ᒥᑦᑎᒪᑕᓕᒃᒥᐅᑕᖅ ᐊᖑᑎ, ᐃᒪᓄᐃ ᒪᒃᑖᖅ, ᐃᓅᔪᓐᓃᓚᐅᕐᑐᖅ ᐃᑲᓗᒐᓱᒃᑎᓪᓗᒋᑦ ᐃᒪᐃᓐᓇᕐᒥᑦ ᐅᕙᓂ ᓱᕙᒃ, ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᑎᒌᓂᒃ, ᓴᖅᑭᔮᖅᑐᖅ 2012-ᒥ. ᓘᑎ ᑑᒪᓯ, ᐊᐅᓚᑦᑎᔨ ᑐᑭᒧᐊᖅᑎᑦᑎᔨ ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᑎᒌᓄᑦ ᐅᖃᓚᐅᕐᑐᖅ ᒪᒃᑖᖅ ᐱᐅᒋᔭᐅᑦᑎᐊᓚᐅᕐᓂᖓᓂᒃ, ᐱᓕᕆᒃᑳᓘᓚᐅᕐᓂᖓᓂᒃ ᐊᒻᒪᓗ ᐃᖅᑲᓇᐃᔭᖅᑎᐅᖃᑕᐅᓯᒪᓪᓗᓂ ᓱᕙᒃᒥᑦ ᐱᒋᐊᖅᖢᓂ ᔫᓂ 2019-ᒥᑦ. (ᐊᔾᔨᙳᐊᖁᑎᒋᔭᐅᔪᖅ)

ᒥᑦᑎᒪᑕᓕᒃᒥᐅᑕᖅ ᐃᖃᓗᒐᓱᒃᑎᐅᖃᑕᐅᔪᖅ ᐃᓅᔪᓐᓃᖅᐳᖅ ᑕᕆᐅᕐᒥ

ᐃᒪᓄᐃ ᒪᒃᑖᖅ, 24, ᐅᒥᐊᕐᒥᒃ ᐃᒫᓚᐅᖅᓯᒪᖕᒪᑦ ᐅᕙᙵᑦ ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᒌᑦ ᐅᒥᐊᖓᓂᒃ ᐋᒐᓯ 26-ᖑᑎᓪᓗᒍ

By ᓄᓇᑦᓯᐊᕐᒥ ᐱᕙᓪᓕᐊᔪᑦ

For an English version of this story, see Pond Inlet fisherman dies at sea

ᒥᑦᑎᒪᑕᓕᒃᒥᐅᑕᖅ ᐊᖑᑎ ᐃᓅᔪᓐᓃᓚᐅᕐᑐᖅ ᑕᖅᑭᐅᓚᐅᕐᑐᒥ ᐃᒫᒎᖅᖢᓂ ᐅᕙᓂ ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᑎᒌᑦ ᐅᒥᐊᖓᓃᖢᓂ.

ᐅᓇ ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᑎᒌᑦ ᑐᓴᖅᑎᑦᑎᓚᐅᕐᑐᑦ ᓯᑎᐱᕆ 3-ᖑᑎᓪᓗᒍ ᐅᓇ ᐃᒪᓄᐃᑦ ᒪᒃᑖᖅ, 24, ᐃᓅᔪᓐᓃᓚᐅᕐᓂᖓᓂᒃ ᐋᒐᓯ 26-ᖑᑎᓪᓗᒍ ᐃᖃᓗᒐᓱᒍᑎᓂᒃ ᐋᖅᑭᒃᓱᐃᑎᓪᓗᒍ ᐅᕙᓂ ‘ᓱᕙᒃ’ ᐃᑲᓗᒐᓱᖕᓂᐊᖅᑎᓄᑦ ᐅᒥᐊᕐᒥ.

ᒪᒃᑖᑉ ᑕᓕᖓ ᓂᒐᕕᒍᔾᔨᓚᐅᖅᓯᒪᖕᒪᑕ ᐳᑦᑕᖅᑯᑎᐅᑉ ᐊᒃᖢᓈᖓᓄᑦ ᐊᑕᔪᓂᒃ ᒪᑦᑎᑦᑕᐅᑎᓄᑦ ᐊᒻᒪᓗ ᐃᒫᖅᖢᓂ ᑖᓐᓇ ᒪᑦᑎᑦᑕᐅᑎ ᐃᒫᓅᖅᑕᐅᑎᓪᓗᒍ, ᐅᑯᐊ ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᑎᒌᑦ ᑐᓴᒐᒃᓴᓕᐊᑎᒍᑦ ᐅᖃᓚᐅᕐᑐᑦ. ᐃᖃᓗᒐᓱᒃᑎᐅᔪᑦ ᑖᔅᓱᒥᖓ ᐱᔪᓐᓇᓚᐅᕐᑐᑦ ᐊᒻᒪᓗ ᐆᒻᒪᖅᑎᑦᑎᓇᓱᒃᑲᓗᐊᖅᖢᑎᒃ ᐊᔪᓕᓚᐅᕐᒪᑕ, ᐅᖃᖅᑐᑦ ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᑎᒌᑦ.

ᒪᒃᑖᖅ ᐃᖃᓗᒐᓱᒃᑎᐅᖃᑦᑕᐅᓚᐅᕐᑐᖅ ᓱᕙᒃᒥᑦ ᐱᒋᐊᖅᖢᓂ ᔫᓂ 2019-ᒥᑦ.

“ᐃᒪᓄᐃ ᐱᐅᒋᔭᐅᑦᑎᐊᓚᐅᕐᑐᖅ, ᐱᓕᕆᕈᓘᔭᒃᑳᓘᓪᓗᓂ,” ᐅᖃᖅᑐᖅ ᓘᑎ ᑑᒪᓯ, ᐊᐅᓚᑦᑎᔨ ᑐᑭᒧᐊᖅᑎᑦᑎᔨ ᐊᒻᒪ ᐊᖓᔪᖅᑳᕆᔭᐅᓪᓗᓂ ᐅᑯᓄᖓ ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᑎᒌᓄᑦ ᑐᓴᒐᒃᓴᓕᐊᑎᒍᑦ.

ᑖᓐᓇ ᒪᒃᑖᖅ ᐅᒥᐊᕐᒧᐊᖅᑕᐅᑎᓪᓗᒍ ᑖᒃᑯᐊ ᕿᑭᖅᑕᖅᔪᐊᖅᒧᑦ ᐊᐅᓪᓚᓕᒪᐅᕐᓯᒪᔪᑦ ᐊᒻᒪᓗ ᐸᓖᓯᒃᑯᑦ ᑖᔅᓱᒥᖓ ᖃᐅᔨᓵᓂᓚᐅᖅᖢᑎᒃ.

ᒪᒃᑖᖅ ᖃᖓᑕᓲᒃᑯᑦ ᕿᑭᖅᑕᖅᔪᐊᖅᒥᑦ ᐊᖏᕐᕋᖃᓄᙵᐅᑎᑕᐅᓚᐅᕐᑐᖅ ᒥᑦᑎᒪᑕᓕᒃᒧᑦ ᐋᒐᓯ 29-ᒥᑦ.

ᐅᑭᐅᕐᑕᖅᑐᕐᒥ ᐃᖃᓗᒐᓱᒃᑎᓄᑦ ᑲᑐᔾᔨᖃᑎᒌᑦ ᒪᒃᑖᑉ ᓇᔭᖏᓐᓂᒃ ᐊᒻᒪ ᐊᑦᑕᖓᓂᒃ ᐃᒡᓗᓕᖕᒥ ᒥᑦᑎᒪᑕᓕᓕᐊᖅᑎᑦᑎᓚᐅᕐᑐᑦ ᐊᖓᔪᖅᑳᖃᓃᓐᓂᐊᕐᒪ, ᐊᒻᒪᓗ ᓂᕿᖃᖅᑎᑦᑎᓪᓗᑎᒃ ᐃᑲᔪᕈᑎᒃᓴᓂᒃ ᐃᓗᕕᖅᓯᐅᕐᓂᕐᒧᑦ, ᑑᒪᓯ ᐅᖃᖅᑐᖅ.

“ᐃᓱᒪᒋᕙᕗᑦ ᑐᒃᓯᐊᕐᓂᒃᑯᓪᓗ ᐃᒪᓄᐃᑦ ᐃᓚᖏᑦ, ᐱᖃᓐᓇᖏᑦ ᐊᒻᒪ ᐃᖃᓗᒐᓱᖃᑎᒋᕙᒃᑕᖏᓐ ᒫᓐᓇᐅᔪᖅ.”

Share This Story

(0) Comments

Join the Conversation

Your email address will not be published. Required fields are marked *

*