ᓄᓇᕗᑦ ᒪᓕᒐᓕᐅᕐᑎᑦ ᖃᓂᑦᑐᒥ ᕿᓂᓕᕐᓂᐊᖅᑐᑦ ᓄᑖᒥ ᓄᓇᕗᒥᑦ ᐅᖃᐅᓯᕐᓄᑦ ᑲᒥᓯᓇᒃᓴᒥᑦ, ᐅᓇ ᕼᐊᓚᓐ ᑲᓚᖓᓐᐳᒡ ᐃᖅᑲᓇᐃᔮᒥᓂ ᓄᖅᑲᓚᐅᖅᑎᓪᓗᒍ. ᑲᓚᖓᓐᐳᒡ ᐅᖃᐅᓯᕐᓄᑦ ᑲᒥᓯᓇᐅᓯᒪᔪᖅ 2017-ᒥ ᐱᒋᐊᖅᖢᓂ. (ᐊᔾᔨᙳᐊᖁᑎᒋᔭᐅᔪᖅ)
ᒪᓕᒐᓕᐅᕐᑎᑦ ᕿᓂᕐᓂᐊᖅᑐᑦ ᓄᑖᒥ ᓄᓇᕗᒥᑦ ᐅᖃᐅᓯᕐᓄᑦ ᑲᒥᓯᓇᒃᓴᒥ
ᕼᐋᓚᓐ ᑲᓚᖓᓐᐳᒡ ᐃᖅᑲᓇᐃᔮᒥᓂ ᓄᖅᑲᖅᐳᖅ ᐋᓐᓂᐊᕐᓂᓕᕆᓂᕐᒧᑦ
For an English version of this story, see MLAs to launch search for new Nunavut languages commissioner
ᓄᓇᕗᒥᑦ ᒪᓕᒐᓕᐅᕐᑎᑦ ᖃᓂᑦᑐᒥ ᕿᓂᓕᕐᓂᐊᖅᑐᑦ ᓄᑖᒥ ᐅᖃᐅᓯᕐᓄᑦ ᑲᒥᓯᓇᒃᓴᒥ, ᐅᓇ ᓄᖅᑲᓚᐅᕐᑎᓪᓗᒍ ᕼᐊᓚᓐ ᑲᓚᖓᓐᐳᒡ ᑖᔅᓱᒥᖓ ᐃᖅᑲᓇᐃᔮᒥᑦ.
ᑲᓚᖓᓐᐳᒡ, ᓄᓇᕗᒥᑦ ᐅᖃᐅᓯᕐᓄᑦ ᑲᒥᓯᓇᐅᓯᒪᔪᖅ ᐱᒋᐊᖅᖢᓂ ᔫᓂ 2017-ᒥ, ᓄᖅᑲᓕᓚᐅᕐᐳᖅ ᖃᖓᑦᑎᐊᓵᖅ ᐋᓐᓂᐊᕐᓂᓕᕆᓂᕐᒧᑦ.
ᐅᓇ ᐅᖃᐅᓯᕐᓄᑦ ᑲᒥᓯᓇ ᐱᓕᕆᔨᒻᒪᕆᐅᓂᖓᓂᒃ ᒪᓕᒐᓕᕆᔨᕐᔪᐊᓄᑦ ᓄᓇᕗᒥᑦ ᐊᒻᒪᓗ ᐅᓂᒃᑳᓕᐅᕆᐊᖃᖅᐸᒃᖢᓂ ᑲᑎᒪᔨᕐᔪᐊᓄᑦ, ᑕᐃᒪᓕ ᒫᓐᓇ ᒪᓕᒐᓕᐅᖅᑏᑦ ᑲᓚᖓᓐᐳᒡ ᐃᓇᖏᖅᑎᒋᓂᐊᖅᑕᖓᓂᒃ.
ᑕᐃᒪᐃᓕᐅᕋᔭᖅᑐᑦ ᐊᐅᓚᑦᑎᖏᓐᓄᑦ ᐊᒻᒪ ᐱᔨᑦᑎᕋᐅᑎᓄᑦ ᑲᑎᒪᔨᑎᒍᑦ, ᑖᒃᑯᐊ ᑲᑎᒪᔨᕋᓛᑦ ᒪᓕᒐᓕᐅᕐᑎᓄᑦ ᑲᒪᒋᔭᖃᖅᑐᑦ ᒪᓕᒐᓕᕆᕝᕕᐅᑉ ᐊᐅᓚᑦᑎᓂᕐᒧᑦ ᐱᓕᕆᐊᖏᓐᓂᒃ, ᐅᖃᖅᑎᑦᑎᔨ ᓯᒥᐅᓐ ᒥᒃᑯᙳᐊᒃ ᐅᖃᓚᐅᕐᑐᖅ ᐅᖃᓪᓚᓚᐅᑲᒃᖢᓂ ᓯᑎᐱᕆ 17-ᖑᓚᐅᕐᑐᒥᓐ.
“ᐃᓱᒪᔪᖓ ᐅᑯᐊ ᐊᐅᓚᑦᑎᓂᕐᒧᑦ ᐊᒻᒪ ᐱᔨᑦᑎᕋᐅᑎᓕᕆᔨᒃᑯᑦ ᑲᑎᒪᔨᖏ ᐱᒋᐊᓕᕐᓂᐊᕆᐊᒃᓴᖏᓐᓂᒃ ᐃᖅᑲᓇᐃᔮᖅᑖᖅᑎᑦᑎᕙᓪᓕᐊᓇᓱᖕᓂᕐᒥ ᑖᔅᓱᒥᖓ ᖃᓂᑦᑐᒥ ᐊᒻᒪᓗ ᑐᓴᖅᑎᑦᑎᓂᐊᖅᖢᑕ ᑕᐃᒪᐃᑦᑕᕆᐊᖃᕈᑦᑕ ᐃᓇᙱᕐᓯᓯᒪᑲᐃᓐᓇᕐᓂᐊᖅᑐᒥᑦ,” ᒥᒃᑯᙳᐊᒃ ᐅᖃᓚᐅᕐᑐᖅ.
ᐅᖃᐅᓯᕐᓄᑦ ᑲᒥᓯᓇᐅᑉ ᐃᖅᑲᓇᐃᔮᖓᑦ, ᐅᑯᑎᒎᓇᕐᓕ ᐱᓕᕆᐊᒃᓴᑎᒍᑦ ᓇᓗᓇᐃᕐᑕᐅᓯᒪᔪᓂᒃ ᐱᒻᒪᕆᖕᓂᒃ ᐅᖃᐅᓯᕐᓄᑦ ᐱᖁᔭᕐᔪᐊᕐᒥᑦ, ᐃᒪᐃᓕᖓᔪᖅ ᐅᖃᐅᓯᕐᓄᑦ ᐱᔪᓐᓇᐅᑎᓂᒃ ᓇᐅᑦᑎᕐᓱᖅᑎᐅᓗᓂ ᓄᓇᕗᒥᑦ.
ᑲᓚᖓᓐᐴᒡ ᑎᒃᑯᐊᕐᑕᐅᓚᐅᕐᓯᒪᔪᖅ 2017-ᒥᑦ ᐊᑯᓂᕈᓗᒃ ᕿᓂᓚᐅᕐᖢᑎᒃ ᐊᕐᕌᒍᓕᒫᑲᓴᖕᒥᒃ, ᐅᓇ ᓄᖅᑲᑳᓪᓚᒃᑎᓪᓗᒍ ᓵᓐᑐᕋ ᐃᓅᑎᖅ ᔫᓂ 2016-ᒥᑦ.
ᐃᓅᑎᖅ ᐃᖅᑲᓇᐃᔮᒥᓂᒃ ᓄᖅᑲᓚᐅᕐᓯᒪᔪᖅ ᑕᖅᑭᖅ ᐊᓂᒍᖅᑎᓪᓗᒍ ᐅᓂᒃᑳᓕᐊᖏᓐᓂᒃ ᑐᓂᓯᓚᐅᖅᑎᓪᓗᒍ ᕿᑭᖅᑕᓂ ᐋᓐᓂᐊᕕᐊᓘᑉ ᒥᒃᓵᓄᑦ ᐃᒪᓐᓇ ᐋᓐᓂᐊᕕᒃ ᐅᖃᐅᓯᓕᕆᓂᕐᒧᑦ ᐊᑐᐊᒐᖃᙱᓐᖓᓂᒃ ᐊᒻᒪᓗ ᐱᔨᑦᑎᕋᐅᑎᖃᑦᐊᙱᖢᑎᒃ ᐃᓄᒃᑎᑐᑦ ᐊᒻᒪ ᐅᐃᕖᑐᑦ ᐅᖃᕈᓐᓇᖅᑐᓄᑦ ᑕᑯᔭᐅᔭᖅᑐᕐᓯᒪᔪᓄᑦ.
ᐅᖃᓚᐅᕐᓯᒪᒋᓪᓗᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒥᓂᔅᑕᐅᑉ ᑐᒡᓕᖓ ᐊᕐᕌᒍᓕᒫᖅ ᑎᑎᖃᖁᑎᓂᒃ ᐊᑐᕆᐊᖃᖅᑕᖏᓐᓂᒃ ᖃᐅᔨᓴᕐᓂᕐᒧᑦ ᐱᓇᓱᓚᐅᕐᓯᒪᓂᖓᓂᒃ.
ᑭᖑᓂᐊᒍᓪᓕ, ᒪᓕᒐᓕᐅᕐᑎᑦ ᒪᓂᓴᐅᑎᓕᐅᓕᓚᐅᕐᓯᒪᔪᑦ ᐃᖅᑲᓇᐃᔮᒃᓴᒧᑦ ᐱᖓᓱᖅᖢᑎᒃ ᑎᒃᑯᐊᕐᓯᓚᐅᖅᑎᓐᓇᒋᑦ ᑲᓚᖓᓐᐳᒡᒥᑦ.
2017-ᒥ, ᐅᖃᐅᓯᕐᓄᑦ ᑲᒥᓯᓇᐅᑦ ᐃᖅᑲᓇᐃᔮᖓ ᐊᕐᕌᒍᒧᑦ ᐊᑭᓕᖅᑕᕝᕕᖃᓚᐅᕐᓯᒪᔪᖅ ᒫᓂ $119,000-ᒥᑦ $170,000-ᒧᑦ ᐊᕐᕌᒍᒥᑦ, ᐅᑭᐅᕐᑕᖅᑐᕐᒦᒍᑎᖃᖅᖢᓂ $15,016 ᐊᕐᕌᒍᒧᑦ, ᐅᓪᓗᓂᒃ 25-ᓂ ᕿᑲᕈᓐᓇᕐᓗᓂ ᐊᕐᕌᒍᒥ ᐊᑭᓕᕐᓱᖅᑕᐅᓗᓂ ᐊᒻᒪᓗ ᐊᓯᖏᓐᓂᒃ ᐊᔾᔨᒌᙱᑦᑐᓂᒃ ᐃᑲᔫᑎᒃᓴᓂᒃ.
Wondering why link to syllabic is in English not Inuktitut? Maybe separate links for each language.
And maybe a language feature and a word or phrase of the day.