ᔫᓇᐃᑕᑦ ᓇᐃᓴᓐᔅ ᑕᐃᓯᕗᑦ 2019 ᐊᕐᕌᒎᓂᐊᕐᓂᖓᓂᒃ ᓄᓇᖃᖅᑳᖅᑐᑦ ᐅᖃᐅᓯᖏᓐᓄᑦ
“ᐊᑑᑎᖃᒻᒪᕆᒃᑲᓗᐊᖅᑎᓪᓗᒋᑦ, ᐅᖃᐅᓰᑦ ᓄᓇᕐᔪᐊᕐᒥᑦ ᐊᓯᐅᕙᓪᓕᐊᕗᑦ ᓱᒃᑲᔪᐊᓗᖕᒥᑦ”
ᔫᓇᐃᑕᑦ ᓇᐃᓴᓐᔅ (UN) ᐊᕐᕌᒍᖓ 2019 ᐋᕿᒃᑕᐅᓯᒪᓇᓱᒃᑐᖅ ᓴᐳᔾᔨᓯᒪᒐᓱᖕᓂᖅ, ᐱᒋᐊᖅᑎᑦᑎᒃᑲᓐᓂᕐᓂᕐᒥᒃ ᐊᒻᓴ ᓴᕿᑎᑦᑎᒋᐊᕐᓂᕐᒥᒃ ᐊᑐᖅᑕᐅᓂᖓ ᓄᓇᕐᔪᐊᕐᒥᑦ 7,000 ᓄᓇᖃᖅᑳᖅᑐᑦ ᐅᖃᐅᓯᖏᓐᓂᒃ—2,680 ᐃᓱᒪᒋᔭᐅᔪᑦ ᐊᓯᐅᑐᐃᓐᓇᕆᐊᖃᕐᓂᖏᓐᓂᒃ. ᐅᕙᓂᓕ, ᐃᓅᓱᒃᑐᖅ ᓄᓇᕗᒻᒥᐅᑕᖅ ᐃᓕᓐᓂᐊᖅᑐᖅ ᐱᓇᓱᐊᕈᓯᐅᑉ ᐅᓪᓗᖏᓐᓂᒃ ᐃᓄᐃᓐᓇᖅᑐᓐ. (ᐊᔾᔨᙳᐊᖅ ᓄᓇᕗᑦ ᒐᕙᒪᒃᑯᓐᓂᑦ)
Find an English version of this story here: UN names 2019 as international year of Indigenous languages
ᔫᓇᐃᑕᑦᓇᐃᓴᓐᔅ ᑕᐃᓯᕗᑦ 2019 ᐊᕐᕌᒎᓂᐊᕐᓂᖓᓂᒃ ᓄᓇᖃᖅᑳᖅᑐᑦᐅᖃᐅᓯᖏᓐᓄᑦ.
ᔫᓇᐃᑕᑦ ᓇᐃᓴᓐᔅ ᓂᕈᐊᖅᖠᖃᑦᑕᕐᒪᑕ ᐊᔾᔨᒌᖏᑦᑐᓂᒃ ᐊᕐᕌᒍᑕᒫᑦ ᐅᔾᔨᕈᓱᓕᖅᑎᑦᑎᓇᓱᖕᓂᕐᒥ ᓄᓇᕐᔪᐊᕐᒥᐅᓂᒃ ᐊᒃᑐᐊᓂᖃᖅᐸᒃᑐᓂᒃ.
ᑕᒪᐅᓇᓕ, ᔫᓇᐃᑕᑦ ᓇᐃᓴᓐᔅ (UN) ᐊᕐᕌᒍᖓ 2019 ᐋᕿᒃᑕᐅᓯᒪᓇᓱᒃᑐᖅ ᓴᐳᔾᔨᓯᒪᒐᓱᖕᓂᖅ, ᐱᒋᐊᖅᑎᑦᑎᒃᑲᓐᓂᕐᓂᕐᒥᒃ ᐊᒻᓴ ᓴᕿᑎᑦᑎᒋᐊᕐᓂᕐᒥᒃ ᐊᑐᖅᑕᐅᓂᖓ ᓄᓇᕐᔪᐊᕐᒥᑦ 7,000 ᓄᓇᖃᖅᑳᖅᑐᑦ ᐅᖃᐅᓯᖏᓐᓂᒃ—2,680 ᐃᓱᒪᒋᔭᐅᔪᑦ ᐊᓯᐅᑐᐃᓐᓇᕆᐊᖃᕐᓂᖏᓐᓂᒃ.
“ᐅᖃᐅᓰᑦ ᐊᑐᖅᑕᐅᙱᓐᓇᐅᔭᖅᐳᑦ ᖃᐅᑕᒫᑦ ᐃᓅᓯᒃᑯᑦ, ᐅᓴᐅᒪᔾᔪᑎᑐᐃᓐᓇᐅᙱᖢᓂ, ᐃᓕᓐᓂᐊᕈᑎᒃᓴᖅ, ᐃᓅᖃᑎᒌᖕᓂᕐᒧᑦ ᐊᒻᒪ ᐱᕙᓪᓕᐊᓂᕐᒧᑦ, ᑭᓯᐊᓂᓕ ᓇᓗᓇᐃᒃᑯᑎᐅᓪᓗᓂ ᐃᓅᑉ ᖃᓄᐃᓐᓂᖓᓄᑦ, ᐃᓕᖁᓯᖓᓄᑦ, ᐱᖅᑯᓯᖓᓄᑦ ᐊᒻᒪ ᐃᖅᑲᐅᒪᓂᒃᑯᑦ,” ᔫᓇᐃᑕᑦ ᓇᐃᓴᓐᔅ ᑐᓴᒐᒃᓴᑎᒍᑦ ᐅᖃᓚᐅᕐᑐᑦ.
“ᑭᓯᐊᓂᓕ ᐊᑑᑎᖃᒻᒪᕆᒃᑲᓗᐊᖅᖢᑎᒃ, ᐅᖃᐅᓰᑦ ᓄᓇᕐᔪᐊᕐᒥ ᐊᓯᐅᕙᓪᓕᐊᕗᑦ ᓱᑲᔪᐊᓗᖕᒥᑦ.”
50-ᐅᒪᑕ ᓄᓇᖃᖅᑳᖅᑐᓄᑦ ᐅᖃᐅᓰᑦ ᓄᓇᕐᔪᐊᕐᒥ ᐅᑭᐅᕐᑕᖅᑐᖓᓃᑦᑐᓂᒃ.
ᐃᓄᒃᑐᑦ—ᐅᖃᐅᓯᖅ ᐊᑐᖅᑕᐅᕙᒃᑐᖅ ᐊᔾᔨᒌᙱᑦᑑᑎᑦ ᐃᓄᒃᑐᑦ ᐅᖃᐅᓯᕆᔭᐅᔪᓂᒃ ᑲᓇᑕᒥᑦ ᑎᓴᒪᓂᒃ ᐊᕕᒃᑐᕐᓯᒪᓂᒃᑰᖓᔪᓂᒃ—ᐊᔾᔨᒌᙱᑦᑑᑎᐅᓪᓗᑎᒃ ᐊᕕᒃᑐᕐᓯᒪᓂᒃᑰᖓᓂᒃᑯᑦ.
ᐃᓄᒃᑐᑦ ᐊᑐᖅᑕᐅᓂᕐᓴᐅᕙᒃᑐᑦ ᑯᐸᐃᒃ ᓄᓇᕕᐊᓂᒃ, ᑕᒫᓂ 99 ᐳᓴᓐᑏᑦ ᐃᓄᐃᑦ ᐅᖃᕐᓯᒪᓪᓗᑎᒃ ᐃᓄᒃᑐᑦ ᐅᖃᓪᓚᖃᑦᑕᕐᓂᖏᓐᓂᒃ, ᐅᑯᑎᒎᓇᕐᓕ ᓇᐃᓴᐃᔨᒃᑯᑦ ᑲᓇᑕᒥ ᑭᖑᓕᖅᐹᒥᑦ ᖃᐅᔨᓴᕈᑎᖏᑦᑎᒍᑦ, ᑭᓯᐊᓂᓕ ᑲᑕᒃᓯᒪᒻᒪᕆᒃᑐᖅ ᒪᐅᖓ 21 ᐳᓴᓐᑎ ᓂᐅᕙᐅᓐᓛᓐ ᐊᒻᒪ ᓛᐸᑐᐊᑉ ᓄᓇᑦᓯᐊᕗᖓᓂᒃ.
ᓄᓇᕗᒥᑦ, 89 ᐳᓴᓐᑎ ᐃᓄᐃᑦ ᐅᖃᕐᓯᒪᔪᑦ ᐅᖃᓪᓚᖃᑎᖃᖃᑦᑕᕐᓂᖏᓐᓂᒃ ᐃᓄᒃᑎᑐᑦ.
ᑭᓯᐊᓂᓕ 2017-ᒥᑦ ᐅᓂᒃᑳᓂ ᕿᒥᕐᕈᐊᓯᒪᔪᓂᒃ ᐅᖃᐅᓰᑦ ᐊᑐᖅᑕᐅᕙᖕᓂᖏᓐᓂᒃ ᓄᓇᕗᒥᑦ, ᖃᐅᔨᒍᑎᐅᓚᐅᕐᑐᖅ ᐃᓄᒃᑐᑦ ᐊᑐᖅᑕᐅᕙᖕᓂᖓ ᐊᖏᕐᕋᕆᔭᐅᔪᓂ ᑲᑕᒃᐸᓪᓕᐊᓂᖓᓂᒃ 12 ᐳᓴᓐᑎᒥᑦ ᐊᕐᕌᒍᑦ ᖁᓕᑦ ᐊᓂᒍᕌᖓᑦ. ᑕᒪᐅᓇᑦᑕᐃᓐᓇᖅ, ᓄᓇᕗᒥᑦ ᐃᓄᐃᑦ ᖃᓪᓗᓈᑎᑐᑦ ᐅᖃᓪᓚᖕᓂᕐᓴᐅᕙᒃᑐᑦ ᐊᖏᕐᕋᖏᓐᓂᒃ ᖁᕝᕙᖅᐹᓕᕐᓯᒪᓚᐅᕐᑐᖅ ᒪᐅᖓ 46 ᐳᓴᓐᑎ 2011-ᒥᑦ ᒫᙵᑦ 28.5 ᐳᓴᓐᑎ 1991-ᒥᑦ.
ᔫᓇᐃᑕᑦ ᓇᐃᓴᓐ ᓄᓇᕐᔪᐊᒥᑦ ᑕᐅᑐᒃᓯᒪᓂᕐᓴᐅᕗᑦ ᓄᓇᖃᖅᑳᖅᑐᑦ ᐅᖃᐅᓯᖏᓐᓂᒃ, ᐱᓕᕆᖃᑎᖃᕐᓂᒃᑯᑦ ᐅᑯᓂᖓ UNESCO, ᑕᒪᓐᓇ ᖃᐅᔨᔭᐅᒃᑲᓐᓂᖁᓪᓗᒍ ᖁᐊᕐᓵᕐᓇᕈᑎᐅᔪᖅ ᐊᒥᓱᓄᑦ ᓄᓇᖃᖅᑳᖅᑐᑦ ᐅᖃᐅᓯᖏᓐᓄ ᐊᒻᒪᓗ ᓴᕿᑎᑦᑎᕚᓪᓕᕐᓗᑎᒃ ᓄᓇᕐᔪᐊᕐᒥ ᐅᖃᐅᓯᓕᕆᓂᕐᒥᒃ.
ᑕᑯᒋᐊᕈᓐᓇᕐᑕᓯ ᔫᓇᐃᑕᑦ ᓇᐃᓴᓐᑯᑦ ᖃᕋᓴᐅᔭᒃᑯᑦ ᓴᕿᔮᒐᖓ ᐅᕙᓂ https://en.iyil2019.org.
ᔫᓇᐃᑕᑦ ᓇᐃᓴ ᐅᖃᒻᒪᕆᓚᐅᕐᓯᒪᙱᑦᑐᑦ ᑭᓱᒥ ᓴᕿᔮᖅᑎᑦᑎᓂᐊᕐᓂᖏᓐᓂᒃ 2018-ᒥᑦ.
2017-ᒥᑦ, ᔫᓇᐃᑕᑦ ᓇᐃᓴᓐ ᐅᔾᔨᕈᓱᒍᑎᖃᓚᐅᕐᑐᑦ ᓄᓇᕐᔪᐊᕐᒥᑦ ᐊᕐᕌᒎᓂᐊᕐᓂᖓᓂᒃ ᐳᓚᕋᖅᑐᓕᕆᓂᕐᒥᑦ ᐱᕙᓪᓕᐊᑎᑦᑎᓂᕐᒥᒃ; 2016 ᐊᕐᕌᒎᓚᐅᕐᑐᖅ ᓄᓇᕐᔪᐊᕐᒥᑦ ᑎᒡᓕᕐᓂᕐᓄᑦ ᐊᕐᕌᒎᓗᓂ.
Seriously? Juunaitat naisans? On an article about languages? Oh the irony! But that’s to be expected from this paper.