ᓄᕙᒡᔪᐊᕐᓇᖅ−19, ᐅᖅᑰᓴᐅᑎᓂ ᐊᑲᐅᙱᓕᐅᕈᑕᐅᔪᓂ ᑭᖑᕙᕆᐊᖅᑎᑦᑎᕗᖅ ᐊᐅᐸᓗᖕᒥ ᐋᓐᓂᐊᕕᖓᓂ ᒪᑐᐃᖅᑕᐅᓂᖓᓂ

ᓇᑉᐸᖅᑎᕆᓂᖅ ᐱᔭᕇᖅᐳᖅ; $45 ᒥᓕᐊᓐᑐᖅᑐᒥ ᐃᒡᓗᕐᔪᐊᖅ ᒪᑐᐃᕐᕕᒃᓴᖃᖅᑐᒥ ᒫᔾᔨ ᓄᙳᐊᓂ 2023−ᒥ

ᐊᐅᐸᓗᖕᒥ ᓄᑖᖑᔪᖅ ᐋᓐᓂᐊᕕᒃᓴᖓ ᒪᑐᐃᖅᑐᒃᓴᐅᑕᐅᕗᖅ ᒫᔾᔨ 2023−ᖑᔪᒥ, ᐊᕐᕌᒍᑦ ᒪᕐᕉᑲᓴᖕᓂ ᑭᖑᕙᖅᑐᒥ. (ᕋᔅ ᔮᓐᓯᓐ ᐊᔾᔨᓕᐅᖅᑕᖏᑦ)

By ᔨᐊᕝ ᐱᓚᑦᑎᐊᐃ
ᓄᓇᓕᖕᓂ ᑐᓴᒐᒃᓴᓕᐅᕐᓂᕐᒧᑦ ᐱᒋᐊᕈᑕᐅᔪᒥ ᑐᓴᒐᒃᓴᓕᐅᖅᑎ

For the English version of this story, see COVID-19, heating issue delay Aupaluk health centre opening by two years.

ᓄᑖᖑᔪᒥ $45-ᒥᓕᐊᓐᑐᖅᑐᒥ ᓄᓇᓕᖕᓂ ᐋᓐᓂᐊᕕᒃ ᒪᑐᐃᖅᑐᒃᓴᐅᑕᐅᕗᖅ ᐅᐱᕐᙶᒥ ᐊᐅᐸᓗᖕᒥ, ᓄᓇᓕᐅᔪᒥ 233−ᓂ ᐃᓄᓕᖕᓂ, ᐊᕐᕌᒍᑲᓴᖕᓂ ᒪᕐᕉᖕᓂ ᑭᖑᕙᕆᐊᕐᓂᐅᔪᒥ.

ᓄᕙᒡᔪᐊᕐᓇᖅ−19 ᐊᒥᓱᓄᑦ ᖃᓂᒻᒪᓐᓇᐅᔪᒥ ᐱᓕᕆᓚᐅᖅᐳᖅ ᐊᖏᐸᓗᒃᑐᒥ ᐃᓚᖓᓐᓂ ᑭᖑᕙᕆᐊᖅᑎᑦᑎᓂᕐᒥ ᓇᑉᐸᖅᑎᕆᓂᕐᒥ ᓄᑖᖑᔪᒥ ᐃᒡᓗᕐᔪᐊᒥᒃ, ᓯᕗᓪᓕᐅᔪᒥ ᒪᑐᐃᖅᑐᒃᓴᐅᑕᐅᓚᐅᖅᑐᒥ ᔫᓂ 2021−ᒥ, ᐅᖃᓚᐅᖅᐳᖅ ᑳᑦᓖᓐ ᐴᓕᓐ, ᐅᖃᖅᑎᐅᔪᖅ ᓄᓇᕕᖕᒥ ᐊᕕᒃᑐᖅᓯᒪᓂᐅᔪᒥ ᑲᑎᒪᔨᐅᔪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᒻᒪ ᐃᓄᓕᕆᔨᐅᔪᓄᑦ.

ᓇᑉᐸᖅᑎᕆᓂᖅ ᐱᔭᕇᕋᓗᐊᖅᑎᓪᓗᒍ, ᐴᓕᓐ ᐅᖃᓚᐅᖅᐳᖅ ᐅᖅᑰᓴᐃᓂᕐᒥ ᐊᑲᐅᙱᓕᐅᕈᑕᐅᔪᒥ ᓇᓂᔭᐅᔪᖃᓚᐅᖅᐳᖅ ᐊᒻᒪ ᐋᓐᓂᐊᕕᒃ ᒪᑐᐃᔾᔮᙱᓚᖅ ᐊᐅᓚᑕᐅᓂᖓᓄᑦ ᑭᓯᐊᓂ ᒫᔾᔨ 2023 ᓄᙳᐊᓂᐸᓗᒃ.

“ᐃᓕᓯᒪᔪᕐᔪᐊᖑᔪᓂ ᑲᒪᒋᔭᖃᖅᑐᓂ ᖃᐅᔨᓴᖅᑕᐅᓂᖓᓂ ᐃᒡᓗᕐᔪᐊᒧᑦ ᓯᕗᓂᐊᓂ ᑭᖑᓪᓕᖅᐹᖑᔪᒥ ᓈᒻᒪᒋᔭᐅᓂᖓᓂ ᓇᓗᓇᐃᖅᓯᓯᒪᕗᑦ ᐊᑲᐅᙱᓕᐅᕈᑕᐅᔪᒥ ᐅᖅᑰᓴᐅᑎᖓᓂ ᐱᓕᕆᔾᔪᓯᐅᔪᒥ,” ᐴᓕᓐ ᐅᖃᓚᐅᖅᐳᖅ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ.

“ᐃᓚᒃᓴᖏᑦ ᐋᖅᑭᒃᑕᐅᓂᕐᒧᑦ ᐸᕐᓇᒃᑕᐅᓯᒪᕗᑦ ᑎᑭᓐᓂᐊᕐᓂᖏᓐᓂ ᔭᓄᐊᕆ 2023−ᒥ. ᑕᐃᑯᖓ ᑎᑭᓪᓗᒍ, ᐃᒡᓗᕐᔪᐊᖅ ᓇᐅᑦᑎᖅᓱᖅᑕᐅᓂᐊᖅᐳᖅ.”

ᐴᓕᓐ ᐅᖃᓚᐅᖅᐳᖅ ᓄᑖᖅ ᐋᓐᓂᐊᕕᒃ ᐱᔨᑦᑎᕋᕈᓐᓇᕐᓂᐊᖅᐳᖅ ᑎᑭᐅᒪᔪᒥ 40−ᓂ ᐱᓕᕆᔾᔪᔾᔭᐅᕙᒃᑐᓂ. 11−ᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ-ᐸᖅᑭᔨᐅᔪᓂ ᐃᖅᑲᓇᐃᔭᖅᑎᖃᕐᓂᐊᖅᐳᑦ, ᐃᓚᖏᑦ ᐃᖅᑲᓇᐃᔮᓂᒃᑐᓂ ᐊᕕᒃᑐᖅᓯᒪᓂᐅᔪᒥ.

“ᑕᒪᒃᑭᒐᓚᐃᑦ ᒫᓐᓇᐅᔪᒥ ᐃᓂᐅᔪᑦ ᐃᓗᓕᖄᓂᒃᐳᑦ ᐊᒻᒪ ᐃᓱᒪᒋᔭᐅᓂᐅᔪᒥ ᐊᒃᓱᓪᓘᓐᓃᑦ ᐊᑕᐅᓯᐅᓯᐅᔪᒥ ᒪᕐᕉᖕᓂ ᓄᑖᖑᔪᓂ ᐃᓂᒃᓴᐅᔪᓂ ᓇᓗᓇᐃᖅᑕᐅᓯᒪᕗᑦ ᐃᖅᑲᓇᐃᔭᖅᑎᑖᕐᓂᐅᒐᔪᒃᑐᒥ ᖃᓄᐃᓕᐅᕐᓂᐅᔪᓂ,” ᐅᖃᓚᐅᖅᐳᖅ.

“ᑐᓴᒐᒃᓴᑦᑎᐊᖑᕗᖅ ᐊᐅᐸᓗᖕᒧᑦ,” ᐴᓕᓐ ᐅᖃᓚᐅᖅᐳᖅ ᓄᑖᖑᔪᒥ ᐋᓐᓂᐊᕕᖕᒥ.

ᓇᑉᐸᖅᑎᕆᓂᕐᒥ ᓄᑖᖑᔪᒥ ᐊᐅᐸᓗᖕᒥ ᐋᓐᓂᐊᕕᖕᒥ ᐅᖃᐅᓯᐅᓚᐅᖅᐳᖅ 2018−ᒥ.

ᓄᑖᖑᔪᖅ, 2,006 ᑭᑉᐹᕆᒃᑐᒥ-ᒦᑕᒥ ᐃᒡᓗᕐᔪᐊᒥ ᓴᓇᔭᐅᓚᐅᖅᐳᖅ ᐃᓇᖏᖅᓯᓂᕐᒥ ᒥᑭᓐᓂᖅᓴᒻᒪᕆᐅᔪᒥ, ᓄᑕᐅᙱᓗᐊᖅᑐᒥ ᐃᒡᓗᕐᔪᐊᖑᔪᒥ, ᐴᓕᓐ ᐅᖃᓚᐅᖅᐳᖅ. ᒫᓐᓇᐅᔪᒥ ᐋᓐᓂᐊᕕᒃ ᐃᓗᐊᓃᑉᐳᖅ 136 ᑭᑉᐹᕆᒃᑐᒥ-ᒦᑕᒥ ᐃᒡᓗᕐᔪᐊᒥ, ᐊᒻᒪ ᒪᑐᐃᓚᐅᖅᓯᒪᕗᖅ 1979−ᒥ, ᐅᖃᐅᓯᐅᓪᓗᓂ 2018−ᒥ ᕙᐃᔅᐳᒃᑯᑦ ᑎᑎᕋᖅᑕᐅᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᑎᒪᔨᖏᓐᓂ.

ᑲᓇᑕᒥ ᐊᕕᒃᑐᖅᓯᒪᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖃᕐᕕᖓ ᐊᑭᓖᓚᐅᖅᐳᑦ $45 ᒥᓕᐊᓐᑐᖅᑐᒥ ᐊᑭᖓᓂ, ᐴᓕᓐ ᐅᖃᓚᐅᖅᐳᖅ.

ᐊᐅᐸᓗᒃ ᓄᓇᕕᖕᒥ ᒥᑭᓛᖑᔪᒥ ᓄᓇᓕᐅᕗᖅ ᐃᓄᒋᐊᖕᓂᖃᖅᖢᓂ 233−ᓂ ᐅᖃᐅᓯᐅᓪᓗᓂ ᑭᓪᓕᓯᓂᐊᕐᓂᕐᒥ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂ 2021−ᒥ. ᓄᓇᓕᒃ ᐃᓄᑑᕗᖅ ᕿᑎᐊᓂ ᑲᖏᖅᓱᖕᒥ ᐊᒻᒪ ᑕᓯᐅᔭᕐᒥ ᐅᖓᕙᒥ.

ᐊᐱᕆᔭᐅᒐᒥ ᖃᓄᐃᒻᒪᑦ ᐃᓄᑭᑦᑐᑯᓗᖕᓂ ᓄᓇᓕᐅᔪᒥ ᐱᔭᕆᐊᖃᕐᓂᖓᓂ ᐊᖏᔪᐊᓗᖕᒥ ᐃᓅᓕᓴᖅᑕᐅᓂᕐᒧᑦ ᐃᒡᓗᕐᔪᐊᖑᔪᒥ, ᐴᓕᓐ ᐅᓂᒃᑳᕆᓚᐅᖅᐳᖅ ᓄᑖᖑᔪᓂ ᐃᓄᖃᕐᕕᐅᒧᓂ ᐃᒡᓗᕐᔪᐊᖑᔪᓂ ᑭᐅᒪᔭᕆᐊᖃᕐᓂᖏᓐᓂ ᖃᔅᓯᒐᓚᖕᓂ ᒥᑭᓛᖑᔪᒥ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐊᑐᒐᒃᓴᓂ ᐋᖅᑭᒃᑕᐅᓯᒪᓂᖏᓐᓂ. ᐅᓂᒃᑳᕆᓚᐅᕆᕗᖅ ᐃᒡᓗᕐᔪᐊᖅ ᐱᔨᑦᑎᕋᑐᐃᓐᓇᓪᔮᙱᓐᓂᖓᓂ ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᓄᓕᕆᓂᕐᒥ ᐱᓕᕆᕝᕕᐅᓗᓂ, ᑭᓯᐊᓂ ᐃᒡᓗᖃᖅᑎᑦᑎᓂᐊᕆᕗᖅ ᓄᓇᓕᖕᓂ ᒪᓕᒐᖅᑎᒍᑦ ᐊᒻᒪ ᒪᓕᒐᓕᕆᔨᒃᑯᓐᓂ ᐱᔨᑦᑎᕋᕐᓂᕐᒧᑦ ᐊᒻᒪ ᑐᐊᕕᕐᓇᖅᑐᒥ ᕿᒫᕝᕕᐅᓂᐊᖅᐳᖅ ᖃᓄᐃᓐᓂᐅᔪᒥ ᐱᓂᕐᓗᒡᔪᐊᕐᓂᐅᔪᒥ.

“ᐃᒡᓗᕐᔪᐊᖅ ᒪᓕᒋᐊᖃᖅᐳᖅ ᐅᑯᓂᖓ ᐊᑐᖅᑕᐅᒐᔪᒃᑐᓂ ᓇᓗᓇᐃᖅᓯᓂᕐᒧᑦ ᐊᑦᑕᓇᔾᔭᐃᖅᓯᓯᒪᓂᐅᔪᒥ ᐊᒻᒪ ᒥᐊᓂᖅᓯᓂᕐᒧᑦ ᐱᓕᕆᔾᔪᔾᔭᐅᕙᒃᑐᓂ ᐊᒻᒪ ᐃᖅᑲᓇᐃᔭᖅᑎᐅᔪᓄᑦ,” ᐴᓕᓐ ᐅᖃᓚᐅᖅᐳᖅ.

“ᐅᓇ ᐃᒡᓗᕐᔪᐊᖅ ᓴᓇᔭᐅᓚᐅᖅᐳᖅ ᑐᕌᒐᕆᔭᖃᖅᑐᒥ ᐱᔨᑦᑎᕋᕐᓂᕐᒥ ᐃᓄᓕᒫᓄᑦ ᒥᐊᓂᖅᓯᓂᕐᒧᑦ ᕿᒫᕝᕕᐅᓂᖓᓂ,” ᐃᓚᒋᐊᖅᓯᓚᐅᖅᐳᖅ. ᖃᓄᐃᓐᓂᖃᑳᓪᓚᒃᐸᑦ ᐃᓄᓕᒫᓄᑦ ᒥᐊᓂᖅᓯᕆᓂᕐᒥ ᐊᑲᐅᙱᓕᐅᕈᑕᐅᔪᒥ, ᓲᕐᓗ ᐆᒻᒪᖅᑯᑎᓂ ᖃᒥᓐᓂᐅᔪᓂ, ᐅᓕᕕᑦᑐᒥ ᐃᑭᑦᑐᒥᓪᓘᓐᓃᑦ, ᐊᐅᐸᓗᖕᒥᐅᑕᐃᑦ ᑕᐃᑯᖓ ᕿᒫᓚᐅᑲᒍᓐᓇᕋᔭᖅᐳᑦ.

Share This Story

(0) Comments

Join the Conversation

Your email address will not be published. Required fields are marked *

*