ᐅᓇ ᓯ ᑐᐊᕆᔅ (Chez Doris) ᐊᕐᓇᓄᑦ ᐅᐸᒡᕕᒃ ᑲᔪᓯᔪᖅ ᐃᑲᔪᑲᑕᒃᖢᑎᒃ ᐊᖏᕐᕋᖃᙱᑦᑐᓂᒃ ᐊᕐᓇᓂᒃ ᒪᓐᑐᕆᐊᒥᑦ ᓄᕙᒡᔪᐊᕐᓇᖅ-19 ᐋᓐᓂᐊᕐᓇᕐᔪᐊᖅᑕᖃᕐᓂᖓᓂᒃ. 28 ᐳᓴᓐᑎᖏᑦ ᐃᓄᐃᑦ ᑕᕝᕗᙵᖃᑦᑕᖅᑐᑦ. (ᐊᔾᔨᙳᐊᖁᑎᒋᔭᐅᔪᖅ)
ᒪᓐᑐᕆᐊᒥ ᐅᓪᓗᒃᑯᑦ ᐊᖏᕐᕋᖃᙱᑦᑐᓄᑦ ᐃᓄᖕᓂ ᐊᕐᓇᓂ ᐃᓂᖃᖅᑎᑦᑎᕗᑦ ᓄᕙᒡᔪᐊᕐᓇᖅ-19 ᐱᑕᖃᕐᓂᖓᓂ
ᐊᐅᓚᑦᑎᔨ ᑐᑭᒧᐊᖅᑎᑦᑎᔨ ᓯ ᑐᐊᕆᔅᒥ ᖁᐊᕐᓵᕐᓯᒪᕗᖅ ᐊᒃᑐᐃᓂᐅᓇᔭᖅᑐᖅ ᑖᒃᑯᓄᖓ “ᐅᐊᑲᓪᓛᓘᒐᔭᕐᒪ”
For an English version of this story, see Montreal day shelter offers lifeline to homeless Inuit women during COVID-19
ᐊᖏᕐᕋᖃᙱᑦᑐᑦ ᐃᓄᐃᑦ ᐊᕐᓇᐃ ᒪᓐᑐᕆᐊᒥ ᒪᑐᒧᖓ ᓄᕙᒡᔪᐊᕐᓇᖅ-19-ᒧᑦ ᓈᒻᒪᙱᓕᐅᕈᑎᖃᒃᑲᓐᓂᕐᓂᕐᓴᐅᓕᕐᑐᑦ, ᐅᖃᓚᐅᕐᑐᖅ ᒧᕇᓇ ᐳᓗ-ᕗᐃᓐᑕᓐ, ᐊᐅᓚᑦᑎᔨ ᑐᑭᒧᐊᖅᑎᑦᑎᔨ ᒪᓐᑐᕆᐊᒥᑦ ᐅᓪᓗᒃᑯᑦ ᐊᕐᓇᓄᑦ ᐅᐸᒡᕕᖕᒥᑦ ᓯ ᑐᐊᕆᔅ
“ᐊᕐᓇᐃ ᑕᕝᕗᙵᖃᑦᑕᖅᑐᑦ 28 ᐳᓴᓐᑎᖏ ᐃᓅᖕᒪᑕ,” ᐅᖃᖅᑐᖅ.
ᐅᓇ ᐅᐸᒡᕕᒃ ᒪᓐᑐᕆᐊᓪ ᕿᑎᐊᓃᑦᑐᖅ ᑕᐅᓐᑕᐅᙵᓂ ᐅᕙᓂ ᓵᒥᑎ ᐊᖅᑯᑎᒥ, ᐋᑦᕗᐊᑐ ᖃᓂᒋᐸᓗᒃᑕᖓᓂᒃ ᐊᒻᒪ ᑭᐸᑦ ᓯᑯᐃᐊ, ᑲᑎᕝᕕᐅᕙᒃᑐᖅ ᐃᓄᖕᓄᑦ.
ᑕᐃᒪᙵᑦ ᒫᑦᓯ 17-ᒥ, ᓯ ᑐᐊᕆᔅ ᐊᖏᕐᕋᖃᙱᑦᑐᓂᒃ ᐱᔨᑦᑎᕋᑲᑕᒃᑐᑦ, ᐊᒻᒪᓗ ᐅᖓᓯᒌᕌᕐᔪᑲᑕᑦᑎᑦᑎᒐᓱᖕᓂᕐᒧᑦ ᐊᕐᓇᐃᑦ ᐃᓯᕈᓐᓇᖅᑐᑦ 40-ᐅᓕᓚᐅᕐᑐᑦ 100-ᓂᒃ.
ᑖᒃᑯᓇᙵᑦ 40-ᓂ, ᒫᓃ 12 ᐃᓅᕙᒃᖢᑎᒃ, ᐴᓗ-ᕗᐃᓐᑕᓐ ᐅᖃᓚᐅᕐᑐᖅ.
ᑭᓯᐊᓂᓕ ᐅᐸᒡᕕᖕᒧᐊᖃᑦᑕᖅᑐᑦ ᐱᔭᕆᐊᖃᖅᑕᖏᑦ ᐊᖏᔫᖕᒪᑕ.
ᖃᖓᑦᑎᐊᓵᖅ, ᐊᕐᓇᐃᑦ ᖁᓖᑦ ᐅᐸᒡᕕᖕᒧᐊᖅᑐᑦ ᐅᖃᓚᐅᕐᑐᑦ ᐊᖅᑯᑎᒥ ᓯᓂᓚᐅᕐᓂᕋᖅᖢᑎᒃ ᐊᒻᒪᓗ ᓯᓂᖕᓂᐊᕐᓂᕋᖅᖢᑎᒃ ᑕᐃᒪᓐᓇ ᐅᓐᓅᔪᖅ.
ᐊᒥᓱᓄ ᐊᖏᕐᕋᖃᙱᑦᑐᓄᑦ ᐊᕐᓇᓄᑦ, ᐅᓐᓄᒃᑯᑦ ᐅᐸᒡᕕᐅᔪᓐᓇᖅᑐᑦ ᐆᑐᓇᖅ ᓄᓇᖃᖅᑳᖅᑐᑦ ᐊᕐᓇᐃᑦ ᐅᐸᒡᕕᖓ ᑕᑕᓯᒪᑦᑎᐊᕐᒪᑕ ᐅᕝᕙᓘᓐᓃᑦ ᒪᑐᓚᐅᕐᖢᑎᒃ ᐆᑐᓇ ᕈᐃᐅᓪ ᕕᒃᑑᕆᐊ ᐋᓐᓂᐊᕕᒃ, ᑖᓐᓇᓕ ᐊᖏᕐᕋᖃᙱᑦᑐᓄᑦ ᐃᓄᑑᕝᕕᖕᒦᕝᕕᐅᓂᐊᖅᖢᓂ.
ᑕᐃᒪᙵᓂᑦ ᒫᑦᓯ 29-ᖑᓚᐅᕐᑐᒥᑦ, ᑯᐸᐃᒃ 2,840-ᓂ ᓄᕙᒡᔪᐊᕐᓇᖅ-19-ᒥᑦ (COVID-19) ᐋᓐᓂᐊᖃᖅᑐᖃᓚᐅᕐᑐᖅ ᑖᒃᑯᓇᙵᓪᓗ 1,361 ᒪᓐᑐᕆᐊᒦᖢᑎᒃ.
“ᒪᓐᑐᕆᐊᒥ ᖃᐅᔨᓇᓱᒃᑐᑦ ᖃᓄᖅ ᐋᖅᑭᒃᓱᐃᓂᐊᕆᐊᒃᓴᖏᓐᓂᒃ,” ᐴᓗ-ᕗᐃᓐᑕᓐ ᐅᖃᓚᐅᕐᑐᖅ. “ᐅᓇ ᐸᕐᓇᒃᓯᒪᓂᕐᒨᖓᓇᓱᒃᑐᖅ ᐱᓗᐊᓕᕋᔭᕐᓂᕐᒧᑦ.”
ᑭᓯᐊᓂᓕ ᑕᒪᒃᑯᓄᖓ ᐊᖏᕐᕋᖃᙱᑦᑐᓄᑦ ᐊᕐᓇᓄᑦ ᑕᒪᓐᓇ “ᐅᐊᑲᓪᓚᓗᐊᖑᓂᐊᕐᑐᖅ” ᓲᖃᐃᒻᒪ ᐅᓄᕐᑐᑦ ᐋᓐᓂᐊᖃᖅᑕᐃᓕᓂᕐᒥ ᓴᐳᒻᒥᔾᔪᑎᖃᓗᐊᙱᒻᒪᑕ ᐊᒻᒪ ᐅᓗᕆᐊᓇᖅᑐᓂᒃ ᐊᒃᑐᖅᑕᐅᑐᐃᓐᓇᕆᐊᖃᖅᖢᑎᒃ, ᐅᖃᖅᑐᖅ.
ᖃᐅᔨᒪᓇᓱᖕᓂᖅ ᓄᕙᒡᔪᐊᕐᓇᖅ-19-ᒥᑦ ᓴᐳᔾᔨᓯᒪᓂᕐᒥ ᐊᒻᒪ ᐅᖓᓯᒃᓴᑲᑕᒋᐊᖃᕐᓂᖅ ᑖᒃᑯᓄᖓ ᐊᔪᕐᓇᕐᓂᕐᓴᐅᖕᒪ ᐊᒻᒪ ᐅᓄᕐᑐᑦ ᐃᓄᐃᑦ ᐊᕐᓇᐃᑦ ᐅᐸᖃᑦᑕᖅᑐᑦ ᓯ ᑐᐊᕆᔅᒧᑦ ᓈᒻᒪᙱᓕᐅᕈᑎᖃᖅᖢᑎᒃ ᑎᒥᒥᒍᑦ.
“ᐊᑕᐅᓯ ᖁᐃᕕᖃᖅᖢᓂ ᐊᒻᒪ ᐊᖏᕐᕋᖃᙱᖢᓂ. ᒪᕐᕉᒃ ᐊᒥᕐᓗᒃᑑᒃ (scabies), ᑕᒪᓐᓇᓗ ᐊᐃᑦᑐᕐᓯᓴᕋᐃᖢᓂ. ᐊᓯᒃᑲᓐᓂᖓ ᐃᒡᓕᐅᑉ ᑯᒪᖏᓐᓂ ᐱᓱᑲᑕᒃᑐᖃᐅᕐᑐᖅ ᐃᒻᒥᒍ, ᑕᐃᒪᓕ ᓈᒻᒪᙱᓕᐅᕈᑎᖃᕆᓪᓗᓯ ᐊᓯᖏᓐᓂᒃ. ᐃᓚᖏᑦ ᐳᕙᒡᓗᒃᑐᑦ ᓄᖃᖓᔪᒥ ᐊᒻᒪ ᐃᓚᖏᑦ ᐳᕝᕕᖏᑦᑎᒍᑦ ᓈᒻᒪᙱᓕᐅᕈᑎᓖᑦ. ᐃᓚᖏᑦ ᐋᓐᓂᐊᖃᐃᓐᓇᖅᑐᑦ, ᐃᓚᖏᑦ ᐋᓐᓂᐊᖃᓕᓵᖅᑐᑦ,” ᐴᓗ-ᕗᐃᓐᑕᓐ ᐅᖃᓚᐅᕐᑐᖅ.
ᐅᓇ ᓄᕙᒡᔪᐊᕐᓇᖅ-19 ᐋᓐᓂᐊᕐᓇᐅᑎᓪᓗᒍ, ᐅᐸᒡᕕᐅᑉ ᐱᔨᑦᑎᕋᐅᑎᖏᑦ ᓇᑲᑕᐅᓄᓯᒪᓕᕐᑐᑦ ᐃᒪᓐᓇ ᐅᓪᓛᕈᒻᒥᑕᖅᑎᑦᑎᓪᓗᑎᒃ ᐊᒻᒪ ᐅᓪᓗᕈᒻᒥᑕᖅ, ᐃᓄᓕᕆᔨᓂᒃ ᐊᐅᓚᑦᑎᔨᓂᒡᓗ ᐊᑐᐃᓐᓇᖃᖅᑎᑦᑎᓪᓗᑎᒃ, ᐊᒻᒪᓗ ᐱᔭᐅᔭᕆᐊᓕᖕᓂ ᑖᒃᑯᓇᙵ ᐊᑐᖅᑕᐅᖃᑦᑕᕆᐊᓕᖕᓂᒃ, ᒪᑯᑎᑐᓇ ᐃᒡᓕᕐᓂ ᑕᖃᐃᕐᓯᕐᕕᒃᓴᓂᒃ, ᐊᓐᓄᕌᓂᒃ, ᐅᕕᓂᖕᓂᐊᕐᕕᖕᓂᒃ ᐅᕝᕙᓘᓐᓃᑦ ᐅᐊᓴᕈᑎᒃᓴᒐᓚᖕᓄᑦ.
ᓴᐃ ᑐᐊᕋᔅ ᓄᖅᑲᖅᑎᑦᑎᓚᐅᕐᒥᔪᖅ ᐱᙳᕐᓇᕈᔪᖕᓂᒃ. ᓴᓇᙳᐊᒐᓕᕐᕕᐅᔪᑦ ᒫᓐᓇ ᓈᒻᒪᙱᓕᐅᕈᑎᓕᖕᓄᑦ ᑕᖃᓯᒪᓗᐊᖅᑐᓄᓪᓗ ᐃᓂᒋᔭᐅᓕᖅᖢᑎᒃ.
ᓯ ᑐᐊᕋᔅ ᐱᓕᕆᐊᒃᓴᖃᕈᒪᔪᓂᒃ ᑐᓂᓯᕙᒃᖢᑎᒃ ᑕᕐᓴᒃᓱᒐᒃᓴᓂᒃ ᐅᖃᓕᒫᒐᕐᓂᒃ ᐊᒻᒪ ᑕᕐᓴᒃᓲᑎᓂᒃ ᑎᑎᕋᐅᑎᓂᒃ, ᐊᒻᒪᓗ ᑎᑎᕋᒐᒃᓴᓂᒃ (crossword puzzles).
ᐳᓗ-ᕗᐃᓐᑕᓐ ᐅᖃᓚᐅᕐᑐᖅ ᓯ ᑐᐊᕋᔅ ᐱᖃᑦᑕᕐᓂᕋᖅᖢᓂᒋᑦ—ᐊᒻᒪ ᐱᔭᕆᐊᖃᕐᓂᕋᖅᖢᓂᒋᑦ—ᖃᕋᓴᐅᔭᒃᑯᑦ ᐃᑲᔫᑎᒃᓴᓂᒃ.
ᖃᕋᓴᐅᔭᒃᑯᑦ ᐃᑲᔫᑎᑖᖅᑎᑦᑎᓂᖅ ᐊᒻᒪ ᓂᐅᕕᖅᑕᐅᓂᑯᑦ ᑐᓂᔭᐅᔪᑦ ᓯ ᑐᐊᕋᔅᒧ ᐅᕙᓂ 1430 ᓴᒥᑎ ᐊᖅᑯᑎᒥ ᐅᐸᒡᕕᒃᒥᑦ ᐱᑖᖅᑎᑦᑎᒍᑎᐅᓇᔭᕐᑐᑦ ᐃᓯᒐᐅᔭᓂᒃ (ᐊᖏᓂᓖᑦ 8 ᖁᓛᓄᑦᓱ, ᓄᑖᓂᒃ ᖃᒡᓕᖕᓂᒃ ᐊᖏᓕᕇᒃᑐᓂᒃ, ᐱᔭᐅᓯᒪᔭᕆᐊᓕᖕᓂᒃ, ᑕᕐᓴᒃᓱᒐᒃᓴᓂᒃ ᐅᖃᓕᒫᒐᕐᓂᒃ ᐊᒻᒪ ᑎᑎᕋᕐᕕᒃᓴᓂᒃ ᒪᑯᓂᖓ ᓱᑑᑯ ᐊᒻᒪ ᑯᕌᔅᕘᑦ ᐸᔪᔅ.
ᓯ ᑐᐊᕋᔅ ᐱᔭᕆᐊᖃᕐᒥᔪᑦ ᒪᑐᐃᕐᓯᒪᙱᑦᑐᓂᒃ, ᓱᓕ ᐊᑐᕐᕕᓕᖕᓂᒃ ᐊᒡᒐᓄᑦ ᓴᓗᒻᒪᕐᓴᐅᑎᓂᒃ, ᐅᐊᓴᕐᕕᒃᓴᖃᙱᓐᓂᖓᓄᑦ ᐃᓯᕆᐊᕐᕕᐊᓂᒃ ᐅᐸᒡᕕᐅᑉ. ᐊᒻᒪᓗ ᑐᓂᔭᐅᑲᑕᒍᒪᖕᒥᔪᑦ ᖃᓂᕐᒧᑦ ᒪᑐᐊᒃᓴᓂᒃ ᓄᕙᒃᑐᓄᑦ ᖁᐃᕐᓱᑲᑕᒃᑐᓄᓪᓗ.
ᐅᐸᒡᕕᒃ ᓴᓗᒪᑎᑕᐅᓇᓱᒃᖢᓂ ᐊᒻᒪ ᐊᐃᑦᑐᖅᑎᑦᑎᑦᑕᐃᓕᒐᓱᖕᓂᕐᒥᒃ ᓄᕙᒡᔪᐊᕐᓇᖅ-19-ᒥᑦ, ᓯ ᑐᐊᕋᔅ ᓴᓗᒻᒪᕐᓴᐃᔨᓂᒃ ᐱᓕᕆᑎᑦᑎᒃᑲᓐᓂᖅᑐᑦ, ᑖᒃᑯᐊᓗ ᐊᑭᖃᖅᖢᑎᒃ $1,400 ᐅᖓᑖᓂ ᐱᓇᓱᐊᕈᓯᕐᒥ. ᐅᓐᓄᒃᑯᑦ, ᑕᒪᐃᓐᓂ ᐊᒃᑐᖅᑕᐅᒐᓱᒃᐸᒃᑐᑦ ᓴᓗᒻᒪᕐᓴᖅᑕᐅᕙᒃᑐ ᔮᕕᒃᓯᓕᖕᒧᑦ ᐃᒪᕐᒧᑦ.
ᑕᐃᒪᐃᑎᓪᓗᒋᑦ, ᑕᒪᒃᑯᐊ ᐱᔨᑦᑎᕋᖅᑕᐅᔪᑦ ᐅᐸᒡᕕᖃᖅᐸᒃᑐᑦ ᐊᑐᖃᑦᑕᕈᓐᓃᖅᑐᑦ ᐅᓪᓗᒃᑯᑦ ᐅᐸᒡᕕᒃᒥᑦ ᐊᒻᒪ ᓈᒻᒪᙱᓕᐅᕈᑎᖃᕐᒥᖕᒪᑕ: ᐊᔪᕐᓴᖅᑐᑦ ᐊᒻᒪ ᑕᓚᕖᓴᖃᙱᑦᑐᑦ, ᖃᕋᓴᐅᔭᒧᑦ ᐊᑦᑕᑕᐅᑎᖃᙱᑦᑐᑦ, ᐅᖄᓚᐅᑎᖃᙱᑦᑐᑦ ᐅᕝᕙᓘᓐᓃᑦ ᑭᐱᙳᐃᔭᐅᑎᖃᙱᑦᑐᑦ “ᓴᐱᓕᕐᓯᒪᖅᑰᔨᔪᑦ” ᓲᖃᐃᒻᒪ ᐃᓄᑑᑦᑎᐊᕐᒪᑕ, ᐴᓗ-ᕗᐃᓐᑕᓐ ᐅᖃᖅᑐᖅ.
ᐃᓚᖏᑦ ᓂᕿᖃᕈᓐᓃᓕᕐᑐᑦ, ᑕᐃᒪᓕ ᓯ ᑐᐊᕋᔅᒥ ᐃᖅᑲᓇᐃᔭᖅᑎᐅᔪᑦ ᓂᕿᒃᓴᖏᓐᓂ ᐊᒡᔭᖅᑐᐃᑲᑕᒃᑐᑦ. ᓇᑉᐸᓪᓗᐊᖏᑦ ᐊᒡᔭᖅᑐᖅᑕᐅᔪᑦ ᐃᓄᖕᓅᖓᓚᐅᕐᑐᑦ, ᐴᓗ-ᕗᐃᓐᑕᓐ ᐅᖃᓚᐅᕐᑐᖅ.
ᑕᒪᐃᑎᒍᓪᓕ, ᐃᓱᒪᒃᑯᑦ ᐊᒃᓱᕈᕈᓘᔭᕐᓇᖅᑐᖅ ᑕᒪᐃᓐᓄᑦ ᓯ ᑐᐊᕋᔅᒥ, ᐅᖃᖅᑐᖅ, ᐅᐸᒍᓐᓇᖅᑎᑦᑎᒐᓗᐊᖅᑎᓪᓗᒋᑦ ᐅᓄᙱᓐᓂᕐᓴᓂᒃ ᐊᕐᓇᓂᒃ ᐅᓪᓗᒃᑯᑦ.
“ᐅᓄᙱᓐᓂᕐᓴᐅᒐᓗᐊᑦ ᐊᕐᓇᐃᑦ, ᑭᓯᐊᓂᓕ ᐊᔾᔨᒌᙱᑦᑑᑎᒻᒪᕆᐅᖕᒪᑕ,” ᐴᓗ-ᕗᐃᓐᑕᓐ ᐅᖃᖅᑐᖅ. “ᐃᓱᒪᖏᑦᑎᒍᑦ ᐊᒃᓱᕈᓗᐊᓕᕐᒪᑕ. ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᓱᒫᓘᑎᖃᕆᓪᓗᑎᒃ ᐃᓚᖏᓐᓂᒃ ᐊᐃᑦᑐᖅᓯᒐᔭᕆᐊᒃᓴᖏᓐᓂᒃ ᓄᕙᒡᔪᐊᕐᓇᖅ-19-ᒥᑦ.”
ᐊᖏᕐᕋᖃᙱᑦᑐᑦ ᐃᓄᐃᑦ ᐊᕐᓇᐃ ᒪᓐᑐᕆᐊᒥ ᒪᑐᒧᖓ ᓄᕙᒡᔪᐊᕐᓇᖅ-19-ᒧᑦ ᓈᒻᒪᙱᓕᐅᕈᑎᖃᒃᑲᓐᓂᕐᓂᕐᓴᐅᓕᕐᑐᑦ, ᐅᖃᓚᐅᕐᑐᖅ ᒧᕇᓇ ᐳᓗ-ᕗᐃᓐᑕᓐ, ᐊᐅᓚᑦᑎᔨ ᑐᑭᒧᐊᖅᑎᑦᑎᔨ ᒪᓐᑐᕆᐊᒥᑦ ᐅᓪᓗᒃᑯᑦ ᐊᕐᓇᓄᑦ ᐅᐸᒡᕕᖕᒥᑦ ᓯ ᑐᐊᕆᔅ
“ᐊᕐᓇᐃ ᑕᕝᕗᙵᖃᑦᑕᖅᑐᑦ 28 ᐳᓴᓐᑎᖏ ᐃᓅᖕᒪᑕ,” ᐅᖃᖅᑐᖅ.
ᐅᓇ ᐅᐸᒡᕕᒃ ᒪᓐᑐᕆᐊᓪ ᕿᑎᐊᓃᑦᑐᖅ ᑕᐅᓐᑕᐅᙵᓂ ᐅᕙᓂ ᓵᒥᑎ ᐊᖅᑯᑎᒥ, ᐋᑦᕗᐊᑐ ᖃᓂᒋᐸᓗᒃᑕᖓᓂᒃ ᐊᒻᒪ ᑭᐸᑦ ᓯᑯᐃᐊ, ᑲᑎᕝᕕᐅᕙᒃᑐᖅ ᐃᓄᖕᓄᑦ.
ᑕᐃᒪᙵᑦ ᒫᑦᓯ 17-ᒥ, ᓯ ᑐᐊᕆᔅ ᐊᖏᕐᕋᖃᙱᑦᑐᓂᒃ ᐱᔨᑦᑎᕋᑲᑕᒃᑐᑦ, ᐊᒻᒪᓗ ᐅᖓᓯᒌᕌᕐᔪᑲᑕᑦᑎᑦᑎᒐᓱᖕᓂᕐᒧᑦ ᐊᕐᓇᐃᑦ ᐃᓯᕈᓐᓇᖅᑐᑦ 40-ᐅᓕᓚᐅᕐᑐᑦ 100-ᓂᒃ.
ᑖᒃᑯᓇᙵᑦ 40-ᓂ, ᒫᓃ 12 ᐃᓅᕙᒃᖢᑎᒃ, ᐴᓗ-ᕗᐃᓐᑕᓐ ᐅᖃᓚᐅᕐᑐᖅ.
ᑭᓯᐊᓂᓕ ᐅᐸᒡᕕᖕᒧᐊᖃᑦᑕᖅᑐᑦ ᐱᔭᕆᐊᖃᖅᑕᖏᑦ ᐊᖏᔫᖕᒪᑕ.
ᖃᖓᑦᑎᐊᓵᖅ, ᐊᕐᓇᐃᑦ ᖁᓖᑦ ᐅᐸᒡᕕᖕᒧᐊᖅᑐᑦ ᐅᖃᓚᐅᕐᑐᑦ ᐊᖅᑯᑎᒥ ᓯᓂᓚᐅᕐᓂᕋᖅᖢᑎᒃ ᐊᒻᒪᓗ ᓯᓂᖕᓂᐊᕐᓂᕋᖅᖢᑎᒃ ᑕᐃᒪᓐᓇ ᐅᓐᓅᔪᖅ.
ᐊᒥᓱᓄ ᐊᖏᕐᕋᖃᙱᑦᑐᓄᑦ ᐊᕐᓇᓄᑦ, ᐅᓐᓄᒃᑯᑦ ᐅᐸᒡᕕᐅᔪᓐᓇᖅᑐᑦ ᐆᑐᓇᖅ ᓄᓇᖃᖅᑳᖅᑐᑦ ᐊᕐᓇᐃᑦ ᐅᐸᒡᕕᖓ ᑕᑕᓯᒪᑦᑎᐊᕐᒪᑕ ᐅᕝᕙᓘᓐᓃᑦ ᒪᑐᓚᐅᕐᖢᑎᒃ ᐆᑐᓇ ᕈᐃᐅᓪ ᕕᒃᑑᕆᐊ ᐋᓐᓂᐊᕕᒃ, ᑖᓐᓇᓕ ᐊᖏᕐᕋᖃᙱᑦᑐᓄᑦ ᐃᓄᑑᕝᕕᖕᒦᕝᕕᐅᓂᐊᖅᖢᓂ.
ᑕᐃᒪᙵᓂᑦ ᒫᑦᓯ 29-ᖑᓚᐅᕐᑐᒥᑦ, ᑯᐸᐃᒃ 2,840-ᓂ ᓄᕙᒡᔪᐊᕐᓇᖅ-19-ᒥᑦ (COVID-19) ᐋᓐᓂᐊᖃᖅᑐᖃᓚᐅᕐᑐᖅ ᑖᒃᑯᓇᙵᓪᓗ 1,361 ᒪᓐᑐᕆᐊᒦᖢᑎᒃ.
“ᒪᓐᑐᕆᐊᒥ ᖃᐅᔨᓇᓱᒃᑐᑦ ᖃᓄᖅ ᐋᖅᑭᒃᓱᐃᓂᐊᕆᐊᒃᓴᖏᓐᓂᒃ,” ᐴᓗ-ᕗᐃᓐᑕᓐ ᐅᖃᓚᐅᕐᑐᖅ. “ᐅᓇ ᐸᕐᓇᒃᓯᒪᓂᕐᒨᖓᓇᓱᒃᑐᖅ ᐱᓗᐊᓕᕋᔭᕐᓂᕐᒧᑦ.”
ᑭᓯᐊᓂᓕ ᑕᒪᒃᑯᓄᖓ ᐊᖏᕐᕋᖃᙱᑦᑐᓄᑦ ᐊᕐᓇᓄᑦ ᑕᒪᓐᓇ “ᐅᐊᑲᓪᓚᓗᐊᖑᓂᐊᕐᑐᖅ” ᓲᖃᐃᒻᒪ ᐅᓄᕐᑐᑦ ᐋᓐᓂᐊᖃᖅᑕᐃᓕᓂᕐᒥ ᓴᐳᒻᒥᔾᔪᑎᖃᓗᐊᙱᒻᒪᑕ ᐊᒻᒪ ᐅᓗᕆᐊᓇᖅᑐᓂᒃ ᐊᒃᑐᖅᑕᐅᑐᐃᓐᓇᕆᐊᖃᖅᖢᑎᒃ, ᐅᖃᖅᑐᖅ.
ᖃᐅᔨᒪᓇᓱᖕᓂᖅ ᓄᕙᒡᔪᐊᕐᓇᖅ-19-ᒥᑦ ᓴᐳᔾᔨᓯᒪᓂᕐᒥ ᐊᒻᒪ ᐅᖓᓯᒃᓴᑲᑕᒋᐊᖃᕐᓂᖅ ᑖᒃᑯᓄᖓ ᐊᔪᕐᓇᕐᓂᕐᓴᐅᖕᒪ ᐊᒻᒪ ᐅᓄᕐᑐᑦ ᐃᓄᐃᑦ ᐊᕐᓇᐃᑦ ᐅᐸᖃᑦᑕᖅᑐᑦ ᓯ ᑐᐊᕆᔅᒧᑦ ᓈᒻᒪᙱᓕᐅᕈᑎᖃᖅᖢᑎᒃ ᑎᒥᒥᒍᑦ.
“ᐊᑕᐅᓯ ᖁᐃᕕᖃᖅᖢᓂ ᐊᒻᒪ ᐊᖏᕐᕋᖃᙱᖢᓂ. ᒪᕐᕉᒃ ᐊᒥᕐᓗᒃᑑᒃ (scabies), ᑕᒪᓐᓇᓗ ᐊᐃᑦᑐᕐᓯᓴᕋᐃᖢᓂ. ᐊᓯᒃᑲᓐᓂᖓ ᐃᒡᓕᐅᑉ ᑯᒪᖏᓐᓂ ᐱᓱᑲᑕᒃᑐᖃᐅᕐᑐᖅ ᐃᒻᒥᒍ, ᑕᐃᒪᓕ ᓈᒻᒪᙱᓕᐅᕈᑎᖃᕆᓪᓗᓯ ᐊᓯᖏᓐᓂᒃ. ᐃᓚᖏᑦ ᐳᕙᒡᓗᒃᑐᑦ ᓄᖃᖓᔪᒥ ᐊᒻᒪ ᐃᓚᖏᑦ ᐳᕝᕕᖏᑦᑎᒍᑦ ᓈᒻᒪᙱᓕᐅᕈᑎᓖᑦ. ᐃᓚᖏᑦ ᐋᓐᓂᐊᖃᐃᓐᓇᖅᑐᑦ, ᐃᓚᖏᑦ ᐋᓐᓂᐊᖃᓕᓵᖅᑐᑦ,” ᐴᓗ-ᕗᐃᓐᑕᓐ ᐅᖃᓚᐅᕐᑐᖅ.
ᐅᓇ ᓄᕙᒡᔪᐊᕐᓇᖅ-19 ᐋᓐᓂᐊᕐᓇᐅᑎᓪᓗᒍ, ᐅᐸᒡᕕᐅᑉ ᐱᔨᑦᑎᕋᐅᑎᖏᑦ ᓇᑲᑕᐅᓄᓯᒪᓕᕐᑐᑦ ᐃᒪᓐᓇ ᐅᓪᓛᕈᒻᒥᑕᖅᑎᑦᑎᓪᓗᑎᒃ ᐊᒻᒪ ᐅᓪᓗᕈᒻᒥᑕᖅ, ᐃᓄᓕᕆᔨᓂᒃ ᐊᐅᓚᑦᑎᔨᓂᒡᓗ ᐊᑐᐃᓐᓇᖃᖅᑎᑦᑎᓪᓗᑎᒃ, ᐊᒻᒪᓗ ᐱᔭᐅᔭᕆᐊᓕᖕᓂ ᑖᒃᑯᓇᙵ ᐊᑐᖅᑕᐅᖃᑦᑕᕆᐊᓕᖕᓂᒃ, ᒪᑯᑎᑐᓇ ᐃᒡᓕᕐᓂ ᑕᖃᐃᕐᓯᕐᕕᒃᓴᓂᒃ, ᐊᓐᓄᕌᓂᒃ, ᐅᕕᓂᖕᓂᐊᕐᕕᖕᓂᒃ ᐅᕝᕙᓘᓐᓃᑦ ᐅᐊᓴᕈᑎᒃᓴᒐᓚᖕᓄᑦ.
ᓴᐃ ᑐᐊᕋᔅ ᓄᖅᑲᖅᑎᑦᑎᓚᐅᕐᒥᔪᖅ ᐱᙳᕐᓇᕈᔪᖕᓂᒃ. ᓴᓇᙳᐊᒐᓕᕐᕕᐅᔪᑦ ᒫᓐᓇ ᓈᒻᒪᙱᓕᐅᕈᑎᓕᖕᓄᑦ ᑕᖃᓯᒪᓗᐊᖅᑐᓄᓪᓗ ᐃᓂᒋᔭᐅᓕᖅᖢᑎᒃ.
ᓯ ᑐᐊᕋᔅ ᐱᓕᕆᐊᒃᓴᖃᕈᒪᔪᓂᒃ ᑐᓂᓯᕙᒃᖢᑎᒃ ᑕᕐᓴᒃᓱᒐᒃᓴᓂᒃ ᐅᖃᓕᒫᒐᕐᓂᒃ ᐊᒻᒪ ᑕᕐᓴᒃᓲᑎᓂᒃ ᑎᑎᕋᐅᑎᓂᒃ, ᐊᒻᒪᓗ ᑎᑎᕋᒐᒃᓴᓂᒃ (crossword puzzles).
ᐳᓗ-ᕗᐃᓐᑕᓐ ᐅᖃᓚᐅᕐᑐᖅ ᓯ ᑐᐊᕋᔅ ᐱᖃᑦᑕᕐᓂᕋᖅᖢᓂᒋᑦ—ᐊᒻᒪ ᐱᔭᕆᐊᖃᕐᓂᕋᖅᖢᓂᒋᑦ—ᖃᕋᓴᐅᔭᒃᑯᑦ ᐃᑲᔫᑎᒃᓴᓂᒃ.
ᖃᕋᓴᐅᔭᒃᑯᑦ ᐃᑲᔫᑎᑖᖅᑎᑦᑎᓂᖅ ᐊᒻᒪ ᓂᐅᕕᖅᑕᐅᓂᑯᑦ ᑐᓂᔭᐅᔪᑦ ᓯ ᑐᐊᕋᔅᒧ ᐅᕙᓂ 1430 ᓴᒥᑎ ᐊᖅᑯᑎᒥ ᐅᐸᒡᕕᒃᒥᑦ ᐱᑖᖅᑎᑦᑎᒍᑎᐅᓇᔭᕐᑐᑦ ᐃᓯᒐᐅᔭᓂᒃ (ᐊᖏᓂᓖᑦ 8 ᖁᓛᓄᑦᓱ, ᓄᑖᓂᒃ ᖃᒡᓕᖕᓂᒃ ᐊᖏᓕᕇᒃᑐᓂᒃ, ᐱᔭᐅᓯᒪᔭᕆᐊᓕᖕᓂᒃ, ᑕᕐᓴᒃᓱᒐᒃᓴᓂᒃ ᐅᖃᓕᒫᒐᕐᓂᒃ ᐊᒻᒪ ᑎᑎᕋᕐᕕᒃᓴᓂᒃ ᒪᑯᓂᖓ ᓱᑑᑯ ᐊᒻᒪ ᑯᕌᔅᕘᑦ ᐸᔪᔅ.
ᓯ ᑐᐊᕋᔅ ᐱᔭᕆᐊᖃᕐᒥᔪᑦ ᒪᑐᐃᕐᓯᒪᙱᑦᑐᓂᒃ, ᓱᓕ ᐊᑐᕐᕕᓕᖕᓂᒃ ᐊᒡᒐᓄᑦ ᓴᓗᒻᒪᕐᓴᐅᑎᓂᒃ, ᐅᐊᓴᕐᕕᒃᓴᖃᙱᓐᓂᖓᓄᑦ ᐃᓯᕆᐊᕐᕕᐊᓂᒃ ᐅᐸᒡᕕᐅᑉ. ᐊᒻᒪᓗ ᑐᓂᔭᐅᑲᑕᒍᒪᖕᒥᔪᑦ ᖃᓂᕐᒧᑦ ᒪᑐᐊᒃᓴᓂᒃ ᓄᕙᒃᑐᓄᑦ ᖁᐃᕐᓱᑲᑕᒃᑐᓄᓪᓗ.
ᐅᐸᒡᕕᒃ ᓴᓗᒪᑎᑕᐅᓇᓱᒃᖢᓂ ᐊᒻᒪ ᐊᐃᑦᑐᖅᑎᑦᑎᑦᑕᐃᓕᒐᓱᖕᓂᕐᒥᒃ ᓄᕙᒡᔪᐊᕐᓇᖅ-19-ᒥᑦ, ᓯ ᑐᐊᕋᔅ ᓴᓗᒻᒪᕐᓴᐃᔨᓂᒃ ᐱᓕᕆᑎᑦᑎᒃᑲᓐᓂᖅᑐᑦ, ᑖᒃᑯᐊᓗ ᐊᑭᖃᖅᖢᑎᒃ $1,400 ᐅᖓᑖᓂ ᐱᓇᓱᐊᕈᓯᕐᒥ. ᐅᓐᓄᒃᑯᑦ, ᑕᒪᐃᓐᓂ ᐊᒃᑐᖅᑕᐅᒐᓱᒃᐸᒃᑐᑦ ᓴᓗᒻᒪᕐᓴᖅᑕᐅᕙᒃᑐ ᔮᕕᒃᓯᓕᖕᒧᑦ ᐃᒪᕐᒧᑦ.
ᑕᐃᒪᐃᑎᓪᓗᒋᑦ, ᑕᒪᒃᑯᐊ ᐱᔨᑦᑎᕋᖅᑕᐅᔪᑦ ᐅᐸᒡᕕᖃᖅᐸᒃᑐᑦ ᐊᑐᖃᑦᑕᕈᓐᓃᖅᑐᑦ ᐅᓪᓗᒃᑯᑦ ᐅᐸᒡᕕᒃᒥᑦ ᐊᒻᒪ ᓈᒻᒪᙱᓕᐅᕈᑎᖃᕐᒥᖕᒪᑕ: ᐊᔪᕐᓴᖅᑐᑦ ᐊᒻᒪ ᑕᓚᕖᓴᖃᙱᑦᑐᑦ, ᖃᕋᓴᐅᔭᒧᑦ ᐊᑦᑕᑕᐅᑎᖃᙱᑦᑐᑦ, ᐅᖄᓚᐅᑎᖃᙱᑦᑐᑦ ᐅᕝᕙᓘᓐᓃᑦ ᑭᐱᙳᐃᔭᐅᑎᖃᙱᑦᑐᑦ “ᓴᐱᓕᕐᓯᒪᖅᑰᔨᔪᑦ” ᓲᖃᐃᒻᒪ ᐃᓄᑑᑦᑎᐊᕐᒪᑕ, ᐴᓗ-ᕗᐃᓐᑕᓐ ᐅᖃᖅᑐᖅ.
ᐃᓚᖏᑦ ᓂᕿᖃᕈᓐᓃᓕᕐᑐᑦ, ᑕᐃᒪᓕ ᓯ ᑐᐊᕋᔅᒥ ᐃᖅᑲᓇᐃᔭᖅᑎᐅᔪᑦ ᓂᕿᒃᓴᖏᓐᓂ ᐊᒡᔭᖅᑐᐃᑲᑕᒃᑐᑦ. ᓇᑉᐸᓪᓗᐊᖏᑦ ᐊᒡᔭᖅᑐᖅᑕᐅᔪᑦ ᐃᓄᖕᓅᖓᓚᐅᕐᑐᑦ, ᐴᓗ-ᕗᐃᓐᑕᓐ ᐅᖃᓚᐅᕐᑐᖅ.
ᑕᒪᐃᑎᒍᓪᓕ, ᐃᓱᒪᒃᑯᑦ ᐊᒃᓱᕈᕈᓘᔭᕐᓇᖅᑐᖅ ᑕᒪᐃᓐᓄᑦ ᓯ ᑐᐊᕋᔅᒥ, ᐅᖃᖅᑐᖅ, ᐅᐸᒍᓐᓇᖅᑎᑦᑎᒐᓗᐊᖅᑎᓪᓗᒋᑦ ᐅᓄᙱᓐᓂᕐᓴᓂᒃ ᐊᕐᓇᓂᒃ ᐅᓪᓗᒃᑯᑦ.
“ᐅᓄᙱᓐᓂᕐᓴᐅᒐᓗᐊᑦ ᐊᕐᓇᐃᑦ, ᑭᓯᐊᓂᓕ ᐊᔾᔨᒌᙱᑦᑑᑎᒻᒪᕆᐅᖕᒪᑕ,” ᐴᓗ-ᕗᐃᓐᑕᓐ ᐅᖃᖅᑐᖅ. “ᐃᓱᒪᖏᑦᑎᒍᑦ ᐊᒃᓱᕈᓗᐊᓕᕐᒪᑕ. ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᓱᒫᓘᑎᖃᕆᓪᓗᑎᒃ ᐃᓚᖏᓐᓂᒃ ᐊᐃᑦᑐᖅᓯᒐᔭᕆᐊᒃᓴᖏᓐᓂᒃ ᓄᕙᒡᔪᐊᕐᓇᖅ-19-ᒥᑦ.”
(0) Comments