ᓯᑑᕼᐊᐅᔅ ᐊᑭᓕᒐᒃᓴᖅᑖᓚᐅᕐᑐᑦ, ᓚᐃᓴᓐᓯᖓ ᓄᖅᑲᖅᑎᑕᐅᓚᐅᑲᒃᖢᓂ ᐃᒥᐊᓗᖕᒧᑦ ᒪᓕᒐᖅᓂ ᓱᕋᐃᓂᖏᓐᓄᑦ

For English version, see Storehouse hit with fine, licence suspension for Liquor Act violations

ᐃᖃᓗᐃᑦ ᓯᑑᕼᐊᐅᔅ ᐃᒥᕐᕕᒃ ᐊᒻᒪ ᓂᕆᕝᕕᒃ ᐊᑭᓕᒐᒃᓴᖅᑖᓚᐅᕐᑐᑦ ᐊᒻᒪᓗ ᐃᒥᐊᓗᖕᒥ ᐱᓕᕆᖁᔭᐅᙱᓚᐅᑲᒃᖢᑎᒃ ᐸᓯᔭᒃᓴᐅᓂᕋᓚᐅᖅᑎᓪᓗᒋᑦ ᐊᑕᐅᓯᕐᒧᑦ ᓄᓇᕗᒥᑦ ᐃᒥᐊᓗᖕᒧᑦ ᒪᓕᒐᖅᒥ ᐸᓯᔭᒃᓴᙳᖅᑎᑕᐅᓯᒪᓂᕐᒧᑦ.

ᐃᒥᐊᓗᒡᕕᒃ, ᐊᑕᔪᖅ ᕗᕉᐱᓱ ᑐᔪᕐᒥᕕᒃᒥ ᖃᖃᒦᑦᑐᒥ, ᐸᓯᔭᒃᓴᐅᓂᕋᓚᐅᕐᑐᖅ ᐊᖓᔮᓗᐊᖅᑐᓂᒃ ᐃᒥᐊᓗᒡᕕᖕᒦᑎᑦᑎᕙᖕᓂᖏᓐᓂᒃ.

ᓯᑑᕼᐊᐅᔅ ᐊᑭᓕᒐᒃᓴᖅᑖᖅᑎᑕᐅᓚᐅᕐᑐᖅ $5,000ᓂ — ᐊᖏᓂᖅᐹᖅ ᐊᑭᓕᒐᒃᓴᖅ ᐊᑕᐅᓯᕐᒧᑦ ᓱᕋᐃᔾᔪᑎᒧᑦ — ᐊᒻᒪᓗ ᐃᒥᐊᓗᖃᕈᓐᓇᕈᑎᖓ ᓚᐃᓴᓐᓯ ᓄᖅᑲᖅᑎᑕᐅᓚᐅᑲᒃᖢᓂ ᐅᓪᓘᖕᓂ ᒪᕐᕉᖕᓂ ᑕᒪᑐᒪᓂ ᐱᓇᓱᐊᕈᓯᕐᒥ ᓯᑎᐱᕆ 13ᒥ ᐊᒻᒪ ᓯᑎᐱᕆ 15ᒥ.

“ᑲᑎᒪᔩᑦ ᖁᕕᐊᓱᒃᑐᑦ ᑕᒪᑐᒥᖓ ᐱᓕᕆᐊᖃᕐᒪᑕ ᐊᖏᖃᑎᒌᖕᓂᒃᑯᑦ ᑭᓯᐊᓂᓕ ᐅᓇ ᐊᐃᑉᐸᕆᓕᕐᑕᖓ ᑕᕿᓂ ᐅᓄᓗᐊᙱᑦᑐ ᐊᓂᒍᖅᑎᓪᓗᒍ ᑕᐃᒪᓐᓇ ᐸᓯᔭᒃᓴᐅᔾᔪᑎᖃᓕᕐᓂᖏᓐᓂᒃ,” ᐅᖃᓚᐅᕐᑐᖅ ᕚᓗᕆ ᐃᓄᒃᐸᒃ, ᐃᒃᓯᕙᐅᑕᖅ ᓄᓇᕗᒥᑦ ᐃᒥᐊᓗᓕᕆᓂᕐᒧᑦ ᐊᒻᒪ ᓱᐴᖅᑐᒐᕐᓄᑦ ᑲᑎᒪᔨᓄᑦ.

“ᑲᑎᒪᔩ ᑭᒃᑯᓕᒫᓂ ᐱᔪᓐᓇᐅᑎᖃᖅᑎᑕᐅᔪᓂᒃ ᓚᐃᓴᓐᓯᖃᖅᑐᓂᒃ ᒪᓕᖁᔨᓯᒪᖕᒪᑕ ᐃᒥᐊᓗᒃᒧᑦ ᒪᓕᒐᖅᓂᒃ ᐊᒻᒪ ᐱᖁᔭᓂᒃ ᐅᓗᕆᐊᓇᙱᑦᑐᒥᒃ ᑲᒪᒋᔭᖃᑦᑎᐊᕐᓂᒃᑯᑦ ᐊᑐᖁᔨᓪᓗᑎᒃ ᐃᓯᐊᓄᓂᕆᓂᕐᒥᒃ ᓄᓇᓕᖕᓂ.”

ᐅᓇ ᐊᐃᑉᐸᕆᓕᕐᒪᒍ ᑕᖅᑭ ᐱᖓᓱᑦ ᐊᓂᒍᑐᐃᓐᓇᖅᑎᓪᓗᒋ ᓯᑑᕼᐊᐅᔅ ᐸᓯᔭᒃᓴᐅᓂᕋᖅᖢᑎᒃ ᐃᒥᐊᓗᒃᒧᑦ ᒪᓕᒐᖅᒥ ᓱᕋᐃᓂᕐᒧᑦ.

ᔫᓂᐅᑎᓪᓗᒍ, ᐃᒥᐊᓗᒡᕕᒃ ᐊᑭᓖᔭᕆᐊᖃᓚᐅᕐᓯᒪᔪᖅ $9,000ᓂ ᐊᒻᒪᓗ ᐅᓪᓗᓂ ᐱᖓᓱᓂ ᐃᒥᐊᓗᒃᒥ ᐱᓕᕆᐊᖃᖁᔭᐅᙱᖢᑎᒃ ᐊᒻᒪᓗ ᐃᖅᑲᓇᐃᔭᖅᑎᒋᔭᐅᔪᑦ ᐊᔪᕈᓐᓃᕐᓴᕆᐊᖃᖅᑎᑕᐅᓪᓗᑎᒃ ᐸᓯᔭᒃᓴᐅᓂᕌᓚᓚᐅᖅᖢᑎᒃ ᒪᕐᕉᖕᓱ ᒪᓕᒐᖅᓂ ᓱᕋᐃᔾᔪᑎᓄᑦ.