The Government of Nunavut says it’s lifting restrictions in Arviat and Whale Cove now that both communities have been free of COVID-19 for two weeks. (File image)

ᓄᓇᕗᒥᑦ ᖁᕕᐊᓲᑎᖃᕐᐳᑦ ᓄᕙᒡᔪᐊᕐᓇᖅ-19-ᒥᑦ ᐋᓐᓂᐊᖃᕐᑐᑦ ᑕᒪᕐᒥᒃ ᐋᓐᓂᐊᕈᓐᓃᕐᑎᓪᓗᒋᑦ

ᓯᕗᓕᐅᕐᑎ ᐅᔾᔨᓱᖁᔨᔪᖅ ᑐᓴᒐᒃᓴᖅ “ᑐᑭᖃᙱᑦᑐᖅ ᑕᒪᓐᓇ ᐋᓐᓂᐊᕕᒡᔪᐊᕐᓇᖅ ᐱᑕᖃᕈᓐᓃᓪᓚᕆᖕᓂᖓᓂᒃ”

By ᓴᐃᕋ ᕌᔾᔪᔅ

For an English version of this story, see Nunavut celebrates as COVID-19 cases drop to zero

ᓄᓇᕗᒻᒥᐅᑦ ᖁᕕᐊᓲᑎᖃᕐᐳᑦ ᓄᓇᕗᑦ ᓄᕙᒡᔪᐊᕐᓇᖅ-19-ᒥᑦ ᐋᓐᓂᐊᕐᓇᒥ ᐱᑕᖃᕈᓐᓃᕐᑎᓪᓗᒍ

ᓯᕗᓕᐅᕐᑎ ᔫ ᓴᕕᑲᑖᖅ ᑐᓴᖅᑎᑦᑎᓚᐅᕐᑐᖅ ᓴᓇᑦᑕᐃᓕᒥ ᑐᕕᑐᑯᑦ ᓄᓇᕗᒥᐅᑕ ᑯᕉᓇᕙᐃᕋᔅᒥ ᐋᓐᓂᐊᒥᒃ ᐱᑕᖃᕈᓐᓃᕐᓂᕋᐃᕗᑦ.

“ᐅᓪᓗᒥᒥᑦ, ᓄᓇᕗᒥᑦ ᐋᓐᓂᐊᕕᒡᔪᐊᕐᓇᖅᑕᖃᙱᑦᑐᖅ!” ᑎᑎᕋᕐᓯᒪᔪᖅ.

ᑭᓯᐊᓂᓕ ᓯᕗᓕᐅᕐᑎ ᐅᖃᕐᒥᔪᖅ ᑕᒪᓐᓇ ᑐᓴᒐᒃᓴᖅ ᐃᒪᐃᓕᙱᓐᓂᖓᓂᒃ ᐋᓐᓂᐊᕕᒡᔪᐊᕐᓇᖅ ᐊᓂᒍᕐᓂᖓᓂᒃ. ᐊᒻᒪᓗ ᐅᔾᔨᕈᓱᑲᑕᖁᔨᓪᓗᓂ.

“ᓱᓕ ᐃᓄᒃᑕᖃᐅᕐᒪᑦ ᐃᓄᑑᔭᕆᐊᖃᖅᑐᓂᒃ, ᐊᒻᒪᓗ ᑭᒃᑯᓕᒫᑦ ᑕᒪᑐᒧᖓ ᑲᒪᒋᔭᖃᕆᐊᖃᖅᖢᑎᒃ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᐊᑐᖁᔭᐅᔪᓂᒃ ᒪᓕᒡᓗᑎᒃ,” ᐅᖃᖅᑐᖅ.

ᑕᐃᒪᙵᑦ ᓄᓇᕗᒥᑦ ᓯᕗᓪᓕᕐᐹᒥᑦ ᓄᕙᒡᔪᐊᕐᓇᖅ-19-ᒥᑦ ᐋᓐᓂᐊᖃᖅᑐᖃᓕᓚᐅᕐᓯᒪᑎᓪᓗᒍ ᓄᕕᐱᕆ 6-ᒥᑦ, 265 ᐃᓄᐃᑦ ᑕᒪᑐᒥᖓ ᐋᓐᓂᐊᖃᖅᑐᕕᓃᑦ ᒪᒥᓯᒪᓕᕐᑐᑦ.

ᐊᕐᕕᐊᓂᒃ ᐅᓄᓛᖑᓚᐅᕐᑐᑦ ᐋᓐᓂᐊᖃᖅᑐᓂᒃ, 222-ᓂᑦ ᓄᕙᒡᔪᐊᕐᓇᖅ-19-ᒥᑦ ᐊᐃᑦᑐᖅᑕᐅᓪᓗᓂ ᑕᕝᕙᓂ ᑭᕙᓪᓕᕐᒥ ᓄᓇᓕᖕᓂ ᐊᒻᒪᓗ ᑭᖑᓪᓕᖅᐹᖅ ᐋᓐᓂᐊᖃᖅᑐᕕᓂᖅ ᐱᓇᓱᐊᕈᓯᐅᓚᐅᕐᑐᒥ ᖃᓄᐃᑦᑐᓐᓃᓚᐅᕐᖢᓂ.

ᐊᕐᕕᐊᑦ ᒪᐃᔭᖓ ᔫ ᓴᕕᑲᑖᖅ ᓄᑲᖅᖠᖅ, ᓯᕗᓕᐅᕐᑎᐅᑉ ᐃᕐᓂᖓ, ᑐᓴᖅᑎᑦᑎᓚᐅᕐᑐᖅ ᓄᓇᓕᖕᓂ ᓈᓚᐅᑎᒃᑯᑦ ᓈᑦᑎᖑᔭᓛᕐᓂᐊᖑᓚᐅᕐᓯᒪᔫᑉ ᐅᓐᓄᖓᓂ ᓄᓇᖓ ᐋᓐᓂᐊᕐᓇᖅᑐᖃᕈᓐᓃᕐᓂᕋᖅᖢᓂᐅᒃ. ᑕᒪᓐᓇ ᓄᓇᕗᑦ ᓄᓇᓕᖏᓐᓂᒃ ᖁᕕᐊᓲᑎᒍᑎᐅᓚᐅᕐᑐᖅ, ᓄᓇᓯᐅᑎᒃᑰᕐᑐᑦ ᖁᖁᐊᑲᑕᒃᖢᑎᒃ.

ᑕᐃᒪᙵᓪᓕ ᑕᒪᑐᒥᖓ ᐋᓐᓂᐊᕆᔭᐅᔪᒥ ᐋᓐᓂᐊᖃᕐᓂᕋᐃᓚᐅᕐᑎᓪᓗᒋᑦ, ᓄᓇᕗᑦ ᓇᓗᓇᐃᕐᓯᓚᐅᕐᑐᑦ ᐊᑕᐅᓯᕐᒥᒃ ᓄᕙᒡᔪᐊᕐᓇᖅ-19-ᒧᑦ ᐃᓅᔪᓐᓃᕐᑐᕕᓂᕐᒥᒃ — ᐊᕐᕕᐊᕐᒥᐅᑕᖅ ᐊᖑᑎ ᐃᓅᔪᓐᓃᕐᓂᑯ ᐅᐃᓂᐱᒡᒥᑦ ᑎᓯᐱᕆ      19-ᖑᑎᓪᓗᒍ.

ᓄᓇᕗᒥᑦ ᒐᕙᒪᒃᑯᑦ ᓯᕗᓪᓕᕐᒥ ᐅᖃᐅᓯᖃᓚᐅᕐᓯᒪᔪᑦ ᐊᓯᐊᓂᒃ ᐃᓅᔪᓐᓃᖅᑐᖃᓚᐅᕐᓂᖓᓂᒃ ᑲᖏᖅᖠᓂᕐᒥᐅᑕᒥᒃ. ᑭᓯᐊᓂᓕ ᐱᓇᓱᐊᕈᓯᐅᓚᐅᕐᑐᒥ, ᒐᕙᒪᒃᑯ ᐋᖅᑭᒋᐊᕐᓯᓚᐅᕐᑐᑦ ᓇᓗᓇᐃᔭᐅᑎᖏᓐᓂᒃ ᓴᖅᑭᑎᑦᑎᓯᒪᓕᕐᖢᑎᒃ ᐊᑕᐅᓯᕐᒥ ᓄᕙᒡᔪᐊᕐᓇᖅ-19-ᒧᑦ ᐃᓅᔪᓐᓃᕐᓯᒪᔪᒥᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐅᖃᕐᑎᒋᔭᐅᔪᖅ ᐅᖃᓚᐅᕐᑐᖅ ᓱᓕ ᐃᓅᔪᓐᓃᖅᑐᕕᓂᖅ ᖃᓄᖅ ᓇᓗᓇᐃᖅᑕᐅᓯᒪᓂᐊᕆᐊᒃᓴᖓᓄᒃ ᓇᓗᓂᕋᖅᖢᑎᒃ.

ᐋᓐᓂᐊᖃᖅᑐᖃᕈᓐᓃᕐᓂᖓᓂᒃ ᑐᓴᖅᑎᑦᑎᓚᐅᕐᑐᑦ ᓄᓇᕗᒥᑦ ᐅᓇ ᑲᐱᓯᑲᑕᖕᓂᖅ ᑖᔅᓱᒥᖓ ᐋᓐᓂᐊᖅᑖᖅᑕᐃᓕᓂᕐᒧᑦ ᐱᓕᕆᐊᖑᓂᐊᓕᕐᑎᓪᓗᒍ.

6,000-ᓄᑦ ᓈᒻᒪᒃᑐᓂᒃ ᑲᐴᑎᒃᓴᓂᒃ ᐆᒥᖓ Moderna ᓄᕙᒡᔪᐊᕐᓇᖅ-18-ᒧᑦ ᓄᓇᕗᒧᐊᖅᑐᖃᓚᐅᕐᑐᖅ ᑎᓯᐱᕆ 31-ᒥᑦ.

ᓄᓇᕗᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᒋᐊᕐᓂᐊᕋᓱᒋᔭᐅᔪᑦ ᐃᓐᓇᑐᖃᕐᓂᒃ ᑲᐱᓯᑲᑕᓕᕐᓗᑎᒃ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᓂᒃ ᓄᓇᕗᒥᑦ ᑕᒪᑐᒪ ᐱᓇᓱᐊᕈᓯᐅᑉ ᐃᓚᖓᒍᑦ. ᒐᕙᒪᒃᑯᑦ ᐃᓱᒪᔪᑦ ᑲᐴᑎᒃᓴᑦ ᓈᒻᒪᒐᓱᒋᔭᐅᓪᓗᑎᒃ 75 ᐳᓴᓐᑎᖏᓐᓄᑦ ᐃᓐᓇᕐᓄᑎ ᓄᓇᕗᒦᑦᑐᓂᒃ ᓯᕗᓪᓕᕐᓂ ᑕᖅᑭᓂᕐ ᐱᖓᓱᓂᒃ 2021-ᒥᑦ.

Share This Story

(0) Comments

Join the Conversation

Your email address will not be published. Required fields are marked *

*