ᒪᑭᕝᕕᒃ ᐊᖓᔪᖅᑳᒃᓴᖅᒧᑦ ᓂᕈᐊᒐᒃᓴᓕᐅᖅᑎᑦᑎᑲᑕᓕᕐᑐᑦ

For English version, see Makivvik opens nominations for president

ᒪᑭᕝᕕᒃ ᑯᐊᐳᕇᓴᓐ ᓂᕈᐊᒐᒃᓴᓂ ᐱᔪᒪᔪᑦ ᓂᕈᐊᓛᕐᒪᑕ ᐊᖓᔪᖅᑳᒃᓴᖅᒥᑦ.

ᑲᑐᔾᔨᖃᑎᒌᑦ, ᐋᖅᑭᒃᑕᐅᓯᒪᔪᑦ ᑯᐸᐃᒃᒥ ᐃᓄᖕᓂ ᑭᒡᒐᑐᐃᔨᐅᓪᓗᑎᒃ ᐅᕘᓇ ᔭᐃᒻᔅ ᐸᐃ ᐊᒻᒪ ᑯᐸᐃᒃ ᐅᐊᖕᓇᖓᓄᑦ ᐊᖏᕈᑎᓂᒃ, ᑐᓴᖅᑎᑦᑎᓚᐅᕐᒪᑕ ᑎᓯᐱᕆ 4-ᒥ ᑐᓴᒐᒃᓴᓕᐅᖅᖢᑎᒃ.

ᒫᓐᓇ ᐊᖓᔪᖅᑳᕆᔭᐅᔪᖅ ᐲᑕ ᐋᑕᒥ ᐊᖓᔪᖅᑳᕆᔭᐅᔪᖅ ᐱᒋᐊᖅᖢᓂ 2021-ᒥ. 2013-ᒥ 2020-ᒧ ᐊᖓᔪᖅᑳᖑᓚᐅᕐᓯᒪᔪᖅ ᐊᒻᒪ ᐊᐅᓚᑦᑎᔨᐅᓪᓗᓂ ᐃᓄᐃᑦ ᖃᖓᑕᓲᖓᓂᒃ Air Inuit. ᓯᕗᓂᐊᒍᑦ ᐊᖓᔪᖅᑳᖑᓚᐅᕐᓯᒪᔪᖅ ᒪᑭᕝᕕᒃᑯᓐᓄᑦ 1998-ᒥ 2012-ᒧ.

ᐃᓄᐃᑦ ᓄᓇᕕᒃᒥ ᓂᕈᐊᒐᒃᓴᓕᐅᕈᑎᓂᒃ ᐱᔪᒪᔪᓐᓇᖅᑐᑦ ᒪᑭᕝᕕᒃ ᑎᑎᕋᕐᕕᖏᓐᓂᒃ ᓄᓇᖓᓃᑦᑐᓂᒃ ᐅᕝᕙᓘᓐᓃᑦ ᓄᓇᓕᕆᔨᓂᒃ ᓄᓇᖏᓐᓂ. ᐅᖃᖃᑎᖃᕈᓐᓇᕐᒥᔪᑦ ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᓂᒃ ᕖᐱ ᐱᐊᓐᓕ ᐅᕙᓂ

elections@makivvik.ca.

ᓂᕈᐊᒐᒃᓴᓕᐅᕈᑏᑦ ᓂᕈᐊᖅᑐᓕᕆᔨᒧᑦ ᓱᑲᑦᑐᒃᑯᑦ ᓇᒡᓯᐅᔾᔭᐅᔪᓐᓇᖅᑐᑦ ᐅᕗᖓ 514-745-0364 ᖃᕋᓴᐅᔭᒃᑯᓪᓘᓐᓃᑦ ᐅᕗᖓ elections@makivvik.ca.

ᑭᖑᓪᓕᖅᐹᖅ ᓂᕈᐊᒐᒃᓴᓕᐅᕈᑎᓂᒃ ᓇᒡᓯᐅᔾᔨᓐᓇᖅᑐᖅ ᔭᓄᐊᕆ 8 5:00-ᒥ ᓄᓇᓖᑦ ᖃᐅᔨᓴᐅᑎᖓᒍᑦ.

ᓄᓇᓕᓕᒫᑦ ᓂᕈᐊᖅᑎᑕᐅᓛᖅᑐᑦ ᕕᕝᕗᐊᕆ 1 10:00-ᒥ ᐅᓪᓛᒃᑯᑦ 6:00 ᐅᓐᓄᓴᒃᑯᑦ ᑎᑭᓪᓗᒍ.

ᓯᕗᓂᐊᒍᑦ ᓂᕈᐊᕐᓇᐅᑉ ᓂᕈᐊᕈᓐᓇᓛᕐᒥᔪᑦ ᔭᓄᐊᕆ 25-ᒥ 10:00-ᒥ ᐅᓪᓛᒃᑯᑦ 6:00 ᐅᓐᓄᓴᒃᑯᑦ ᑎᑭᓪᓗᒍ.

ᓂᕈᐊᕈᓐᓇᖅᑐᑦ ᓂᕈᐊᕈᓐᓇᕐᓂᐊᖅᑐᑦ ᖃᕋᓴᐅᔭᒃᑯᓪᓘᓐᓃᑦ ᓂᕈᐊᕐᕕᓕᐊᕐᓗᑎᒡᓘᓐᓃᑦ.