ᕿᑭᖅᑕᓂᒃᑯᑦ ᐃᓪᓗᓕᐅᕈᒫᖅᑐᑦ ᖁᑦᑎᑦᑐᒥ ᑲᓇᑕᒥ ᑮᓇᐅᔭᓂᒃ ᐱᓐᓂᖅᑲᑕ

For English version, see QIA’s plans to build homes in High Arctic depends on national funding

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᑐᕐᓂᐊᕐᓂᕋᖅᑐᖅ $12−ᒥᓂᐊᓂᒃ ᑖᒃᑯᓄᖓ $30-ᒥᓕᐊᓄᑦ ᐊᑭᑐᓗᐊᓐᖏᑦᑐᓂᑦ ᐅᓪᓗᓕᕐᐅᓗᑎᒃ ᑕᓪᓕᒪᓂᒃ ᖁᑦᑎᑦᑐᒥᑦ ᓄᓇᓕᓐᓂᑦ.

ᐃᒪᐃᓕᖓᒻᒪᑕ, ᐱᓕᕆᐊᖑᔪᑦ ᒪᓕᑦᑐᑦ ᓴᓂᕐᕙᖅᑕᐅᓂᖅᑲᑕ ᐊᓯᖏᑦ $18−ᒥᓕᐊᓂᒃ ᑲᓇᑕᒥ ᐃᓪᓗᓂᒃ ᓇᒻᒥᓂᖃᕐᓂᕐᒧᑦ ᐃᓪᓗᓕᕆᔨᕐᔪᐊᒃᑯᓄᓪᓗ ᐃᓪᓗᔅᓴᓄᑦ ᐱᓕᕆᐊᔅᓴᓄᑦ, ᑕᒪᓐᓇ ᐱᔭᕆᐊᑐᒐᓚᓐᓂᐊᐸᓪᓚᐃᔪᖅ, ᐅᖃᖅᑐᓂ ᒫᑎᐅ ᕼᐊᑉ, ᕿᑭᖅᑕᓂᒃᑯᑦ ᓯᕗᓕᖅᑎᖓ ᐃᖅᑲᓇᐃᔭᖅᑎᓄᑦ ᐊᐅᓚᔾᔪᑎᔅᓴᓄᑦ ᐱᕙᓪᓕᐊᓂᕐᒧᓪᓗ.

“ᑕᒪᓐᓇ ᖁᕕᐊᓇᓪᓚᕆᑦᑐᖅ ᕿᑭᖅᑕᓂᒃᑯᓐᓄ,” ᐅᖃᖅᑐᓂ ᕼᐊᒻᑉ.

ᑲᑎᒪᑎᓪᓗᒋᑦ ᒫᔾᔨ 30−ᒥ, ᕿᑭᖅᑕᓂᒃᑯᑦ ᐊᖏᖃᑎᒌᓚᐅᖅᑐᑦ ᑮᓇᐅᔭᓂᒃ ᐊᑐᕐᓂᐊᕐᖓᑕ $12−ᒥᓕᐊᓂᒃ ᓂᕆᐅᑦᑑᒐᓗᐊᑦ $30-ᒥᓕᐊᖑᓛᕆᐊᖏᑕ ᐃᓪᓗᓕᐅᕐᓗᑎᒃ 21−ᓂᒃ ᐃᑉᐱᐊᕐᔪᒻᒥ, ᒥᑦᑎᒪᑕᓕᒻᒥ, ᑲᖏᖅᑐᒑᐱᒻᒥ, ᖃᐅᓱᐃᑦᑐᒥ ᐊᐅᓱᐃᑦᑐᒥᓪᓗ.

ᓴᓂᕐᕙᐃᓗᑎᑦ $18−ᒥᓕᐊᓂᒃ ᑖᒃᑯᓇᓐᖓᑦ ᑲᓇᑕᒥ ᐃᓪᓗᓂᒃ ᓇᒻᒥᓂᖃᕐᓂᕐᒧᑦ ᐃᓪᓗᓕᕆᔨᕐᔪᐊᒃᑯᓄᓪᓗ (CMHG) ᑮᓇᐅᔭᖅᑖᕋᓱᐊᕐᓗᓂ ᐱᔭᕆᐊᑭᔾᔮᖏᑦᑐᖅ, ᕼᐊᒻᑉ ᐅᖃᖅᑐᓂ, ᑕᒪᓇ ᓱᒃᑲᓕᔪᐊᓘᒻᒪᑦ ᐃᓪᓗᓕᕆᓂᕐᒧᑦ ᐱᒋᐊᕈᑏᑦ ᑲᓇᑕᒥ ᐊᑭᑦᑐᕋᐅᑎᖃᑦᑕᕐᓂᖏᓐᓄᑦ. ᐊᒥᓱᓂᒃ ᑲᑐᔾᔨᔨᓂᒃ ᑐᔅᓯᕋᖅᓯᒪᔪᖃᖃᑦᑕᕐᖓᑕ ᖃᓪᓗᓈᓂᑦ ᐊᒻᒪᓗ ᐊᑐᐃᓐᓇᕐᓂᑦ ᑖᒃᑯᐊᑦᑕᐅ ᕿᑭᖅᑕᓂᒃᑯᑦ ᑕᐃᒫᒃ ᑐᔅᓯᕋᖅᓯᒪᒻᒪᑕ.

“ᐊᔅᓱᕈᓐᓇᕐᓂᐊᖅᑐᖅ ᐅᕙᑦᑎᓐᓄᑦ ᐱᓇᓱᐊᕐᓗᑎᒍ,” ᐅᖃᖅᑐᓂ.

ᐃᓪᓗᓕᐅᕋᓱᐊᕐᓗᓂ ᖁᑦᑎᑦᑐᒥᑦ ᕿᑭᖅᑕᓂᒃᑯᑦ ᑮᓇᐅᔭᓂᒃ ᐱᒃᑲᓐᓂᕆᐊᖃᖅᑐᑦ ᓄᓇᕗᑦ ᑐᓐᖓᕕᒃᑯᓐᓂ ᑕᐃᒪᐃᓐᓂᖓᓐᓄᑦ ᑲᑐᔾᔨᖃᒌᑦ ᐊᐅᓚᔾᔪᑎᔅᓴᓅᖓᔪᓂᒃ ᐱᓚᐅᖅᓯᒪᔪᑦ ᑮᓇᐅᔭᓂᒃ 2022−ᒥ, Hᐊᒻᑉ ᐅᖃᖅᑐᓂ.

ᑐᑭᖏᑦ ᐊᑭᑭᓇᓱᐊᖅᑐᑦ ᐃᓪᓗᐃᑦ ᕿᑭᖅᑕᓂᒃᑯᑦ ᐊᑐᖅᑕᖏᑦ ᑕᐃᑲᓐᖓᑦ ᑲᓇᑕᒥ ᐃᓪᓗᓂᒃ ᓇᒻᒥᓂᖃᕐᓂᕐᒧᑦ ᐃᓪᓗᓕᕆᔨᕐᔪᐊᒃᑯᓄᓪᓗ (CMHC), ᐃᓪᓗᐃᑦ ᐃᓱᒪᒋᔭᐅᒐᔭᖅᑐᑦ ᐊᑭᑭᓐᓂᖅᓴᐅᓪᓗᑎᑦ ᑮᓇᐅᔭᓂᒃ ᐊᑐᖅᓯᒪᔭᖏᓐᓂ ᖃᑦᑏᓇᐅᓂᖅᓴᐅᓗᑎᑦ 30%−ᒥᑦ ᐊᑭᓕᐅᑎᒥᓂᕐᓂᑦ ᐃᓪᓗᔅᓴᓄᑦ.

Hᐊᒻᑉ ᐅᖃᖅᑐᓂ ᕿᑭᖅᑕᓂᒃᑯᑦ ᐊᖏᖅᓯᖁᔨᓯᒪᒻᒪᑕ ᑮᓇᐅᔭᓂᒃ ᓱᒃᑲᓕᔪᐊᓗᓐᓂᑦ ᐃᓪᓗᓄᑦ ᐱᒋᐊᕈᑎᔅᓴᓂᒃ, ᑖᒃᑯᐊ ᑲᓇᑕᒥ ᐃᓪᓗᓂᒃ ᓇᒻᒥᓂᖃᕐᓂᕐᒧᑦ ᐃᓪᓗᓕᕆᔨᕐᔪᐊᒃᑯᓄᓪᓗ (CMHC) ᖃᐅᔨᒃᑲᐃᒐᔭᖅᑐᑦ ᐊᐃᐳᓘᑉ ᓄᓐᖑᐊᓂ, ᔪᓚᐃ 1−ᒥᐅᓐᖏᑦᑐᖅ. ᐅᐱᓐᓇᕋᓂ ᕿᑭᖅᑕᓂᒃᑯᑦ ᓴᓇᓕᕋᔭᕐᖓᑕ ᐅᑭᐅᖅᑕᖅᑐᒥ ᐱᕕᖃᕆᐊᖃᕐᖓᑕᓗ ᑎᑭᓴᐃᒋᐊᖃᕐᓂᖏᓐᓄᑦ ᐃᓪᓗᔅᓴᓂᒃ.

ᑲᔪᓯᑦᑎᐊᕐᓂᖅᑲᑦ, ᐃᓪᓗᐃᑦ ᓇᔪᑦᑕᐅᓕᕐᓗᑎᑦ 2024 ᓄᓐᖑᐊᓂ, ᕼᐊᒻᑉ ᐅᖃᖅᑐᓂ.

ᐊᐳᖅᑕᕈᑎᖃᖃᑦᑕᖅᑑᒐᓗᐊᑦ ᑮᓇᐅᔭᖅᑖᕋᓱᐊᕐᓗᓂ, ᕼᐊᒻᑉ ᐅᖃᖅᑐᓂ ᕿᑭᖅᑕᓂᒃᑯᑦ ᑲᔪᓯᓐᓂᖅᑲᑕ ᓯᕗᓂᑦᑎᓐᓂ ᐃᓪᓗᓕᐅᕈᑎᔅᓴᑲᓐᓂᕐᓂᑦ ᐱᒃᑲᓐᓂᕈᓐᓇᕋᔭᖅᑐᔅᓴᐅᔪᑦ.

“ᑐᐊᕕᖅᑐᐊᓘᓪᓗᑕ ᑲᒪᒐᓱᐊᖅᑐᒍᑦ,” Hᐊᒻᑉ ᐅᖃᖅᑐᓂ. “ᓂᕆᐅᒋᔭᖃᑦᑎᐊᖅᑐᒍᑦ ᓱᓕ.”