ᓄᓇᕕᒃᒥᑦ ᐃᓕᓴᐃᔩᑦ ᑲᑐᔾᔨᖃᑎᒌᖏᑦ ᑐᓴᖅᑎᑦᑎᕗᑦ ᓈᒻᒪᒃᓴᙱᓐᓂᖅᒧᑦ ᓴᖅᑭᔮᖅᑎᑦᑎᓛᕐᓂᖏᓐᓂᒃ

’25-ᖏᖅᓱᖅᖢᑕ ᑲᑎᒪᑲᑕᒃᖢᑕ ᓱᓕ ᑭᐅᔭᐅᓚᐅᙱᑦᑐᒍᑦ. ᑕᐃᒪᐃᓐᓂᖓᓄᑦ ᑖᓐᓇ ᑐᓴᖅᑕᐅᑎᓐᓇᓱᓕᕋᑦᑎᒍᑦ,” ᐅᖃᖅᑐᖅ ᑲᑐᔾᔨᖃᑎᒌᓄᑦ ᐊᖓᔪᖅᑳᖅ

ᐃᓕᓴᐃᔨᐅᔪᑦ ᐊᒻᒪ ᐃᑲᔪᖅᑏᑦ ᓄᕝᕕᑎ ᐃᓕᓐᓂᐊᖅᕕᒃᒥᑦ ᓈᒻᒪᒃᓴᙱᓚᑦ ᓄᖅᑲᖓᑎᑕᐅᑐᐃᓐᓇᖅᑐᒥᒃ ᐊᖏᖃᑎᒌᒍᑎᓄᑦ ᐋᔩᖃᑎᒌᖕᓂᖅᒥᒃ 2017-ᖑᑎᓪᓗᒍ. ᑲᑐᔾᔨᖃᑎᒌᖑᔪᑦ ᒫᓐᓇ ᐸᕐᓇᒃᐸᓪᓕᐊᓯᔪᑦ ᐃᖅᑲᓇᐃᔭᙱᓪᓗᑎᒃ ᓈᒻᒪᒃᓴᙱᓐᓂᕐᒥᖕᓂᒃ ᓴᖅᑭᔮᖅᑎᑦᑎᓂᐊᓗᑎᒃ ᖃᓄᐃᓕᐅᙱᓗᐊᕐᓂᖏᓐᓄᑦ ᑭᖑᓪᓕᖅᐹᓂᒃ ᐋᔩᖃᑎᒌᖕᓂᐅᔪᒥᒃ. (ᐊᔾᔨᙳᐊᖅ ᐅᑯᓇᙵᑦ AENQ)

By ᓴᐃᕋ ᕌᔾᔪᔅ

For an English version of this story, see Nunavik teachers, school support staff vote for strike mandate

ᓄᓇᕕᒻᒥ ᐃᓕᓴᕐᓂᓕᕆᓂᖅᒥᒃ ᑲᑐᔾᔨᖃᑎᒌᑦ ᑭᒡᒐᖅᑐᐃᔪᑦ ᐅᑯᓂᖓ ᐃᖅᑲᓇᐃᔭᖅᑎᓂᒃ ᑐᓴᖅᑎᑦᑎᕗᑦ ᐅᓪᓗᕐᒥ ᐃᖅᑲᓇᐃᔭᔾᔮᙱᓐᓂᖏᓐᓂᒃ ᓈᒻᒪᒃᓴᙱᓐᓂᖅᒧᑦ.

ᑯᐸᐃᒃ ᐅᐊᖕᓇᖓᓄᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ, ᑖᒃᑯᐊ ᑭᒡᒐᖅᑐᐃᔪᑦ ᑲᑎᕕᒃ ᐃᓕᓴᕐᓂᓕᕆᓂᖅᒧᑦ ᐃᓕᓴᐃᔨᓂᒃ ᐃᑲᔪᖅᑐᐃᔨᐅᕙᒃᑐᓂᒡᓗ ᐅᖃᖅᑐᖅ ᐊᑐᖅᑕᐅᓂᐊᕐᓂᖓᓂᒃ ᐄᐳᕈᓪ 28-ᒥᓐ.

ᑖᒃᑯᐊ ᑲᑐᔾᔨᖃᑎᒌᖑᔪᑦ ᐋᔩᖃᑎᒌᖃᑦᑕᖅᓯᒪᖕᒪᑕ ᓄᑖᒥ ᐃᖅᑲᓇᐃᔭᖅᓂᕐᒧᑦ ᐊᖏᕈᑎᒃᓴᓂᒃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᑕᐃᒪᙵᑦ ᐊᖏᕈᑎᖓᑦ ᐃᓱᓕᓚᐅᖅᓯᒪᑎᓪᓗᒍ ᒫᔅᓯ 2020-ᒥ.

ᐃᓕᓵᐃᔨᐅᔪᑦ ᐊᒻᒪᓗ ᐃᑲᔪᖅᑐᐃᔨᐅᔪᑦ ᐃᖅᑲᓇᐃᔭᖅᑏᑦ ᓂᕈᐊᓚᐅᖅᓯᒪᖕᒪᑕ ᓄᖅᑲᖓᔪᒪᓪᓗᑎᒃ ᓈᒻᒪᒃᓴᙱᓐᓂᖅᒧᑦ ᕕᕝᕗᐊᕆᐅᓚᐅᖅᓯᒪᔪᓂᒃ. ᑖᒃᑯᐊᓕ ᑲᑐᔾᔨᖃᑎᒌᖏᓐᓄᑦ ᓯᕗᓕᐅᖅᑎᐅᔪᑦ ᖃᓄᐃᓕᐅᖅᑐᖃᓗᐊᙱᓐᓂᖓᓂᒃ ᑕᒪᑐᒧᖓ ᐅᑯᑎᒎᓇᖅ ᐃᓕᓴᕐᓂᓕᕆᔨᒃᑯᑦ ᑲᑎᒪᔨᖏᓪᓗᑦ ᐅᕝᕙᓘᓐᓃᑦ ᑯᐸᐃᒃ ᒐᕙᒪᒃᑯᓐᓂᒃ.

“ᐅᓇ ᑲᑎᖅᓱᐃᓂᐅᖕᒪᑦ ᑭᐅᔭᐅᙱᔾᔪᑎᐅᔪᓂᒃ,” ᐅᖃᖅᑐᖅ ᐊᖓᔪᖅᑳᕆᔭᐅᔪᖅ ᑲᑐᔾᔨᖃᑎᒌᓄᑦ ᓕᐅᕆ ᐃᒻᐴ ᐄᐳᕈᓪ 9-ᒥᑦ ᖃᕋᓴᐅᔭᒃᑯᑦ ᑐᓴᒐᒃᓴᓕᐅᖅᖢᑎᒃ ᑲᑎᒪᓂᒃᑯᑦ ᑐᙵᓱᒃᑎᑦᑎᔨᖃᖅᖢᑎᒃ ᑲᑐᔾᔨᖃᑎᒌᓄᑦ ᐱᒋᐊᖅᑎᑦᑎᓯᒪᔪᑦ, ᐅᑯᐊ Centrale des syndicats du Québec, ᐅᕝᕙᓘᓐᓃᑦ CSQ.

“25-ᐃᖅᓱᖅᖢᑕ ᑲᑎᒪᑲᑕᒃᖢᑕ ᓱᓕ ᑭᐅᔭᐅᓚᐅᙱᑦᑐᒍᑦ. ᑕᐃᒪᐃᓐᓂᖓᓄᑦ ᑐᓴᖅᑕᐅᑎᓐᓇᓱᓕᕋᑦᑎᒍᑦ.”

ᑲᑐᔾᔨᖃᑎᒌᑦ ᐱᓇᓱᒍᒪᖕᒪᑕ 1.75 ᐳᓴᓐᑎᒥᒃ ᐅᓄᕐᓯᕚᓪᓕᕐᓗᓂ ᐃᓚᒋᔭᐅᔪᓄᑦ ᑮᓇᐅᔭᓕᐊᕆᔭᐅᔪᑦ ᓯᕗᓪᓕᖅᒥᑦ ᐊᕐᕌᒍᒥ — ᐃᓚᖃᕐᓗᓂ ᐃᑲᕐᕋᑎᒍᑦ ᒥᒃᑭᓛᒃᑯᑦ ᐊᑭᓕᐅᑎᐅᖃᑦᑕᕋᔭᖅᑐᓂᒃ ᐊᑭᓕᖅᓱᖅᑕᐅᙱᓛᖑᕙᒃᑐᓄᑦ — ᑮᓇᐅᔭᓕᐊᖏᑦ ᐅᓄᕐᓯᕚᓪᓕᖅᓗᓂ 2.05 ᐳᓴᓐᑎᒥᒃ ᐊᐃᑉᐸᖓᓂᒃ ᐊᕐᕌᒍᒥ ᐊᒻᒪᓗ 2.20 ᐳᓴᓐᑎᒥᒃ ᐱᖓᔪᖓᓂᒃ ᐊᕐᕌᒍᒥ.

ᑮᓇᐅᔭᓕᐊᒃᓴᓄᑦ ᐋᔩᕈᑎᐅᑲᑕᒃᑐᑦ ᐅᑯᑎᒎᓇᖅ ᒐᕙᒪᒃᑯᑎᒍᑦ ᐊᒻᒪᓗ ᐅᑯᑎᒎᓇᖅ Centrale des syndicats du Québec, ᑖᒃᑯᐊᓕ ᑲᑐᔾᔨᖃᑎᒌᑦ ᐃᖅᑲᓇᐃᔭᖅᑎᓄᑦ ᓄᓇᖏᓐᓄᑦ ᖃᓂᓐᓂᖅᓴᓂᒃ ᐃᓱᒫᓘᑎᖃᕐᓂᖅᓴᐅᑎᓪᓗᒋ ᓄᓇᕕᒃᒥᑦ ᐃᖅᑲᓇᐃᔭᖅᑎᓄᑦ, ᓲᕐᓗ ᐊᕕᒃᑐᖅᓯᒪᓂᒃᑯᑦ ᓇᓕᒧᒌᙱᔾᔪᑎᐅᔪᑦ ᐊᒻᒪᓗ ᐃᑲᔪᕈᑎᐅᔪᑦ.

ᐅᓇ ᑭᖑᓪᓕᖅ ᐱᒻᒪᕆᐅᓛᖑᖃᑕᐅᔪᖅ, ᐃᒻᐴ ᐅᖃᖅᑐᖅ, ᑕᐅᑐᒃᖢᒍ ᐃᖅᑲᓇᐃᔭᖅᑎᖃᙱᓗᐊᖅᓂᖅ ᐊᒻᒪᓗ ᐊᑐᖅᑕᐅᕙᙱᑦᑐᒃᑯᑦ ᐊᔪᕈᓐᓃᖅᓴᐅᑎᐅᔭᕆᐊᓖᑦ ᓄᓇᕕᒃᒥᑦ ᐃᓕᓐᓂᐊᖅᑎᓄᑦ.

ᑲᑐᔾᔨᖃᑎᒌᑦ ᐱᔪᒪᓚᐅᕐᒪᑕ ᓄᑖᓂᒃ ᖃᓄᐃᓕᐅᕈᑎᒃᓴᐅᓇᔭᖅᑐᓂᒃ ᐃᖅᑲᓇᐃᔭᖅᑎᓂᒃ ᓄᖅᑲᖅᑎᑦᑎᑦᑕᐃᓕᓂᖅᒧᑦ, ᐊᒻᒪᓗ ᑮᓇᐅᔭᓕᐅᕐᓂᒃᑯᑦ ᐊᔾᔨᒌᙱᔾᔪᑎᐅᓗᐊᖅᑐᑦ ᐃᑲᔫᑎᒃᓴᑎᒍᑦ ᒪᑯᓄᖓ ᑕᒫᓂᕐᒥᐅᑕᐅᙱᑦᑐᓄᑦ ᐱᕙᐅᕙᒃᑐᑦ ᑕᐅᑐᒃᖢᒍ ᓄᓇᖃᖅᑐᐃᑦ ᐱᖃᑦᑕᖅᑕᖏᑦ ᑖᒃᑯᐊᓗ ᓄᓇᖃᖅᑐᑦ ᐃᓅᓂᖅᓴᐅᕙᒃᖢᑎᒃ.

ᓲᕐᓗ, ᑲᑐᔾᔨᖃᑎᒌᑦ ᓄᓇᖃᖅᑐᑐᖃᕐᓄᑦ ᐃᒡᓗᒧᑦ ᐊᑭᓕᐅᑎᒃᓴᓄᑦ ᐃᑲᔫᑎᑖᖅᑯᔭᐅᓯᒪᖕᒪᑕ, ᐊᒻᒪᓗ ᐊᑭᓕᖅᓱᖅᑕᐅᓗᑎᒃ ᐊᐅᓪᓚᕈᓐᓇᕈᑎᓂᒃ ᐊᒻᒪᓗ ᓂᕿᓄᑦ ᑎᑭᓴᖅᑕᐅᔭᕆᐊᓕᖕᓄᑦ ᐃᑲᔫᑎᒃᓴᓂᒃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ — ᐃᑲᔫᑎᒃᓴᑦ ᒪᓂᒪᔭᐅᔪᑦ ᑕᒫᓂᕐᒥᐅᑕᐅᙱᑦᑐᓂᒃ ᐃᖅᑲᓇᐃᔭᖅᑎᑖᖅᑎᓪᓗᒋᑦ.

ᐃᒻᐴ ᐅᖃᓚᐅᕐᒥᔪᖅ ᑲᑎᕕᒃ ᐃᓕᓴᕐᓂᓕᕆᓂᖅ ᐃᖅᑲᓇᐃᔭᖅᑎᑦᑎᓂᖏᓐᓂᒃ ᐊᑕᐅᓯᖅᒥᓐ ᐃᓱᒪᓕᕆᔨᒥᒃ ᐊᒻᒪ ᒪᕐᕉᖕᓂᒃ ᐃᓄᓕᔩᖕᓂ ᐅᑯᓄᖓ 17-ᓄᑦ ᐃᓕᓐᓂᐊᖅᕕᖕᓄᑦ 14-ᓂ ᓄᓇᓕᖕᓂ.

“ᐃᓕᓴᐃᔩᑦ ᐃᑲᔪᖅᑎᒋᔭᐅᔪᓪᓗ ᐅᓄᙱᓗᐊᕐᓂᖏᑦ ᐃᒃᐱᒋᔭᐅᓗᐊᖅᑐᑦ [ᐅᑭᐅᕐᑕᖅᑐᒥᓐ],” ᐅᖃᖅᑐᖅ.

“ᒫᓐᓇᓕ ᐱᑕᖃᕆᐊᖃᒻᒪᕆᓕᕋᑦᑕ ᖃᓄᐃᓕᐅᕈᑎᒃᓴᓂᒃ ᑕᒪᙵᕈᒪᔾᔪᑎᒃᓴᓂᒃ ᐊᒻᒪᓗ ᑕᒫᓃᑦᑐᒪᒍᑎᐅᓂᐊᖅᑐᓂᒃ. ᐃᓅᓇᓱᖕᓂᖅ, ᐃᓕᓴᐃᓂᖅ ᐊᒻᒪᓗ ᐊᔪᕈᓐᓃᖅᓴᕐᓂᖅᒧᑦ ᖃᓄᐃᓕᖓᓂᐅᔪᑦ ᐃᓱᒪᖅᓱᕐᓇᕈᑎᑦ, ᓂᕆᐅᒍᓐᓇᓕᕋᔭᖅᑐᒍᑦ ᐱᐅᓯᕚᓪᓕᕈᑎᐅᓇᔭᖅᑐᓂᒃ ᐊᓂᒍᐃᑦᑎᐊᕈᑎᓂᒃ ᐃᓕᓐᓂᐊᖅᑎᓄᑦ.”

ᑲᑐᔾᔨᖃᑎᒌᖑᔪᑦ ᐅᖃᖅᓯᒪᔪᑦ ᐊᑕᐅᓯᑐᐊᖅᒥᑦ ᐃᖅᑲᓇᐃᔭᖅᕕᐅᔾᔮᙱᑦᑐᒥᒃ ᒫᓐᓇᒧᑦ; ᐃᒻᐴᑦ ᐅᖃᓚᐅᖅᑐᖅ ᑭᒡᒐᖅᑐᐃᔨᓂᒃ ᓄᓇᕕᒃᒧᑦ ᑲᑎᖃᑎᖃᕐᓂᐊᕐᓂᕋᖅᖢᓂ ᐅᖃᐅᓯᖃᕐᓗᑎᒃ ᓄᖅᑲᖓᒃᑲᓐᓂᓛᕆᐊᒃᓴᒧᑦ ᑭᖑᓂᐊᒍᑦ.

Share This Story

(0) Comments

Join the Conversation

Your email address will not be published. Required fields are marked *

*