ᓄᓇᕗᒥᑦ ᓱᕈᓰᑦ ᐅᖃᓕᒫᕐᓂᕐᒧᑦ ᐃᑲᔪᖅᑕᐅᔾᔪᑎᑖᕐᐳᑦ ᐅᖃᐅᓯᕐᒥ ᐊᔪᕈᓐᓃᕐᓴᕐᓂᕐᒧᑦ

For English version, see Nunavut children get literature to support language learning

ᓄᓇᕗᒥᑦ ᒪᕐᕈᐃᓂᒃ ᐅᖃᐅᓯᕐᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᐃᓕᓐᓂᐊᖃᑦᑕᓕᓵᖅᑐᓂᒃ ᐃᓄᒃᑐᑦ ᐅᖃᐅᓕᒫᕈᓐᓇᖅᓯᑎᑦᑎᓇᓱᒃᑐᑦ ᑐᓂᓯᑲᑕᒃᖢᑎᒃ ᐊᑭᖃᙱᑦᑐᓂᒃ ᑎᑎᕋᐅᔭᒐᖃᖅᑐᓂᒃ ᓱᕈᓯᕐᓄᑦ ᐅᖃᓕᒫᒐᕐᓂᒃ, ᐱᓕᕆᔾᔪᑎᓂᒃ, ᑕᕐᓴᒃᓱᒐᒃᓴᓂᒃ ᐊᒻᒪᓗ ᐊᓯᖏᓐᓂᒃ ᖃᓄᐃᓕᐅᕈᑎᓂᒃ ᐅᖃᓕᒫᒐᕐᓂᒃ.

ᒪᕐᕉᒃ ᐊᔾᔨᒌᙱᑦᑑᒃ ᐱᖁᑎᖃᖅᖢᑎᒃ, ᐊᑕᐅᓯᖅ ᐃᓄᒃᑎᑐᑦ ᐊᔪᕈᓐᓃᕐᓴᕈᑎᐅᓪᓗᓂ ᐊᒻᒪ ᐱᖃᑎᖓ ᐃᓄᐃᓐᓇᖅᑐᓐ ᐊᔪᕈᓐᓃᖅᓴᕈᑎᐅᓪᓗᓂ, ᑐᕌᖓᔪᑦ ᓱᕈᓯᕐᓄᑦ 0-ᒥ 11-ᒧ ᐊᕐᕌᒍᓕᖕᓄᑦ. ᐃᓚᐅᔭᐅᔪᖅ ᐅᓇ ᐱᓕᕆᐊᒃᓴᒥᒃ ᐱᒋᐊᖅᑕᐅᓚᐅᖅᑐᒥᓐ ᐅᑭᐊᒃᓵᖅ.

ᑖᓐᓇᓗ ᖁᕕᐊᒋᔭᐅᑲᑕᑦᑎᐊᒻᒪᕆᒃᖢᓂ: ᐱᓇᓱᐊᕈᓰᒃ ᒪᕐᕉᒃ ᐱᒋᐊᖅᑎᑦᑎᓯᒪᓕᕐᑎᓪᓗᒋᑦ ᐃᑭᐊᖅᑭᕕᒃᑯᑦ ᐊᑎᓕᐅᕐᕕᒃᒥ ᓱᕈᓯᕐᓄᑦ ᐅᒃᑑᐱᕆᒥ ᑐᓴᐅᑎᓕᕆᓂᒃᑯᑦ, ᓄᖑᕈᑎᓚᐅᕐᓯᒪᔪᑦ 100-ᓂ ᐱᓕᕆᔾᔪᑎᒃᓴᓂᒃ.

ᐅᑯᐊ ᒪᕐᕈᐃᓂᒃ ᐅᖃᐅᓯᕐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑐᔾᔨᖃᑎᒌᖓ ᑮᓇᐅᔭᓕᐅᕋᓱᙱᖢᑎᒃ ᑲᑐᔾᔨᖃᑎᒌᖑᔪᑦ ᓴᐳᔾᔨᓯᒪᓇᓱᒃᖢᑎ ᐊᒻᒪ ᐅᔾᔨᕆᔭᐅᑎᑦᑎᓂᕐᓴᐅᓇᓱᒃᖢᑎᒃ ᐃᓄᐃᑦ ᐅᖃᐅᓯᖏᓐᓂᒃ ᒪᐅᓇ ᐋᖅᑭᒃᓱᐃᕙᒃᖢᑎᒃ ᐊᒻᒪᓗ ᐊᑐᐃᓐᓇᐅᑎᑦᑎᓪᓗᑎᒃ ᐃᓕᖅᑯᓯᕐᒧᑦ ᐋᖅᑭᒃᓯᒪᔪᓂᒃ ᐊᒻᒪᓗ ᐃᓕᓐᓂᐊᕈᑎᓕᐅᖅᐸᒃᖢᑎᒃ ᐊᒻᒪ ᐃᑲᔪᕈᑎᒃᓴᓂᒃ ᑭᒃᑯᓕᒫᓄᑦ.

ᐅᓄᕐᓯᕙᓪᓕᐊᑎᓪᓗᒋᑦ ᐃᑲᔪᕈᑎᐅᕙᒃᑐᑦ ᐋᖅᑭᒃᑕᐅᕙᓪᓕᐊᔪᑦ ᐊᒻᒪᓗ ᐃᑲᔪᕈᑎᒃᓴᐅᓪᓗᑎᒃ ᐃᓐᓇᕐᓄᑦ ᐃᓄᒃᑎᑑᖅᐸᒃᑐᓂᒃ ᐅᓇ ᐃᓄᒃᑐᑦ ᐊᑐᐃᓐᓇᐅᓕᖅᑎᑕᐅᓪᓗᓂ ᕙᐃᔅᐳᒃᑯᑦ ᐅᕝᕙᓘᓐᓃᑦ ᒪᐃᑯᓵᕝᑯᑦ ᑐᑭᓕᐅᕈᑎᐊᒍ ᐊᑐᐃᓐᓇᐅᑎᑕᐅᓪᓗᓂ, ᑕᐃᒪᓕ ᑲᑐᔾᔨᖃᑎᒌ ᑐᕌᒐᖃᕐᓂᕐᓴᐅᔪᑦ ᓄᓇᕗᒥᑦ ᐃᓕᓐᓂᐊᖅᐸᓪᓕᐊᓕᓵᖅᑐᓂᒃ.

ᑕᐃᒪᓕ ᐋᖅᑭᒃᓯᔪᖃᓕᓚᐅᕐᑐᖅ ᐱᓕᕆᐊᖑᔪᓐᓇᖅᑐᓂᒃ ᐊᖓᔪᖅᑳᓄᑦ ᐊᒻᒪ ᑲᒪᔨᐅᕙᒃᑐᓄᑦ ᐊᖏᕐᕋᒥ ᐃᓕᓐᓂᐊᖅᑐᓂᒃ ᐃᑲᔪᕈᓐᓇᖁᓪᓗᒋᑦ.

“ᐃᒃᓯᕚᖃᑎᖃᖅᖢᓂ ᐊᒻᒪᓗ ᐅᓂᒃᑳᓂᒃ ᐅᖃᓕᒫᖃᑎᖃᖅᖢᓂ, ᐅᓇ ᐱᒻᒪᕆᒃ,” ᐅᖃᓚᐅᕐᑐᖅ ᕼᐋᓕ ᒪᑳᓐ, ᐱᓕᕆᐊᒧᑦ ᐊᐅᓚᑦᑎᔨ ᐅᕙᓂ ᒪᕐᕈᐃᓂᒃ ᐃᓕᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᓄᑦ.

ᐅᓇ ᐊᖏᕐᕋᒥ ᐅᖃᓕᒫᕈᓐᓇᕐᓯᓂᕐᒧᑦ ᐱᓕᕆᔾᔪᑎᒃᓴᖅ ᐊᕐᕌᒍᒐᓴᖕᓂᒃ ᐋᖅᑭᒃᓱᖅᑕᐅᕙᓪᓕᐊᓯᒪᔪᖅ, ᑕᐃᒪᓕ ᐃᑲᔫᑎᒃᓴᓂᒃ ᑐᓂᔭᐅᖕᒪᑕ ᓄᓇᕗᒥᑦ ᐃᓕᖅᑯᓯᓕᕆᔨᒃᑯᓐᓂᒃ ᐊᕐᕌᒍ ᐱᒋᐊᓕᓵᕐᓯᒪᑎᓪᓗᒍ ᑖᒃᑯᐊ ᑲᑐᔾᔨᖃᑎᒌᑦ ᑲᑎᕐᓱᐅᔪᓐᓇᕐᓯᓚᐅᕐᓯᒪᔪᑦ ᐅᒃᑑᐱᕆᒥ ᐱᒋᐊᖅᑕᐅᓂᐊᖅᑐᒧᓐ.

ᐊᖓᔪᖅᑳᕆᔭᐅᔪᑦ ᐊᒻᒪ ᑲᒪᔨᐅᕙᒃᑐᑦ ᐊᑎᓕᐅᕈᓐᓇᓚᐅᕐᓯᒪᔪᑦ ᐱᒋᐊᕈᑎᒃᓴᓂᒃ ᑎᑎᖃᒃᑯᕕᒃᑯᑦ ᑎᑭᕝᕕᐅᔪᒪᓪᓗᑎᒃ. ᒪᑳᓐ ᐅᖃᓚᐅᕐᑐᖅ ᐃᓱᒪᓂᕋᖅᖢᑎᒃ ᐃᓕᓐᓂᐊᕐᓂᕐᒧᑦ ᐃᑲᔪᕈᑎᒻᒪᕆᐅᓂᐊᖁᓪᓗᓂᐅᒃ ᑕᒪᐃᓐᓄᑦ ᐃᓚᒌᓄᑦ.

“ᐅᑯᐊ ᓱᕈᓰᑦ ᐃᓄᒃᑎᑐᑦ ᐊᖏᕐᕋᖏᓐᓂᒃ ᐃᓕᓐᓂᐊᑐᐃᓐᓇᙱᑦᑐᑦ ᑭᓯᐊᓂᓕ ᐊᖓᔪᖅᑳᕆᔭᐅᔪᑦ ᐊᒻᒪ ᐊᔪᕈᓐᓃᖅᐹᓕᕈᓐᓇᖅᖢᑎᒃ,” ᒪᑳᓐ ᐅᖃᕐᑐᖅ.

ᐅᖃᓚᐅᕐᑐᖅ ᓄᓇᕗᒻᒥᐅᑕᑐᐊᑦ ᐱᓇᓱᒃᑐᑐᐊᖑᙱᓐᓂᕋᖅᖢᓂᒋᑦ ᒫᓐᓇᒧᑦ, ᑭᓯᐊᓂᓕ ᐊᓯᖏᓐᓂᙶᖅᑐᓂᒃ ᑲᓇᑕᒥ ᐱᔪᒪᔪᖃᑲᑕᓚᐅᕐᒥᔪᖅ. ᐅᓇ ᓯᕗᓂᒃᓴᒥᒃ ᐸᕐᓇᐅᓯᐅᕐᓂᕐᒧᑦ ᐃᑲᔪᕈᑎᐅᓂᐊᕐᑐᖅ ᒪᑳᓐ ᐅᖃᕐᑐᖅ.

ᐅᓇ ᐊᖏᕐᕋᒥ ᐅᖃᓕᒫᕈᓐᓇᕐᓯᓂᕐᒧᑦ ᐱᓕᕆᔾᔪᑎᒃᓴᖅ ᐃᓚᒋᔭᐅᔪᑦ ᐅᓄᒃᑲᓐᓂᖅᑐᓂᒃ ᐃᑲᔫᑎᐅᔪᓐᓇᖅᑐᓂᒃ, ᒪᐅᓇ ᐸᐃᑉᐹᑎᒍ ᐊᒻᒪᓗ ᖃᕋᓴᐅᔭᒃᑯᑦ, ᑐᕌᒐᖃᖅᖢᓂ ᓱᕈᓯᕐᓂᒃ ᐅᖃᓕᒫᕈᓐᓇᓕᖅᑎᑦᑎᓂᕐᒥᒃ ᐊᒻᒪ ᐅᖃᕈᓐᓇᑦᑎᐊᕈᓐᓇᕐᓂᕐᒥᒃ, ᐅᖃᕐᑐᖅ ᒪᑳᓐ.

ᐅᖃᓚᐅᕐᑐᖅ ᑲᑐᔾᔨᖃᑎᒌᑦ ᑐᕌᒐᖃᕐᓂᖏᓐᓂᒃ ᐃᓕᓐᓂᐊᕈᑎᓂᒃ ᐃᑲᔪᕈᑎᒃᓴᖃᕋᓱᖅᖢᑎᒃ ᐅᖃᐅᓯᓕᕆᓂᕐᒧᑦ, ᐅᖃᐅᓯᒃᑯᑦ ᖃᓄᐃᓕᐅᕈᓯᕕᓂᕐᓄᑦ ᐊᒻᒪᓕ ᐃᓕᖅᑯᓯᕐᒥ ᓇᓗᓇᐃᕐᓯᓯᒪᓂᕐᒧᑦ ᓯᕗᓂᒃᓴᓄᑦ.

“ᐅᖃᐅᓯᖅ ᐃᓕᖅᑯᓯᕐᒥ ᐊᒻᒪ ᐃᓅᖃᑎᒌᖕᓂᕐᒥ ᐃᓚᖃᕐᒪᓐ,” ᒪᑳᓐ ᐅᖃᕐᑐᖅ.