ᓄᓇᕕᒃᒥ ᐸᓖᓯᒃᑯᑦ ᐃᓕᓴᕆᔭᐅᔾᔪᑎᑖᖅᐳᑦ 2019-ᒥᑦ ᐱᒋᐊᖅᑐᕕᓂᖅᒥᒃ ᓄᖅᑲᖅᑎᑦᑎᓂᖅᒧᑦ

‘ᖁᕕᐊᓇᖅᑐᖅ ᓄᓇᓕᖕᓂᒃ ᐃᓕᓴᕆᔭᐅᔾᔪᑎᑖᖅᖢᓂ,’ ᐅᖃᖅᑐᖅ ᐸᓖᓯ ᒫᑎᐅ ᕙᕋᑦ-ᑎᐋᓐ

ᓴᐅᒥᖓᓂᒃ, ᓄᓇᕕᒃ ᐸᓖᓯᒃᑯᓐᓄᑦ ᐸᓖᓯ ᒫᑎᐅ ᕙᕋᑦ-ᑎᐋᓐ, ᓴᐃᕋ ᐃᓕᓯᑐᒃ ᐊᒻᒪ ᐸᓖᓯ ᕗᐸᑐᕆᒃ ᒍᕆᓂᐊ ᐊᔾᔨᓕᐅᖅᑕᐅᑎᓪᓗᒋᑦ ᐅᕙᓂ ᓴᓪᓗᐃᑦ ᐄᐳᕈᓪ 2019-ᒥᑦ, ᑖᓐᓇ ᐃᓕᓯᑐᒃ ᒪᒥᓚᐅᖅᑐᓪᓗᒍ ᒫᔅᓯ 2019-ᒥᑦ ᐱᒋᐊᖅᑕᐅᒋᐊᖅᑎᓪᓗᒍ. (ᐊᔾᔨᙳᐊᖅ ᐅᑯᓇᙵᑦ NPS)

By ᓴᐃᕋ ᕌᔾᔪᔅ

For an English version of this story, see Nunavik police officers awarded medal for response to 2019 attack

ᒫᕐᕉᒃ ᓄᓇᕕᒃᒥᑦ ᐸᓖᓯᐅᔫᒃ ᐃᓕᓴᕆᔭᐅᔾᔪᑎᑖᓚᐅᖅᑑᒃ ᐊᕐᓇᒥᒃ ᓴᓪᓗᐃᑦ ᓄᓇᖓᓂ ᐊᓐᓇᐅᒪᑎᑦᑎᓚᐅᖅᓯᒪᖕᒪᑎᒃ 2019-ᒥᑦ ᐱᑦᑎᐊᙱᓗᐊᖅᑐᐊᓗᒃᑕᖃᖅᑎᓪᓗᒍ

ᑯᐸᐃᒃᒧᑦ ᒥᓂᔅᑕ ᑭᒃᑯᓕᒫᓂᒃ ᓴᐳᓐᓂᐊᖅᑎᒃᑯᓐᓄᑦ ᐃᓕᓴᕆᔭᐅᔾᔪᑎᒥᒃ ᑐᓂᓯᓚᐅᕐᑐᖅ Meritorious Service Medal (ᐱᓕᕆᐊᖏᑦᑎᒍᑦ ᐱᓕᕆᐊᖃᒻᒪᕆᖕᓂᖅᒧᑦ) ᑕᒪᑐᒪᓂ ᑕᖅᑭᖅᒥᓐ ᐅᑯᓄᖓ ᐸᓖᓯ ᒫᑎᐅ ᕙᕋᑦ-ᑎᐋᓐ ᓄᓇᕕᒃᒥᑦ ᐸᓖᓯᒃᑯᓐᓂᒃ ᐊᒻᒪᓗ ᐊᐃᑉᐸᕆᕙᒃᑕᖓᓂᒃ ᐸᓖᓯ ᕗᕋᑐᕆᒃ ᒍᕆᓂᐊᒥᒃ, ᓄᓇᕕᒃᒥ ᐸᓖᓯᐅᓂᑯ ᒫᓐᓇ ᐃᖅᑲᓇᐃᔭᓕᖅᑐᖅ ᐅᑯᓄᖓ Sûreté du Québec.

ᕙᕋᑦ-ᑎᐋᓐ ᐱᔨᑦᑎᕋᕐᓂᖅᒧᑦ ᖃᑭᖅᑯᐊᖅᑕᐅᓚᐅᑎᖅᓯᒪᔪᖅ ᐄᐳᕈᓪ 16-ᒥ ᑰᔾᔪᐊᖅᒥᑦ ᒫᓐᓇᓗ ᑕᐃᑲᓃᖢᓂ.

“ᖁᕕᐊᓱᒃᑎᐊᓚᐅᖅᑐᖓ,” ᐅᖃᖅᑐᖅ. “ᑕᒪᓐᓇᓗ ᐱᓕᕆᐊᕆᔭᓐᓂ ᐱᓕᕆᒃᑲᓐᓂᕈᑎᒋᔪᒪᓪᓗᒍ ᐊᔪᙱᓐᓂᒃᑯᑦ.”

ᕙᕋᑦ-ᑎᐋᓐ ᓄᓇᕕᒃ ᐸᓖᓯᒃᑯᓐᓂ ᐃᖅᑲᓇᐃᔭᓕᓚᐅᖅᓯᒪᔪᖅ 2018-ᒥᑦ. ᐊᕐᕌᒍᓪᓗᐊᒥ ᐃᖅᑲᓇᐃᔭᓕᖅᖢᓂ ᓴᓪᓗᐃᑦᓂ ᐸᓖᓯᒃᑯᑦ ᒫᔅᓯ 2019-ᒥᑦ ᐅᖄᓚᕝᕕᐅᓪᓗᑎᒃ ᑐᐊᕕᕐᓇᖅᑐᒥ ᐊᕐᓇᒥ ᐊᒃᓱᕈᒻᒪᕆᒃᑐᒥᒃ.

ᑲᑉᐱᐊᓱᒻᒪᕆᓚᐅᖅᓯᒪᖕᒪᑦ ᐊᒻᒪ ᑐᖅᖢᓛᖅᖢᓂ, ᑭᓯᐊᓂᓕ ᕙᕋᑦ-ᑎᐋᓐ ᐊᑎᖓᓂᒃ ᑐᑭᓯᔪᓐᓇᓚᐅᖅᑐᖅ – ᓴᐃᕋ – ᐊᒻᒪ ᓇᐃᓴᐅᑎ “15.”

ᐸᓖᓯᒃᑯᑦ ᑐᐊᕕᖅᖢᑎᒃ ᐊᓂᓪᓗᑎᒃ ᐃᒡᓗᓂ ᕿᓂᓕᖅᖢᑎᒃ ᑕᐃᒪᓐᓇ ᓇᐃᓴᐅᑎᓂᒃ ᐱᒋᐊᖅᕕᖃᖅᑐᓂᒃ. ᕙᕋᑦ-ᑎᐋᓐ ᐃᖅᑲᐅᒪᔪᖅ ᐊᑕᐅᓯᕐᒧᑦ ᐃᒡᓗᒧ ᐅᐸᒃᑕᖓᓂᒃ ᐊᕐᓇᒥᒃ ᑐᖅᖢᓛᖅᑐᖃᖅᐸᓕᑦᑎᔪᒥᒃ.

ᐸᓖᓯᒃᑯᑦ ᐃᓯᖅᖢᑎᒃ ᑕᑯᓯᓪᓗᑎᒃ ᐊᖑᑎᒥᒃ ᑕᑭᔪᕈᓗᖕᒥᑦ ᓴᕕᓕᔭᖅᑐᒥᓐ, ᐊᒻᒪᓗ ᑖᓐᓇ ᐊᕐᓇᖅ ᑲᐳᖅᓴᖅᑕᐅᓯᒪᐅᖅᖢᓂ. ᑖᔅᓱᒥᖓ ᐊᖑᑎᒥ ᓱᑲᑎᑦᑎᓪᓗᑎᒃ, ᑎᒍᔭᐅᓪᓗᓂ ᐊᒻᒪᓗ ᐅᖄᓚᓪᓗᑎᒃ ᐋᓐᓂᐊᖅᑐᓕᕆᔨᓄᑦ ᑲᒪᒋᔭᐅᓂᐊᖅᒪᑦ ᐊᕐᓇᖅ.

ᓴᐃᕋ ᐃᓕᓯᑐᒃ, ᐊᖏᓚᐅᕐᒪᑦ ᐅᓂᒃᑳᓂᒃ ᑎᑎᕋᕈᒪᔪᓄᑦ, ᐅᓐᓄᙳᖅᑎᓪᓗᒍ ᒪᓐᑐᕆᐊᒧᑦ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑎᑕᐅᓪᓗᓂ ᐊᒻᒪᓗ ᐋᓐᓂᐊᕕᐊᓗᖕᒥᑦ ᐱᓕᕆᐊᖑᓕᖅᖢᓂ ᐱᓇᓱᐊᕈᓯᒐᓚᒻᒪᕆᖕᓂᒃ.

ᑖᔅᓱᒥᖓ ᐱᒋᐊᖅᓯᒪᔪᖅ, ᐊᐃᑉᐸᕆᓪᓗᓂᐅᒃ, ᑭᖑᓂᐊᒍᑦ ᑎᒍᔭᐅᓕᓚᐅᖅᓯᒪᔪᖅ ᐋᓐᓂᖅᓱᐃᕆᓂᐊᓗᖕᒧᑦ.

“ᖁᕕᐊᓱᒃᑐᒍᑦ ᓄᖅᑲᖅᑎᑦᑎᔪᓐᓇᓚᐅᕋᑦᑕ ᐊᒻᒪᓗ ᐃᑲᔪᖅᑕᐅᑎᑦᑐᓐᓇᓚᐅᕋᑦᑎᒍᑦ,” ᕙᕋᑦ-ᑎᐋᓐ ᐅᖃᖅᑐᖅ.

ᑕᒪᓐᓇᓕ ᑭᐅᑲᐅᖅᑐᓐᓂᖓᓄᑦ ᐱᓕᕆᖃᑎᖓ ᒍᕆᓂᐃ ᑕᐃᒪᐃᑦᑐᓐᓇᓚᐅᖅᑐᑦ, ᐅᖃᖅᑐᖅ.

“ᐱᓇᓱᑲᐅᑎᒋᓚᐅᖅᓯᒪᒐᑦᑕ,” ᐅᖃᖅᑐᖅ. “ᐱᓕᕆᖃᑎᒌᑦᑎᐊᕈᓐᓇᖅᖢᑕᓗ.”

ᑖᓐᓇ ᐃᓕᓯᑐᒃ ᒪᒥᑎᓪᓗᒍ ᐊᒻᒪ ᐅᑎᖅᖢᓂ ᓴᓪᓗᐃᑦᓄᑦ ᐱᓇᓱᐊᕈᓯᒐᓚᐃᑦ ᐊᓂᒍᖅᑎᓪᓗᒋᑦ, ᕗᕋᑦ-ᑎᐋᓐ ᐅᖃᓚᐅᖅᑐᖅ ᓄᓇᓕᖕᓂ ᐊᐴᑎᓚᐅᖅᓯᒪᓂᕋᖅᖢᓂᐅᒃ.

ᐅᖃᖅᖢᓂ ᐃᓕᓯᑐᒃ ᐅᐸᒃᖢᓂ ᐃᓚᒌᖑᓪᓗᑎᒃ ᑖᔅᓱᒥᖓ, ᑕᒪᐃᓐᓂᒡᓗ ᑎᒎᑎᖃᑎᖃᓚᐅᖅᑐᑦ ᐸᓖᓯᒥ ᖁᔭᒋᓪᓗᒍ ᑭᐅᑲᐅᖅᑐᕈᓐᓇᓚᐅᖅᓯᒪᓂᖓᓂᒃ ᑕᐃᔅᓱᒪᓂ.

“ᖃᓄᐃᙱᑦᑐᖅ ᐃᓕᓴᕆᔭᐅᔪᓐᓇᕐᓗᓂ ᓄᓇᓕᖕᓂᒃ,” ᕙᕋᑦ-ᑎᐊᓐ ᐅᖃᖅᑐᖅ.

“ᑕᑯᖃᑦᑕᕐᒪᑕ ᐅᓄᕈᓘᔭᖅᑐᓂᒃ ᐸᓖᓯᓂᒃ ᑎᑭᒃᑐᓂᒃ ᐊᒻᒪ ᐊᐅᓪᓚᖅᐸᓪᓕᐊᔪᓂᒃ, ᑕᐃᒪᓕ ᖁᕕᐊᓇᑐᐃᓐᓇᖅᑐᖅ ᐅᕙᑦᑎᓐᓂᒃ ᑕᑎᖃᕈᓐᓇᕐᓂᖏᓐᓂᒃ.”

Share This Story

(0) Comments

Join the Conversation

Your email address will not be published. Required fields are marked *

*