ᓄᑖᑦ ᐱᓕᕆᔾᔪᑎᑦ ᐃᓄᒃᑎᑐᑦ ᐃᓕᓐᓂᐊᕈᑎ ᖃᓄᐃᓕᐅᖅᐸᓪᓕᐊᓂᒃᑯᑦ
ᖃᕋᓴᐅᔭᒃᑯᑦ ᐱᙳᐊᕈᑏᑦ ᐊᒻᒪ ᐅᖃᓕᒫᒐᐃᑦ ᐃᑲᔪᕈᑎᒃᓴᑦ ᓱᕈᓯᕐᓂ ᐃᓄᒃᑎᑐᑦ ᐊᔪᕈᓐᓃᖅᓴᖅᑎᓪᓗᒋ ᐊᒻᒪᓗ ᖃᕋᓴᐅᔭᓕᕆᓂᒃᑯᑦ ᐊᔪᕈᓐᓃᖅᓴᕈᑎᒃᓴᑦ
ᐱᙳᐊᕈᑎ ᑕᐃᔭᐅᔪᖅ ᐃᖅᑲᓪᓕᐊᕐᓗᒃ, ᐃᑲᔪᕈᑎ ᐃᓄᖕᓂ ᐃᓄᒃᑎᑐᑦ ᐊᔪᕈᓐᓃᖅᓴᕐᓂᖅᒥᒃ. (ᐊᔾᔨᙳᐊᖅ ᐅᑯᓇᙵᑦ ᐃᓕᑕᖅᓯᓂᖅ ᐊᒻᒪ ᐱᙳᐊᖅ)
ᐃᓄᒃᑎᑐᑦ ᐱᓕᕆᕚᓪᓕᕐᓇᖅᔫᒥᓕᕐᑐᖅ ᓄᑖᒥ ᐅᖃᐅᓯᓕᕆᓂᕐᒥᒃ ᐱᓕᕆᔾᔪᑎᒃᓴᓂᒃ.
ᐅᑯᐊ ᐱᓕᕆᔾᔪᑎᑦ ᐋᖅᑭᒃᑕᐅᓯᒪᔪᑦ ᒪᕐᕉᖕᓄᑦ ᐅᖃᐅᓯᓕᕆᓂᕐᒧᑦ ᐊᒻᒪ ᖃᕋᓴᐅᔭᒃᑰᖅᑐᒃᓴᓂᒃ ᐃᓕᓐᓂᐊᕈᑎᒃᓴᓂᒃ ᐱᓕᕆᐊᖃᖅᑐᓄᑦ, ᐃᒪᐃᓕᖓᓪᓗᑎᒃ ᓇᕿᑦᑕᒐᕆᐊᓕᒃ ᐱᙳᐊᕈᑎ, ᐋᖅᑭᒃᓱᖅᑕᐅᓯᒪᔪᑦ ᖃᕋᓴᐅᔭᓄᑦ ᐊᒻᒪ ᑎᑎᕋᐅᔭᒐᖅᓯᒪᔪᑦ ᐊᐅᓚᔪᓐᓇᖅᖢᑎᒃ ᐃᓕᓐᓂᐊᕈᑎᒃᓴᑦ ᐅᖃᓕᒫᒐᐅᓪᓗᑎᒃ. ᑖᒃᑯᐊ ᐊᑐᐃᓐᓇᐅᑎᑕᐅᓕᓚᐅᖅᑐᑦ ᐋᒐᓯ 5-ᖑᑎᓪᓗᒍ.
‘ᐃᖃᓪᓕᐊᕐᓗᒃ’ ᖃᕋᓴᐅᔭᒃᑯᑦ ᓇᕿᑦᑕᐅᑎᓄᑦ ᐱᙳᐊᕈᑎᐅᔪᖅ ᑐᕌᖓᓪᓗᓂ ᐃᓄᒃᑎᑐ ᐅᖃᐅᓯᕐᓂᒃ ᑎᑎᕋᕈᓐᓇᕐᓯᔪᓐᓇᕐᓂᖅᒥᒃ. ᐅᖃᐅᓰᑦ ᓴᖅᑭᔮᖅᑎᑕᐅᓪᓗᑎᒃ ᕿᑎᐊᓂ ᐃᒐᓚᐅᔭᐅᑉ ᑐᓄᖓᓂ ᓴᖅᑭᔮ%ᑐᖃᖅᖢᓂ ᐊᖑᑎᒥᒃ ᓇᙱᖅᖢᓂ ᓯᑯᓯᒪᔪᓂᒃ ᐃᖃᓗᒃᓯᐅᖅᖢᓂ.
ᐅᑯᓇ ᐃᓚᖏᑦ ᐅᖃᓕᒫᒐᐃᑦ ᐊᑐᐃᓐᓇᐅᔪᑦ ᐅᕙᓂ ‘ᐅᖃᓕᒫᕐᓗᒃ’, ᖃᕋᓴᐅᔭᒃᑯᑦ ᐃᓕᓐᓂᐊᕈᑎᒃᓴᖅ ᑎᑎᕋᐅᔭᕐᓯᒪᔪᓂ ᓴᖅᑭᔮᖅᑎᑦᑎᓪᓗᑎᒃ, ᐅᖃᓪᓚᒃᑐᖃᖅᖢᓂ ᐊᒻᒪᓗ ᓂᐱᓂᒃ ᐊᑐᖅᖢᑎᒃ ᐅᖃᓕᒫᕐᓂᕐᒧᑦ. (ᐊᔾᔨᙳᐊᖅ ᐅᑯᓈᙵ ᐃᓕᑕᖅᓯᓂᖅ ᐊᒻᒪ ᐱᙳᐊᖅ)
ᐊᐃᑉᐸᖓ ᐱᓕᕆᔾᔪᑎ, ‘ᐅᖃᓕᒫᕐᓗᒃ,’ ᐱᖓᓱᑦ ᖃᕋᓴᐅᔭᒃᑯᑦ ᐅᖃᓕᒫᒑᐃᑦ ᑎᑎᕋᐅᔭᒐᖅᓯᒪᓪᓗᑎᒃ, ᐅᖃᓪᓚᒃᑐᖃᑲᑕᖅᖢᓂ ᐊᒻᒪᓗ ᓂᐱᖃᖅᑎᑕᐅᔪᓐᓇᖅᖢᓂ ᐊᔾᔨᒌᙱᑦᑑᑎᓂᒃ.
ᑭᖑᓪᓕᖅᐹᕐᓕ ᐃᓄᒃᑎᑐ ᖃᕋᓴᐅᔭᒃᑯᑦ ᐅᖃᓕᒫᕈᓐᓇᖅᑐᓕᕆᓂᖅᒧᑦ ᐱᙳᐊᕈᑎᖃᕈᑎ, ᑖᓐᓇ ᐃᓕᓐᓂᐊᖅᑎᑦᑎᔨᓂᒃ ᐋᖅᑭᒃᓱᐃᑎᑦᑎᔪᓐᓇᖅᑐᑦ ᐅᖃᐅᓯᓕᕆᓂᖅᒧᑦ ᐱᙳᐊᕈᑎᒃᓴᓂᒃ ᐃᓕᓐᓂᐊᖅᑎᓄᑦ. ᐅᓇ ᐱᓕᕆᔾᔪᑎ ᐋᖅᑭᒃᓯᒪᔪᖅ ᐃᓕᓴᐃᔨᐅᑉ ᐱᓕᕆᐊᕆᓪᓗᐊᖅᑕᖓᒍᑦ.
ᐅᑯᐊ ᐱᓕᕆᔾᔪᑎᒃᓴᐃᑦ ᐱᓕᕆᖃᑎᖃᕐᓂᒃᑯᑦ ᐋᖅᑭᒃᑕᐅᓯᒪᔪᑦ ᐅᑯᑎᒎᓇ ᐱᙳᐊᖅ ᑲᑐᔾᔨᖃᑎᒌᓂᒃ ᐊᒻᒪᓗ ᐃᓕᑕᖅᓯᓂᖅ, ᐊᒻᒪᓗ ᖃᐅᔨᒪᔭᐅᒻᒪᕆᖕᒥᔪᖅ ᓄᓇᕗᒥᑦ ᐅᖃᐅᓯᓕᕆᓂᕐᒧᑦ ᑲᑎᒪᓂᖅ.
“ᑲᑐᔾᔨᖃᑎᒌᙳᔪᒪᒐᑦᑕ ᐃᓚᒋᔭᐅᓗᑕ ᐃᓄᒃᑎᑐᑦ ᐅᖃᐅᓯᕐᒥᓐ ᓴᙱᒃᑎᑦᑎᕚᓪᓕᖅᑎᑦᑎᓯᒪᓂᕐᒧᑦ.” ᐅᖃᕐᑐᖅ ᐄᑐᕆᐊᓇ ᑯᓱᒐᖅ, ᐊᐅᓚᑦᑎᔨ ᑐᑭᒧᐊᖅᑎᑦᑎᔨ ᐃᓕᑕᖅᓯᓂᖅᑯᓐᓂᒃ.
ᐊᑐᐃᓐᓇᖃᕈᓐᓇᕐᓂᖅᑕᐅᖅ ᑕᒪᑐᒧᖓ ᐱᒻᒪᕆᐊᓘᖕᒥᔪᖅ ᐱᓕᕆᐊᒃᓴᒧᑦ, ᑯᓱᒐᖅ ᐃᓱᒪᔪᖅ.
ᐅᖃᓚᐅᕐᑐᖅ ᐅᓄᕐᓯᕙᓪᓕᐊᓂᖏᓐᓄᑦ ᐃᓄᐃᑦ ᓄᓇᕗᒥᑦ ᖃᕋᓴᐅᔭᒃᑯᑦ ᐋᖅᑭᒃᑕᐅᓯᒪᔪᓂᒃ ᐊᑐᕐᓂᖅᓴᐅᕙᓪᓕᐊᑎᓪᓗᒋᑦ, ᐱᒻᒪᕆᐊᓗᒃ ᐃᓕᓐᓂᐊᕈᑎᒃᓴᓄᑦ ᐱᓕᕆᔾᔪᑎᒃᓴᐃᑦ ᓴᖅᑭᔮᖅᑎᑕᐅᔭᕆᐊᖃᕐᓂᖏᓐᓂᒃ ᒪᑯᑎᑐᓇᖅ ᐅᖄᓚᐅᑎᕌᓛᖑᓕᖅᑎᑐᑦ ᐅᕝᕙᓘᓐᓃᑦ ᑎᒍᒥᐊᒐᐃᑦ ᓵᑦᑐᑦ ᖃᕋᓴᐅᔭᕋᓛᑦ.
“ᐃᓄᖕᓂ ᐱᓕᕆᖃᑎᖃᕆᐊᖃᕋᑦᑕ ᐊᒻᒪᓗ ᒫᓐᓇᓕ ᓱᕈᓰᑦ ᑕᒫᓃᓕᖅᖢᑎᒃ,” ᐅᖃᖅᑐᖅ.
ᐱᓕᕆᖃᑎᒌᖕᓂᖅ ᐋᖅᑭᒃᓱᐃᓂᖅᒥᒃ ᐱᓕᕆᔾᔪᑎᒃᓴᓂᒃ ᐱᒋᐊᓚᐅᖅᓯᒪᔪᖅ ᐅᑯᐊ ‘ᐱᙳᐊᖅ’ ᐅᑯᓄᖓ ‘ᐃᓕᑕᖅᓯᓂᖅ’ᒥ ᐅᐸᒃᓯᓪᓗᑎᒃ ᐱᓇᓱᒍᑎᓂ ᑖᒃᑯᓂᖓ ᐱᓕᕆᖃᑎᖃᕈᒪᑎᓪᓗᒋᑦ ᐃᑲᔫᑎᑖᕋᓲᑎᓂᒃ ᒪᑯᓄᖓ ᐅᖃᐅᓯᓕᕆᓂᖅᒧᑦ ᐃᓕᓐᓂᐊᕈᑎᒃᓴᓄᑦ, ᐅᖃᖅᑐᖅ ᑯᓱᒐᖅ.
ᐱᙳᐊᖅ, ᑮᓇᐅᔭᓕᐅᕋᓱᙱᖢᑎᒃ ᑲᑐᔾᔨᖃᑎᒌᓐ ᐱᒋᐊᖅᑕᐅᓂᑯᑦ ᐸᖕᓂᖅᑑᒥ, ᐱᓕᕆᐊᖃᓗᐊᖅᐸᒃᑐᑦ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᒃᓴᓕᕆᓂᖅᒥᒃ ᐊᒻᒪ ᐅᑯᐊᓕ ‘ᐃᓕᑕᖅᓯᓂᖅ’ ᐅᖃᓕᒫᕈᓐᓇᕐᓂᖅᒥᒃ ᓴᖅᑭᑎᑦᑎᕙᓪᓕᐊᔨᐅᓪᓗᑎᒃ ᓄᓇᕗᒥᑦ ᐅᖃᐅᓯᕐᓂᒃ.
ᓇᓗᓇᐃᒃᑯᑎ ᖃᓄᐃᑦᑐᓂᒃ ᐱᙳᐊᕈᑎᓂ ᐃᓕᓐᓂᐊᖅᑎᑦᑎᔨᐅᔪᑦ ᐋᖅᑭᒃᓱᐃᔪᓐᓇᕐᓂᖏᓐᓂᒃ ᐊᑐᕐᓗᑎᒃ ᐃᓄᒃᑎᑐᑦ ᖃᕋᓴᐅᔭᒃᑯᑦ ᐅᖃᓕᒫᓕᐅᕈᑎᑎᒍᑦ. (ᐊᔾᔨᙳᐊᖅ ᐅᑯᓈᙵ ᐃᓕᑕᖅᓯᓂᖅ ᐊᒻᒪ ᐱᙳᐊᖅ)
ᐱᙳᐊᖅ ᐅᖃᖅᑎᖓᓐ ᒍᕆᒡ ᐱᑲᓐ ᐅᖃᓚᐅᕐᑐᖅ ᑕᒪᒃᑯᐊ ᐱᓕᕆᔾᔪᑎᒃᓴ ᐃᓄᖕᓂ ᐃᑲᔪᕈᓐᓇᖁᓪᓗᓂᒋᑦ ᐋᖅᑭᒃᓱᐃᓇᓱᒃᑎᓪᓗᒋᑦ ᐱᓕᕆᔾᔪᑎᓕᕆᓂᒃᑯᑦ ᖃᓄᐃᓕᐅᕈᑎᐅᕙᒃᑐᓂᒃ.
“ᑕᒪᒃᑯᓂᖓ ᖃᕋᓴᐅᔭᓕᕆᔾᔪᑎᓂᒃ ᐱᓯᒪᑐᐃᓐᓇᕋᓗᐊᕐᓗᓂ ᐱᒋᐊᕐᕕᑦᑎᐊᕚᓗᒃ,” ᐱᑲᓐ ᐅᖃᖅᑐᖅ.
ᓇᕿᑦᑕᕈᑎ ᐅᓇ, ᐃᖃᓪᓕᐊᕐᓗᒃ, ᐱᔭᐅᔪᓐᓇᖅᑐᖅ ᐅᑯᐊ ᓇᓕᐊᒃ ᖃᕋᓴᐅᔭᒃᑯᑦ ᑕᑯᒋᐊᕐᕕᒋᓗᒋᑦ ‘ᐱᙳᐊᖅ’ ᐅᓇᓘᓐᓃᑦ ‘ᐃᓕᑕᖅᓯᓂᖅ’ ᓴᖅᑭᔮᒐᖏᓐ.
‘ᐅᖃᓕᒫᕐᓗᒃ’, ᖃᕋᓴᐅᔭᒃᑯᑦ ᐅᖃᓕᒫᒐᐃᑦ ᐊᑐᐃᓐᓇᐅᔪᑦ ᓂᐅᕕᕐᕕᐅᕙᒃᑐᓂᒃ ᖃᕋᓴᐅᔭᒃᓄᑦ ᐃᓚᒃᓴᓂᒃ. ᐅᓇ ᐃᓄᒃᑎᑐᑦ ᖃᕋᓴᐅᔭᒃᑯᑦ ᐅᖃᓕᒫᕆᐅᖅᓴᓂᖅᒥᒃ ᐱᙳᐊᕈᑎ ᐊᑐᐃᓐᓇᐅᔪᖅ ᐅᕙᓂ ‘ᐱᙳᐊᖅ’ ᖃᕋᓴᐅᔭᒃᑯᑦ ᓴᖅᑭᔮᒐᖓᓂ.
(0) Comments