ᒥᑦᑎᒪᑕᓕᒃᒥ ᐊᑕᐅᓯᕐᒥ ᓄᕙᒡᔪᐊᕐᓇᖅ-19ᒥ ᐋᓐᓂᐊᖃᖅᑐᖃᕐᓂᕋᐃᔪᑦ
ᕼᐋᒻᒪᓚᒃᑯᓐᓂ ᓯᕗᓪᓕᖅᐹᖅ ᐋᓐᓂᐊᖃᖅᑐᖅ ᐊᒻᒪ ᓄᓇᕗᒥᑦ ᐱᓇᓱᐊᕈᓰ ᒪᕐᕉᒃ ᐅᖓᑖᓂ ᓯᕗᓪᓕᖅᐹᖑᓪᓗᓂ
ᓄᓇᕗᒥᑦ ᒐᕙᒪᒃᑯ ᐋᓐᓂᐊᖃᖅᑕᐃᓕᓂᕐᒧᑦ ᖃᓄᐃᓕᐅᖅᑎᑦᑎᑦᑕᐃᓕᓂᕐᓴᐅᓕᕐᑐᑦ ᒥᑦᑎᒪᑕᓕᒃᒥ ᓄᕙᔅᔪᐊᕐᓇᖅ-19 ᓇᓗᓇᐃᖅᑕᐅᓚᐅᕐᓯᒪᑎᓪᓗᒍ ᓄᕕᐱᕆ 12-ᒥᑦ. (ᐊᔾᔨᙳᐊᖁᑎᒋᔭᐅᔪᖅ)
For an English version of this story, see Pond Inlet reports single COVID-19 case
ᑭᒃᑯᓕᒫᓄᑦ ᐋᓐᓂᐊᖃᖅᑕᐃᓕᑎᑦᑎᔨᒃᑯᑦ ᖃᓄᐃᓕᐅᖅᑎᑦᑎᑦᑕᐃᓕᓂᖓ ᖁᕚᕆᐊᖅᑕᐅᕗᖅ ᐊᑕᐅᓯᕐᒥ ᓄᕙᒡᔪᐊᕐᓇᖅ-19ᒥ ᐋᓐᓂᐊᖅᑖᖅᑐᖃᓚᐅᕐᑎᓪᓗᒍ ᐅᕙᓂ 1,800ᖏᓐᓂ ᐃᓄᖃᖅᑐᒥ ᕿᑭᖅᑖᓘᑉ ᐅᐊᖕᓇᖓᓃᑦᑐᓂᒃ.
ᐅᓇ ᓯᕗᓪᓕᖅᐹᖅ ᐋᓐᓂᐊᖅᑖᕆᔭᐅᓂᕋᖅᑕᐅᔪᖅ ᐊᒻᒪᓗ ᓯᕗᓪᓕᖅᐹᖑᓪᓗᓂ ᓄᓇᕗᒥ ᐋᓐᓂᐊᖃᖅᑐᓂ ᑕᐃᒪᙵᓂ ᐅᒃᑑᐱᕆ 26-ᒥ ᓴᓪᓕᕐᒥ ᐋᓂᐊᓚᐅᕐᑐᖅ ᒪᒥᓚᐅᕐᓯᒪᑎᓪᓗᒍ.
ᓄᓇᕗᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓ ᒪᐃᑯᓪ ᐹᑐᓴᓐ ᐅᖃᐅᓯᖃᓚᐅᕐᑐᖅ ᐋᓐᓂᐊᓕᖕᒥᒃ ᓄᕕᐱᕆ 12ᒥ. ᑖᓐᓇ ᐃᓄᒃ ᐃᓄᑑᓐᓇᖅᑐᒦᑎᑕᐅᓕᓚᐅᕐᑐᖅ ᐋᓐᓂᐊᖃᕐᑐᖅ ᖃᐅᔨᔭᐅᑐᐊᕋᒥ, ᐅᖃᓚᐅᕐᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯ ᑐᓴᒐᒃᓴᑎᒍᑦ.
ᐅᓇ ᐋᓐᓂᐊᖃᕐᓂᖓ ᓇᓗᓇᐃᖅᑕᐅᓚᐅᕐᑐᖅ ᓄᕕᐱᕆ 12ᒥ.
ᒐᕙᒪᒃᑯ ᐅᖃᓚᐅᙱᑦᑐᑦ ᖃᔅᓯᓂ ᐅᑭᐅᖃᕐᒪᖔ ᐊᕐᓇᐅᖕᒪᖔᓪᓘᓐᓃᑦ ᐊᖑᑎᐅᖕᒪᖔᓪᓘᓐᓃᑦ ᑖᓐᓇ ᐋᓐᓂᐊᖃᕐᓂᕋᖅᑕᐅᔪᖅ. ᐅᖃᓚᐅᙱᑦᑐᑦ ᖃᓄᖅ ᑖᓐᓇ ᐋᓐᓂᐊᖅᑖᓚᐅᕆᐊᒃᓴᖓᓂᒃ ᐅᖃᐅᓯᐅᓚᐅᙱᑦᑐᖅ.
ᐋᓐᓂᐊᖃᕐᑐᖃᓕᖅᑎᓪᓗᒍ ᒥᑦᑎᒪᑕᓕᒃᒥ ᐃᓄᒋᐊᖕᓂ ᑮᓇᑉᐸᒃᓯᒪᔭᕆᐊᖃᓕᕐᑐᑦ ᐊᒻᒪᓗ ᓯᓚᒥ ᑲᑎᖃᑎᒌᒃᑐᑦ 25 ᐅᖓᑖᓃᖁᔭᐅᙱᖢᑎᒃ, ᐃᒡᓗᖏᓐᓂᓪᓗ ᑕᓪᓕᒪᐅᔪᓐᓇᖅᖢᑎᒃ ᐃᒡᓗᖃᖅᑐᐃᓪᓗ, ᐊᒻᒪᓗ ᐃᓄᒋᐊᓕᔭᑦᑐᓂ ᐃᖃᐃᓕᓴᕐᕕᒐᓚᖕᓂ ᐊᒻᒪ ᐅᖃᓕᒫᒐᖃᕐᕕᖕᓂ ᐃᓄᖃᕆᐊᖃᖅᖢᑎᒃ 25ᓂ ᐅᖓᑖᓅᙱᑦᑐᖅ ᐅᕝᕙᓘᓐᓃᑦ ᐃᓄᖃᕈᓐᓇᕐᓂᖓᑕ 25 ᐳᓴᓐᑎᖓᓂ ᐃᓄᖃᑲᑕᑐᐃᓐᓇᕐᓗᑎᒃ.
(0) Comments