ᓄᓇᕗᒻᒥ ᒐᕙᒪᒃᑯᑦ ᕿᒥᕐᕈᕗᑦ ᑐᒃᓯᕋᐅᑕᐅᔪᓂ ᐊᐅᓚᑦᑎᓂᕐᒧᑦ ᑲᖏᖅᖠᓂᕐᒥ ᐊᑯᓂᐅᔪᒥ ᐸᖅᑭᕝᕕᐅᔪᒥ ᐃᒡᓗᕐᔪᐊᒃᓴᖓᓂ

For English version, see GN reviews proposals to run Rankin Inlet long-term care facility

ᓱᓕ ᓇᓗᓇᖅᐳᖅ ᑭᓇ ᐊᐅᓚᑦᑎᓂᐊᕐᓂᖓᓂ ᓄᑖᖑᔪᒥ ᑲᖏᖅᖠᓂᕐᒥ ᐃᓄᑐᖃᕐᓂ−ᐸᖅᑭᔭᐅᕝᕕᖕᒥ ᐊᖏᕐᕋᐅᔪᒥ ᓂᕆᐅᒋᔭᐅᔪᒥ ᐱᔭᕇᖅᑕᐅᓂᐊᕐᓂᖓᓂ ᖃᖓᑭᐊᖅ ᐃᓗᐊᓂ ᖃᔅᓯᐊᕐᔪᖕᓂ ᑕᖅᑭᐅᔪᓂ.

ᒪᕐᕉᖕᒥ ᑐᒃᓯᕋᐅᑎᓂ ᑲᒻᐸᓂᐅᔪᓂ ᓵᓚᖃᕋᓱᐊᖅᑐᓂ ᐊᕐᕌᒍᓄᑦ−10-ᓄᑦ ᑳᓐᑐᕌᖓᓂ ᒫᓐᓇᐅᔪᒥ ᕿᒥᕐᕈᔭᐅᕗᑦ, ᐅᖃᐅᓯᐅᓪᓗᓂ ᑳᓐᑐᕌᒃᑖᕋᓱᐊᖅᑐᓄᑦ ᑎᑎᖅᑲᖁᑕᐅᔪᓂ ᓄᓇᕗᒻᒥ ᒐᕙᒪᒃᑯᑦ ᐃᑭᐊᖅᑭᕕᖓᓐᓂ.

ᓇᓗᓇᐃᖅᓯᓂᖃᓚᐅᙱᓚᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᖃᖓ ᑳᓐᑐᕌᖑᔪᒥ ᐊᐅᓚᑦᑎᓂᕐᒧᑦ ᐃᒡᓗᕐᔪᐊᒥ ᑐᓂᔭᐅᓂᐊᕐᓂᖓᓂ.

ᔫᓂ 2023−ᒥ, ᒐᕙᒪᒃᑯᑦ ᑐᓂᓯᓚᐅᖅᐳᑦ ᑐᒃᓯᕋᕐᓂᐅᔪᒥ ᑐᒃᓯᕋᐅᑎᓂ ᑲᒻᐸᓂᐅᔪᓂ ᐱᔪᒪᓂᖃᖅᑐᓂ ᐊᐅᓚᑦᑎᓂᕐᒥ ᐃᒡᓗᕐᔪᐊᒥ. ᑕᐃᓐᓇ ᑐᒃᓯᕋᕐᓂᖅ ᐃᓱᓕᕝᕕᒃᓴᖃᓚᐅᖅᐳᖅ ᐋᒍᔅᑎ 25−ᒥ.

ᐊᑕᐅᓯᖅ ᑐᒃᓯᕋᖅᑐᖅ ᑐᒃᓯᕋᓚᐅᖅᐳᖅ ᐅᖓᕙᕆᐊᖅᑕᐅᓂᖓᓂ ᓯᑎᐱᕆ 29−ᒧᑦ, ᑐᓂᔭᐅᓚᐅᖅᑐᒥ; ᑭᖑᓂᐊᒍᑦ, ᐊᓯᐊᓂ ᑐᒃᓯᕋᖅᑐᒥ ᕿᓂᓚᐅᖅᐳᖅ ᐱᕕᒃᓴᖃᒃᑲᓐᓂᕐᓂᐅᔪᒥ ᑎᑎᕋᖅᓯᓂᖓᓂ ᐊᐅᓚᑦᑎᓂᕐᒧᑦ ᓄᓇᕗᒻᒥ ᐊᒻᒪ ᓴᖅᑭᑎᑦᑎᓗᓂ ᑕᒪᒃᑭᐅᒪᓂᖅᓴᐅᔪᒥ ᑐᒃᓯᕋᐅᑕᐅᔪᒥ.

ᐃᓱᓕᕝᕕᒃᓴᖓ ᐅᖓᕙᕆᐊᖅᑕᐅᓚᐅᖅᐳᖅ ᐅᒃᑐᐱᕆ 31, 2023−ᒧᑦ.

ᒐᕙᒪᒃᑯᑦ ᓯᕗᓪᓕᐅᔪᒥ ᑐᒃᓯᕋᕐᓂᖓᓂ ᑐᒃᓯᕋᐅᑎᓄᑦ ᐅᖃᖅᓯᒪᕗᖅ ᑳᓐᑐᕌᒃ ᐱᒋᐊᕋᔭᕐᓂᖓᓂ ᔭᓄᐊᕆ 2, 2024−ᒥ, ᐊᒻᒪ ᓇᓗᓇᐃᖅᓯᓚᐅᖅᐳᖅ ᐊᐅᓚᑕᐅᓂᐅᔪᓂ ᐊᑐᓕᕋᔭᕐᓂᖓᓂ ᕕᕗᐊᕆ 1−ᒥ, ᑭᓯᐊᓂ ᑎᑎᖅᑲᖁᑕᐅᔪᖅ ᐅᔾᔨᕆᓚᐅᕐᓂᖓᓂ ᖃᖓ ᐱᔭᕇᖅᓯᒪᔭᕆᐊᖃᕐᓂᖓᓂ ᓇᓗᓇᓚᐅᖅᐳᖅ ᐊᒻᒪ ᐊᓯᔾᔨᖅᑕᐅᔪᓐᓇᖅᖢᓂ ᓄᓇᕗᒻᒥ ᒐᕙᒪᒃᑯᓐᓂ.

ᐃᒡᓗᕐᔪᐊᒧᑦ ᐱᓕᕆᓂᐅᔪᒥ ᓯᕗᓪᓕᐅᔪᒥ ᐋᖅᑭᒃᑕᐅᓯᒪᓚᐅᖅᐳᖅ ᐱᒋᐊᕐᓂᐊᕐᓂᖓᓂ 2020−ᒥ ᐊᒻᒪᓗ ᒪᑐᐃᖅᑕᐅᓗᓂ 2023−ᖑᔪᒥ. ᑭᖑᓂᐊᒍᑦ, ᐱᔾᔪᑎᖃᖅᑐᒥ ᐅᖃᐅᓯᐅᓯᒪᙱᑦᑐᓂ ᓇᑉᐸᖅᑎᕆᓂᕐᒧᑦ ᑭᖑᕙᕆᐊᕐᓂᐅᔪᓄᑦ ᐱᔭᕇᕐᕕᒃᓴᖓ ᐅᓪᓗᖓ ᐅᖓᕙᕆᐊᖅᑎᑕᐅᓚᐅᖅᐳᖅ 2024 ᐱᒋᐊᕐᓂᐸᓗᐊᓂ.

24-ᓂ−ᐃᒡᓕᓕᒃ ᐃᒡᓗᕐᔪᐊᖅ ᐊᑕᐅᓯᐅᕗᖅ ᐱᖓᓱᓂ ᐃᓄᑐᖃᕐᓂ−ᐸᖅᑭᔭᐅᕝᕕᖕᒥ ᐊᖏᕐᕋᓂᑦ ᐸᕐᓇᒃᑕᐅᓯᒪᔪᓂ ᓄᓇᕗᒻᒧᑦ. ᐊᐃᑉᐸᖏᑦ ᒪᕐᕉᒃ ᐃᖃᓗᖕᓂᐅᕗᖅ ᐊᒻᒪ ᐃᖃᓗᒃᑑᑦᑎᐊᕐᒥ.

ᐃᖃᓗᒃᑑᑦᑎᐊᕐᒥ ᐊᒻᒪ ᐃᖃᓗᖕᓂ ᐃᒡᓗᕐᔪᐊᖑᔪᓂ ᐸᕐᓇᒃᑕᐅᓂᖓᓂ ᐱᓕᕆᓂᐅᕗᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑮᓇᐅᔭᖃᖅᑎᑕᐅᓂᖓᓂ ᐊᑐᐃᓐᓇᐅᑎᑦᑎᓯᒪᕗᑦ ᑕᒪᑐᒪᓂ ᑮᓴᐅᔭᓕᕆᓂᕐᒥ ᐊᕐᕌᒎᔪᒥ, ᐅᖃᓚᐅᖅᐳᖅ ᕼᐊᓚ ᑐᐋᓪ, ᓄᓇᓕᖕᓂ ᐊᒻᒪ ᒐᕙᒪᒃᑯᓐᓂ ᐱᔨᑦᑎᕋᖅᑎᐅᔪᓂ ᐅᖃᖅᑎᐅᔪᒥ, ᐱᓇᓱᐊᕈᓯᐅᓚᐅᖅᑐᒥ.

ᑎᑎᕋᐅᔭᖅᑕᐅᓂᖓᓂ ᐱᓕᕆᓂᖓ ᓇᓚᐅᑦᑖᕆᔭᐅᕗᖅ ᐱᓕᕆᓂᐊᕐᓂᖓᓂ ᑕᖅᑭᓂ 18−ᓂ ᐊᑐᓂ ᐱᓕᕆᐊᒃᓴᐅᔪᒥ, ᐃᖃᓗᒃᑑᑦᑎᐊᖅ ᓂᕆᐅᒋᔭᐅᔪᒥ ᐱᒋᐊᕐᓂᐊᕐᓂᖓᓂ ᑕᒪᑐᒪᓂ ᐊᕐᕌᒎᔪᒥ ᐊᒻᒪ ᐃᖃᓗᖕᓂ 2025−ᒥ.