ᓄᓇᕕᒃᒥ ᐅᔭᕋᒃᓯᐅᖅᑎ ᐃᓕᓴᕆᔭᐅᕗ ᐱᓕᕆᐊᖓᓄᑦ ᐃᓄᖕᓂ ᐊᔪᕈᓐᓃᖅᓴᖅᑎᑦᑎᓂᖓᓂᒃ ᐱᓕᕆᐊᒥᑦ

“ᓂᕆᐅᒃᐳᖓᓕ ᖃᓄᐃᓕᐅᕐᓂᕋ ᑐᓗᖅᑕᕈᑎᒥᒃ ᓱᕋᐅᔪᓐᓇᕐᓂᐊᕐᓗᓂ,” ᐅᖃᖅᑐᖅ ᓵᕕᓕ ᒍᕇ-ᓯᑳᑦ

ᐅᕌᒡᓚᓐ ᐃᖅᑲᓇᐃᔭᖅᑎᖏᑦ ᒑᓇᑦ ᐸᐱᒐᑦᑐᒃ-ᒪᒃᑯ, ᓴᐅᒥᐊᓂᒃ, ᐊᒻᒪ ᓵᒻᕗᐃᓕ ᒍᕇ-ᓯᑳᑦ, ᐊᔾᔨᖃᖅᑑᒃ ᐅᔭᕋᒃᓯᐅᖅᕕᖕᒥᑦ. (ᐊᔾᔨᙳᐊᖅ ᐅᑯᓇᙵᑦ ᒐᓚᓐᑯᐊ ᑲᓇᑕ)

By ᓴᐃᕋ ᕌᔾᔪᔅ

For an English version of this story, see Nunavik miner recognized for work recruiting Inuit to industry

ᓄᓇᕕᒻᒥᐅᑕᖅ ᐅᔭᕋᒃᓯᐅᖅᑎ ᐃᓚᒋᔭᐅᔪᖅ ᑲᓇᑕᒥ ᐃᓕᓴᕆᔭᐅᔾᔪᑎᒧᑦ ᐱᓕᕆᐊᖃᕐᓂᖓᓄᑦ ᐱᓕᕆᕝᕕᖓᓂᒃ.

ᓵᒻᕕᓕ ᒍᕇ-ᓯᑳᑦ ᑐᓂᔭᐅᓚᐅᖅᑐᖅ ᐆᒥᖓ ᑲᓇᑕᒥ ᐅᔭᕋᒃᓯᐅᖅᕕᓕᕆᔩᑦ, ᓴᕕᕋᔭᓕᕆᔩᑦ ᐊᒻᒪ ᐸᑐᕈᓕᐊᒻ ᐸᑦᕗᐊᑦ ᑲᓇᑕᒥ ᐃᓅᓱᒃᑐᓂᒃ ᐅᔭᕋᒃᓯᐅᕐᓂᖅᒧᑦ ᓯᕗᓕᐅᖅᑎᐅᓂᖅᒧᑦ ᐃᓕᓴᕆᔭᐅᔾᔪᑎᒥᒃ ᐱᓇᓱᐊᕈᓯᐅᓚᐅᖅᑐᒥᓐ ᐱᓕᕆᐊᖓᓄᑦ ᐃᓄᖕᓂ ᐃᖅᑲᓇᐃᔭᖅᑎᑦᑎᑲᑕᖕᓂᖓᓄᑦ ᐅᕙᓂ ᒐᓚᓐᑯᐊᒃᑯᑦ ᐅᕌᒡᓚᓐ ᐅᔭᕋᒃᓯᐅᖅᕕᒃᒥᑦ ᓄᓇᕕᒻᒥ.

ᒍᕇ-ᓯᑖᑦ, ᐱᕈᓚᐅᖅᑐᖅ ᐊᐅᐸᓗᒃᒥᑦ, ᐱᒋᐊᓚᐅᖅᓯᒪᔪᖅ ᐅᔭᕋᒃᓯᐅᖅᕕᒃᒥᑦ ᐃᓕᓐᓂᐊᖅᖢᓂ ᐅᕌᒡᓚᓐᒥ 2010-ᒥᑦ. ᐅᓪᓗᒥᓕ, ᐊᕐᕌᒍᓕᒃ 29-ᓂ ᑐᑭᒧᐊᖅᑎᑦᑎᔨᐅᔪᖅ ᐅᕌᒡᓚᓐᑯᑦ ‘ᑕᒪᑐᒪᓂ’ ᐱᓕᕆᐊᖓᓂᒃ, ᑕᕝᕙᓂᓕ ᑲᒪᒋᐅᕙᒃᖢᓂ ᐃᖅᑲᓇᐃᔭᖅᑎᑖᕋᓱᖕᓂᖅᒥᒃ ᐊᒻᒪ ᐊᔪᕈᓐᓃᖅᓴᖅᑎᑦᑎᕙᖕᓂᖅᒥᒃ ᐃᓄᖕᓂ ᐃᖅᑲᓇᐃᔭᖅᑎᒋᔭᐅᔪᓂᒃ ᐅᔭᕋᒃᓯᐅᖅᕕᒃᒥᒃ.

“ᑕᒪᓐᓇ ᖁᕕᐊᓇᒻᒪᕆᓚᐅᖅᑐᖅ ᐅᕙᓐᓄᑦ ᐃᓚᓐᓄᓪᓗ,” ᒍᕇ-ᓯᑳᑦ ᐅᖃᖅᑐᖅ ᓂᕐᓱᖅᑕᐅᔾᔪᑎᐊᓂᒃ. “ᐊᑯᓂᐊᓗᒃ ᐊᕐᕌᒎᖕᒪᑦ, ᐅᓇ ᓄᕙᒡᔪᐊᕐᓇᖅ-19 ᐱᑕᖃᖅᑎᓪᓗᒍ, ᑕᐃᒪᓕ ᑖᓐᓇ ᑐᓴᕐᓂᖅᑐᐊᓘᓚᐅᖅᑐᖅ ᑐᓴᒐᒃᓴᖅ.”

ᐊᕐᕌᒍᓂ 11-ᓂ ᐅᕌᒡᓚᓐᒥ ᐃᖅᑲᓇᐃᔭᖅᖢᓂ, ᒍᕇ-ᓯᑳᑦ ᐃᖅᑲᓇᐃᔭᖅᓯᒪᔪᖅ ᐱᔨᑦᑎᕋᐅᑎᓕᕆᔨ ᐅᔭᕋᒃᓯᐅᖅᑎᐅᓪᓗᓂ, ᐅᔭᕋᒃᓯᐅᖅᕕᒃᒥᑦ ᐊᔪᕈᓐᓃᖅᓴᖅᑎᑦᑎᓪᓗᓂ ᐊᒻᒪᓗ ᑲᒪᔨᐅᓂᖅᒧᑦ ᐊᔪᕈᓐᓃᖅᓴᖅᖢᓂ.

ᒫᓐᓇ 200 ᐃᓄᐃᑦ ᐃᖅᑲᓇᐃᔭᖅᑐᑦ ᐅᕌᒡᓚᓐᒥᑦ, ᐃᓚᖃᖅᖢᑎᒃ ᓂᕿᓕᐅᖅᑎᓂᒃ ᐊᒻᒪ ᓴᓗᒻᒪᖅᓴᐃᔨᓂᒃ. ᐃᖅᑲᓇᐃᔭᕐᓂᖓᓂᒃ ᐊᔪᕈᓐᓃᖅᓴᖅᑎᑕᐅᓪᓗᓂ, ᒍᕇ-ᓯᑳᑦ ᐅᖃᓚᐅᖅᑐᖅ ᐅᔾᔨᕆᓂᖓᓂᒃ ᐅᓄᙱᑦᑐᕈᓗᐃᑦ ᐃᓄᐃᑦ ᐃᖅᑲᓇᐃᔭᕐᓂᖏᓐᓂᒃ ᐅᔭᕋᒃᓯᐅᖅᕕᖕᒥᑦ ᐊᒻᒪ ᐊᐅᓚᑦᑎᓂᖅᒥᒃ.

ᑕᐃᒪᓕ ᐃᑲᔪᓚᐅᖅᓯᒪᔪᖅ ᐱᒋᐊᖅᑎᑦᑎᓂᖅᒥᒃ ᐆᒥᖓ ‘ᐱᒍᓐᓇᖁᒍᑦ’ ᐱᓕᕆᐊᒥᒃ, ᐋᖅᑭᒃᑕᐅᓯᒪᓪᓗᓂ ᐃᓄᖕᓂ ᖁᕝᕙᓯᖕᓂᖅᓴᓄᑦ ᐃᖅᑲᓇᐃᔮᓄᑦ ᐊᔪᕈᓐᓃᖅᓴᕈᑎᐅᓪᓗᓂ ᑕᕝᕙᓂ ᐅᔭᕋᒃᓯᐅᖅᕕᒃᒥᑦ.

“We were spending a lot of effort on the stope school but weren’t getting them to the top of the food chain,” Grey-Scott said.

“ᐃᑲᔪᕈᒪᓚᐅᕋᑦᑕ ᐊᔪᙱᓐᓂᖏᑦᑎᒍᑦ ᐊᒻᒪᓗ ᓱᒃᑲᔪᒥᒃ ᐊᐅᓚᑦᑎᓂᖅᒧᐊᕋᓱᒃᖢᑎᒍᑦ.”

ᒍᕇ-ᓯᑳᑦ ᑕᐃᒪᙵᓂᑦ ᐃᑲᔪᖃᑦᑕᖅᓯᒪᔪᑦ ᐅᖃᐅᔨᕙᒃᖢᓂ ᐅᓄᙱᑦᑐᓂᒃ ᐃᓄᖕᓂ ᐊᔪᕈᓐᓃᖅᓴᖅᑐᓂᒃ ᐃᖅᑲᓇᐃᔮᖃᖅᑐᓂᒃ ᒪᑯᓂᖓ ᐊᒻᒪᖅᑐᐃᔪᓂᒃ ᐊᒻᒪ ᖄᖅᑎᑲᑕᒃᑐᓂᒃ ᐊᒻᒪᓗ ᐱᕙᓪᓕᐊᔭᐅᓂᖓᓂᒃ ᐅᔭᕋᒃᓯᐅᖅᕕᒃ ᐅᕌᒡᓚᓐ ᓄᓇᐅᑉ ᐊᑖᒍᑦ.

ᐱᒃᑯᒋᓯᒪᓛᕆᔭᖓᓕ ᖃᓄᐃᓕᐅᖅᓯᒪᓂᖏᓐᓂᒃ ᐊᔪᕈᓐᓃᖅᓴᖅᑎᑦᑎᓪᓗᓂ ᓯᕗᓪᓕᖅᐹᒥᒃ ᐃᓄᖕᒥ ᐊᖏᔪᒥᒃ ᑲᐃᕘᑎᒥᒃ ᐱᓕᕆᐊᖃᓕᖅᑎᓪᓗᒍ ᐅᓇ ᑖᓂᐅᓪ ᐅᕉᓱᓪ ᑰᔾᔪᐊᕌᐱᒃᒥᐅᑕᖅ.

“ᐅᓇ ᑐᕌᒐᒻᒪᕆᐅᓚᐅᖅᑐᖅ, ᐃᓄᖕᒥᑦ ᑐᓗᖅᑕᕈᑎᒥᒃ ᓱᕋᐃᓪᓗᓂ, ᐊᒻᒪᓗ ᒫᓐᓇ ᐊᓯᖏᑦ ᐃᓄᐃᑦ ᐱᓕᕆᖃᑕᐅᔪᓐᓇᕐᓂᐊᖅᑐᑦ,” ᒍᕇ-ᓯᑳᑦ ᐅᖃᖅᑐᖅ.

ᐅᓇ ᓄᕙᒡᔪᐊᕐᓇᖅ-19 ᐋᓐᓂᐊᕕᒡᔪᐊᕐᓇᐅᔪᖅ ᐊᔪᕐᓇᕈᑎᐅᓯᒪᖕᒪᑦ ᐃᖅᑲᓇᐃᔭᖅᑎᑖᕋᓱᖕᓂᖅᒥᒃ. ᐃᓄᐃᑦ ᐃᖅᑲᓇᐃᔭᖅᑎᒋᔭᐅᔪᑦ ᑕᕝᕙᓃᑎᑕᐅᔪᓐᓃᓚᐅᕐᒪᑕ ᑕᖅᑭᒐᓴᒻᒪᕆᖕᓂᒃ 2020-ᖑᑎᓪᓗᒍ, ᒫᓐᓇᓘᓐᓃᑦ ᒍᕇ-ᓯᑳᑦ ᐅᐸᖃᑎᒌᒃᓯᒪᓂᒃᑯᑦ ᐃᓄᖕᓂ ᓄᓇᕕᒃᒥᑦ ᐃᖅᑲᓇᐃᔭᖅᑎᑦᑎᔪᓐᓇᙱᑦᑐᖅ.

ᓱᓕ ᑲᔪᓯᔪᖅ ᐊᐅᓚᖅᓯᒪᕙᒃᖢᓂ ᐱᓇᓱᐊᕈᓰᖕᓂ ᒪᕐᕉᖕᓂᒃ, ᖃᖓᑕᓪᓗᓂ ᐋᓐᑎᐅᕆᐅ ᓂᒋᐊᓄᑦ, ᑕᒫᓂ ᓄᓇᖃᕋᒥ ᓄᓕᐊᖓᓗ ᐊᒻᒪ ᑎᓴᒪᑦ ᐸᓂᖏᑦ.

ᑭᓯᐊᓂᓕ ᒍᕇ-ᓯᑳᑦ ᐃᑲᔪᒃᑲᓐᓂᕈᒪᔪᖅ ᓄᓇᕕᒻᒥᐅᓂᒃ ᐊᑯᓂᕈᓗᒃ ᐃᖅᑲᓇᐃᔮᖃᕈᓐᓇᖅᓂᖅᒥᒃ ᐅᕌᒡᓚᓐᒥ ᐊᒻᒪᓗ ᐃᖅᑲᓇᐃᔮᖅᑖᖅᑎᑉᐸᒃᖢᓂᒋᑦ ᐋᖅᑭᒃᓱᐃᔾᔪᑎᐅᓂᐊᖅᑐᓂ ᐊᑐᐊᒐᓕᕆᓂᒃᑯᑦ ᐅᔭᕋᒃᓯᐅᖅᕕᒃᒥᑦ.

“ᑕᒪᓐᓇ ᐅᕙᓐᓄᑦ ᐱᒻᒪᕆᐊᓘᖕᒪᑦ, ᐃᓅᓪᓗᖓ, ᐃᑲᔪᕈᓐᓇᖅᑎᓪᓗᖓ ᐊᒻᒪᓗ ᐅᖃᕈᓐᓇᖅᕕᖃᖅᖢᖓ ᒪᓕᒐᓕᕆᓃᑦ ᒥᒃᓵᓄᑦ ᑕᒫᓂ,” ᐅᖃᖅᑐᖅ.

“ᖁᕕᐊᓇᕋᔭᖅᑐᖅ ᐊᐅᓚᑦᑎᔨᖓ ᐃᓅᓐᓂᖅᐸᑦ. ᐱᐅᓪᓚᕆᖕᒪᑦ ᐱᓕᕆᖃᑎᖃᖅᖢᓂ ᐃᓄᖕᓂ. ᑕᐃᒪᓕ ᐃᓱᒪᔪᖓ ᖃᓄᐃᓕᐅᕐᓂᕆᔭᕋ ᑐᓗᖅᑕᕈᑎᓂᒃ ᓄᖅᑲᖅᑎᑦᑎᔪᓐᓇᖁᓪᓗᒍ.”

 

 

Share This Story

(0) Comments

Join the Conversation

Your email address will not be published. Required fields are marked *

*