᓂ.
“ᑕᐃᒪᐃᑦᑐᑦ ᐃᓚᐅᑎᑕᐅᙱᓐᓂᐅᔪᓂ ᒫᓐᓇᐅᔪᒥ ᐃᓕᓯᒪᕗᑦ,” ᕌᒪᑖᓐ ᐅᖃᓚᐅᖅᐳᖅ.
“ᐅᓯᑲᑦᑕᕐᓂᖅ ᑲᓇᑕᒥ ᐱᓕᕆᔨᕐᔪᐊᖑᔪᑦ ᐋᖅᑭᐅᒪᑎᑦᑎᓯᒪᕗᑦ ᐅᖃᓪᓚᖃᑎᖃᐃᓐᓇᕐᓂᕐᒥ ᑲᒻᐸᓂᐅᔪᒥ ᑕᐃᒪᙵᓂ ᐊᑕᐅᓯᙳᖅᑎᑕᐅᓂᖓᓂ, ᐊᒻᒪ ᐋᔩᖃᑎᖃᐃᓐᓇᖅᐳᑦ ᒫᓐᓇᒧᑦ ᑎᑭᖦᖢᒍ. ᖃᓄᐃᓕᖓᓂᖏᑦ ᐅᑯᓇᓂ ᐅᖃᓪᓚᖕᓂᐅᔪᓂ ᑐᓴᖅᑕᐅᔭᕆᐊᖃᙱᓚᑦ .”
ᕌᑎᓂᐅᒃ ᐅᖃᐅᓯᖃᓚᐅᕆᕗᑦ ᐊᔾᔨᐸᓗᐊᓂ ᐃᓱᒪᒋᔭᖃᕐᓂᕐᒥ ᑲᑐᔾᔨᖃᑎᒌᖕᓂᐅᔪᒥ.
“ᐅᓯᑲᑦᑕᕐᓂᖅ ᑲᓇᑕᒥ ᒪᑐᐃᖓᐃᓐᓇᐅᔭᖅᐳᑦ ᐊᒻᒪ ᑐᙵᓱᒃᑎᑦᑎᓪᓗᑎᒃ ᐅᕙᑦᑎᓐᓂ ᐱᓕᕆᖃᑎᖃᕐᓂᕐᒥ, ᐊᒻᒪ ᖁᔭᒋᕙᕗᑦ, ᐊᒻᒪ ᖁᕕᐊᑉᐳᒍᑦ ᐱᓕᕆᖃᑎᖃᐃᓐᓇᕐᓂᐊᕐᓂᕐᒥ ᐋᖅᑭᒃᓯᓂᕐᒥ ᑕᐃᒪᐃᑦᑐᓂ ᖃᓄᐃᑦᑑᓂᐅᔪᓂ ᐊᑲᐅᙱᓕᐅᕈᑕᐅᔪᓂ,” ᐅᖃᓚᐅᖅᐳᖅ.
(0) Comments