ᓯᕗᓕᐅᕐᑎ ᓄᑖᓂᒃ ᒥᓂᔅᑕᓄᑦ ᑐᒡᓕᕆᔭᐅᓂᐊᖅᑐᓂᒃ ᑎᒃᑯᐊᖅᓯᕗᖅ
ᔨᒥ ᐅᓈᓕᒃ ᐃᖅᑲᓇᐃᔮᖅᑖᖅᐳᖅ ᖁᑦᑎᖕᓂᖅᐹᒥ ᐊᐅᓚᑦᑎᓂᕐᒥᒃ ᐊᒻᒪ ᒐᕙᒪᓕᕆᓂᕐᒧᑦ; ᑕᐃᕕᑦ ᑯᓄ ᐊᖓᔪᖅᑳᖑᓂᐊᓯᔪᖅ ᐱᕙᓪᓕᐊᔪᓕᕆᓂᕐᒥᒃ ᐊᒻᒪ ᐃᖏᕐᕋᔾᔪᑎᓕᕆᓂᕐᒥᒃ
ᐸᐅᓗᓯ ᐊᕿᐊᕈᖅ, ᐊᔾᔨᙳᐊᕐᒦᑦᑐᖅ ᑐᓴᒐᒃᓴᓕᕆᑎᓪᓗᒋᑦ ᔭᓄᐊᕆ 27-ᒥ, ᒪᕐᕉᖕᓂ ᓄᑖᖕᓂ ᒥᓂᔅᑕᓄ ᑐᒡᓕᕆᔭᐅᓂᐊᖅᑐᓂᒃ ᑕᐃᓯᕗᖅ, ᐅᕘᓇᓕ ᑐᓴᒐᒃᓴᓕᐊᕆᔭᐅᔪᑎᒍᑦ ᒐᕙᒪᒃᑯᓐᓂ. (ᐊᔾᔨᓕᐅᕆᔨ ᑕᐃᕕᑦ ᕕᐊᓐ)
For an English version of this story, see Premier appoints new deputy ministers
ᒪᕐᕉᒃ ᓄᑖᒃ ᒥᓂᔅᑕᒧᑦ ᑐᒡᓕᕆᔭᐅᓂᐊᓕᖅᑑᒃ ᓄᓇᕗᒥᑦ ᒐᕙᒪᒃᑯᓐᓂᒃ ᐃᓚᒋᔭᐅᓂᐊᖅᓕᖅᑑᒃ ᐱᓇᓱᐊᕈᓯᕐᓂᒃ ᐊᒡᒋᖅᑐᓂᒃ.
ᐱᕙᓪᓕᐊᔪᓕᕆᔨᒃᑯᑦ ᐊᒻᒪ ᐃᖏᕐᕋᔾᔪᑎᓕᕆᔨᒃᑯᑦ ᒥᓂᔅᑕᒧᑦ ᑐᒡᓕᕆᔭᐅᓚᐅᕐᑐᖅ ᔨᒥ ᐅᓈᓕᒃ ᐃᓇᖏᕐᓯᓂᐊᓕᕐᑐᖅ ᕗᔾᔨᓂᐊ ᒥᐅᓐᔅᒥ ᐃᒪᐃᑦᑐᙳᕐᓗᓂ ᒥᓂᔅᑕᒧᑦ ᑐᒡᓕᕆᔭᐅᓕᕐᓗᓂ ᒐᕙᒪᓕᕆᔨᒃᑯᓐᓄᑦ, ᑐᓴᒐᒃᓴᓕᐊᕆᔭᐅᔪᑎᒍ ᓴᖅᑭᑕᐅᓂᑯ ᔭᓄᐊᕆ 28-ᒥ ᐅᕙᙵᑦ ᓯᕗᓕᐅᕐᑎᐅᑉ ᑐᓴᒐᒃᓴᓕᕆᔨᖓᓂᒃ, ᓯᒪ ᓴᕼᐋ ᔨᕆᕼᐃ.
ᑕᐃᕕᑦ ᑯᓄᖅ, ᐊᖓᔪᖅᑳᕆᔭᐅᓚᐅᕐᑐᖅ ᐊᐅᓚᑦᑎᓂᕐᒥᒃ ᓄᓇᕗᑦ ᑐᙵᕕᒃᑯᓐᓄᑦ, ᑎᒃᑯᐊᖅᑕᐅᓚᐅᕐᒪᑦ ᒥᓂᔅᑕᒧᑦ ᑐᒡᓕᕆᔭᐅᓂᐊᓕᕐᓗᓂ ᐱᕙᓪᓕᐊᔪᓕᕆᓂᕐᒧᑦ ᐊᒻᒪ ᐃᖏᕐᕋᔾᔪᑎᓕᕆᓂᕐᒧᑦ.
“ᑕᑯᓯᒪᒐᒃᑭᒃ ᑖᒃᑯᐊ ᐱᓕᕆᐊᖃᖅᑎᓪᓗᒋᑦ ᐊᒻᒪᓗ ᐃᖅᑲᓇᐃᔮᖏᑦᑎᒍᑦ ᐊᔪᕈᓐᓃᖅᓯᒪᑦᑎᐊᖅᖢᑎᒃ, ᓄᓇᕗᑦ ᓯᕗᓕᐅᕐᑎᖓ ᐸᐅᓗᓯ ᐊᕿᐊᕈᖅ ᐅᖃᓚᐅᕐᓯᒪᔪᖅ ᑐᓴᒐᒃᓴᑎᒍᑦ. ᐊᕿᐊᕈᖅ ᐃᓱᒪᓕᐅᕆᓚᐅᕐᓯᒪᖕᒥᔪᖅ ᐃᐅᕆ ᑕᕗᕉ ᐃᒡᓗᓕᕆᔨᕐᔪᐊᒃᑯᓐᓄᑦ ᐊᖓᔪᖅᑳᖑᓂᐊᕐᓗᓂ. ᑖᓐᓇ ᑎᒃᑯᐊᕐᓯᓂᖓ ᐊᖏᖅᑕᐅᔭᕆᐊᖃᕐᓂᐊᖅᑐᖅ ᑲᑎᒪᔨᓄᑦ.
ᑕᕗᕉ ᐊᕐᕌᒍᑦ 25 ᐅᖓᑖᓂ ᐃᒡᓗᓕᕆᓂᕐᒥᒃ ᐱᓕᕆᐊᖃᖅᓯᒪᔪᖅ, ᐱᓕᕆᖃᑎᖃᖅᓯᒪᓪᓗᓂ ᓄᓇᑦᓯᐊᕐᒥ ᐃᒡᓗᓕᕆᔨᕐᔪᐊᒃᑯᓐᓂᒃ ᐊᒻᒪᓗ ᐃᒡᓗᓕᕆᓂᕐᒧᑦ ᒥᓂᔅᑕᒧᑦ ᑐᒡᓕᕆᔭᐅᓂᑰᓪᓗᓂ ᓅᕙ ᓯᑰᓯᐊᒥ, ᑐᓴᒐᒃᓴᐃᑦ ᐅᖃᖅᓯᒪᓚᐅᕐᒥᔪᑦ.
(0) Comments