ᓴᐃᒻᒪᖃᑎᒌᖕᓂᕐᒧᑦ ᑲᑎᒪᔨᖏᓐᓄᑦ ᐱᖁᔭᒃᓴᖅ ‘ᐱᕙᓪᓕᐊᑎᑕᐅᖃᑎᖃᖅᓯᒪᙱᓚᖅ’ ᐃᓄᖕᓂ, ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓ ᐅᖃᖅᐳᖅ

ᐆᐱᑦ ᐊᑎᓕᐅᕆᔾᔮᙱᑦᑐᖅ ᒪᓕᒐᕐᒥ; ᐅᖃᐅᓯᖃᖅᐳᖅ ᓄᑖᖑᔪᒥ ᐊᖏᖃᑎᒌᖕᓂᐅᔪᒥ ᑐᙵᕕᐅᔪᓂ ᐋᑐᕚᒥ

ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓ ᓇᑖᓐ ᐆᐱᑦ ᐅᖃᓪᓚᒃᐳᖅ ᑐᓴᒐᒃᓴᓕᐅᕐᓂᕐᒥ ᑎᓯᐱᕆ 2−ᒥ ᑲᓇᑕᐅᑉ ᒪᓕᒐᓕᐅᕐᕕᖓᑕ ᑲᑎᒪᕕᒡᔪᐊᖓᑕ ᓯᓚᑖᓂ ᒥᓂᔅᑕ ᑯᐃᓐᒧᑦ−ᓄᓇᖃᖅᑳᖅᓯᒪᔪᓄᑦ ᐱᓕᕆᓂᐅᔪᒥ ᒫᒃ ᒥᓗᕐ ᓈᓚᒃᑎᓪᓗᒍ. (ᔨᐊᕝ ᐱᓕᑦᑎᐊᐃ ᐊᔾᔨᖁᑎᖓ)

By ᔨᐊᕝ ᐱᓚᑦᑎᐊᐃᒧᑦ
ᓄᓇᓕᖕᓂ ᑐᓴᒐᒃᓴᓕᕆᓂᕐᒧᑦ ᐱᒋᐊᕈᑕᐅᔪᒧᑦ ᑐᓴᒐᒃᓴᓕᐅᖅᑎ

For English version, see Reconciliation council bill not ‘co-developed’ with Inuit, ITK president says

ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓ ᓇᑖᓐ ᐆᐱᑦ ᐅᖃᖅᐳᖅ ᒐᕙᒪᑐᖃᒃᑯᓐᓂ ᐱᖁᔭᒃᓴᖅ ᓴᖅᑭᑎᑦᑎᓂᕐᒥ ᑲᓇᑕᒥ ᑲᑎᒪᔨᐅᔪᓂ ᓴᐃᒻᒪᖃᑎᒌᖕᓂᕐᒧᑦ “ᐱᕙᓪᓕᐊᑎᑕᐅᖃᑎᖃᖅᓯᒪᙱᓚᖅ” ᐃᓄᖕᓂ, ᐊᒻᒪ ᐊᑎᓕᐅᖅᑕᐅᓯᒪᙱᓚᖅ ᑲᑐᔾᔨᖃᑎᒌᖓᓐᓂ.

ᐱᖁᔭᒃᓴᖅ C-29 ᐊᓂᒍᓚᐅᖅᐳᖅ ᐊᔾᔨᒌᙱᑦᑐᒥ ᓂᕈᐊᖅᑐᓂ ᑲᓇᑕᐅᑉ ᒪᓕᒐᓕᐅᕐᕕᖓᑕ ᑲᑎᒪᕕᒡᔪᐊᖓᑕ ᑎᓯᐱᕆ 1−ᒥ ᐊᒻᒪ ᒫᓐᓇ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᓃᓕᖅᐳᖅ. ᓴᖅᑭᑎᑦᑎᓇᔭᖅᐳᖅ ᑲᓇᑕᒥ ᑲᑎᒪᔨᐅᔪᓂ ᓴᐃᒻᒪᖃᑎᒌᖕᓂᐅᔪᒧᑦ, “ᐃᒻᒥᒃᑰᖅᑐᒥ, ᑲᑎᒪᔨᐅᙱᑦᑐᓄᑦ, ᐃᓕᓯᒪᐃᓐᓇᕐᓂᐊᖅᑐᒥ ᐊᒻᒪ ᓄᓇᖃᖅᑳᖅᓯᒪᔪᓄᑦ−ᐊᐅᓚᑕᐅᔪᒥ ᑲᑐᔾᔨᖃᑎᒌᖑᔪᒥ” ᐅᖓᕙᕆᐊᖅᓯᓂᕐᒥ ᓴᐃᒻᒪᖃᑎᒌᖕᓂᐅᔪᒥ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ,” ᐱᖁᔭᒃᓴᐅᑉ ᑎᑎᕋᖅᓯᒪᓂᖓ ᐅᖃᖅᓯᒪᕗᖅ.

ᐅᓇ ᐱᖁᔭᒃᓴᖅ ᒪᓕᒃᐳᖅ ᐊᑕᐅᓯᐅᔪᒥ 94−ᓂ ᖃᐃᖁᔨᓂᐅᔪᓂ ᖃᓄᐃᓕᐅᕐᓂᕐᒧᑦ ᓱᓕᓂᕐᒧᑦ ᐊᒻᒪ ᓴᐃᒻᒪᖃᑎᒌᖕᓂᐅᔪᒥ ᑭᓪᓕᓯᓂᐊᖅᑎᒃᑯᑦ 2015−ᒥ ᐅᓂᒃᑳᓕᐊᖓᓐᓂ.

“ᐱᓕᕆᓂᐅᔪᓂ ᑲᓇᑕᒥ ᒐᕙᒪᒃᑯᑦ ᐊᑐᖅᓯᒪᔭᖓᓐᓂ ᑎᑭᐅᑎᓂᕐᒧᑦ ᐃᓂᐅᔪᒥ ᓯᕗᓪᓕᖅᐹᖑᔪᒥ ᐅᖃᐅᓯᐅᓂᐅᔪᒥ ᐱᖁᔭᒃᓴᒧᑦ ᐱᕙᓪᓕᐊᑎᑕᐅᖃᑎᖃᖅᓯᒪᙱᓚᖅ ᐃᓄᖕᓄᑦ,” ᐆᐱᑦ ᐅᖃᓚᐅᖅᐳᖅ ᑎᓯᐱᕆ 2−ᒥ ᑐᓴᒐᒃᓴᓕᐅᕐᓂᕐᒥ ᑲᓇᑕᐅᑉ ᒪᓕᒐᓕᐅᖅᑎᖏᓐᓄᑦ ᐃᒡᓗᖁᑎᖓᓂ.

“ᐅᓇ ᐃᓚᖓ ᒪᓕᒐᕐᒥ ᐱᕙᓪᓕᐊᖃᑎᒋᔭᐅᓚᐅᕈᓂ 2017−ᒥ ᐅᕝᕙᓘᓐᓃᑦ 2018−ᒥ, ᓯᕗᓪᓕᖅᐹᒥ ᐃᒧᒪᒃᓴᖅᓯᐅᕆᓂᕐᓂ ᐆᒪᙵᑦ ᐱᖁᔭᒃᓴᒥ ᐅᖃᐅᓯᐅᓕᖅᑎᓪᓗᒋᑦ, ᐅᒃᐱᕈᓱᙱᓚᖓ ᐅᕙᓂ ᖃᓄᐃᓐᓂᐅᔪᒥ ᐅᖃᓪᓚᖃᑎᖃᕆᐊᖃᕋᔭᕐᓂᑦᑎᓐᓂ.”

ᐆᐱᑦ ᐅᖃᓪᓚᓚᐅᖅᐳᖅ ᓴᓂᐊᓂ ᒫᒃ ᒥᓗᕐ, ᒐᕙᒪᑐᖃᒃᑯᑦ ᒥᓂᔅᑕᖓᓂ ᑯᐃᓐᒧᑦ−ᓄᓇᖃᖅᑳᖅᓯᒪᔪᓄᑦ ᐱᓕᕆᓂᐅᔪᒥ, ᓯᕗᓂᐊᓂ ᑲᓇᑕᐅᑉ ᒪᓕᒐᓕᐅᕐᕕᖓᑕ ᑲᑎᒪᕕᒡᔪᐊᖓᓂ.

ᒥᓗᕐ ᑲᒪᒋᔭᖃᓚᐅᖅᐳᖅ ᐱᖁᔭᒃᓴᖅ C-29−ᒥ ᓯᕗᓪᓕᖅᐹᒥ ᓴᖅᑭᑕᐅᓚᐅᖅᑎᓪᓗᒍ. ᐃᓱᒪᒋᓇᒍ ᐆᐱᑦ ᐊᑭᕋᖅᑐᕐᓂᖓᓂ ᐃᓚᖏᓐᓄᑦ ᐃᓱᒪᒋᔭᐅᓂᐅᔪᓂ ᒪᓕᒐᒃᓴᒧᑦ, ᒥᓗᕐ ᑕᑯᒃᓴᐅᑎᑦᑎᓚᐅᖅᐳᖅ ᑐᑭᓯᐅᒪᓂᒐᓛᖑᔪᒥ ᐊᒻᒪ ᐅᖃᓚᐅᖅᐳᖅ ᒪᑐᐃᖓᓂᖃᕐᓂᐊᕐᓂᖓᓂ ᐱᐅᓯᒋᐊᕈᑕᐅᔪᓂ ᒪᓕᒃᑐᒥ ᐱᓕᕆᓂᐅᔪᒥ ᒪᓕᒐᓕᐅᕐᓂᕐᒧᑦ ᐱᓕᕆᓂᐅᔪᒥ.

“ᒪᑐᐃᖓᓪᓚᕆᖕᓂᐊᖅᐳᒍᑦ ᐱᔾᔪᑎᖃᖅᑎᐊᖅᑐᓂ ᐃᓚᒋᐊᕈᑕᐅᔪᓂ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᖏᓐᓂ,” ᒥᓗᕐ ᐅᖃᓚᐅᖅᐳᖅ.

ᐆᐱᑦ ᐊᒻᒪ ᒥᓗᕐ ᐅᖃᓪᓚᓚᐅᖅᐳᑦ ᑎᓯᐱᕆ 2−ᒥ ᐅᖃᐅᓯᖃᕐᓂᕐᒥ ᑎᑎᕋᖅᓯᒪᓂᐅᔪᒥ ᐃᓄᖕᓄᑦ ᐊᒻᒪ ᑯᐃᓐᒧᑦ ᐱᕙᓪᓕᐊᖃᑎᒌᖕᓂᐅᔪᒥ ᑐᙵᕕᐅᔪᓂ

ᑐᕌᖓᓇᓱᐊᖅᑐᒥ ᐅᖃᐅᔾᔨᓂᕐᒥ ᒐᕙᒪᑐᖃᒃᑯᑦ ᒪᓕᒃᓴᐅᔪᒥ ᐊᒻᒪ ᐊᑐᐊᒐᕐᓂ, ᑐᙵᕕᐅᔪᑦ ᐃᓚᖃᖅᐳᖅ ᐅᖃᐅᓯᐅᓂᐅᔪᓂ ᑲᑐᔾᔨᖃᑎᒌᖕᓂᐅᔪᒥ, ᓴᐳᔾᔨᓯᒪᓂᕐᒥ ᐊᒻᒪ ᐃᒃᐱᒍᓱᑦᑎᐊᕐᓂᕐᒥ ᐃᓄᐃᑦ ᐱᔪᓐᓇᕐᓂᕆᔭᖏᓐᓂ ᐊᒻᒪ ᐱᓕᕆᓂᕐᒥ ᓱᓕᑦᑎᐊᕐᓂᐅᔪᒥ.

“ᐋᖅᑭᒃᓱᐃᓂᐊᖅᐳᑦ ᐃᑲᔫᑎᐅᔪᒥ, ᐄᖑᕐᔪᐊᖅᑐᖅ, ᖃᓄᖅ ᐱᕙᓪᓕᐊᑎᑦᑎᔪᓐᓇᕐᓂᑦᑎᓐᓂ ᒪᓕᒐᐅᔪᓂ,” ᒥᓗᕐ ᐅᖃᓚᐅᖅᐳᖅ.

ᐆᐱᑦ ᐅᖃᓚᐅᖅᐳᖅ ᓂᕆᐅᒃᐳᖅ ᑕᑯᓂᐊᕐᓂᕐᒥ ᑐᙵᕕᐅᔪᓂ ᐅᖃᐅᔾᔨᓂᖓᓐᓂ ᓯᕗᓂᒃᓴᒥ ᒪᓕᒐᒃᓴᐅᔪᓂ ᐊᑐᐊᒐᐅᔪᓂ ᐃᓄᐃᑦ ᓄᓇᖓᓐᓂ ᓴᖅᑭᑎᑕᐅᖏᓐᓇᕐᓂᖏᓐᓂ ᓯᕗᓂᒃᓴᐅᔪᒥ.

“ᐅᓇ, ᐃᓱᒪᕗᖓ, ᐱᐅᕗᖅ ᒫᓐᓇᐅᔪᒥ ᑕᑯᒃᓴᐅᑎᑦᑎᓂᕐᒥ ᐃᓱᒪᒋᓇᒍ ᐊᒃᓱᕈᕈᑕᐅᔪᓂ ᐱᓯᒪᔭᑦᑎᓐᓂ ᐃᓂᐅᔪᓂ, ᐃᓛᓐᓂᓚᐅᓱᖓᖅ, ᐃᓱᓕᑦᑎᔾᔮᙱᓐᓂᖓᓂ ᐱᓕᕆᖃᑎᒋᓂᑦᑎᓐᓂ ᐅᕝᕙᓘᓐᓃᑦ ᓱᒃᑲᐃᒡᓕᒋᐊᖅᓯᓂᕐᒥ ᐱᓕᕆᓂᐅᔪᒥ ᐱᓕᕆᖃᑎᒋᕙᒃᑕᑦᑎᓐᓂ,” ᐆᐱᑦ ᐅᖃᓚᐅᖅᐳᖅ.

ᓗᐊᕆ ᐃᓪᓚᐅᑦ, NDP−ᑯᓐᓄᑦ ᑲᓇᑕᐅᑉ ᒪᓕᒐᓕᐅᖅᑎᖏᓐᓄᑦ ᐃᓚᒋᔭᐅᔪᖅ ᓄᓇᕗᒻᒥ ᐊᒻᒪ ᐃᓚᒋᔭᐅᔪᒥ ᑲᓇᑕᐅᑉ ᒪᓕᒐᓕᐅᕐᕕᖓᑕ ᑲᑎᒪᕕᒡᔪᐊᖓᑕ’ ᓄᓇᖃᖅᑳᖅᓯᒪᔪᓄᑦ ᐊᒻᒪ ᐅᑭᐅᖅᑕᖅᑐᒥ ᐱᓕᕆᓂᐅᔪᒥ ᑲᑎᒪᔨᕋᓛᖑᔪᓄᑦ, ᐅᖃᓚᐅᖅᐳᖅ ᖁᒃᓴᓪᓚᓚᐅᖅᐳᖅ ᐃᓄᐃᑦ ᑕᐱᕇᑦ ᑲᓇᑕᒥ ᐃᓂᒋᔭᖓᓂ C-29−ᒧᑦ. ᐱᖁᔭᒃᓴᖅ ᐅᕘᓈᖅᑎᓪᓗᒍ ᑲᓇᑕᐅᑉ ᒪᓕᒐᓕᐅᕐᕕᖓᑕ ᑲᑎᒪᕕᒡᔪᐊᖓᓂ, ᐆᐱᑦ ᐅᖃᓪᓚᓚᐅᖅᐳᖅ ᑕᐃᒃᑯᓄᖓ ᑲᑎᒪᔨᕋᓛᖑᔪᓄᑦ ᐱᓗᐊᖅᑐᒥ ᑕᐃᔅᓱᒧᖓ ᒪᓕᒐᓕᐊᒃᓴᒧᑦ.

ᐃᓱᒪᒋᓇᒍ, ᐃᓪᓚᐅᑦ ᐅᖃᓚᐅᖅᐳᖅ ᑐᙵᓱᒃᑎᑦᑎᕗᖅ ᑐᙵᕕᐅᔪᓂ ᐱᐅᓯᒋᐊᖅᑎᑦᑎᔪᓂ ᐃᓄᐃᑦ ᐱᓕᕆᖃᑎᒌᖕᓂᐅᔪᓂ ᒐᕙᒪᐅᔪᒥ, ᐊᒻᒪ ᑐᙵᓱᒃᑎᑦᑎᓇᔭᖅᐳᖅ “ᐱᔾᔪᑎᖃᑦᑎᐊᖅᑐᓂ ᐃᓚᒋᐊᕈᑕᐅᔪᓂ” C-29−ᒧᑦ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᖏᓐᓂ.

“ᓂᕆᐅᖕᓂᐅᔪᑦ ᑲᑎᒪᔨᐅᔪᓄᑦ ᑯᑦᑎᖕᓂᐊᖅᐳᑦ,” ᐃᓪᓚᐅᑦ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ.

“ᐱᒻᒪᕆᐅᓂᐊᖅᐳᖅ ᑐᓵᖏᓐᓇᕐᓂᕐᒥ ᖃᓄᖅ ᐱᖁᔭᒃᓴᖅ ᐱᐅᓯᒋᐊᖅᑕᐅᔪᓐᓇᕐᓂᖓᓂ.”

Share This Story

(0) Comments