ᓄᓇᕗᒻᒥ ᐱᓕᕆᔨᕐᔪᐊᖑᔪᑦ ᐃᓂᖅᑎᕆᕗᑦ ᖁᕝᕙᕆᐊᕐᓂᐅᔪᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐆᑕᕐᓇᕐᓂᐅᔪᓂ ᖁᕕᐊᓱᒡᕕᐅᑎᓪᓗᒍ

ᖁᕕᐊᓱᖕᓂᖃᕐᓗᓯ ᐊᑦᑕᓇᔾᔭᐃᖅᓯᒪᓗᓯ, ᐅᖃᖅᐳᖅ ᒥᓂᔅᑕ ᐊᒻᒪ ᖁᑦᑎᓛᖑᔪᖅ ᓘᒃᑖᖅ, ᖁᕕᐊᓱᒡᕕᒃ ᑎᑭᑉᐸᓪᓕᐊᑎᓪᓗᒍ

ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᖓ ᔮᓐ ᒪᐃᓐ, ᐅᕙᓂ ᑕᑯᒃᓴᐅᔪᖅ, ᐊᒻᒪ ᓄᑖᖑᔪᒻ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᖓᔪᖅᑳᖓ ᓘᒃᑖᖅ ᓵᓐ ᐅᐊᑦᔅᑎᐅᓪ ᐊᐱᕆᕗᖅ ᓄᓇᕗᒻᒥᐅᓂ ᖁᕕᐊᓱᖕᓂᕐᒥ ᐊᑦᑕᓇᔾᔭᐃᖅᓯᓯᒪᓗᑎᒃ ᖁᕕᐊᓱᒡᕕᐅᑎᓪᓗᒍ, ᖃᓄᐃᓐᓂᐅᔪᓂ ᖃᔅᓯᒐᓚᖕᓂ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᓂ ᖁᕝᕙᖅᐸᓪᓕᐊᓕᕐᒪᑕ ᓄᓇᕗᒻᒥ. (ᑐᓴᒐᒃᓴᓕᕆᔨᒃᑯᓐᓂ ᐊᔾᔨᖁᑎᒋᔭᐅᔪᖅ)

By ᑕᐃᕕᑦ ᓛᒃᕼᐃᑦᑐᒧᑦ

For English version, see Health minister, top doctor warn of rising of viruses during holidays

ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᖓ ᔮᓐ ᒪᐃᓐ ᐊᒻᒪᓗ ᓄᓇᕗᒻᒥ ᓄᑖᖑᔪᖅ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᖓᔪᖅᑳᖓ ᓘᒃᑖᖅ ᓵᓐ ᐅᐊᑦᔅᑎᐅᓪ ᐃᓂᖅᑎᕆᕗᑦ ᓄᓇᕗᒻᒥᐅᓂ ᖁᕕᐊᓱᖕᓂᕐᒥ ᐊᑦᑕᓇᔾᔭᐃᖅᓯᓯᒪᓗᑎᒃ ᖁᕕᐊᓱᕖᐅᓂᖓᓂ ᕿᑎᐊᓂ ᖁᕝᕙᕆᐊᕐᓂᐅᔪᒥ ᐆᑕᕐᓇᕐᓂᐅᔪᓂ ᐱᑎᑕᐅᔪᓂ ᖃᔅᓯᒐᓚᖕᓂ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᓂᑦ ᓄᓇᕗᓕᒫᒥ ᐊᒻᒪ ᑲᓇᑕᒥ.

“ᐊᔭᐅᕆᕗᖓ ᓄᓇᕗᒻᒥᐅᓂ ᐱᓕᕆᓂᖏᓐᓂ ᐃᓚᖓᓐᓂ ᓄᓇᓕᖕᓂ ᖃᓄᐃᙱᑦᑎᐊᖅᑎᑦᑎᓂᕐᒥ,” ᐅᐊᑦᔅᑎᐅᓪ ᐅᖃᓚᐅᖅᐳᖅ.

ᑕᐃᓐᓇ ᖁᕝᕙᕆᐊᕐᓂᐅᔪᖅ ᖃᓄᐃᓐᓂᐅᔪᓂ ᐃᐱᓂᐊᕐᓇᖅᑐᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᖅ, ᐅᕝᕙᓘᓐᓃᑦ RSV, ᐆᑕᕐᓇᖅᑐᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐊᒻᒪ ᓄᕙᒡᔪᐊᕐᓇᖅ-19. ᐅᓄᕐᓂᐅᔪᓂ ᐃᐱᓂᐊᕐᓇᖅᑐᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᖅ ᖃᓄᐃᓐᓂᐅᔪᓂ, ᐊᓂᖅᑎᕆᓂᕐᒧᑦ ᐋᓐᓂᐊᕐᓇᐅᔪᒥ, 493−ᖑᓚᐅᖅᐳᖅ ᑕᒪᑐᒪᓂ ᐊᕐᕌᒎᔪᒥ ᓄᓇᕗᓕᒫᒧᑦ, ᐅᐊᑦᔅᑎᐅᓪ ᐅᖃᓚᐅᖅᐳᖅ ᑐᓴᒐᒃᓴᓕᐅᕐᓂᕐᒥ ᑎᓯᐱᕆ 15−ᒥ.

ᒫᓐᓇᐅᔪᒥ ᐋᓐᓂᐊᕕᖕᒧᑦ ᐅᓂᒃᑎᑕᐅᔪᓂ ᓇᐃᓴᖅᑕᐅᓂᖓᓐᓄᑦ ᑕᒪᑐᒪᓂ ᐊᕐᕌᒎᔪᒥ ᐃᐱᓂᐊᕐᓇᖅᑐᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᖅ 86−ᖑᕗᑦ, ᐃᓚᒋᐊᖅᓯᓚᐅᖅᐳᖅ.

ᐅᐊᑦᔅᑎᐅᓪ ᐅᖃᓚᐅᕆᕗᖅ ᑲᑎᓪᓗᒋᑦ ᐅᓄᕐᓂᐅᔪᓂ ᓄᕙᒡᔪᐊᕐᓇᖅ-19−ᒥ ᖃᓄᐃᓐᓂᐅᔪᓂ ᓄᓇᕗᒻᒥ ᑕᒪᑐᒧᖓ ᐊᕐᕌᒎᔪᒥ ᓇᖏᖅᐳᖅ 3155−ᖑᔪᓂ, 84−ᓂ ᐋᓐᓂᐊᕕᖕᒧᑦ ᐅᓂᒃᑎᑕᐅᔪᓂ.

ᐆᑕᕐᓇᖅᑐᒧᑦ, 212−ᖑᔪᓂ ᐱᑕᖃᓚᐅᖅᐳᖅ ᓄᓇᕗᒻᒥ 2019−ᒥ, ᐊᒻᒪ 13 2021−ᒥ. ᑕᒪᑐᒪᓂ ᐊᕐᕌᒎᔪᒥ, 634−ᖑᓯᒪᕗᖅ, ᐅᐊᑦᔅᑎᐅᓪ ᐅᖃᓚᐅᖅᐳᖅ. ᐃᓚᒋᐊᖅᓯᓚᐅᖅᐳᖅ ᐅᑯᐊ ᐅᓄᕐᓂᐅᔪᑦ, ᑕᐃᒪᓐᓇᑎᑐᑦ ᐊᓯᖏᓐᓄᑦ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᓄᑦ, ᑕᑯᒃᓴᐅᑎᑦᑎᕗᑦ “ᐅᕝᕙᕆᐊᕐᓂᐅᔪᒥ ᐆᑕᕐᓇᕐᓂᐅᔪᓂ ᖃᓱᑎᑦᑎᓂᖃᓚᐅᖅᑎᓪᓗᒍ ᐊᒥᓱᓄᑦ ᖃᓂᒻᒪᓐᓇᐅᔪᒥ ᑭᒡᓕᖃᖅᑎᑕᐅᓂᐅᔪᓂ.”

ᑕᑯᒃᓴᐅᑎᑦᑎᓂᕐᒥ ᖃᓄᖅ ᐊᓂᖅᑎᕆᓂᕐᒧᑦ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᓂ ᐊᒃᑐᐃᓂᖓᓂ ᓄᓇᕗᒻᒥ, ᐅᐊᑦᔅᑎᐅᓪ ᐅᖃᓪᓚᓚᐅᖅᐳᖅ ᐊᑐᕐᓂᑯᖏᓐᓂ ᖃᖓᒃᑲᓐᓂᐅᔪᒥ ᑕᒪᑐᒪᓂ ᐊᕐᕌᒎᔪᒥ ᐃᓗᐊᖅᓴᐃᔨᐅᓪᓗᓂ ᑭᕙᓪᓕᕐᒥ, ᐃᑲᔪᖅᖢᓂ ᓄᑕᕋᓛᓂ ᐊᓂᖅᑎᕆᓂᕐᒧᑦ ᐋᓐᓂᐊᖃᖅᑐᓂ. ᐱᕐᔪᐊᖑᙱᓐᓂᖅᓴᐅᔪᓂ ᐊᓂᖅᑎᕆᓂᕐᒧᑦ ᐊᑲᐅᙱᓕᐅᕈᑕᐅᔪᓂ ᐱᓕᕆᐊᖑᔪᓐᓇᕋᔭᖅᐳᑦ ᐊᕕᒃᑐᖅᓯᒪᓂᐅᔪᒥ ᐋᓐᓂᐊᕕᖕᒥ ᐃᓂᐅᔪᒥ ᓲᕐᓗ ᑲᖏᖅᖠᓂᕐᒥ, ᐱᒻᒪᕆᐅᓂᖅᓴᐅᔪᑦ ᖃᓄᐃᓐᓂᐅᔪᓂ ᑐᑭᖃᖅᖢᓂ ᓄᑕᕋᓛᑦ ᖃᖓᑕᓲᒃᑯᑦ ᑐᐊᕕᕐᓇᖅᑐᒥ ᐊᐅᓪᓚᖅᑎᑕᐅᔭᕆᐊᖃᕋᔭᕐᓂᖏᓐᓂ ᐅᐃᓂᐱᐊᒡᒧᑦ. ᓄᑕᕋᓛᑦ ᐱᒻᒪᕆᐅᓂᖅᓴᐅᔪᓂ ᖃᓄᐃᓐᓂᐅᔪᓂ ᐊᐃᑦᑐᖅᑕᐅᓯᒪᒐᔪᓚᐅᖅᐳᑦ ᖃᔅᓯᒐᓚᖕᓂ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᓂ ᐊᑕᐅᑦᑎᒃᑯᑦ, ᐅᐊᑦᔅᑎᐅᓪ ᐅᖃᓚᐅᖅᐳᖅ.

ᖁᕝᕙᖅᐸᓪᓕᐊᓂᐅᔪᓂ ᐅᓄᕐᓂᐅᔪᓂ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐆᑕᕐᓇᕐᓂᐅᔪᓂ ᐊᒃᓱᕈᖅᑎᑦᑎᓯᒪᙱᓐᓂᖅᓴᐅᕗᖅ ᐅᓂᒃᑎᑕᐅᓂᖏᓐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔾᔪᓯᐅᔪᒥ ᓄᓇᕗᒻᒥ ᑕᐃᒪᓐᓇᑎᑐᑦ ᖃᓪᓗᓈᑦ ᓄᓇᖓᓐᓂ, ᐅᖃᓚᐅᖅᐳᖅ ᓄᓇᕗᒻᒥ ᐊᖓᔪᖅᑳᖑᔪᒥ ᐃᖅᑲᓇᐃᔭᖅᑎᓄᑦ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓᓂ, ᓘᒃᑖᖅ ᕗᕌᓐᓱᐊ ᑎ ᐅᐃᑦ.

ᖁᕝᕙᕆᐊᕐᓂᖃᒐᓛᒃᑎᓪᓗᒍ, ᑭᓯᐊᓂ, ᐅᓄᕐᓂᐅᔪᓂ ᖃᖓᑕᓲᒃᑯᑦ ᑐᐊᕕᕐᓇᖅᑐᒥ ᐊᐅᓪᓚᕐᓂᐅᔪᓂ ᐱᔭᕆᐊᓕᖕᓂ, ᐃᓚᒋᐊᖅᓯᓚᐅᖅᐳᖅ.

ᖃᓪᓗᓈᑦ ᓄᓇᖓᓐᓂ ᐋᓐᓂᐊᕕᐅᔪᑦ ᓱᓕ ᐱᕙᒃᐳᑦ ᓄᓇᕗᒻᒥ ᐅᓂᒃᓯᒪᔪᓂ, ᑎ ᐅᐃᑦ ᐅᖃᓚᐅᖅᐳᖅ.

“ᐅᓂᒃᓯᒪᔪᐃᑦ ᓅᑕᐅᔪᓐᓇᑐᐊᕈᑎᒃ ᐊᒻᒪ ᐅᐸᒡᓗᑎᒃ ᓈᒻᒪᒃᑐᒧᑦ ᐱᓕᕆᕝᕕᐅᔪᒥ ᐸᖅᑭᔭᐅᓂᖏᓐᓂ ᖃᓄᐃᓪᓗᐊᙱᓚᒍᑦ,” ᐃᓚᒋᐊᖅᓯᓚᐅᖅᐳᖅ.

ᓄᓇᓕᖕᓂ ᐊᑦᑕᓇᔾᔭᐃᖅᓯᓯᒪᓂᕐᒥ, ᑕᒪᒃᑭᑦ ᒪᐃᓐ ᐊᒻᒪ ᐅᐊᑦᔅᑎᐅᓪ ᓇᓗᓇᐃᖅᓯᒃᑲᓐᓂᓚᐅᖅᐳᑦ ᖁᕕᐊᓱᖕᓂᕐᒥ ᐊᑦᑕᓇᔾᔭᐃᖅᓯᓯᒪᓗᑎᒃ, ᐊᒻᒪ ᐃᓄᐃᑦ ᖃᓂᒪᕈᔪᑐᐊᕈᑎᒃ ᐊᖏᕐᕋᖅᓯᒪᓪᓗᐊᖅᐳᑦ ᑲᑎᕆᓂᕐᓄᐊᙱᓪᓗᑎᒃ.

ᐅᐊᑦᔅᑎᐅᓪ ᐅᖃᐅᓯᖃᓚᐅᖅᐳᖅ ᐋᓐᓂᐊᓕᕇᒃᑯᓯᖅᓯᓂᕐᒥ ᐱᒻᒪᕆᐅᓪᓗᓂ ᐱᓕᕆᓂᐅᕗᖅ ᓴᐳᔾᔨᓯᒪᓂᕐᒥ ᐱᕐᔪᐊᖅᑐᒥ ᐋᓐᓂᐊᕐᓂᐅᔪᒥ.

“ᓇᓗᓇᐃᖅᓯᒃᑲᓐᓂᕈᓐᓇᙱᓚᖅ ᖃᓄᖅ ᐱᒻᒪᕆᐅᓂᖓᓂ ᐆᑕᕐᓇᖅᑐᓂ ᐊᒻᒪ ᐆᑕᕐᓇᖅᑐᒥ ᐋᓐᓂᐊᓕᕇᒃᑯᑎᑦ,” ᐅᖃᓚᐅᖅᐳᖅ.

ᒪᐃᓐ ᐅᖃᓚᐅᖅᐳᖅ ᑐᑭᓯᐅᒪᓂᖓᓐᓂ ᑭᒃᑯᓕᒫᑦ ᖁᕕᐊᓱᒍᒪᕗᑦ, ᑭᓯᐊᓂ ᐊᑦᑕᓇᖅᑐᒦᑦᑕᐃᓕᒪᓂᕐᒥ ᑎᑭᑦᑐᓐᓇᖅᐳᖅ ᐱᓕᕆᓗᓂ ᒥᑭᑦᑑᑕᐅᔪᓂ ᐱᓕᕆᓂᖃᕐᓂᕐᒥ. ᐅᑯᐊ ᖃᓄᐃᓕᐅᕈᑕᐅᔪᑦ ᐊᑐᕈᓐᓇᖅᐳᑦ ᓱᒃᑲᔪᒥ ᖃᐅᔨᓴᕐᓂᐅᔪᒥ ᐅᕝᕙᓘᓐᓃᑦ ᐅᖃᐅᔾᔨᓂᕐᒥ ᐃᓚᖏᓐᓂ, ᖃᓂᒪᒍᑎᒃ, ᓂᕆᔭᒃᓴᖓᓂ ᐸᐸᑦᑎᔪᓐᓇᖅᐳᑦ ᐅᐸᙱᖔᕐᓗᑎᒃ ᓂᕆᔭᖅᑐᕐᓂᐅᔪᒥ ᑲᑎᓐᓂᐅᔪᒥ, ᐃᓚᒋᐊᖅᓯᓚᐅᖅᐳᖅ.

“ᓂᕆᐅᖕᓂᖃᖅᐳᖓ ᐅᐸᒃᑕᐃᓕᒪᔪᓐᓇᕐᓂᑦᑎᓐᓂ ᐊᖏᓂᖅᓴᒻᒪᕆᐅᔪᓐᓇᖅᑐᒥ ᑯᕝᕙᕆᐊᕐᓂᐅᔪᒥ ᐃᓄᐃᑦ ᐱᓕᕆᒍᑎᒃ ᐅᑯᓂᖓ ᐅᔾᔨᖅᓱᑦᑎᐊᕐᓂᐅᔪᓂ,” ᒪᐃᓐ ᐅᖃᓚᐅᖅᐳᖅ.

Share This Story

(0) Comments

Join the Conversation

Your email address will not be published. Required fields are marked *

*