ᓄᓇᕗᒥᑦ ᕼᐋᒻᒪᓚᒃᑯᑦ ᐊᖓᔪᖅᑳᖏᑦ ᑲᑎᓐᓂᐊᕐᑐᑦ ᐃᖃᓗᖕᓂ ᑕᖅᑭᐅᓂᐊᖅᑐᒥᓐ

For English version, see Territory’s municipal leaders to gather in Iqaluit next month

ᕼᐋᒻᒪᓚᐅᔪᑦ ᓯᕗᒧᑦ ᓄᕙᒡᔪᐊᕐᓇᖅ-19 ᐱᑕᖃᕐᑎᓪᓗᒍ ᐱᒋᐊᖅᑎᑕᐅᒃᑲᓐᓂᕐᓂᐊᕐᓂᖏᑦ ᐃᓱᒪᒋᔭᐅᔪᖅ ᑲᑎᒪᔾᔪᑎᓃᓐᓂᐊᕆᐊᒃᓴᖓᓂᒃ ᐅᑯᐊ ᓄᓇᕗᒻᒥ ᕼᐋᒻᒪᓚᒃᑯᑦ ᑲᑐᔾᔨᖃᑎᒌᖏᑦ ᑐᙵᓱᒃᑎᑦᑎᓕᖅᐸᑕ 55-ᖓᓂ ᐊᕐᕌᒍᒥᒃ ᑲᑎᒪᕕᒡᔪᐊᕐᓇᐅᓂᐊᖅᑐᒥᓐ ᑕᖅᑭᐅᓂᐊᕐᑐᒥᓐ.

ᑲᑎᒪᓕᕐᐸᑕ ᓄᕕᐱᕆ 8-ᒥ 10-ᒧ ᐊᕐᓴᕐᓃᑦ ᑐᔪᕐᒥᕕᒃᒥ ᐊᒻᒪᓗ ᑲᑎᒪᕕᒃᒥ ᐃᖃᓗᖕᓂᑦ, ᐅᓇ ᐱᓕᕆᔾᔪᑎᐅᓂᐊᕐᑐᖅ “ᐊᑕᐅᑦᑎᒃᑯᑦ ᖃᐅᒃᐸᒧᑦ.” ᕼᐋᒻᒪᓚᒃᑯᑦ ᐊᑐᐊᒐᖏᓐᓄᑦ ᓯᕗᓪᓕᐅᔭᕆᐊᓖᑦ ᐅᖃᐅᓯᐅᓂᐊᕐᒥᔪᑦ.

ᓄᓇᕗᒥᑦ ᕼᐋᒻᒪᓚᒃᑯᑦ ᑲᑐᔾᔨᖃᑎᒌᖏᑦ ᒐᕙᒪᐅᓇᑎᒃ ᑲᑐᔾᔨᖃᑎᒌᖑᔪᑦ ᑭᒡᒐᖅᑐᐃᓪᓗᑎᒃ ᑕᒪᐃᓐᓂ ᓄᓇᓕᖕᓂ ᒐᕙᒪᐅᔪᓂᒃ ᓄᓇᕗᒥᑦ.

ᐅᖃᓪᓚᒃᑎᐅᓂᐊᕐᑐᑦ ᑕᒪᑐᒪᓂ ᐃᓚᖃᕐᑐᑦ ᐅᑯᓂᖓ ᐹᓪ ᖁᐊᓴ, ᓄᓇᕗᒧᑦ ᓯᕗᓕᐅᖅᑎᐅᓂᑯ ᐊᒻᒪᓗ ᒫᓐᓇ ᐃᖃᓗᐃᑦ ᓄᓇᓕᐸᐅᔭᓄᑦ ᑲᑎᒪᔨ, ᐊᒻᒪᓗ ᓖᓇ ᐃᕕᒃ, ᐊᐅᓚᑦᑎᔨ ᑐᑭᒧᐊᖅᑎᑦᑎᔨ ᐱᕈᕐᕕᒃᒧᑦ.

ᑲᑎᒪᔭᕐᑐᕐᑐᑦ ᐅᑯᓇᙵ ᑐᓵᓂᐊᕐᑐᑦ ᓯᕗᓕᐅᕐᑎ ᐸᐅᓗᓯ ᐊᕿᐊᕈᕐᒥ, ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᓂᒃ ᐊᓗᑭ ᑰᑦᑎᖅ ᐊᒻᒪ ᓄᓇᕗᒧᑦ ᒪᓕᒐᓕᐅᕐᑎᒥ ᓘᕆ ᐃᓪᓚᐅᖅ.

“ᑲᑎᒪᑎᓪᓗᑕ, ᐅᐸᒍᑎᓯᒪᔪᑦ ᐱᓕᕆᖃᑎᖃᕐᓂᐊᕐᑐᑦ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓂᒃ ᐊᒻᒪᓗ ᐊᕕᒃᑐᖅᓯᒪᓂᒃᑯᑦ ᐃᓄᐃᑦ ᑲᑐᔾᔨᖃᑎᒌᓂᒃ ᒪᐅᓇ ᖃᓄᐃᓕᐅᕈᑎᒃᓴᓕᕆᓂᕐᒥᒃ ᓄᓇᓕᖕᓂ ᖃᐅᔨᓇᓱᒃᑐᓂᒃ ᐃᒡᓗᓕᕆᓂᕐᒧᑦ,” ᓄᓇᕗᒥᑦ ᕼᐋᒻᒪᓚᒃᑯᑦ ᑲᑐᔾᔨᖃᑎᒌ5 ᐊᐅᓚᑦᑎᔨ ᑐᑭᒧᐊᖅᑎᑦᑎᔨᖓ ᐅᖃᓚᐅᕐᓗ ᒫᓚ ᓕᒧᓯᓐ ᑐᓴᒐᒃᓴᓕᐅᖅᑎᓪᓗᒋᑦ.

“ᐋᖅᑭᒃᓱᐃᓂᖅ ᓴᙱᓂᕐᓴᒥᒃ ᓄᓇᕗᒥᑦ ᐱᓕᕆᖃᑎᒌᖕᓂᖃᕆᐊᖃᕐᑐᑦ ᑕᒪᐃᓐᓂ ᒐᕙᒪᓕᕆᔨᐅᔪᓂᒃ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐊᒻᒪᓗ ᒐᕙᒪᐅᓪᓗᑕ ᖃᓂᓛᖑᓪᓗᑕ ᐃᓄᐃᑦ ᐃᓅᓯᖏᓐᓄᑦ ᑕᐃᒪᓕ ᐸᕐᓇᒃᓯᒪᓕᕐᑐᒍᑦ.”