ᔭᔅᑎᓐ ᑐᕉᑑ ᖃᕋᓴᐅᔭᒃᑯᑦ ᐱᖓᓱᓄᑦ ᑲᓇᑕᒥ ᑎᐅᕆᑑᕆᓄᑦ ᐳᓛᖅᐳ

ᑲᓇᑕᒥ ᐊᔪᖅᑳᖅ ᓄᓇᕗᒥᑦ ᖃᐅᔨᒋᐊᕐᓂᖓᑦ ᑲᑎᖃᑎᖃᕈᑎᒋᓚᐅᕐᐸᖓ ᐊᕐᕕᐊᓂᑦ ᐃᓅᓱᒃᑐᓂᒃ ᐊᖑᓇᓱᖕᓂᕐᒥᒃ ᐱᓕᕆᐊᖃᖅᑐᓂᒃ

ᑲᓇᑕᒥ ᐊᖓᔪᖅᑳᖅ ᔭᔅᑎᓐ ᑐᕉᑑ ᑭᖑᓪᓕᖅᐹᒥ ᐃᖃᓗᖕᓃᓚᐅᕐᓯᒪᔪᖅ ᑕᐃᒪᐃᓕᖅᑎᓪᓗᒍ ᐊᕐᕌᓂ, ᒐᕙᒪᑐᖃᒃᑯᑦ ᓂᕈᐊᒐᒃᓴᐃᓂᕐᒧᑦ ᒪᓂᓴᑲᑕᒃᑎᓪᓗᒋᑦ. ᐱᓇᓱᐊᕈᓯᐅᓚᐅᕐᑐᒥᑦ ᐅᑭᐅᕐᑕᖅᑐᕐᒧᑦ ᖃᕋᓴᐅᔭᒃᑯᑦ ᐳᓚᕈᓐᓇᓚᐅᕐᑐᖅ. (ᐊᔾᔨᙳᐊᖁᑎᒋᔭᐅᔪᖅ)

By Andrea

For an English version of this story, see Justin Trudeau stages virtual tour of Canada’s three territories

ᑲᓇᑕᒥ ᐊᖓᔪᖅᑳᖅ ᔭᔅᑎᓐ ᑐᕉᑑ ᖃᕋᓴᐅᔭᒃᑯᑦ ᓴᖅᑭᔮᖅᖢᓂ ᐳᓚᕋᓚᐅᕐᑐᖅ ᐱᖓᓱᓄᑦ ᑎᐅᕆᑑᕆᓄᑦ ᑎᓴᒻᒥᖅ, ᐅᒃᑑᐱᕆ 15-ᒥᑦ. ᐅᓇ ᐃᓚᖃᓚᐅᕐᑐᖅ ᑲᑎᖃᑎᖃᖅᖢᓂ ᐃᓄᖕᓂ ᐱᓕᕆᐊᖅᑲᖅᑐᓂᒃ ᐃᓅᓱᒃᑐᓂᒃ ᐊᖑᓇᓱᖕᓂᕐᒧᑦ ᐱᓕᕆᐊᒥᑦ ᐊᕐᕕᐊᓂ.

“ᐊᐅᑦᑖᖑᒐᓗᐊᖅ, ᐅᑭᐅᕐᑕᖅᑐᕐᒥᑦ ᐳᓚᕋᕐᓂᖅ ᖁᕕᐊᓇᓗᐊᙱᓐᓂᕐᓴᖅ ᑕᐃᔅᓱᒪᓂᐅᓚᐅᕐᑐᒥᓪᓕ,” ᑐᕉᑑ ᐅᖃᓚᐅᕐᑐᖅ ᐅᖄᓚᐅᑎᒃᑯᑦ ᐋᑐᕚᒥ ᓄᓇᑦᓯᐊᕐᒥᑦ ᐱᕙᓪᓕᐊᔪᓄᑦ.

ᓯᕗᓕᐅᕐᑎ ᔫ ᓴᕕᑲᑖᖅ ᐊᒻᒪ ᐅᑭᐅᕐᑕᖅᑐᓕᕆᓂᕐᒧᑦ ᒥᓂᔅᑕ ᑖᓐ ᕚᓐᑐᓪ ᐃᓚᐅᓚᐅᕐᑐᑦ ᑲᑎᒪᑎᓪᓗᒋᑦ. ᐅᓇ ᑯᑭᒃ ᐸᐃᑯ. ᐊᐅᓚᑦᑎᔨ ᑐᑭᒧᐊᖅᑎᑦᑎᔨ ᐋᖅᑭᐅᒪᕝᕕᒃ ᑲᑐᔾᔨᖃᑎᒌᓄᑦ, ᑖᒃᑯᐊᓗ ᐊᐅᓚᑦᑎᔨᐅᓪᓗᑎᒃ ᐃᓅᓱᒃᑐᓂᒃ ᐊᓇᓱᖕᓂᕐᒧᑦ ᐱᓕᕆᐊᒃᓴᒥᑦ, ᐅᐸᒍᑎᓯᒪᓚᐅᕐᒥᔪᖅ ᐊᒻᒪᓗ ᐃᓅᓱᒃᑐᑦ ᐊᖑᓇᓱᒃᑏᑦ, ᐱᓕᕆᐊᒧᑦ ᐱᓕᕆᔩᑦ ᐊᒻᒪ ᐃᓐᓇᑐᖃᕐᒥᒃ.

ᐃᓅᓱᒃᑐᓂᒃ ᐊᖑᓇᓱᖕᓂᕐᒥ ᐱᓕᕆᐊᖑᔪᖅ “ᖃᓄᐃᓕᐅᕈᑎ “ᖁᕕᐊᒋᓇᔭᖅᑕᕗᑦ ᐃᑲᔪᕐᓗᑎᒍᑦ,” ᑐᕉᑑ ᐅᖃᖅᑐᖅ.

ᐅᓇ ᐱᓕᕆᐊᒃᓴᖅ ᑕᑯᔭᐅᖃᑦᑕᕐᓯᒪᓕᕐᑐᖅ ᐋᑐᕚᒥ, ᐃᓚᖃᖅᖢᓂ ᐃᑲᔫᑎᒃᓴᓂᒃ ᑐᓴᖅᑎᑦᑎᒍᑎᓂᒃ ᕕᕝᕗᐊᕆᒥ, ᐊᒻᒪᓗ ᑲᑎᒪᖃᑎᖃᑲᑕᖕᓂᒃᑯᑦ ᐊᐅᔭᐅᑎᓪᓗᒍ ᑭᒡᒐᖅᑐᐃᔨᓂᒃ ᐊᒻᒪ ᕚᓐᑐᒥ ᐊᒻᒪᓗ ᐊᖓᔪᖅᑳᓂᒃ ᐅᑯᓄᖓ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪ ᓄᓇᕗᑦ ᑐᙵᕕᒃᑯᓐᓄᑦ.

“ᐃᓄᒃᓯᐅᑎᓂᒃ ᐊᑐᐃᓐᓇᖃᕐᓂᖅ ᐱᐅᓂᕐᓴᒻᒪᕆᒃ ᓂᐅᕕᖅᑎᒃᑯᓐᓂᑐᐊᖅ ᓂᕿᑖᕋᓱᖃᑦᑕᕐᓂᕐᒥᒡᓕ ᐊᒻᒪ ᓂᕿᓂᒃ ᐅᑭᐅᕐᑕᖅᑐᕐᒧᐊᖅᑎᑦᑎᒐᓱᖕᓂᕐᒥᒃ,” ᐅᖃᓚᐅᕐᑐᖅ ᑐᕉᑑ.

ᑲᑎᒪᖃᑎᖃᑲᑕᖕᓂ ᐃᒪᐃᓕᖓᓂᕐᓴᐅᓚᐅᕐᑐᖅ ᑖᒃᑯᐊ ᐱᓕᕆᔨᒻᒪᕆᐅᔪᑦ ᑐᓵᑲᑕᒃᖢᑎᒃ ᐃᓄᖕᓂ ᐱᓕᕆᐊᖃᖅᑐᓂᒃ, ᐅᖃᖅᑐᖅ ᓴᕕᑲᑖᖅ.

“ᑲᒪᒻᒪᕆᒃᑐᖓ ᐊᒻᒪᓗ ᖁᕕᐊᓱᒃᖢᓇ ᐅᓇ ᑲᓇᑕᒧ ᐊᖓᔪᖅᑳᖅ ᖃᐅᔨᒪᓂᖓᓂᒃ ᐃᓅᓱᒃᑐᓂᒃ ᐊᖑᓇᓱᒃᑎᓂᒃ ᐊᕐᕕᐊᓂ,” ᓴᕕᑲᑖᖅ ᐅᖃᖅᑐᖅ. “ᑕᐃᑲᓂᕐᒥᐅᑕᐅᒐᒪ ᐊᒻᒪ ᑲᒪᓚᐅᕐᑐᖓ ᖃᕋᓴᐅᔭᒃᑯᑦ ᐳᓚᕋᕐᓂᐊᕐᓂᖓᓂᒃ.”

ᓴᕕᑲᑖᖅ ᐅᖃᓚᐅᕐᑐᖅ ᐅᖃᓚᐅᕐᓯᒪᓂᖓᓂᒃ ᑐᕉᑑᒧᑦ ᐱᕈᕐᓴᖅᑎᓪᓗᒍ ᐊᔪᕈᓐᓃᕐᓴᖅᑎᖃᓚᐅᕐᓯᒪᙱᓐᓂᖓᓂ ᓄᓇᐃᓐᓇᕐᒨᕆᐊᒃᓴᖅ ᑕᐃᒪᓕ ᐱᖃᓐᓇᕆᔭᒥᓂ ᐱᖃᑎᖃᖅᖢᓂ ᐊᐅᓪᓚᖃᑎᖃᖅᐸᒃᖢᓂ ᐊᒻᒪᓗᒎᖅ ᑕᒻᒪᕈᓘᔭᖅᐸᒃᖢᑎᒃ.

“ᐃᒪᓐᓇᓕ ᐊᔪᕐᓇᙱᓐᓂᕐᓴᐅᔪᖅ, ᐅᓗᕆᐊᓇᙱᓐᓂᕐᓇᐅᓪᓗᓂᓗ ᐊᒻᒪᓗ ᖃᐅᔨᒪᓇᕐᓂᕐᓴᐅᓪᓗᓂ ᑕᒻᒪᐅᑕᐅᔪᓐᓇᖅᑐᓂᒃ,” ᓴᕕᑲᑖᖅ ᐅᖃᓚᐅᕐᑐᖅ ᑲᓇᑕᐅᑉ ᐊᖓᔪᖅᑳᖓᓄᑦ. “ᐊᒻᒪ ᐅᖃᐅᑎᓪᓗᒍ, ‘ᑭᓇᑐᐃᓐᓇᖅ ᐃᓅᑯᑖᒍᓐᓇᙱᒻᒪ ᓇᖕᒥᓂᖅ ᑕᒻᒪᑕᐅᖏᓐᓂᒃ ᖃᐅᔨᕙᓪᓕᐊᓇᓱᒃᖢᓂ ᑕᐃᒪᓕ ᐱᐅᓂᕐᓴᐅᕗᖅ ᖃᐅᔨᕙᓪᓕᐊᓂᕐᒥᒃ ᐊᓯᖏᑦᑕ ᑕᒻᒪᖅᑕᕕᓂᖏᑦᑎᒍᑦ.”

ᑐᕉᑑ ᓴᐳᔾᔨᕗᖅ ᐊᑐᖅᑐᒃᓴᓂᒃ ᐊᑐᕐᓂᐊᕐᓂᕋᖅᓯᒪᓂᑯᓂᒃ

ᑐᕉᑑ ᐅᖃᓚᐅᕐᑐᖅ ᓂᕆᐅᖕᓂᕋᖅᖢᓂ ᑭᖑᓪᓕᕐᒥ ᐳᓛᓛᕐᓂᖓᓂᒃ ᓄᓇᕗᒥ, ᑭᓯᐊᓂᓕ ᑐᑭᓯᓯᒪᔪᖅ ᖃᓄᐃᒻᒪᑦ ᐃᖏᕐᕋᑲᑕᖕᓂᒃᑯᑦ ᐊᑐᕆᐊᖃᙱᑦᑐᖃᕐᓂᖓᓂᒃ, ᐊᒻᒪᓗ ᑕᒪᓐᓇ “ᐃᑲᔪᖅᑐᖅᖢᑎᒍᑦ ᐊᒻᒪ ᐃᑲᔪᕈᑎᒋᓯᒪᓪᓗᑎᒍᑦ.”

ᐃᓄᒋᐊᓗᐊᖅᑐᑦ ᐃᒡᓗᐃᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᒃᑯᑦ ᐱᔨᑦᑎᕋᐅᑎᖃᙱᓗᐊᕐᓂᖅ “ᐱᓕᕆᐊᖑᓯᒪᔪᑦ ᐊᑯᓂᐊᓗᒃ ᖃᐅᔨᒪᔭᕗᑦ,” ᑐᕉᑑ ᐅᖃᖅᑐᖅ.

“ᑭᓯᐊᓂᓕ ᓱᓕ ᐱᔭᒃᓴᖅᑕᖃᕐᔪᐊᕐᒪᓐ. ᐅᓇ ᓄᕙᒡᔪᐊᕐᓇᕐᒧᑦ ᐋᓐᓂᐊᖑᑲᑕᒃᑐᖅ ᐅᓗᕆᐊᓇᖅᑐᒻᒪᕆᐊᓗᒃ ᐅᑭᐅᕐᑕᖅᑐᕐᒧᑦ, ᑕᐃᒪᐃᓐᓂᖓᓄᓪᓗ ᑎᑭᑎᑦᑕᐃᓕᒪᓂᖓ ᐱᒻᒪᕆᐊᓘᕗᖅ.”

ᑐᕉᑑ ᓴᐳᔾᔨᓯᒪᓚᐅᕐᑐᖅ ᐊᑐᖅᑐᒃᓴᓂᒃ ᐊᑐᕐᓂᐊᕐᓂᕋᖅᓯᒪᔪᓂᒃ ᒐᕙᒪᖏᑦ ᐅᖃᕐᓯᒪᔭᖏᑦ ᐃᑲᔪᕋᓱᖕᓂᕐᒧᑦ ᓄᓇᕗᑦ ᐃᒡᓗᖃᙱᓗᐊᕐᓂᖓᓄᑦ.

“ᐱᓕᕆᓂᕐᓴᐅᔭᕆᐊᖃᕋᑦᑕ, ᑭᓯᐊᓂᓕᑦᑕᐅᖅ ᑕᒪᒃᑯᐊ ᑮᓇᐅᔭᑦ ᑐᓐᓂᖅᑯᑎᒋᕙᓪᓕᐊᔭᕗᑦ ᑕᒪᒃᑯᓄᖓ ᐊᑐᖅᑕᐅᕙᓪᓕᐊᒋᐊᒃᓴᖏᓐᓂᒃ ᖃᐅᔨᒪᔭᕆᐊᖃᕋᑦᑕ,” ᐅᖃᖅᑐᖅ.

ᓴᕕᑲᑖᖅ ᐅᖃᓚᐅᕐᑐᖅ ᖁᕕᐊᒋᔭᖃᓚᐅᕐᓂᕋᖅᑐᖅ ᓄᓇᕗᑦ ᑐᓐᓂᖁᓯᐊᕆᓚᐅᕐᑕᖓᓂᒃ ᐋᑐᕚᒥ ᓄᕙᒡᔪᐊᕐᓇᖅᒧᑦ ᐊᑐᕐᓂᐊᖅᑐᓂᒃ. ᐅᓇ ᐃᓚᖃᓚᐅᕐᑐᖅ ᐅᑭᐅᕐᑕᖅᑐᕐᒧᑦ ᐃᓚᒋᐊᕈᑎᓂᒃ, ᐅᓇ ᓇᓗᓇᐃᒃᑯᑎᒋᔭᐅᔪᖅ ᒐᕙᒪᑐᖃᒃᑯᓐᓂᒃ ᑕᒪᒃᑯᐊ ᑐᓐᓂᖅᑯᑎᐅᕙᒃᑐᑦ ᑐᑭᓯᔭᐅᓯᒪᓗᐊᙱᓐᓂᖏᓐᓂᒃ ᑎᐅᕆᑑᕆᓂᒃ ᐊᒻᒪ ᒥᑭᓐᓂᕐᓴᓂᒃ ᑲᒪᒋᔭᐅᕙᒃᑐᓂᒃ, ᐅᖃᖅᑐᖅ.

ᐅᓇ ᐃᓄᒋᐊᖕᓂᕐᒧᑦ ᑐᓂᔭᐅᓂᖅ ᐃᓱᒫᓘᑎᐅᖃᑦᑕᕐᓯᒪᔪᖅ ᐊᑯᓂᕈᓗᑦ ᐅᑭᐅᕐᑕᖅᑐᕐᒥᑦ ᓯᕗᓕᐅᕐᑎᓄᑦ.

ᓲᕐᓗ ᐃᒪᓐᓇ, ᓴᕕᑲᑖᖅ ᐅᖃᖅᑐᖅ, ᐅᓇ ᓯᕗᓪᓕᖅ ᓄᕙᒡᔪᐊᕐᓇᖅᒧᑦ ᐃᑲᔫᑎᒃᓴᖅ ᐅᕙᙶᓚᐅᕐᑐ $500 ᒥᓕᐊᓐᖑᓚᐅᕐᑐᖅ ᑲᑎᖢᑎᒃ ᐃᑲᔫᑎᒃᓴᓂᒃ, ᓄᓇᕗᒧᐊᖅᑐᖅ, ᒪᓕᒃᓯᒪᓪᓗᑎᒃ ᓄᓇᕗᑦ ᐃᓄᒋᐊᖕᓂᖓᓄᑦ   $516,000-ᖑᓚᐅᕐᓯᒪᔪᖅ. ᑖᓐᓇᓕ ᐋᖅᑭᒃᑕᐅᓯᒪᔪᖅ ᐋᑐᕚᒥᐅᑦ ᑐᖓᐅᑦᑎᓯᒪᓗᐊᕐᓂᖏᓐᓂᒃ ᓄᓇᕗᒧᐊᕆᐊᓕᖕᓂᒃ, ᓴᕕᑲᑖᖅ ᐅᖃᓚᐅᕐᑐᖅ.

ᓴᕕᑲᑖᖅ ᐅᖃᓚᐅᕐᑐᖅ ᓄᓇᕗᑦ ᐃᑲᔪᖅᑕᐅᒃᑲᓐᓂᕆᐊᖃᕐᓂᖏᓐᓂᒃ ᐅᓇ ᓄᕙᒡᔪᐊᕐᓇᖅ-19 ᐱᔾᔪᑎᐅᓪᓗᓂ ᒪᑯᓂᖓ ᐊᑭᓕᕐᓱᐃᔭᕆᐊᖃᕐᓂᕐᒥᒃ ᑐᔪᕐᒥᕕᖕᓂᑦ ᖃᓪᓗᓈᓃᑦᑐᓂᒃ ᐃᓄᑑᕝᕕᐅᑲᑕᒃᑐᓂᒃ.

“ᐃᑲᔪᖅᑕᐅᒍᓐᓇᓘᓐᓃᑦ ᐋᓐᓂᐊᕐᕕᓕᐊᕐᓯᒪᔪᓅᖓᔪᓄᑦ ᑕᐃᒪᓕ ᑕᒪᓐᓇ ᐃᑲᔪᕋᔭᒻᒪᕆᒃᑐ ᑮᓇᐅᔭᑎᒍᑦ,” ᐅᖃᖅᑐᖅ.

ᐃᓚᖃᖅᖢᓂ ᖃᕋᓴᐅᔭᒃᑯᑦ ᐳᓛᕐᓂᕐᒥᑦ ᐊᕐᕕᐊᓄᑦ, ᑐᕉᑑ ᐅᖃᖃᑎᖃᓚᐅᕐᒥᔪᖅ ᔫᑳᓐ ᔫᓂᕘᓯᑎᒥᐅᑕᓂᒃ ᐊᒻᒪᓗ ᑲᑎᒪᖃᑎᖃᖅᖢᓂ ᐃᒡᓗᓕᕆᓂᕐᒥᒃ ᓯᕗᓕᐅᕐᓂᒃ ᓄᓇᑦᓯᐊᕐᒥ.

Share This Story

(0) Comments

Join the Conversation

Your email address will not be published. Required fields are marked *

*