ᓄᓇᕗᑦ ᑐᙵᕕᒃᑯᑦ ᑎᒥᖓ, ᓄᓇᕗᒥᑦ ᒐᕙᒪᒃᑯᑦ ᓄᑖᓂᒃ ᐱᓕᕆᖃᑎᒌᒍᑎᖃᓕᕐᑐᑦ

ᓄᓇᕗᑦ ᑲᒥᓯᓇ, ᓯᕗᓕᐅᕐᑎ, ᐅᖃᕐᑐᑦ ᐊᖏᖃᑎᒌᒍᑎ ᐃᑲᔪᕐᓂᐊᕐᓂᖓᓂᒃ ᑖᒃᑯᓂᖓ ᒪᕐᕉᖕᓂ ᐱᓕᕆᖃᑎᒌᖕᓂᖏᓐᓂᒃ

ᓯᕗᓕᐅᕐᑎ ᐸᐅᓗᓯ ᐊᕿᐊᕈᖅ ᐊᒻᒪᓗ ᓄᓇᕗᑦ ᑐᙵᕕᒃ ᐊᖓᔪᖅᑳᖓ ᐊᓗᑭ ᑰᑦᑐᖅ ᐊᑎᓕᐅᕐᑑᒃ ᐱᓕᕆᖃᑎᒌᒍᑎᒃᓴᓂᒃ ᒫᔅᓯ 25-ᒥ ᐃᖃᓗᒃᑑᑦᑎᐊᕐᓂᒃ. (ᐊᔾᔨᓕᐅᕆᔨ ᓯᒪ ᓴᕼᐊᕐ ᔨᕆᕼᐃ)

By ᑕᐃᕕᑦ ᕕᐊᓐ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

For an English version of this story, please see Government, NTI create Nunavut Partnership Committee.

ᓯᕗᓕᐅᕐᑎ ᐸᐅᓗᓯ ᐊᕿᐊᕈᖅ ᐊᒻᒪ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖃ ᐊᓗᑭ ᑰᑦᑎᖅ ᐊᑎᓕᐅᓚᐅᕐᒪᑕ ᐱᓕᕆᖃᑎᒌᒍᑎᓂᒃ ᐊᖏᕈᑎᓂᒃ ᐅᑯᓄᖓ ᓄᓇᕗᒥᑦ ᐱᓕᕆᖃᑎᒌᖕᓂᕐᒧᑦ ᑲᑎᒪᔨᕋᓛᓂᒃ, ᐱᓪᓚᕆᐅᓕᖅᑎᑦᑎᓪᓗᑎᒃ ᖃᓄᖅ ᑖᒃᑯᐊ ᒪᕐᕉᒃ ᐱᓕᕆᖃᑎᒌᖃᑦᑕᕐᓂᐊᕐᓂᖏᓐᓂᒃ.

ᐊᖏᖃᑎᒌᒍᑎ, ᑐᓴᖅᑎᑦᑎᔾᔪᑎᐅᓚᐅᕐᑐᖅ ᒫᔅᓯ 25-ᒥ ᑕᕝᕙᓂᑦᑕᐃᓐᓇᖅ ᐱᓇᓱᐊᕈᓯᕐᒥ ᐅᓇ ᓄᓇᕗᑦ ᑲᒥᓯᓇᖓ ᐄᕙ ᐋᕆᐊᒃ ᑐᓴᖅᑎᑦᑎᓚᐅᕐᑎᓪᓗᒍ ᓄᓇᕗᒥᑦ ᒐᕙᒪᒃᑯᑦ ‘ᑲᑐᔾᔨᓄᑕ’ ᐱᓕᕆᐊᒃᓴᒥᒃ, ᑐᑭᖃᖅᖢᓂ “ᐱᓇᓱᐊᒐᖃᕐᓂᒃ ᐱᓕᕆᐊᒃᓴᒥᒃ ᑲᑐᔾᔨᓂᒃᑯᑦ ᓴᖅᑭᑎᑦᑎᓇᓱᖕᓂᕐᒥᒃ ᐱᓕᕆᐊᖑᔪᓂᒃ.”

ᓄᓇᕗᒥᑦ ᐱᖓᓱᒃ ᐊᕕᒃᑐᕐᓯᒪᐅᕐᓂᒃᑯᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐱᓕᕆᖃᑎᖃᓚᐅᕐᑐᑦ ᒪᓕᒐᓕᐅᕐᑎᓂᒃ ᖃᓄᐃᓕᐅᕈᑎᒃᓴᓕᐅᕋᓱᒃᖢᑎᒃ, ᑖᒃᑯᐊᓕ ᐱᓕᕆᖃᑎᒌᖕᓂᕐᒧᑦ ᑲᑎᒪᔨᕋᓛᒃ ᐋᖅᑭᒃᑕᐅᓯᒪᒐᓗᐊᖅᖢᓂ ᓄᓇᕗᑦ ᑐᙵᕕᒃᑯᓐᓂᒃ ᐊᒻᒪᓗ ᒐᕙᒪᒃᑯᓐᓂᒃ.

“ᖁᕕᐊᓱᒃᑐᖓ ᓯᕗᒧᑦ ᐱᓇᓱᒃᑲᓐᓂᕈᓐᓇᕐᓂᑦᑎᓐᓂᒃ ᓄᓇᕗᒥᒃ ᒐᕙᒪᒃᑯᑦ ᓴᙱᒃᑎᑉᐹᓪᓕᖅᑎᑦᑎᔪᓇᕐᓂᖏᓐᓂᒃ ᓄᓇᕗᒥᑦ ᐱᓕᕆᔨᐅᔪᑦ ᐅᑯᓂᖓ ᓄᓇᕗᒥᑦ ᑐᙵᕕᒃᑯᓐᓂᒃ,” ᐊᕿᐊᕈᖅ ᐅᖃᓚᐅᕐᑐᖅ ᑐᓴᒐᒃᓴᓕᐅᖅᑎᓪᓗᒋᑦ.

‘ᖃᐅᔨᒪᔪᖓ ᐱᓕᕆᖃᑎᖃᕐᓗᑕ ᑲᑐᔾᔨᓂᒃᑯᑦ ᐋᖅᑭᒃᓱᐃᔪᓐᓇᕐᓂᕐᒥᒃ ᐊᒻᒪ ᐃᑲᔪᕈᑎᒃᓴᓂᒃ ᓄᓇᕗᒥᒃ ᓈᒻᒪᙱᓕᐅᕈᑎᐅᕙᒃᑐᓂᒃ ᐊᒻᒪᓗ ᓄᓇᑦᑎᓐᓂᒃ ᐱᐅᓂᕐᓴᐅᓕᖅᑎᑦᑎᓗᑕ ᓄᓇᕗᒥᐅᓕᒫᓄᑦ.”

ᑰᑦᑎᖅ ᐅᖃᓚᐅᕐᑐᖅ ᒐᕙᒪᒃᑯᑦ ᐊᒻᒪᓗ ᓄᓇᕗᒥᑦ ᑐᙵᕕᒃᑯᑦ ᐱᓕᕆᖃᑎᒌᒍᓐᓇᑦᑎᐊᕐᓂᐊᕐᓂᖏᓐᓂᒃ.

“ᓄᓇᕗᒧᑦ ᐊᖏᕈᑎ ᐋᖅᑭᒃᓯᔾᔪᑎᐅᔪᖅ ᓄᓇᕗᒥᑦ ᐃᓂᒋᔭᐅᓂᐊᕐᓗᓂ ᐃᓄᖕᓂᒃ ᑮᓇᐅᔭᓕᐅᕋᓱᖕᓂᒃᑯᑦ, ᐃᓅᖃᑎᒌᖕᓂᒃᑯᑦ ᐊᒻᒪ ᐃᓕᖅᑯᓯᓕᕆᓂᒃᑯᑦ,” ᑰᑦᑎᖅ ᐅᖃᓚᐅᕐᑐᖅ ᑐᓴᒐᒃᓴᓕᐊᑎᒍᑦ. “ᐅᓇ ᐅᖃᐅᓯᖃᕐᓂ ᐅᕙᑦᑎᓐᓂᒃ ᐱᓕᕆᖃᑎᖃᓕᕈᑎᒃᓴᖅ ᑕᑯᔭᐅᓯᒪᔪᓂᒃ ᐊᒻᒪ ᑐᑭᒧᐊᕈᑎᖃᕐᓂᒃᑯᑦ.”

ᔭᓄᐊᕆ 2020-ᒥ, ᒐᔭᒪᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐊᑎᓕᐅᓚᐅᕐᓯᒪᖕᒪᑕ ᑲᑐᔾᔨᖃᑎᒌᖕᓂᖅᒧᑦ ᐱᔭᒃᓴᓂᒃ, ᑖᓐᓇᓗ ᐋᖅᑭᒃᓯᒪᓪᓗᓂ ᖃᓄᖅ ᐱᓕᕆᖃᑎᒌᒐᔭᕆᐊᒃᓴᖏᓐᓂᒃ.

ᐊᔾᔨᐸᓗᐊᓂᒃ ᐱᓕᕆᖃᑎᒌᒍᑎᒃᓴᓂᒃ ᐊᑎᓕᐅᒪᐅᕐᓯᒪᔪᑦ 1999-ᒥ, 2004-ᒥ ᐊᒻᒪᓗ 2011-ᒥ.

Share This Story

(0) Comments