ᑳᑐᓕᒃ ᑐᒃᓯᐊᕐᕕᒃ ᐃᑲᔪᕐᓂᐊᕐᑐᑦ ᐸᓯᔭᒃᓴᕐᒥ ᐃᒃᓯᕋᕐᔪᐊᕐᒥ ᒪᓕᒐᖅᑎᒍᑦ ᐱᓕᕆᐊᕆᔭᐅᑎᓐᓂᖓᓂᒃ, ᐅᐱᐊᑦ ᐅᖃᕐᑐᖅ

For an English version of this story, please see Catholic Church to help bring accused priest to justice, Obed says.

ᕉᒪᓐ ᑲᑐᓕᒃ ᑐᒃᓯᐊᕐᕕᒃ ᐃᑲᔪᕐᓂᐊᕐᑐᑦ ᐅᓇ ᐃᒃᓯᕋᕐᔪᐊᖅ ᔪᐊᓇᔅ ᕆᕗᐊ, ᐸᓯᔭᒃᓴᐅᔪᑦ ᖁᓄᔪᕐᓂᐊᖃᑦᑕᕐᓯᒪᓂᖓᓂᒃ ᓱᕈᓯᕐᓂᒃ ᓄᓇᕗᒦᑎᓪᓗᒍ.

ᓇᐃᑕᓐ ᐅᐱᐊᑦ, ᐊᖓᔪᖅᑳᖅ ᐃᓄᐃᑦ ᑕᐱᕇᑦ ᑲᓇᑕᒥ ᑐᓴᖅᑎᑦᑎᓚᐅᕐᑐᖅ ᑖᔅᓱᒥᖓ ᐄᐳᕈᓪ 1-ᖑᑎᓪᓗᒍ ᐅᓇ ᐃᒃᓯᕋᕐᔪᐊᕌᐱᒃ ᕗᕌᓐᓯᔅ ᒪᒥᐊᓚᐅᕐᓯᒪᑎᓪᓗᒍ ᐱᑦᑎᐊᙱᔾᔪᑎᐅᕙᓚᐅᕐᓯᒪᔪᓄᑦ ᓄᓇᖃᖅᑳᖅᑐᓄᑦ ᑲᓇᑕᒥ ᐃᓕᓐᓂᐊᕆᐊᕐᕕᒋᕙᓚᐅᕐᓯᒪᔭᖏᓐᓂᒃ.

ᐃᒃᓯᕋᕐᔪᐊᕌᐱᐅᑉ ᒪᒥᐊᓐᓂᕋᓕᓚᐅᕐᓯᒪᔪᖅ ᐱᓇᓱᐊᕈᓯᕐᒥ ᑲᑎᖃᑎᖃᑲᑕᓚᐅᕐᑎᓪᓗᒍ ᓄᓇᖃᖅᑳᖅᑐᑦ ᓯᕗᓕᐅᖅᑎᖏᓐᓂᒃ ᑲᓇᑕᒥᐅᑕᓂᒃ, ᐃᓚᒋᔭᐅᓪᓗᑎᑦ 7 ᐃᓄᐃᑦ ᐅᐱᐊᑦ ᐱᖃᑎᒋᔭᖏᓐᓂᒃ.

ᕆᕗᐊ, 93, ᐸᓯᔭᒃᓴᐅᑎᑕᐅᖕᒥ ᓱᕈᓯᕐᓂᒃ ᐱᑦᑎᐊᖃᑦᑕᓚᐅᕐᓯᒪᙱᓐᓂᖓᓄᑦ ᓄᓇᓕᖕᓂ ᐱᓕᕆᔭᖅᑐᖅᐸᒃᑎᓪᓗᒍ ᑭᕙᓪᓕᕐᒥ ᖃᖓᑲᓪᓚᕈᓘᓕᕐᑐᖅ.

“ᐱᓕᕆᖃᑎᖃᕐᓯᒪᒐᑦᑕ ᑲᑐᓕᒃ ᑐᒃᓯᐊᕐᕕᒃᒥ ᐊᒻᒪᓗ ᐱᓕᕆᖃᑎᖃᕈᒪᓪᓗᑎᒃ ᐅᕙᑦᑎᓂ ᒪᓕᒐᓕᕆᓂᒃᑯᑦ ᐱᓕᕆᐊᖑᔭᕆᐊᖃᕐᓂᖓᓂᒃ ᐸᓯᔭᒃᓴᐅᑎᑕᐅᓯᒪᓂᖓᓄᑦ,” ᐅᐱᐊᑦ ᐅᖃᖅᑐᖅ.

ᓱᓕ ᓇᓗᓇᕐᑐᖅ ᐅᓇ ᐱᓕᕆᓂᐊᕐᓂᖅ ᐃᓚᖃᕐᒪᖔᑦ ᕆᕗᐊᒥ ᑲᓇᑕᒧᐊᖅᑎᑦᑎᓇᔭᕆᐊᒃᓴᖏᓐᓂᒃ ᐸᓯᔭᒃᓴᐅᔾᔪᑎᓄ ᓄᑖᓄ, ᑖᒃᑯᐊᓗ ᐸᓯᔭᒃᓴᐅᔾᔪᑎᑦ ᓴᖅᑭᑕᐅᓚᐅᕐᓯᒪᓪᓗᑎᒃ ᕕᕝᕗᐊᕆᒥ. ᓯᕗᓂᐊᒍᑦ ᐸᓯᔭᒃᓴᐅᔾᔪᑎᒋᔭᐅᔪᖅ ᓄᖅᑲᖅᑎᑕᐅᓚᐅᕐᓯᒪᖕᒪᑕ 2017-ᒥ, ᐅᑯᐊ Public Prosecution Service of Canada (ᐸᓯᔭᒃᓴᓕᕆᔨᒃᑯᑦ ᑲᓇᑕᒥ) ᐅᖃᓚᐅᕐᓯᒪᑎᓪᓗᒋ ᐸᓯᔭᒃᓴᐅᓂᖓᓄᑦ ᖃᓄᐃᓕᐅᔪᓐᓇᕋᔭᓚᐅᙱᓐᓂᖓᓂᒃ.

ᐱᓇᓱᐊᕈᓯᐅᓚᐅᕐᑐᖅ ᐱᒋᐊᓕᓵᕐᓯᒪᑎᓪᓗᒍ, ᐅᐱᐊᑦ ᐃᒃᓯᕋᕐᔪᐊᕌᐱᒃᒥᑦ ᐅᖃᓪᓚᖃᑎᖃᖁᔨᓪᓗᓂ ᕆᕗᐊᒧᑦ, ᑖᓐᓇ ᑐᓴᕐᓇᕐᒪᑦ ᕗᕌᓐᔅᒥ ᓄᓇᖃᕐᓂᖓᓂᒃ ᐊᒻᒪᓗ ᑲᓇᑕᒧ ᐅᑎᕐᓂᐊᖁᓗᓂᐅᒃ.

ᑲᓇᑕᒥ ᐊᖓᔪᖅᑳᖅ ᒥᓂᔅᑕ ᔭᔅᑎᓐ ᑐᕉᑑ ᐅᖃᐅᓯᖃᓚᐅᕐᑐᖅ ᐃᒃᓯᕋᕐᔪᐊᕌᐱᒃ ᒪᒥᐊᓚᐅᕐᓂᕋᖅᖢᓂᒃ ᖃᕋᓴᐅᔭᒃᑯᑦ ᑲᑎᒪᑎᓪᓗᒋᑦ ᐊᐃᕆᓕ 1ᒥ ᑕᕝᕙᓂᓗ ᐅᖃᐅᓯᖃᓚᐅᕐᓯᒪᓪᓗᓂ $214 ᒥᓕᐊᓐ ᑖᓚᓂᒃ ᐃᑲᔫᑎᖃᕐᓂᐊᕐᓂᖓᓂᒃ ᐃᖃᓗᐃᑦ ᐃᒪᖃᐅᑎᖃᕐᕕᖓᓄᑦ.

“ᓂᕆᐅᖕᓂᐊᕐᑐᒍᑦ ᑲᓇᑕᒧᐊᕐᓂᐊᕐᓂᖓᓂᒃ ᒪᒥᐊᑦᑕᕐᑐᕐᓗᓂ ᐅᐸᒍᑎᑦᑎᐊᕐᓯᒪᓗᓂ,” ᑐᕉᑑ ᐅᖃᕐᑐᖅ.

ᑐᕉᑑ ᐅᖃᐅᓯᖃᒻᒪᕆᓚᐅᕐᑐᑦ “ᓴᙱᔪᐊᓘᓂᖏᓐᓂᒃ ᐊᒻᒪ ᐱᓇᓱᓪᓚᕆᖕᓂᖏᓐᓂᒃ” ᓄᓇᖃᖅᑳᖅᑐᓄᑦ ᐱᓕᕆᔨᐅᔪᑦ ᐊᒻᒪᓗ ᐊᓯᖏᑦ ᐃᒃᓯᕋᕐᔪᐊᕌᐱᖕᒥᒃ ᐊᕐᕌᒍᒐᓴᖕᓂᒃ ᒪᒥᐊᕝᕕᐅᔪᒪᓯᒪᓂᖏᓐᓂᒃ ᑐᒃᓯᐊᕐᕕᒃ ᖃᓄᐃᓕᐅᕈᓯᕕᓂᖏᓐᓂᒃ ᑲᓇᑕᒥ ᐃᓕᓐᓂᐊᕆᐊᕐᕕᐅᕙᓚᐅᕐᑐᓂᒃ.

ᐅᑯᐊ ᐃᓕᓐᓂᐊᕆᐊᕕᕕᓃᑦ ᓴᓇᔭᐅᓚᐅᕐᓯᒪᔪᑦ 1800-ᖏᑦ ᐃᓱᓕᓕᕐᑎᓪᓗᒋᑦ ᒪᑯᐊ ᓄᓇᖃᖅᑳᖅᑐᑦ ᓄᓇᖏᓐᓃᑎᑦᑕᐃᓕᓪᓗᒋᑦ, ᐃᓕᖅᑯᓯᖏᓐᓂᒡᓗ ᐊᒻᒪ ᐅᖃᐅᓯᖏᓐᓂᒃ ᑭᓯᐊᓂᓕ ᐃᓚᖏᑦ ᐃᓕᓐᓂᐊᕆᐊᕐᕕᐅᔪᑦ ᐊᐅᓚᑕᐅᓚᐅᕐᓯᒪᔪᑦ ᑎᑭᖢᒋᑦ 1990-ᖏᑦ.

ᐊᐅᔭᐅᓚᐅᕐᑐᖅ, ᑲᓇᑕ ᐃᓕᓐᓂᐊᕆᐊᕐᕕᐅᕙᓚᐅᕐᓯᒪᔪᓄᑦ ᓵᙵᔭᕆᐊᖃᓕᓚᐅᕐᓯᒪᔪᑦ ᐅᓄᕐᑐᐊᓗᖕᓂ ᓱᕈᓰᑦ ᑎᒥᖏᓐᓂᒃ ᓇᓂᓯᑎᓪᓗᒋᑦ ᐊᑎᖃᙱᑦᑐᓂᒃ ᐃᓗᕕᕐᓂᒃ ᐃᓕᓐᓂᐊᕆᐊᕐᕕᕕᓃᑦ ᖃᓂᒋᔭᖏᓐᓂᒃ, ᑖᓐᓇᓗ ᓄᓇᖃᖅᑳᖅᑐᑦ ᓯᕗᓕᐅᕐᑎᖏᓐᓂᒃ ᑕᒪᑐᒧᖓ ᑭᐅᔭᐅᔪᒪᑲᑕᓕᖅᖢᑎᒃ ᒐᕙᒪᒃᑯᓐᓂᒃ ᐊᒻᒪ ᑐᒃᓯᐊᕐᕕᖕᓂᒃ ᓱᕈᓰᑦ ᐃᓅᔪᓐᓃᖅᓯᒪᓂᖏᓐᓂᒃ ᑖᒃᑯᓇᓂ ᐃᓕᓐᓂᐊᕆᐊᕐᕕᕕᓂᕐᓂᒃ.